ابني ما بياكل شوو الحل - شبكة صحتك

ابني ما بياكل شوو الحل

جوجل بلس

ولادي مبياكلوش غير #بطاطس و #مكرونة 🤭

 

ولما بدخل #فراخ او #لحمة بيرفضوها 🤯

 

السن ؟! من سنتين لحد ٥ سنين 🤔

 

اوك خليكي فاكرة معايا الرقم دا ٥٥٣٢ ✋✋👌✌

 

مبدأيا خديها معلومة ، جسم طفلك بيحتاج #كاربوهيدرات بشكل اكبر من سن سنتين ولحد سن دخول للمدرسة ،و في الوقت دا ، اكل الطفل بيكون اقل في الكميات بسبب انخفاض #معدل_النمو .

 

و دي حاجة طبيعية لإن نمو جسم الانسان ليه معدلات و دا بيحصل علي طفرات في سنوات معينة و بعد كدة يهدي و بعدين ينمو تاني 🤩

 

يعني ابنك لو عدي يوم مكلش فيه كتير مش معني كدة انه مش هيكبر ، وبالتالي مش بنقيس الصحة بالأكل لإنه ممكن ياكل و يتخن لكن مش معني كدة انه كبر إطلاقا 👍

 

طيب ليه الطفل في السن دا محتاج كاربوهيدرات ؟! 😍

 

دا لإن النشويات لما بتتحرق في جسم الانسان بتطلع #جلوكوز و دا اللي بيمد #مخ الطفل بالغذاء اللي محتاجه عشان يساعده علي تنميه المهارات و التركيز و التحصيل العلمي او العملي فالمخ يكبر 🙂

 

يعني بإختصار من سن سنتين مخ الطفل اللي بيكبر مش جسمه وبالتالي هو محتاج ياكل كل يوم بمعدل ٥٥٣٢

 

٥ مرات كاربوهيدرات يوميا ✋

علي شكل رز ، باستا ، بيتزا ، خبز ، قمح ، شوفان ، بطاطس و غيرهم …

 

ومش معني انه محتاج للسكريات ان دي رخصة انه ياكل شوكولاته و سكر مكرر و تورتة و جاتوه ليل نهار مش دا نوع السكر المطلوب نهائي 👍

 

٥ مرات خضار او فاكهة ✋

علي شكل اي خضار و فاكهة بيحبهم موز ، تفاح ، بطيخ ، عنب ، خيار ، طماطم ، كيوي ، كله ينفع و بالتدريج ممكن يحب منهم كتير بس انتي متجبريهوش علي دا ولا تزعقي ولا تضربيه ،، اوعي 😣

 

٣ مرات منتجات البان 👌

زبادي ، لبن ، جبنة قريش و يفضل انك تقللي من الاجبان المليانة مواد حافظة و تشتري الانواع الصحية.

 

واخيراااا 👇

 

مرتين #بروتين 💚

 

طب ابني مش بياكل لحمة و فراخ 🤔

راجعي نفسك يا مامي و شوفي بتقدميله اللحمة و الفراخ ازاي !!

 

لإن الطفل مش بيحب

١. انك تقدمي اللحمة قطع كبيرة جدا و مطلوب منه يقطع و يصبر علي المضغ فترة طويلة جدا .

٢. قطعية اللحمة نفسها ممكن تكون خشنة او كبيرة مش بيعرف يبلعها .

٣. ممكن تكون دهنية جدا او زفرة و نفس الكلام ينطبق علي الفراخ .

 

طب الحل ؟! 😒

 

١. اشتري لحمة قطعتها ناعمة و سهلة البلع انتي نفسك تعرفي تاكليها ، ممكن تشتري مبدايا حاجة زي اللحمة المفرومة.

 

٢. الناجتس و البانية حلو لو اتعمل في البيت و سريع التحضير.

 

٣. الشاورمة تنفع سواء لحم او فراخ معمولة في البيت.

 

٤. البرجر المعمول في البيت حلو و لذيذ.

 

وقطع اللحمة او الفراخ حلوة لو هتعرفي تختاري نوع او قطعية سهلة الاكل 😍

 

وفي النهاية مينفعش نستسهل و نقول خلاص نجيب برجر و سوسيس و بانية جاهز و نعمله ، كمية المواد الحافظة و الالوان و السكريات كافية انها تضعف المناعة و مع الوقت مش هتعرفي تبدليها ب بروتين صحي 👍

 

و متنسيش #الأمومة_محتاجة_صبر 🤍

 

عرفي الرقم اللي قلتهولك فوق لكل مامي تعرفيها 😊

 

 

 

#👩🍼👼