#عادات_وتقاليد_رجل_شرقي_رفيف_كرم
#الجزء_الاول_التاني_تالت_رابع
—————————————–
اول مابنشوف اهلنا عم يعيشوا معاناة وساكتين بنقول مارح نكرر غلطهن او نكون مثلهم ضعاف بس العادات والتقاليد بتخلينا
نعيد حياة اهالينا ومعاناتهم ونفهم ظروفهم والاسباب اللي جبرتهم بس المشكلة مارح نعترف انو عم نعيد نفس التصرفات الخطأ كلوا رح ينعاد بس بطريقة جديدة كل وعودنا اللي وعدنا حالنا فيها بتروح مالها فايدة وحاولت أبعد عنها
يمكن حاولت اهرب وابعد بس كنت اسمع ستي تقول (المكتوب مامنو هروب )وهاد اللي صار معي
فتحت عيوني ع عالم كلوا قيود واوامر وعادات قديمة كتير في منها بتخوف وفيها منها مابترحم وعيت ع صراعات بينا وبين الضيعة الجنوبية ثار ودم كل سنة لازم يروحوا زينة الشباب من ورا شوية سخافات ومعتقدات ما بأمن فيها مابيتصير الصلح بينا وبين الضيعة الجنوبية إلا ليكون واصل دم للركب من كتر
القتل بين الضيعتين انقتلت بنات كثير بحجة الشرف بس بكون السبب اسخف من هيك بس لان كان غلطهن وحيد انها حبت ووثقت بالشب بس بكون دمهن راح ظلم من عقليات أهالي المتخلفة يمكن اللي كان سبب هاد الشي نقص تعليم والتوعية
اذا ولدت بنت جابت العار لأهلها ولحتى يضمنوا بناتهم مايعملوا شي بيختموهم وهاي طقوسها بشعة كتير
اهلي كان ضد هل عادات وهاي العادة بالذات اول ماولدنا انا و خواتي البنات وقف ابي بوجه كل عمامي مشان يحمينا مايتنفذ علينا هل العادة وينحكم علينا ظلم من نحنا وصغار طول وقت عايشين برعب ابي مابيطلع من البيت ليكون منبه أمي علينا و موصيها تنتبه منيح ..اول مابيتسكر باب الببت بنسمع صوت القفل باب علينا 3مرات صوت طقت القفل كنا عايشين برعب انو نوقع بين ايدين عمامنا بغياب ابي وخصوصي اذا كنت سفرتوا لمكان بعيد بس اللي خلصنا من هاد رعب جدي لما شاف تربيتنا واحترامنا لعمامنا رغم كل شي حاولوا يعملوه معنا كنت اقعد بحضنوا اضحك والعب بدقنوا الشايب وهو عم يحكيلي عن شبابوا لما بيسحر البنات كانت عليتنا كبيره جدي لما تجوز كان عمروا 16 وستي 13 جابت 6صبيان غير اللي ماتوا و9بنات. ..
المرأة بهل ضيعة مابتثبت وجودها ببيت جوزها غير اذا جابت الصبيان في مهلة قصيرة كتير لوجودها لانها ممكن تطلق ويرميها ببساطة او يتزوج عليها وهي لازم ضل من تم ساكت لاني ماجابت الصبي ابي شخص كبر بعيني كتير رغم كل ظروف صعبة اللي مر فيها وضعط جدي وستي عليه لحتى يتزوج مرة تاني مشان الصبي رفض كتير مع انو نحنا البنات الوحيدات بالعيلة لانو كل عمامي خلفتهم صبيان
والتفكير الرجعي اللي عند العيلة انو المرأة هي مسؤولة عن جنس ولد ورجال مالو علاقة ابدا بس الحمدلله ابي كان تفكيروا مختلف كتير كان واعي اكتر منهم وحاول يفهم اهلوا هل شي بس رفضوا
بعد فترة كنت عمري 15سنة حبلت امي وأخيرا جابت الصبي اللي صارت مشانوا حفلات كتيرة ابي كان رافضة فكرة الاحتفالات حتى مايحسسنا بالنقص او نحنا من دون قيمة وهو ماعندوا فرق بين البنت والصبي وقتها ضليت اسمع صوت رش رصاص ومباركات من كل الضيع وقتها كنا عم نتفرج من تراس غرفتنا كنت عم شوف دبك والرقص والغناء …..
كملت تطليع ضربت عيوني بابن عمي عاصم العمر 19 سنة بس كان يخوفني كتير وخصوصي نظرتوا اللي كانت بتخوفني تربيتوا كتير قاسية وعمي هارون طبعوا مابيرحم ابدا وربا ولادوا يكون متلوا فتت لجوا لحتى اهرب من عيونوا وسكرت باب سمعت صوت جاي من ورأي
ابتسمت اول ماعرفت صاحبوا….
(شو عم تعملي عندك لاتجيكي رصاصة طايشة)
سمرا (لا ولاشي بس كنت عم اتفرج ع فخر العيلة الجديد)
حسام (اممم افهم انتي حاليا مدايقة منو )
سمرا(لا شو عم تحكي هاد اخي بالاخير الحمد لله اللي اجا يمسح العار بالعيلة عنا)
حسام(سمرا لابقا تحكي هيك بتعرفي ابوكي عندوا إياكم بالدنيا كلها …)
سمرا(بعرف بعرف حسام بس شوف العالم موجوده تحت عم يحتفلوا كانوا تحررت القدس مو اجت روح عادية ع دنبا بس لحظة هاد صبي ما حيالله)
حسام(اوووف منك ياسمرا لا بقا تعيدس هل كلام مهم لساتك ع قرارك )
سمرا(اي بعد ماتخلص هل طبل وزمر رح فاتح ابي بالموضوع..)
حسام(انتي متاكدة رح يوافق ..)
فتلت وجهي لعندوا وغمزتوا..
سمرا(لا تخاف عندي أساليبي رح اقنعوا فيها)
صار يضحك من بعد كلامي
حسام(والله من هل ناحية مارح اعتل هم ورح جهز حالي)
بعد ليلة هاي بلشت تتغير كتير امور يحياتي وكتير شغلات
بالضيعة عنا المدرسة تعليمها للتاسع واذا بنت حابة تكمل لازم تروح ع مدينة اللي مشورها ساعة ونص وطريقها خطر لانو بتمر من ضيعة الجنوبية اللي نحنا على خلاف معهم مشان هيك كنت مقررة شي في بالي..
كنت ناطرة ابي ليفيق بعد سهرة طويلة بعد الحفلة اللي عملوها بليل
رفعت راسي ووقفت اول ماسمعت صوت ابي..
(صباح الخير بنتي )
(صباح النور ابي)
(عم اعملك اطيب فنجان قهوة لحظة وبكون جاهز)
(يلا رح غسل وجهي واطلع لبرا ع الحديقة ومشان اشربها ع رواق..)
(تمام بس دقيقة مارح تاخد وقت وبتكون جاهزة )
بعد فترة طلعت لبرا بعدما حضرتها وحطيتها ع طاولة سحبت كرسي
صبيت الفنجان وعطيتوا لابي …
صفنت بابي شوي هو عم يشريها
في عادة عنا انو مابصير او عيب البنت تشرب قهوة قدام اهلها او حدا قريب منها بس اذا تزوجت
كنت شاردة لما ابي حكاني..
(شو في بنتي هاي القهوة وشربتها ظاهر في بتمك حكي )
عدلت قعدتي سحبت خصلة من شعري وصرت العب فيها من التوتر
(ابي بدي اطلب طلب وبترجاك ماتكسر بخاطري )
حط فنجان القهوة ع طاولة وقعد قعدتوا دبلوماسي واشرلي بابدوا
ا(تفضلي شوفي بس يمكن بظن بعرف شو بدك)
(ابي بترجاك هاي اخر سنة اللي بالتاسع ورح جيب علامات عالية بدي كمل دراسة بالمدينة عند خالتي مشان ماتخاف علي من الطريق حابي اسكن عندها لخلص كل مابصير عطلة برجع شو قلت ابي بترجاك..)
صفن ابي وسكت كان حاطط العقدة ع وجه وانا كنت منزلة عيوني بالارض وعم اطلع باصابعي والعب فيهم..
كمان في عادة انو بنت عيب تحط عيونها بعيون اهلها لانها هيك عم تهينهم وتكسر هيبتهم ماعاملة احترام الهم..
سحب نفس وبعدها زفروا واطلع في حط ابتسامة صغيرة..
(انا موافق بس في مشكلة..)
رفعت عيوني وضحك شئت وجهي بس اخر كلمة خوفتني..
(شو هي ابي..)
(جدك رح يرفض انك تطلع من الضيعة )
(لا ابي هاي شغلة خليها علي انت بحلها بس اعطيني الامان )
(ماشي اذا قنعتي جدك انا موافق انك تسكني بالمدينة مع خالتك)
قمت بسرعة من الكرسي سحبت ايدوا وصرت بوسها وعم أضحك. .هو عم يطبطب ع راسي
(الله يرضا عليكي)
(شو عم يصير هون )
التفتنا نحنا اتنين لصوت اجا من ياب البيت
(ظاهر عم تمشي مي من تحت اجري ومالي خبر لشو عم تخطط انتي وبنتك )
(ها فاقت ست الحبايب)
ركضت لعندها وبست ايدها وبعدها خدودها
(صباحووو ام معتز)
(صباح الخير شو عم تخططي انتي وابوكي )
(لا ولاشي بس كنت عم احكي معو بموضوع دراسي )
(ماقلتلك اجليها هلا وبلا كبر راس )
(جمانة خلص حكينا بالموضوع وانتها)
(شو انتها رح تفتح عليكي بواب انتي بغنا عنها)
(امييييي…)
(بلا امي بلابطيخ ماقلتلك سكري ع موضوع بس فترة بس لنشوف جدك بس مابتقدري بضل بصلتك محروقة..)
كنت منزله عيوني بالارض عم ابلع غصة اللي صارت بحلقي وامي عم تبهدلني طبها مو كره في بس خوف من عمامي وجدي
جفلت اول ماطرق ابي بايدوا ع طاولة
(خلص بقا حاج تبهدليها للبنت شو شايفتني قدامك اجر كرسي..
لا مو قصدي بس انت ادرى باهلك وناسك نحنا عايشين بضيعة الها عاداتها وتقاليدها بعرفهم رح يعمل من الحبة قبة وخايفة على البنات …)
(وحدي الله إن شاء الله مابصير شي وبنتي شطور بتصير اكبر دكتورة قومي خليني اتيسر على شغلي امبارح من ورا هل طبل والزمر اللي صار اتعطلت …)
ضليت عم اطلع باهلي لفاتوا لجوا حطيت ايدي ع خدي وصرت فكر كيف بدي اقنتع جدي بعد تفكير طويل ما طلع معي شي غير اني اتوكل على الله وجرب حظي مع جدي وقررت دق الحديد وهو سخن وروح لعندوا.
بعد مارح ابي من اابيت ع شغلوا
(امي انا رايحة مشوار لبيت جدي ..)
طلعت بسرعةقبل مااسمع ردها لانها اكيد رح ترفض كنت كل الطريق شاردة عم جمع كلام وحروف لاحكيهم لجدي كنت متوترة حياتي بين ايدهم مستقبلي كمان. .
وصلت لباب البيت كان بيت جدي بيتميز بانوا من البيوت العربية القديمة معمر من الحجر الأسود وغرفوا خارجية كان منظروا الو هيبة بتخوف فتحت باب الكبير لصير بارض ديار في مساحة منيحة بين باب دار رئيسي لوصل لجوا قبل ماوصل مسك حدا ايدي وسحبني ولزقني بالحيط فتحت عيون من الخوف…
………………………………..
#الجزء_الثاني
——————–
كنت عم ارجف لون عيونوا بضل بتخوفني فبهن سواد كبير..
حاولت ادفشوا بس بنية جسموا القوي كانت مصعبي علي موضوع كنت عم اسحب نفس بسرعة وانا عم شوف نظراتوا اللي كانت حس حالي متل العرياني قداموا صار بدني يرجف كان محاصرني وحاطط ايديه..
سمرا(خ.. خليني مر بد.بدي فوت لجوا..)
كان بس عم يطلع في وحاطط شبه ابتسامة ع وجه
حاولت ادفشوا مسك ايدي وثبتني بالحيط..
قرب انفو من خدي وانا حاسي ع اتفاسوا السخنه ع خدي.
قرب من داني وهمس كلام قشعر بدني منو
عاصم(سمرا. .سمرا ..انا شو قلتلك من قبل صايرة ماعم تسمعي الكلام…)
كان عم يحكي وهو عم يلعب بخصل شعراتي
بعدها شدها لخصلة شعري..
صرخت صرخة وجع خفيفه وهو لساماسكها وعم يلفها ع اصبعتوا
عاصم(كام قلتك شعرك بتغطيه ممنوع حدا يشوفوا غيري )
كنت موجوعة بس كابرت ع حالي
عاصم(بس خلص هانت كلها كام شهر ورح تصيري الي وعندي)
تركني وراح بعدما حكا هل قنبلة بوجهي
سكوتي كان خوف منو ماحسنت رد عليه لاني بعرف فورا رح يضربني وماحدا رح يقولوا ليش لانا بنات عمو ممنون يكسر راسنا وعمي هارون مربيه على هل شي. ..بس انو صير مرتوا من سابع مستحيلات
اخدت نفس بعد ماانتبهت على حالي وفتت ع بيت ديار جدي ودقيت باب بعد شوي سمعت صوت فتح باب حطيت ابتسامة وحاولت حارب رجفة اللي صارت بجسمي..
(صباح الخير عمتي أماني ..)
(أهلين حيبتي سمرا فوتي. .)
بعد ما سكرت باب التفت لعندي
((شو صار حتى خطرنا ع بال سمرا خاتم )
مسكت مقشة وصارت تكنس أرض الغرفة..
انا قعدت بعيد عنها حتى ماعطلها وصرت احكي معها
(بدي سبب لحتى زور بيت جدي ..)
(لا أهلا وسهلا فيكي يس قبل الشحادة وبنتها )
رفعت عيونها عن محل ماعم تكنس لعندي دخلك انتي وعاصم متفقين ع جي بكير ….
رجف بدني من سمعت اسموا تلبكت وخفت..
(نعم شو لالا انا ابدا مالي خبر فيه)
(ايه شوبدك جاي قبل شحادة وبنتها)
(جدي فايق ولا لسا نايم ..)
(عنجد سمرا اذا بتعرفي جدك بفيق من بكير مشان صلاة الصبح ومابيرجع ينام …)
(منيح طمنتيني ..)
(خير شوبدم منو …)
(اه ولاشي وقلك هلا بتعرفي وين وهو..)
(وين بدوا يكون بالمضافة ..)
(لحالوا ولافي حدا..)
(اكيد مافي غير ستك يلافوتي وخلصينا عندي شغل كتير..)
اخدت نفس ومشيت لوصلت لغرفة مضافة دقيت باب سمعت صوت جدي عم يقلي فوت..فتحت باب
كانت غرفة كبيرة فيها مد عربي كان جدي قاعد ع مدي عالارض وستي حدوا عم تسكبلوا فنجان قهوة المرة اول ماشافتني رجعت ركوة ع منقل الفحم موجود بالنص الغرفة ورجعت قعدت بس جدي تابع شرب فنجان
قربت لعندي سحبت ايدوا وبستها ونفس شي مع ستي نزل فنجان وطلع في..
(الله يرضا عليكي دنيا اخرة..)
اشرلي اني اقعد قعدت مقابيل ستي…
صرت العب بطرف كمي ايدي كنزى ومتلبكة ما عرفاني كيف بدي افتح موضوع مع جدي
جدي كانت الو هيبة كبيرة بالعيلة وكلمتوا مسموعة شو ماكانت رح تتنفذ واذا اخدت الضوء الأخضر معناها بواب السما فتحت بوجهي ورح حقق حلمي كنت عم اقرا معوذات اول ماسمعت صوت جدي جفلت..
(ايه ياسمرا شو في يابنتي )
رفعت عيونوا لاطلع بجدي وبعد اطلعت بستي اللي كانت نظرتها بتخوف علي وهي عم تزوني…
(ولاشي جدي بس حبيت اطمن عليكي. .)
(كتر خيرك يابنتي بس بتعرفي منيح اللي اجيتي كنت رح ابعت عليكي هلأ. .)
بلعت ريقي وخفت ..
(شوفي جدي خير )
(لا مافي شي لا بنتي بس متل مابتعرفي سنة دنيا وهلا ماشاءالله صرت كبيرة واعية..)
مابعرف ليش قمضني قلبي اول ماسمعت هل كلام..
(خير جدي في شي..)
(لا يابنتي بس هلا صرت كبيرة و صار وقت نزوجك )
جمدت بارضي حسيت حدا ربطني ماعاد يطلع معي حكي. ..
(ايه يابنتي شايفي العمر كيف بيركض لمبارح كنت بحضني عم تلعبي وهلا صرتي عروس ماشاءالله عليكي وستك قالتلي انك صرتي جاهزة للزواج يعني صرتي كاملة . .)
لفيت عيوني لعند ستي كان عم تتشفا في بعيونها بعمرها ماحبتنا وماحبت امي ابدا
(سمرا وين رحتي. ..*)
بلعت ريقي الي حاسستوا نشف بعد هل خبرية حطيت شبه ابتسامة وحاولت ضل طبيعية قدام جدي..
(معك معك جدي. )
ا(نتي بتعرفيني يابنتي بعمري ماخبرت بنت انها بدها تتزوج او حكيت معها بس لأنك قريبة ع قلبي فتحت معك موضوع والعريس منا وفينا وهو صلوا فترة طويلة عم يتردد لعندي مشان اطلبك الو…)
شحب لون وجهي وقلب لونوا أصفر صرت اسحب نفس بسرعة وانا عم ارجف صرت احكي بتاتا ..
(جد جدي بس انا لساتني عم ادرس حابي حابي كمل دراسة )
كان عم يشرب القهوة مرة وقف فنجان عند تمو وصفن فيه شوي..بعدها رفع عيونوا لعندي ..
(خبري ابوكي اني مسا جاي لعندوا مشان نحكي فيكي )
بعدها شرب فنجان دفعة وحدة ..وحطها بالصينية وصار يسبح بالمسبحة اللي في ايدوا معناه انتهى نقاش قربت بست ايدوا وطلعت يادوب قادرة وقف ع اجري رحت ع البيت وانا ع طريق مليون هم وهم كنت جاي اقنعوا لكمل دراسة برا الضيعة هل صرت بدي اقنعوا اني لسا صغيرة ع زواج ومسؤولياتو وخصوصي مع عاصم …
وصلت لباب البيت سمعت صوت امي عم تنده علي من السطح البيت كانت عم تنشر الغسيل …
(سمرا رجعتي تعالي ساعدني بنشر الغسيلات في كتير غراض..)
ماكنت واعية كملت طريقي من دون مارد عليها. .
(سمرا ليك سمرا وين رحتي سمرا شو صرلها هل بنت..)
فتحت باب الغرفة كانوا خواتي عم يلعبوا وفي منهم عم يحلوا وظايف مدرسة قعدت ع تختي …صفنت بالارض وصرت العب باصابعي انفتح باب غرفة وفاتت امي..
(سمرا ليش ماعم تردي اه من ساعة عم صحلك تعي وساعديني..)
ما حكيت معها. .
قربت مني وانا لسا صافني بالارض وعم العب باصابعي. .
(سمرا شبك صاير شي معك)
رفعت امي وجهي بايدها …
(شوفي سمرا شو صرلك ليش هيك وجهك اصفر..)
شهقت شهقة صغيرة وانفجرت من بكا..
لفتني لحضنها وصارت طبط ع ضهري
(شو في ياعمري شو صرلك قولي ..)
تابعت بكا وصرت لفها اكتر..
(ردي لاتخوفيني حدا عمل معك شي عمامك تعرضولك شي..)
رفعت وجهي بايدها وكانت ملامحها مرتعبة…
(ردي علىّ لا تخوفيني ردي حدا اذاكي عملك شي..)
صرت هز براسي بمعنى لا..
(لكا شوفي ..ليكون ستك وجدك عملولك شي. .)
علا صوت بكاي..
(شو في شوعملتك لاتخليني موت بارضي ردي علي..)
(بدهن بدهن يزوجوني وجدي جدي ناهي الموضوع. .)
امي مابقا تحسن اختفا صوتها من الصدمة وانخطف لونها..
(امي مابدي اتزوج لساتني صغيرة امي مشان الله بدي بدي عيش مابدي انقتل من عمر صغير بموت اذا بتزوجوا والله بنتهي..)
نزلت عيونها امي لعندي ..
(مين هو العريس..)
(ابن عمي هارون عاصم مشان الله لا تجبروني عليه..)
(شووووو عاصم انو جدك مالقا غيروا ليزوجك اياه..)
(هو طالب ايدي اكتر من مرة من جدي بس جدي اجلاه اكتر من مرة وكان عم ينق عليهن مشان يطلبوني الو قبل ماحدا تاني ياخدني ..)
(لا هاد مو بس شغلوا ….ستك الها ايد في موضوع. .)
(ستي شفتها كيف عيونها كلها شماتة شفت نظرتها الي كاني عدوتها مو حفيدتها..)
نفخت امي نفس ولفت وجها لجهة الشباك ..
(هاي شغلة قصتها طويلة وماضي قديم كمان …)
تابعت بكا وانا بحضنها وهي عم تواسني..
وخبرتها بكل شي قالوا جدي وقرروا..
(لا تخافي ياروحي طالما انا وابوكي موجودين مارح يصير هل زواج..
بس ابي بتعرفيه مابعارض جدي بقرارتوا ابدا ..)
(لا تخافي الا بهاي شغلة انتو بالنسبة الو خط احمر مارح يسكت على هل شي..)
(إن شاء الله امي …)
يلا قومي هلا غسلي وجهك وروقي يلا مشان تساعديني بالغدا..
ساعدت امي بالشغل وانا شاردة كل وقت وخايفة لدرجة اني بالغلط جرحت اصبعتي..
(اخ يالله ..)
(شو صرلك يابنتي..)
(ولاشي امي جرحت اصبعي بالغلط..)
(بييه كيف وين شاردة وين كان عقلك ..)
نزلت دموعي انا وعم احكي معها
(اووف امي عقل ليش انا ضل في عقل ..)
(الله يكون بالعون يابنتي إن شاء الله بتنحل …)
(يارب ياامي اماني كترلي دعواتك بلكي بينفك كربي وهمي…)
بعد ما جليت جليات الغدا وامي عملت كأسة شاي لابي لحتى يشربها ..
نشفت ايدي ومشيت بسرعة لغرفة القعدة وحطيت داني ع باب لاسمع ابي شو بدوا يقول
،،،،،،،،،،،،،،،،،،،،،،،،،،،،،،،،،،،،،،،،،،،،،،،
#الجزء_الثالث
———————————
بالغرفة القعدة ………الام
صبيت كأس الشاي وجهزتها ليخلص صلاة العصر وصفنت فيه كيف بدي فاتحوا بهل موضوع من دون ماخليه يعصب او يرتفع ضغط عندوا
بس كيف ملامح بنتي وهي عم تبكي وترجف مابنساه الخوف اللي حسيتوا جواتها كان كاسرني حسيت اني عم شوف حالي فيها مارح اسمح تنعاد نفس التجربة مع بنتي
نقزت اول ماسمعت صوت..
(وين شاردة يابنت الحلال من ساعة. عم احكي معك ..)
حطيت ابتسامة ع وجهي وحملت كاس الشااي وعطيتوا اياه
(تقبل الله ابو معتز..)
اخد شاي وهو عم يتطلع في
(منا ومنكم صالح الاعمال)
اخد اول شفة من شاي وانا متلبكة كيف بدي فاتحوا بالموضوع
حط الكاس بالصينية ورفع عيونوا لعندي
(شو في ياام سمرا اليوم مانك ع بعضك من الغدا شاردة ومهمومي شو عاملين اهلي )
رفعت عيوني فيه
(شو عرفك سبب اللي صاير معي اهلك )
حط ابتسامة تعب ع وجه
(لا ياام سمرا ماردتها منك شو نسيتي انك ربيتي ع ايدي وعشرة عمر)
(لاتزعلي مني باابو سمرا بس طلع متل مابقولوا هم بنات للممات)
(انتي عم تحكي هيك ياام البنات …احكي لشوف شو صاير )
(اللي صايرانو عمي ومرة عمي قرروا يزوجوا سمرا ومسا جاين يقروا فاتحة ويحددوا الخطبة والعرس)
(شو اللي عم نقوليه ومن جايبي هل كلام)
(بنتك سمرا اليوم راحت ع بيت جدها خبرها بقراروا واجت كانت عم تبكي ومنهارة)
خلص كاس شاي وانا عم احكي معو من هاد تصرف عرفت انو توتر وعصب
(اي ساعة رح يجوا ماخبروها )
(اليوم مسا هو مع اخوك هارون و عاصم )
وقف على اجريه
(لمين ابي بدوا يعطيها لعاصم ع جثتي تصير الو )
(هدي يازلمي بلا مايصير معك شي هلا)
(ليجوا انا بعرف اتصرف ولكل حادث حديث)
……………
سمرا
ارتاح قلبي لما سمعت كلام ابي ورحت على غرفتي
ابي شخص مابيتراجع بكلاموا مشان هيك حطيت ايدي ورجلي بمي باردة..
اطلعت على ساعة لسا في وقت ليجي جدي..
خطرت على بالي بسمة اتي واعدتها اليوم…
غيرت تيابي وطلعت لبرا صرت أمشي..
صرت امشى بيم شجر الزيتون ضيعتنا بتتميز بزيتونها الطيب وهو مرغوب من كل تجار
قربت من بيت كان بسمة بيت عادي وبسيط من لبن وسققوا لوح توتي
كل ماقربت كل ما خفت ابتسامة وتعكرت كل ماقربت
اول ما وصات انفتح باب بيت وطلع ابوها وهو عاطيني ضهروا عم يشتم ويسب عليهن
(والله لخليك تموتي ياكلبي ولنتحسب حسابك معها يابنات ……يا…..ياحيوانات.)
طرق ياب ولف شافني كنا عم نتبادل نظرات الكره كمل طريق وراح بحال بسبيلوا
ابو بسمة هو رجل اللي من نوع بدوا حرق رجل دق قديمة بجدارة اتزوج ام بسمة بعد فترة اجتو بسمة ادايق وانزعج وسكت بعد فترة رجعت حبلت كان متوقع الصبي بس اجاه بنت اول ماخبرتوا داية ضيعة
كان رح يخنقها تركها وهجم ع ام بسمة وصار يضربها فوق وجع ولادتها لولا رجال الضيعة كان خلص عليها من عصبيتوا اخد بنتو اللي ماعمرها ساعة وراح دفنها وهي وعايشة وين ماحدا بيعرف..بس ع قد ماحرق قلب ام بسمة الله عطاه نصيبوا وعمل حادث بالجرار بعدها عرف انو ماعاد يجيب ولاد بس ماتغير صارت تصرفاتوا اسوء من قبل واخلاقوا
قربت من باب البيت اجيت لدقوا انفتح بسرعة وطلعت بسمة بوجهي كانت عم تبكي وعلامات الضرب واضحة ع وجهها رمت شال على شعرها وطلعت تركض بسرعة وصوت صريخ امها وراها..صرخت باسمها وحاولت وقفها
ام بسمة(بسمة حبيبتي بشمة تعالي لهون مشان الله ردي علي…بنتي مشان الله الحقيها رح تقتل حالها لحقيها مشام الله)
وقعت ع ركبها وصارت تبكي وانا ركضت ورا بسمة
(بسمة بسمة استني بسمة وقفي وردي علي بسمة)
كانت متابعة بكا وهي عم تركض..سمعت صوت شي جاي طلعنا من بين شجر زيتون وصرنا بالطريق قرب صوت لفيت لجهة الصوت شفت موتور حاي بسرعة صرخت لبسمة اللي عم تركض مو صاحية على شي صار يزمرلها ركضت لعندها لعندها وانا عم شوف موتور رح يدعسها
صرخت باعلى صوت عليها وانا عم شوف موت قريب منها
(بسسسسسمة…)
—————————
#الجزء_الرابع
__________
دفشتها بسرعة وقفت محلها وبنفس وقت وقف موتور طالع صوت شعط قوي ضربني بس ضربة خفيفه لاني بسرعة دار سايق موتور ورما حالو وموتور قات بالشجرة وانا وقعت على الارض موجوعةمن ايدي قريت بسمة مني وهي شايفة حالتي
بسمة(حبيبتي سمرا انتي بخير(تبكي) ردي سمرا يالله منك ليش ماخليته يدعسني سمرا )
كانت عم تحكي ومرعوبة
(انا منيحة بس ساعديني لوقف)
(اي يلا قومي يلا)
اول ماحطت ايدها على ايدي نقزت وصرخت من وجع
صارت تضرب وجهها وتبكي بزيادة…
(بسمة حاج تبكي وتعي ساعديني لوقف بكاكي مارح يشفيني يلا…)
قربت مني وصارت تمسح دموعها وتساعدني…
(يلا… يلا بس ع مهلك دير بالك )
اول ماوقفت حاولت حرك ايدي رجع وجع
(كلوا مني لولا مالحقتني ماكان صار فيكي هيك انا وحدي جدبة ومنحوسي…)
(بسمة سكتي حاج تحكي كلام فاضي..)
لمعت براسي شغلة وصرت التفت يمين ويسار …
(شو صرلك سمرا ليس عم تلفي راسك..)
(ليك زلمي اللي طرقنا بالموتور وينو وين اختفا…)
(اكيد هرب اول ماشاف انو طرقك بالموتور …)
(لا مابظن ليكي موتور فايت بالشجرة. .)
قربت وانا عم اعرج لشوف وين اختفا زلمي لمحت شخص بالجهة تاني عند شجرة …
)امشي ليك في حدا عند شجرة )
(شو ماضل فيكي عقل سمرا بلكي طلع من هدول شباب زعران او شي قطاع طرق مانك شايفة خافي ملامح وجه بالشملة يلا خلينا نروح مو ناقصنا …).
(بسمة امشي خدني لعندوا مانك شايفة لا حركة ولاصوت..*)
(بلكي كان عم يمثل مشان الله خلينا نروح..)
(اذا يدك روحي انا رح شوفوا لحالي. .)
(يالله منك سمرا )
قربت منو مع بسمة اللي كان جسمها عم يرجف من الخوف وانا ماانكر اني خايفة واكتر منها بس في شي عم يمنعني اني اتركوا وكمل طريقي
لمحت عصا طويلة حملت وقربنا لعند زلمي صرت انكشوا بالعصا ع أمل يعطني ردة فعل بس مافي شي
(بس مايكون مات لا يالله قتلنا زلمي..)
(مو نافصني تخبيصك بسمة هو اللي فات فينا مو نحنا خلينا نقرب لنشوف اذا عم يتنفس. .)
تركتني بسمة وقربت من زلمي طبعا بسمة بايدها العصا اذا سوا اي حركة غلط رح تضربوا فيه..
قربت منو …
شملة لسا ع وجه فكيتها قربت ايدي من انف لشوف اذا في نفس…ارتحت اول ماشفت في نفس بس انتبهت ع بقعة دم على شملة
رفعت راسي
(اكل ضربة قوي على راسوا وظاهر عم ينزل دم..)
(يعني مااااااات..)
(لا لسا عايش بس كيف رح نفيقوا ..)
(مابعرف اتصرفي ليكي انا بلشت خاف خلبه بلكي في حدا بمر وبشوفه..)
(شو انك ذكية وبلكي ضل كل يوم ماحدا شافوا ومات يبقي بناخد ذنب مو ناقصني. .)
(كلوا مني يالله كلوا مني..)
(بلا ماتلطمي مو ناقصني توتر خلينا ونحاول نفيقوا ..)
كل عمري مالمست رجل ولا لمسني غير ابي كيف بدي قرب ع شخص غريب رددت جملة في راسي (سامحني يارب)
فربت منو وصرت اتفقدوا مديت ايدي سليمة وصرت اضربوا على خدوا ضربات خفيفة لحتى يصحا اول مرة مااستجاب بس تاني مرة صار يحرك راسوا
(ليكي فاق وعم يتحرك خلينا نروح يلا )
زورتها بمعنى انها تسكت. ..
(انت منيح سامعني )
صرت طق بإيدي
(انت منيح رد علي …)
طلع صوت بمعني موجوع. …
فتح عيونوا وضربت عيوني بعيونوا جمدت بأرضي
فيهن جاذبية غريبة هزيت راسي لانفض الافكار هاي من راسي
وصحيت على صوت بسمة
(امشي يلا سمرا امشي )
اخدتني بسمة اول ماشفنا الشب وقف على اجريه وهي عم تساعدني على مشي
كل طريق شاردة فيه وكل دقيقة التفت لورا
لوصلنا البيت لمحت جدي وعمي وعاصم عم يدخلوا بيتنا كنت نسيت موضوع…
اول ماوقفت التفت لبسمة …
(ليكي هلا مارح اسالك اي شي بس حسبنا ماخلص يس لارتاح بنحكي.) ..
بعد ماحكيت هل كلمتين لبسمة قربت فتحت باب بيت لاسمع صوت ابي وعمي العالي عضيت ع شفايفي من وجع والخوف …
اول مافتت شفت امي..
(وين كنتي شو صاير معك ليش تيابك مغبرة..)
(مافي شي بس تفركشت وانا راجعة لهون. .)
(فوتي غيري تيابك الله يمضي هل نهار على خير )
فتت غيرت تيابي كابرت على وجع ايدي صوت ابي وعمي بيسكتوا شوي فجأة بيطلع صواتهم بصراحة كنت خايفة على صحة ابي كتير قربت لاسمع صوت جدي عم يصرخ ويضرب بالعكاز الارض …
جدي(سكتوووووووا شو كاني ماني موجود )
عمي(مانك شايف ابنك ابي انا الحمار اللي اجيت اطلب ايد بنتك الف وحدي بتبوس صرماية ابني مشان تتزوجوا امشي عاصم امشي قدامي….)
ابي(درب اللي يسد مايرد اذا بينقرضوا رجال مابجوزها لابنك…)
عمي(بتعرف ضل دلل بناتك لحتى يجبولك العار ويمسحوا بوجهك الارض…)
(بناتي متربايات باابو عاصم اصابعك مو كلها متل بعضها. ..)
(شو بفهم من كلام عم تلمح على شي..)
(فهمك كفاية ياابو عاصم …)
جدي(بكفي خلص انت الجوز سماع ياابو سمرا بكرا الخطبة والاسبوع الجاي العرس وهاد اخر كلام)
(ابي انت بتعرف انو بناتي خط احمر.. من هلأ عم قلك ع جثتي عاصم ياخد سمرا…)
جدي(عم تكسر كلمتي يايوسف مشان بناتك..)
(هدول امانة برقبتي ابي وانا لوبعرف عاصم رح يهتم بسمرا ويخاف عليها انا بذات نفسي رح اعطيه اياها..)
(شو شايف باابني ياابو البنات…)
(بكفي انو بيشبهك قاسي ومالو قلب ياابو الصبيان..)
(هاد اخر قرار ياابو سمر..)
(اي ابي مافي نصيب..)
(بماانو كسرت كلمتي وخجلتني اعتبر انو ماعندك اب وانا متبر……..)
فتحت باب فتت بسرعة وقعدت عند اجرين جدي وصرت بوس ايدوا
سمرا(جدي امانة لاتقولها ببوس ايدك لاتغضب على ابي عم يعمل هبك مشان نكمل دراسة وخايف علينا..)
عمي(شو وين بدك تكمل دراسة. .)
(جدي بعرف وقت مو مناسب انا صبح كنت بدي فاتحك بالموضوع. ..)
(اي موضوع يابنتي …قومي من الأرض وفهميني..)
(انا بدي كمل دراسة بالمدينة عند خالتي اذا سمحتلي..)
عمي(شووووو من كل عقلك بدك تسمحلها تروح ع مدينة..)
رفع جدي ايدوا مشان يسكت عمي..
(جدي والله انا رح ادرس وجيب معدلات عالية بدي صير دكتورة امانة جدي اوثق في مارح خيب ظنك..)
جدي كان ساكت ماعم يرد علي رفع عيونوا لعندي. .
(ماشي موافق..بس على شرط.)
(اتفصل جدي ..)
(إذا بعرف انك قصرتي وتغيرت لما توصلي للمدينة انا رح رجعك مباشر وزوجك..)
(لا جدي عقلي بالدراسة وبس..)
(ماشي صار لازم روح يلا استودعناكم..)
كانت فرحة مو سايعتني ابدا كنت طايرة من فرح اكلنا بهدلة من ابي لاني فتت من دون اذن على اجتماع العيلة وايدي اللي اول ماشافتها امي عطتني درس طويل عريض مع شدة ادن كانت مجرد رض بسيط عصارة ودوا التهاب مشي الحال. ..
تاني يوم زبطت كل الامور وجهزت غراضي وكل ناقص لسا في اسبوع قدامي قبل ماامشي للمدينة بس ع قد مو متحمسة عم جهز سلف بعد ماخلصت شغل بيت طلعت شوي لبرا …
قررت اليوم افهم من بسمة موضوع اللي صار امبارح
بعد فترة وهي عم تخبرني شو عمل ابوها فيها..
خلص بسمة لا بقا تبكي الله بيفرجها عليكي …
شو ذنبي بسمة ليش عم يعاملني هيك شوفيها اذا كنت بنت …
ليكي خليكي قوي ولاتنكسري بسرعة بس شافك هيك رح يبعيك لاول شخص وامك بس تشوفك هيك رح تلوم حالها اكتر واكتر وانت أدرى من رب العالمين شو كاتبلك يمكن بكرا تتذكري هل الأيام وتضحكي عليها وتكون غيمة سودا وتروح..
(إن شاء الله سمرا الله يسمع منك بس مين بدوا يقبل في..انا يادوب هجي الحروف تهجاي..)
(بربك هاد اللي فهمتيه من كلام …)
(سمرا انا اكبر طموح عندي زوج يحبني وعيلة وبيت صغير يؤينا مابقولوا ع قدبساطك مد اجريك وهاد اللي عم فكر فيه …)
(ماشي سكري على موضوع …بتعرفي شو جاي ع بالي)
( الله بستر شو جاي بالك..)
(جاي ع بالي عنب هلا موسموا..)
(من وين بدك تجيبي ع حدا علمي مافي عنا ارض فيها عنب..)
رفعت حاجبي وابتسمت …
(لا سمرا لا لا لا ما تفكري مجرد تفكير فيها …)
(..فكرت وخلصت امشي يلا)
…………
(يالله كيف انا بطاوعك دائما بأفكارك يارب تستر علينا )
(خلصتي نق وبكا خلصيني هو عنقود واحد ورح نرجع يلا وصلنا…)
كانت طول وقت عم تردد الله يستر كل طريق..
قطعنا طريق بين شجر وصلنا لكروم ضعيا جنوبية لفيت شملة وتأكد انها تخفي ملامح وجهي..
(انا مارح اجي معك خايفة رح استناكي هون ماشي..)
(خليكي محلك لاتتحركي طول عمرك رح ضل خوافي …)
(قولي عني مليون خوافي ولا كلمة الله يرحمني)
تركتهاوانا عم راقب الارض كانت فاضي ركضت لسرعة ع اول دالي رفعت الكلابية الرجالية اللي استعرتها من أبي وعبيت حرجي عناقيد عنب وركضت بس سمعت صوت جفلني…
شب(وقف عندك ياحرامي حركة وحدة ورح قوسك..)
ضليت عاطيتوا ضهري وجمدن بارضي من الخوف
عم اسمع صوت خطوات عم تقرب مني رجعت ركضت ضرب من البارودي حدي. .
شب(حركة تاني وهل مرة مارح اغلط بطلقة زت العنب من ايدك ولف لعندي..)
قلبي كان عم يسفق سفق وبأي لحظة بوقف من الخوف ..
رميت العنب من خضني ولفيت وبجسمي ..
كل تفكيري احلامي طارت رسميا انو جدي رح يمنعني روح ع مدينة كمل دراسة واني رح انزل من عين ابي مليون شغلة وشغلة وطبعا اذا طلع شب ابن حرام رح ياذيني..
جفلت من صوتوا ..
شب(فك الشملة عن وجهك وفتح عيونك ماتوقعت تكون جبان لهدرجة ظاهر كل أهل الضيعة الشمالية خروق وحرامية..)
فكيت شملة وفتحت عيوني..
كان واقف ساكت وانا كمان ومابنكر اني مرعوبة. .
نزل بارودي ولف عطاني ضهروا..
شب(اخر مرة بشوفك هون..)
هربت بسرعة لصرت بين شجر زيتون سندت ع اول شجر وصرت اسحب نفس بسرعة. .
لساتني مصدومة اني نفدت حسيت ع ايد ع كتفي صرخت من الخوف..
(شو صرلك رعبتني ..)
(بسمة هاد انتي والله متت من رعبة لابقا تجي من ورأي هيك. .)
(بعتذر مو قصدي. ..الحمد لله نفدتي..)
(اي الحمدلله طلع الشب ابن حلال. .)
(اول مرة واخر مرة سمرا بس ليش صفنتوا ببعض..)
(ماطلع هاد نفس شخص اللي كان دعسنا..)
(شووو 😱 انتي متاكدة. .)
(اي متاكدةنفس العيون ولونها )
(شو قلتي ماسمعت. ..)
(لا عم قول شفتي لان ماتركناه بالطريق ليكي ردلنا اياه وتركنا..)
(ليكي نرجع ع البيت ركبي لهلا عم بقصفوا من الخوف ان شالله تكوني تعلمت شي من اللي صار)
كل وحدة فينا رجعت ع البيت وانا بطريق رجعة سمعت خطوات اجرين فكرتها بسمة نسيت شي
شو نسبت شي بسمة واول ماضربت عيوني فيه أنخطف لوني انعقد لساني..
كل مايقرب انا ارجع خطوة لورا لطرق ضهري بالشجرة وراي..
حاصرني وصار يحكي
(شو سمعت يامتعلمة بدك تروحي ع مدينة ورافضة تتزوجيني لكا ابوكي ع جثتوا اذا انا بتزوجك ..)
كنت عم ارجف وعيوني ملياني دموع كان منظر عاصم بخوف كتير. .
رفع ايدوا وجفلني وحطها ع خدي ..
(انا رح خليكي تروحي بس رح خليكي ترجعي تبوسي اجري لاتزوجك) …
سحبني من شعر وجرني وراه وانا صرت اصرخ واستنجد بحدا بس ضربني كف خلاني افقد وعي من وراه اول مافقت كنت بزريبة قديمة وعاصم كمان
وقتها قرب مني وانا ارجف وقلي رح اتسلى اليوم كتير…
يتيع…..
