📚قصص||روايات||منوعة📚:
#غباء_بالفطره
#بقلمي_امل_احمد_سلوم.
#المقدمه
@rwayate
مو مشكلة ازا كنت غبي ..المهم تعرف وين تستثمر غبائك ..ولما تفكر تتفالح وتعمل فلهوي وشاطر بتتأكد ساعتها انو حتى العشرة بالمية يلي بتستخدمهن م̷ـــِْن عقلك مابينفعو غير لشغلة وحدة .. واللي هي تقعد تفكر كيف بدك. اتطلع حالك م̷ـــِْن دوامة المشاكل يلي حطك غبائك فيها …
برجع بنوه هي القصه اقتباس من الفيلم المصري اذكياء ولكن اغبياء
#غباء_بالفطره
#الجزء_الاول
#بقلمي_امل_احمد_سلوم
*╚══════ღღ══════
بموقف الباصات كان عطا وابن عمه عوض واقفين مع ابو عطا ناطرين جية الباص
ابو عطا : والله وكبرتو ياولاد ورح تفوتوا عالجامعه وترفعوا راسي
عوض : ان شالله رح نرفع راسك عمي
ابو عطا : ولا عوض اوعك بنات @rwayate الشام يلعبوا بعقلك بعرفك نسونجي وريالتك بتشط بس تلمح بسه…
عوض : لاتاكل هم عمي رح انتبه
ابو عطا : وانت ابي عطا خود هي الورقه هاد عنوان عمتك بتروح لعندا بتخلي جوز عمتك يدبرك بسكن انت وهالقديش يلي معك
عطا : انا عندي عمه وساكنه بالشام كمان.
ابو عطا : هي مو عمتك عمتك… هي قرابتي من بعيد وبصراحه كنا نحب بعض ايام الشقاوه هههه
عوض ( بقلبه). : وخايف على ابنك مني اي شوف حالك بالاول 😒
ابو عطا : يالله ياولاد الباص اجا ولا عطا دير بالك عالمصريات يلي معك وابعتلي مكتوب اول ماتوصل واوعك هالحمار يخليك تتهمل وتروح هون وهون
عوض : 😒
عطا : حاضر ابي يالله خااطرك
ركبوا عطا وعوض بالباص وتوجهوا عالمدينه وهنه كلهم حماس ليشوفوا الشام ويجربوا يعيشوا حياه جديده غير حياة الارياف يلي عاشوها…
*╚══════ღღ══════
عوض : لك حاااج مو قادر امشي خلص تعبت وينو بيت عمتك هاد
عطا : شو معرفني كل البيوت شبه بعض
عوض : ولا عطا انت بدور عالبيت من شكله
عطا : اي لكن مكتوب @rwayate بهي الورقه بيت المعلم شحاده يلي لون بابه ازرق سماوي
عوض : الله لايعطيك عافيه لا انت ولا ابوك
عطا : احترم حالك ولا بلاش اعطيك كفين هرلك سنانك
قرب عوض وحط جبينه ع جيين عطا
عوض : اي وشو ناطر اضرب يالله اضرب هاد يلي ناقص تضربني
عطا : ولا عوض بعد من من من وشي هه انت بتعرفني بس عصب ايدي عميا وطرشا
عوض : اي وازا مابعدت شو بدك تعمل يعني اه
عطا : اي هلأ بتشوف
دفش عطا عوض ليقلب عضهرو وشلح الشحاطه من رجلو وبلش يكفكف فيه اما عوض بلش الدفاع وشد الشعر والتبكيس… هيك لحتى صارو فرجه لكل اهل الحي وبلشت السيارات تزمرلهم ليبعدو عن الطريق
… .لك انت وياه انقبرو تخانقوا بعيد سكرتو الطريق
عطا : وانت ششششو دددخلك
عوض : اي والله انت شو دخلك ولاد عم وبيتخانقوا لاتحشر عصك بشي مابيخصك
ترجل الزلمه من سيارته بعصبيه ووقف قبال عطا وعوض وهو مكور كفه وبيضربه بكفه التاني
…مين يلي ماخصوا انت وياه
اطلع عطا عالكائن يلي قدامه وكان يادوب واصل لصدرو رفع راسه بزياده ليلتقي بهبو قوي من انفاسه… بلع ريقه وتخبى ورى عوض @rwayate
عطا : لك عم نمزح معك ابو الشباب شو مابتلقى مزح… احكيلك كلمه ولا عوض
عوض : 🙂
قرب منهم الزلمه وعيونو عم تقدح شرر واول ماحسو الحديده حاميه حملوا شناتيهم وبلشوا يركضوا واجريهم تضرب بضهورهم
عوض : الله لا يوفقك ياعطا
عطا : لك ارررركض ببببسرررعه هلأ بياكلنا ولييي
🏃‍♂️🏃‍♂️🏃‍♂️🏃‍♂️🏃‍♂️
بعد حوسه وتفتيل بين الشوارع والحارات وبعد ماتشققت اجريهم اخيرا وصلوا لبيت لون بابه ازرق سماوي
عوض : يافرج الله ليكو البيت لك عطا
عطا : اي والله لك لك ليكو ازرق سماوي يل يل يالله خلينا نروح
دقوا عالباب وطلعلهم رجال قصير ومكور وكرشه عامل متل كيس البطاطا يلي صرلا شهر تحت الشمس
اطلعوا عوض وعطا ببعض وبعدا هجم عطا عليه وحضنه وبلش فيه تمجيق
عطا : اهليييين جوووز عمتي كككيفك. شو اخبارك طم طم طمني عنك وعنعنعن عمتي
بلش الزلمه يختنق ولونه يزرق وعطا عم يحضن فيه اكتر ويمجقه بشوق وقبل مايلفظ انفاسه الاخيره دفشه عنه وصرخ
لك يبعتلك داء السل رح تروحني عالخالص مين انتو وشو بدكم
عوض : نحنا قرايب مرتك مو حضرتك المعلم شحاده @rwayate
شحاده : اه… اي انا شحاده بس ماقلتولي مين انتو وشو بدكم
عطا : شبك جوز عمتي هيك بدنا نحكي عالباب مافي اهلا وسهلا… حمدلله عالسلامه… تفتفتفضلو رتاحوا…
واشر لعوض يلحقه
عطا : فووووت لكلكلك عوض هدهدهد بيت عمتك انت كمان
عوض : يالله يالله
شطحوا هنه الجوز عالبيت بلا احم ولا دستور وقعدو عالكنبه براحه وفردو حالهم والزلمه صافن فيهم لا من تمه ولا من كمه
عطا : شششو وووينا عمعمعتي
شحاده : لك عما الدبب ينفخك منك الو قوم انت وياه طلعوا لبرا قبل ما ابتلى فيكم
عطا : ولي شبشبشك جوز عمعمتي عمعمعم ناخد ونعطي
شاحده : شبشب يتقطع ع نافوخك قدك قد الحيط ومابتعرف تحكي كلمتين على بعض
عوض : لااا شلون مابيعرف يحكي بس عطا وقت يتوتر هيك بينعقد السانه… لكن بالحقيقه عندو اللسان بيدرغل درغله ماهيك عطعط
عطا : لكلكلكلكن … المهم وينا عمعمعمعتي

شحاده : اللهم طولك ياروح لك يا انتظار يامره تعي شوفي هالبلاوي يلي انحدفت علينا
عطا : منورين بوجودك. جججوز عمتي
فاتت انتظار وبلشت تطلع فيهم ب استغراب
انتظار : مين انتو
عطا ( وقف حيله) عمعمتي حبحبيبتي
ومسكها ونزل فيها تمجيق
عطا : لك عوض تتتععال سلسلسلم على @rwayate عمعمتك لاتستحي
ماكذب عوض خبر وبسرعه قام وصار يسلم على انتظار ويمجقها وعلى قولة كيفك ياعمتي واشتقتلك ياعمتي وسقالله على ايامك ياعمتي وشحاده واقف مكانه وامبلم 😂
انتظار : لك مين انتووو انا ماعندي اخوه كيف سرت عمتكن
عطا : لك انا عطعطعطا ابن ابو عطا قريبك. من بعيد وهاد عوض ابن عمي لك اهلين عمتي هاتي بوسه
عوض : والله وقت حكا عمي ابو عطا انكم كنتو تحبو بعض توقعت شوف قدامي مره ختياره بس ليكك يخزي العين عنك خسه ومابك شي لك اهلييين عمتي ومجقها 😂
ارتفعت حرارة شحاده وحمل الساطور وصرخ بصوت جهوري
شحاده : لك انووو هاد يلي بيحبك ولي جايبيتلي ولاد عشيقك هون
إنتظار : والله مابعرف عن شو عم يحكوا يارجال استهدي بالله
شحاده : اي قولي ع روحك يارحمن يارحيم ياخاينه ياعديمة الشرف
عطا : طوطوطول بالك جوز عمتي الله وكيلك كانو يحبوا بعضن وهنه صغار يعني طيش شباب واللي انكسر بيتصلح
شحاده : لك انا يلي بدي كسر عظامكن عظمه عظمه واسلخ جلدكن عن عظمكن… يافتحيييييي يا قتاااده تعوا يابي
عوض : الشغله فيها فتحي وقتاده😰
عطا : وتعوا يابي 😥 اهروووووب لك عووووووض 🏃‍♂️🏃‍♂️
م̷ـــِْن بعد ماطلعو م̷ـــِْن بيت شحاده كانو لسا قتادة وفتحي بيلحقو فيهن .. 😂
كانو لسا بيركضو وهنن حاملين شناتيهم عكتافهم ورجليهم بتضرب بضهورهم والشاطر يلي بأسرع اكتر ..
عوض: •اللّـہ̣̥ لٱ يعطيك العافية فوق @rwayate تعبك .. لكك انت وابوك مو حالين عني لتجيبو اخرتي متل ماجبتو خبر ابي
عطا: للكلكلك لااالا تجبييبب سيرة ابي .. والله بخبطك بوكس بفلخك نصين ها ..
وسمعو واحد م̷ـــِْن الشباب بصرخ: وقفو ياكلاب .. والله لأشختكون شخت يا بجم ..
عوض: اويليييي لساتن لاحقينا .. فوووت ازنق م̷ـــِْن هالداخوشة خلينا نضيعهم ..😬
فاتو عطا وعوض بزقاق ضيق وطلعو م̷ـــِْن الطرف التاني ..
عطا. :شكشكشكلنا ضيضيضيعناهن ..
عوض: •اللّـہ̣̥ يبشرك بالخير .. بتعرف كانت باطلة ومحولة ساعة اللي قبلت اجي معك عالمدينة ..
عطا: محححدحدا عص عدندندنبك وقلك تَعال معي ..
عوض: شرف ..هي صارت الساعة عشرة بالليل ..وين نروح بحالنا؟
عطا :عالهفا ..قالولك بعرف اصلا وين صرنا .. 😒
عوض: •اللّـہ̣̥ لايعطيك العافية ..كلو مـڼـڱ
ضلو عم يمشو وهنن بيتناقرو كعادتهم .. كانو بيدورو عأي مكان ينامو فِيَھ.
عوض قعد بالطريق وهو بيلهت :انااا تعبت .. العما مافي حتى جنينة نقضي ليلتنا فيها ..
قعد عطا بجنبو وتربع ..:والله الأحسن انبات هون عالرصيف ..بركي نصحى بكرا نلاقي حالنا مطمورين بفراطات 😂
عوض: هَـ (⊙﹏⊙) ــا يخزي العين عنك شو دمك خفيف

خفيف ..
رجعو ركزو نظرهن اكتر وشافو خيال شبين عم يفتلو ..
عطا: العععمعمعااا هدهدهدوول فتحي وقتادة 😱
عوض: قوووم قبل مايشوفوونا ..
حملو عفشاتهن وتراجعو لورا بهدوء لحتا مايشوفوهن ..
والتفتو .. ومالحقو يلتفتو الا سمعو صوت جعير فتحي طلع: وقفووو شفتكننن ..
عطا: يااا حلاوة .. شافوونا
عوض: خممممس يا معلللم ..يااافكيييك
ضلو يركضو لحتا طلعت بوجهن مقبرة ..
عطا وهو بيلهث: ياااويلي عهالاخرة .. اااخ ياربي كان نفسي اتجووز ..اماانة عوض وصيتي الك ازا نفدت تسلم عمرتي المستقبلية وحكيلها عطا كان رح يحبك كتييير 😭😭
عوض: الله لايوفقك عـ هالفال .. امشي تَعال نفوت عالمقبرة
عطا: لااا يسسستر عاختك بلاهاااا .. بدك اياني موت رعبة .. لٱ موت بساطورة فتحي اشرفلي 😱
عوض: ولكك اسمع مِڼـّي مافي شي بخووف يابني ادم ..
كان عطا بيطلع بالباب وبس سمع صوت فتحي وقتادة بيقرب ..
بلش ينط بمكانو: اويليييي اجوو …
ودفش عوض وركض لجوة 😂✌️
عوض: يخربيتك ..استناني يااحيوووواان ..دخل عوض وراه وبلش يناديلو وشوشة. .:ولككك عطاا هدي يابني ادم ..
اتخبو ورا قبر م̷ـــِْن القبور وبلشو ينبزو بروسهن وشافو فتحي وقتادة وقفو شوي. قدام سور المقبرة ورجعو بعدو ..
عوض: الحمدلله نفدنا ..
عطا: يليليلااا عوعوعوووض خلخلخلينا نطنطنطلع. ..رح اعملها تحتي م̷ـــِْن الرعبة 😭
عوض: ايييي يلا شدلي براغيك شوي .. مافي شي بخوف ولوو ..حتى الجو هادي
عطا: ماماماهووو لالألأنوو الجوهادي انا خايف..انااا خايف 😭
عوض: يلا خلص عطعط بعرفك ابضاي .. اسمع رح نقضي ليلتنا هون شو رأيك؟
حط عطا ايديه عخصرو ..: بالله شووو بدبدبدك اياااني نام بين القبور وشووف منامات وحشة ..
عوض: لككك نوصلي حسك هلأ بتصحي الميتين 😂
قدر عوض يقنع عطا انن يقضو ليلتهن بالمقبرة ونقو احلا قبر بعتبارة مبني جديد … 😂
عوض وهو بيصفر ..:اوووووووه شي اوبهاا هالقبر ..أكيد صاحبو شي شغلة كبيرة ..شوف هالمساحة يلي قدامو بتطلع قد ارض ديارنا بالضيعة .. 😂
عطا: اي لكلكن مشان الميميميت ياخد راحتو بقبرو .. يعني مابكفكفي الموتة كم كم كمان عصة قبر .. بس بتعرف عوض ..
عوض وهو بيمد البطانية : اعرف شو ؟
عطا: والله مايشوف أبي هالقبر الا يحلف يندفن هون 😂
عوض: لأنو ابوك م̷ـــِْن يوم يومو كلشي عندو هجنة ..
عطا بنرفزة: ولاا عوض مليون مرة قلتلك ماتحكي على أبي .. لييك هلأ بخبطك كف خماسي عخلقتك بهرلك سنانك يصيرو يمشو مسـ مسيرة ورااك فهفهفهمت
عوض: لايا ..رعبتني والله ..شووف كيف عم برجف ..يماما يعني ..
كانو بيحكو وبيتناقرو لما سمعو صوت خطوات بين القبور ..
عطا: ئي ..سمعت اللللي انانانااا سمسمسعتوو 😰
عوض بلع ريقو: اي اي سسسمعت.. ولي ليكون صحيناالميتين
عطا: ياويل حالي 😱 لكك وين رايح
قرب عوض ورفع راسو وفتح عيونو عالاخر وبلش يأشر لعطا لحتا يلحقو .. قرب عطا وقعد. جنبو وهمس: لكك شوشوفييي؟
عوض: تعاا شفلك هالشوفة ..
نبز عطا راسو م̷ـــِْن ورا القبر ليشوف بنت مأشلطة لابسة الأحمر والأخضر والأصفر وعم تضحك وتدلع ومعها شب م̷ـــِْن شكلو طانط ..
عطا: ئي ..اول مرة بشوف اشارة مرور بتدلع 😂
عوض: ههههههههههههااي شفلي عهالشكيلة لٱ والشب يلي معها 😂
مسك الشب البُـنًتٍ م̷ـــِْن خصرا وقربها منو .. :لككك ويين رايحة ..يقبرني جمالك 😍
عطا: جمال مين .. ماهي شبه أبي بس يفيق م̷ـــِْن النوم 😂
البُـنًتٍ بدلع ..:اي لوليتي والله بخجل ..بعدين شو جوك ..جايبني عمقبرة يامفتري .. 🤭
عوض: شكو متلنا ماعندو مكان يروح عليه 😂
الشب: لككك احلا .. خلي الميتين يموتو غيرة منا ..
عطا: •اللّـہ̣̥ ينتقم منك يابعيد ..فووق مووتتهن بدك تموتهن غيرة كمان 🙂
البُـنًتٍ: اي ازا هيك معلش ..
عوض: بتعرف هالجوز استفزوني بطريقة مو طبيعيه
عطا: عم بتقلي .. نفسي احكي شرطة الاداب تجي تشحطهن 😒
عوض ابتسم وفتح عيونو عالاخر ..:لقيتا ..
عطا: شوو هية؟
عوض: تعا نقردفهن ونعطيهن درس ماينسوه.. الحقني لقلك
رجع عوض لعند اغراضو وطلع الغتره البيضه تبعو ورما وحده لعطا ..
عطا بوشوشة: وهاد لشوو؟
عوض: حطو عحالك بسرعة ..
فهم عطا لعبة عوض وغطا راسو بالغتره وقربو م̷ـــِْن مكان البنت والشب يلي نازلين تبويس ببعض 😂
قربو منهن بهدوء ووقفو تنيناتهن بجنب بعض .. 😂
عوض: ياااا العاار وخالتي هنار .. ماذاا انتم فااعلون يا انجاااس ..
انصدمو البنت والشب واتغيرت الوانهم وبطلو يعرفو شو يعملو 😂
الشب : ميين انتوووو 😰
عطا: نحن انكر وانكير وجينا لحتا نقتل الزاني والزانية ونجيب اجلكوون يا كلاب ..
البنت: يااا امي 😭
عطا: ياريت امك خلفت بسكليتة وماخلفتك .. وانت ولااا م̷ـــِْن ربك؟
الشب: •اللّـہ̣̥ ربي 😭
عوض: ومزالك بتعرف •اللّـہ̣̥ لَيــِْـِْش. بتعمل هيك
الشب: ووالله التوووبة
عطا شلح شحاطتو وحملها وركض وراهن: والله لطلع جنونتي فيكون يااوسخين تفوووو ..
طلعو الشب والبنت م̷ـــِْن المقبرة خالصين م̷ـــِْن الرعبة والله العليم الشب عملها تحتو عالتقيل م̷ـــِْن الرعبة 😂

عوض: •اللّـہ̣̥ يسلم هالايدين عطعط. عنجد انك طلعت ابضاي.
عطا وهو نافش ريشو: اي يككااان بعجبك ..
عوض :تَعاّلّ تَعاّلّ ننام احسن شي .. بس انشالله مايجونا هالمرة تنين شباب م̷ـــِْن تبعون هالايام 😂
عطا: اكتر شي قاهرني انو اتغزل بإشارة المرور شو ماعندو نظر 😂😂
*╚══════ღღ══════
بعد عناء وبهدله وشحططه بالشوارع كانو عطا وعوض عم يجرو حالهم وخيبتهم وبيدرو ع شي غرفه تآويهم
عطا : الظاهر مافي امل… ولا هاجر
عوض : خليك متفائل ولو
عطا : لك انو متفائل شششوف اجري تفقشوا من المشي لك سرت اللبس مقاس 48
عوض : اي حاج تندب متل النسوان
عطا : ولا احترم حالك والا انت بتعرف شو ممكن ساوي فيك هه
عوض : اي اخراس اخراس اساسا كله من افكار ابوك يلي كان مقضيلي ياها حب ومعشقه شوف اخرتا
عطا (عصب وحط جبينه عجبين عوض) لك لاتجيب سيرة ابي يا قديش
عوض : اي لا عمي بدي جيبها اساسا كلشي نحنا فيه بسببه هه
عطا : عووووض
عوض : عطااااا
عطا : عموما انا هلأ تعبان وبدي نام بس فيق زكرني اعطيك بدن مرتب
ورمى شنتته عالارض وشلح من اجرو ونام عالرصيف وهو بيندب حظه
عوض : اي نومة اهل الكهف نشالله
فجأه عوض برقوا عيونوا وفتحهم ع وسعهم وهو شايف اعلان سكن لطلاب الجامعه
عوض : يافرجك يارب لك عطا قوم قوم شوف
عطا : مابدي شوف شي تركني نام
عوض : لك شووووف في اعلان سكن للطلاب الجامعه
عطا : وووينووو وينووو
عوض : ليكو هي الفيلا الظاهر صاحبها قالبها سكن للطلاب ليستثمرها
عطا : نشالله قالبها قن جاج وتكون كلا فيران وصرارصير المهم لقينا مكان نسكن فيه
وحمل شنتايته ع راسه وراح يركض وعوض يركض وراه ووقفوا عند البواب
عوض : مرحبا حبيب شو الاسم الكريم
اهلين ابني الداعي علوان… ائمرني
عوض : بدنا غرفه ازا ممكن
علوان : لاختك ولا قريبتك
عطا : شششو مو معبين عينك لا اختو ولا قريبتو بدنا ياها النا
علوان (ب اسف) ماكان ينعز ابني هون سكن بس للطالبات
عطا : مشان الله مشيها اعتبرنا خواتك يستر ع ميمتك دبرها بمعيتك
علوان : شو هيه شروة بطاطا عم قلك هاد سكن للطالبات يعني مابنأجر الا بنات فهمت ولا اعيد.
عطا : اي فهمنا لشو بتصرخ اساسا المكان هون معفن وانت باينتك زلمه منتن هه
علوان : شو قلت
عطا : اه .. عمعمعم احكي انه شسمو مافي نصيب يالله عوض خلينا نمشي من هون
عوض : شيلني
رجعوا حملوا عزالهم ومشيوا وشافوا بنتين كل وحده منن حامله شنتة كبيره ووقفوا عند البواب علوان
اطلع فيهم عوض وعض ع شفايفه
عوض : اااخ بس
عطا : شو يانسونجي بلشنا
عوض : لك لا ياحمار بس كنت عم فكر لو نحنا بنات كنا هلأ لقينا سكن
عطا : اييي مممشي بلا هبل اساسا لو نحنا بنات كانو كل الرجال قلبوا حالهم نسوان لحتى مايتجوزونا
عوض : قولتك 🤣
كملوا طريقهم لبعيد تاركين البنات يحكوا مع البواب

سندس : صباح الخير عمو
علوان : اهلين صباح الخيرات
قدر : شفنا الاعلان ياترى في غرفه شاغره
علوان : مابعرف خلوني شوف الكشف بالاول
بعد علوان عن الصبايا مسافه منيحه وضرب حجر عينه ناح ملحق قريب من الفيلا وهز فرع الشجره ليظهر شب بالعقد الثلاثين من عمرو وبأيدو منظار
بلش الشب يتأمل الصبايا من فوق لتحت وبس عجبوه تناول راية القبول وشوحله فيها
تنهد علوان بأسف ونكس راسه بحزن فلولا الحاجه ما اشتغل هيك شغله ورجع لعند البنات
قدر : اي ياعمو بشر
علوان (بدون نفس ) في وامري لله
سندس : واديش الاجره
علوان : تلانين دولار بالشهر
سندس : طيب في بنات ساكنين هون
علوان : اي في تفضلوا معي
ضربوا الصبايا كف بكف من فرحتهم وحملوا شناتيهم وفاتوا لجوا وهنه بيحمدو الله على هيك فرصه وهيك مكان شيك مريح ليسكنوا فيه
علوان : ليكا الغرفه كلا رطوبه وعفنه والشمس مابتفوتها
سندس : بالعكس كتيررر شيك
علوان : ولسه الغرفه التانيه انيل منها
قدر : لا عمو نحنا رح ناخد غرفه وحده
علوان : ممنوع
قدر : ليش !!
علوان (بهمس) هه لحتى يقدر يستفرد فيكم
قدر : شو حكيت
علوان : عم احكي انه هاد النظام هون مو عاجبكم ورجوني عرض كتافكم
سندس : لا لا شو مو عاجبنا… شرف ورينا الغرفه التانيه
وبالغرفه التانيه
علوان : ليكا الغرفه اللعن من يلي قبلها عفنه وكلا بق وناموس
سندس : الغرف عجبونا كتير وتفضل هي الاجره سلف
مسك علوان المصاري وشد عليهم وهو بيطلع ببرائة البنات
علوان (بقلبه ) مساكين السكينه سارقيتهم يارب احميهم
طلع علوان تارك الصبيتين ياخدو راحتهم ويرتاحوا
سندس (رمت حالها عالتخت) ياااااه الحمدلله اني مالقيت غرفه بسكن الطالبات
قدر : اي والله ولا لقينا بالمدينه السكنيه كنا فلسنا من اول شهر
سندس : معك حق… بس مين ساكن هون غيرنا ياترى
قدر : اي طولي بالك لسه هلأ وصلنا خلينا نضب اغراضنا ونرتاح وبعدا منتعرف عليهم
*╚══════ღღ══════
وعند بوابة الفيلا رجع علوان لمحرسه وهو متضايق وعم يحكي مع حاله لحتى استوقفه صوت انثوي
مرحبا .. ياترى في غرفه عشاني
اطلع فيها علوان وقلب شفايفه ورفع كتافه
علوان : مابعرف خليني شوف الكشف
تركها واقفه وراح لنفس القرنه وحرك جذع الشجره ليطل الشب ومعه المنظار وبلش يطلع بالبنت يلي اجت…
كانت نحيفه ولابسه تنوره للركبه مع قميص مقلم وفاتله ضهرها اله وماقدر يشوف وجهها… . بس الضاهر العود عجبه ورفع راية القبول لعلوان يقبلها ورجع يراقب بالمنظار
علوان (بإستغراب) شبو هاد الضاهر مو ناوي يعتق حدا
رجع لعند البنت وقلا… اي يا انسه في غرفه تفضلي
البنت (فتلت وجهها وكانت شبه عبسي) عنجد الحمد لله احمدك ياااارب
من بعيد شهق الشب يلي معه المنظار وصار يدور حواليه ع راية الرفض وبسرعه رفعها وصار يلوح لعلوان ب الرايه وبراسه ويأشر ب ايديه لاااا لااااا
علوان : اسفين يا انسه مافي غرف
البنت : ييي مو هلأ كان في
علوان : اي نصيبك افرقينا ولووو
وبالملحق… كان علوان واقف متل الصوص الممعوط والشب بيزور فيه
حمدي : لك شووو ساوي فيك هي خلقه تفوتها عالفيلا
علوان : ششبك يابيك كلنا خلقة ربنا
حمدي : لااا الحلوين بس هنه يلي بدهم حمايه اما البشعين بشاعتهم بتحميهم فهمت
علوان : يعني حضرتك عملت الفيلا لتحمي البنات
حمدي : اه… ايييه لكن ..
علوان : بركاتك ياشيخ بركاتك
حمدي : اي حااج تتمردغ فيي وروح شوف شغلك انا رايح عالشركه ومابعوق
علوان : حاضر يابيك
حمدي : وحسك عينك تسكن اي بنت قبل ماشوفها… شو فهمت
علوان : ماشي ياشيخ 😒
*╚══════ღღ══════
رجعوا عطا وعوض للشحططه والتعتير وظلوا يلفوا من قرنه لقرنه ويسألوا عن غرف للإيجار
عوض : لو سمحت يا اخ في هون غرف للإيجار
… وشو الغرض
عوض : غرض شو بدنا غرفه نريح فيها ونرتاح
… ايوااا .. طلبكن عندي… بتروح من هاد الشارع اخر عماره ع ايدك اليمين الشقه رقم اربعه في بيت بتأجره صاحبيته غرف مفروشه
عطا (بفرح) لك يننصررر دينك ياشسمك .. يالله عوووض شيل والحقني 🏃‍♂️
ماكدبوا خبر وبسرعة البرق صاروا قدام البيت ودقوا عليه وطلعتلهم وحده حاطه نص كيلو علكه بتمها واول ماشافتهم ابتسمت وسندت حالها عالباب
اهلين بالافنديه… شو طلبكن
عوض : بدنا غرفه
اطلعت فيهم المره ب استغراب… غرفه وحده الكوا التنين
عوض : اي حسب مصارينا وكلك مفهوميه
… اي مو تكرم عينك تفضلوا
عوض : يالله عطا تعال
مسكوا عطا من زندو وحكا للمره… ووواديش الاجره
… تلاتين دولار 💲
عطا : انا مارح ادفع الا عشرين
ضحكت المره ضحكه رقيعه ورفعت سيجارتها واخدت منها شفطه ونفخت دخانها بوجه عطا يلي بلش يهف ب ايدو ويسعل
… . اي شرفوا شوفوا الغرفه بالاول بعدين بنتفاصل عالسعر
حملوا شناتيهم وبلشوا يدافشوا عالباب وبس صارو جوات البيت هلو عليهم فوج من الصبايا لابسين المقطع والموصل وقربوا منهم
وحده من البنات… اهلين ياحلو
عوض : مين هدول
ردت عليه صاحبة البيت… هدول هون متلكم بالزبط
عطا وهو بيأشر لبنت تختوخه وعم تقرب منه… . والافندي كمان نازل معنا هون

ضحكت البنت وقربت من عطا وباسته بخده
عطا (بلع ريقه) ولي والله مايشوفني ابي الا يدبحني… اهرووووب لك عوض 🏃‍♂️
عوض : هو انا صح نسونجي بس مووو هييييك لك عطاااا جييييييتك ابن عمييي 🏃‍♂️
*╚══════ღღ══════
تاني نهار كان علوان عم يجيب فطور للصبايا ولمح صبيه جايه ناحه
مرحبا @rwayate
علوان : اهلين تفضلي
انا اسمي شافيره وشفت اعلان انكن بتأجرو غرف بهي الفيلا للطالبات ياترى بعد في غرف ولا كله كومبليت
علوان : وشبك يأسآنه هيك
شافيره (بحزن) لاني تعبت وانا عم دور والكل بيقلي اسفين كله عنا كومبليت
علوان : ههههه لا اطمني بالنسبه الك حتى لو كومبليت رح تدبري
شافيره : مافهمت
علوان : قصدي لحظه اشوف الكشف
ومتل العاده راح علوان وهز جذع الشجره وطل حمدي بالمنظار تبعه وصار يتأمل بشافيره وشافها عم تفتل حوالين حالها وتطلع عالمكان وماحمله عقله من جمالها وقوامها الممشوق ووجها يلي شبه البدر بيوم التمام
من عجقته حمل كل الرايات وبلش يلوح فيهم ويهز براسه بالقبول وعيونه عاملين هيك 😍
هز علوان راسه ورجع لعندها واخدها لغرفتها بعد ما اتفق معها عالاجره يلي كانت بسعر رمزي ليغري البنات يسكنوا بالبيت
شافيره : ياااه كتير حلوه الغرفه وشرحه
علوان : لاشرحه ولا شي حتى كلا فيران
شافيره (بخوف ) فيران !!!
علوان : اي فيران… وفي فار كبيررر بيطلع بالليل وبياكل البنات
ابتسمت شافيره وصارت تضحك بدون ماتفهم المغزى من كلمات علوان
شافيره : اطمن رح حطله مصيده 😅
علوان. : الله يحميكن يابنتي بالازن
طلع علوان تارك شافيره تتفتل بالغرفه والدهشه واضحه على وجهها
شافيره : لك مين الاجدب صاحب هالبيت يلي ييأجرو بتراب المصاري هه فعلا يلي معه قرش محيرو يشتري حمام ويطيرو
ساقتها اجريها لبرا واول شي التقت بسندس وقدر
شافيره : صباح الخير
ردو : صباح النور
سندس : انتي جديده هون
شافيره : اي ومابعرف حدا
قدر : ونحنا متلك مامنعرف حدا… صحيح نسيت عرفك .. انا قدر وهي رفيقتي سندس سنه اولى ادارة اعمال
شافيره : حلوووو وانا كمان متلكم شكلنا حنكون اصحاب… انا اسمي شافيره
سندس : اهلا وسهلا… نورتي
طلت صبيتين وحده حنطيه والتانيه شقرا لافه عحالها الروب وبتتقصع بمشيتها
هاي
شافيره : اهلين وعليكم الهاي
سندس : شو اسمك
ردت الشقره : اسمي شيرين
وانا نهى
سندس : في بنات غيركم هون
نهى : اي في صبيه اسمها ازهار بتلاقيها لسه نايمه
شيرين : او بتاكول
ضحك الكل وبلشوا يتعرفوا على بعضن اكتر وياخدو ويعطوا بالكلام
شيرين : لك انا جعت شو رح ناكول
نهى : والله سرقنا الحديث وهلأ بتكون ازهار ماخلت شي بالبراد
شافيره : والله شوقتوني اتعرف عليها
ابتسمت جود واشرت بحواجبها… ازكر القط بينط ليكا شرفت ام كرش
التفتوا الصبايا لمكان ما اشرت جود ليشوفوا صبيه اموره بشعر كيرلي بني اللون وعيون عسليه وملامح ناعمه
ازهار : هه اهلا وسهلا… عنا ضيوف
جود : هدول نزيلات جدد يارب تكوني خليتي شي نضيفهن
مسحت ازهار تمها بكم بلوزتها وابتسمت ببلاهه
ازهار : اه .. اي لكن هلأ احلا ضيافه لعيون الضيوف 😁
شيرين : الله يستر 😒
*╚══════ღღ══════
كان حمدي قاعد بغرفته وعم يراجع كشف الطالبات ويخطط كيف يستدرجهم وحده وحده لحتى رن تلفونه وقطع حبل افكاره الشيطاني مسك الجوال وبس شاف اسم المتصل تنكرز ونفخ بضيق وفتح خط
حمدي : لك اهلين وسهلين بست الستات كيفك خالتي ناديا
ناديا : اي كول بعقلي حلاوه… وينك يامقصوف الرقبه ليش ما اجيت لعندي هاد الشهر
حمدي : صدقيني ياخالتي الشغل لفوق راسي خلص الشهر الجاي رح تلاقيني فوق راسك
ناديا : لكن اعمل حسابك بدي كل الملفات تبع الشركه والمناقصات بدي شوف الشغل ماشي ولا عم تتنايط متل عادتك
حمدي : اي لاتاكلي هم حبيبة قلبي كله تمام والملفات رح جيبهم معي
ناديا : اي لنشوف… يالله انتبه لحالك واتغطى منيح باي
حمدي : الله معك
سكر الخط وبرم شفايفه وهو بيقلد فيها
اعمل حسابك بدي كل الملفات تبع الشركه والمناقصات…… هه ع اساس شركة اللي خلفك كلك شقفة مساهمه روحي تخيبي
قام من مكانه ورتب هندامه وهو بيهمس لحاله
حمدي : احسن شي روح اعمل جوله واطمن على الصبايا لك ريتهم يطلعوا ع قبري ما احلاهم
نزل يتسحب متل القط ولمح ضو غرفة @rwayate قدر شاعل وبسرعه قرب منه وبلش يراقب من ورى الشيش ويتسمع عليهم
سندس : لك شبك صرلك ساعه عم تحسبي بالاله الحاسبه
قدر : لك تخيلي ملابس التنس بخمسين دولار 💲
سندس : لك قبل ماتفكري بملابس التنس فكري من وين بدنا نجيب كتب المراجع لك كتاب تاريخ الحضاره لحاله بهديك الحسبه
شافيره : لك ازا عالكتب مقدور عليهم رح نستلفهن من المكتبه بس يلي شاغل بالي فعلا المواصلات
سندس : اي والله معك حق…
قدر : بناخد تكسي
شافيره : ليش يختي ابوكي الباشا ومامعي خبر
قدر : اي بنتقاسم الاجره كلنا شو نعمل يعني
سندس : الظاهر مافي الا هالحل
شافيره : مابعرف… بس لازم نلاقي حل افضل نحنا ما اخدنا سكن رخيص لنضيع مصروفنا ع المواصلات
قدر : طيب خلونا نشوف باقي الصبايا

شافيره : لك نحنا بندرس بجامعه وهنه بجامعه وطريقنا مو واحد
قدر : والحل ؟؟
سندس : خلونا نروح ننام هلأ وبكرا بيحلها الحلال
شافيره : تمام تصبحوا على خير صبايا
سندس : خديني معك… @rwayate سعيده قدر
قدر : الله معكم اتأكدو من قفل الباب هه
نزل حمدي عالهدا وهو بيهز راسه برضا وبعيونه لمعه وكأنه وصل لبداية الخيط اللي تخليه يتقرب من الصبايا ويتعرف عليهم بدون مايعرفوا مين بيكون
*╚══════ღღ══════
نرجع لعطا وعوض 🙃
كانو التنين قاعدين على مقعد خشبي وعم تحميهم مظليه من زخات المطر… تعبوا من الشحططه والنومه عالرصيف لحتى تكسرت عظامهم
عطا : وبعدين مع هالحال لايمت رح نظل هيك
عوض : وانا مالي م̷ـــِْو هي افكارك انت وابوك
عطا : ليك ولا اوعك…
عوض : هيييه لاتبلش م̷ـــِْو جاي عبالي نتخانق
عطا : ولا انا .. اساسا جوعان ونعسان لك نفسي حط راسي عالمخده مليت من هالكندره يلي انطبعت نمرتها على خلقتي
عوض ( وقف ) مافي قدامنا الا هديك الفيلا
عطا : هييي هيييي علينا يا ابني انت ممما بتفهم لازم نكون بنااات
بلش عوض يتقصوع ويحرك بشعره متل البنات
عوض : وشو يعني نحنا مو قد المقام ولا مو. قد المقام 😉
عطا : بشو عم تفكر
عوض : بدي روح واستأجر بهديك الفيلا وكلشي لازم نعمله نغير تيابنا
عطا : ياشيخ روح التهي هو احنا حيلتنا غير هالبدلتين
عوض : بس نحنا مارح نلبس بدل
عطا : لكن شو رح نلبس
سكت عوض وعيون عطا بتراقب حركاته الغريبه وهو بيمضغ العلكه وبيسبل بعيونه واخيرا دارت الشغله لعطا وبسرعه وقف ورفع اصبعوا بوجه عوض
عطا : ليك ولاااا انا مستحيل اللبس فستان ففففهمت
عوض : اي تسطفل خليك هون مرمي مشقيتي ليحلا ربك
عطا : ولاااا مممكن تقنعني لو شو ماحكيت لا يمكن اللبس فستان يعني لايمكن اللبس فستان
وبعد مرور ساعه تحديدا بواحد من محلات الالبسه النسائيه
كان عطا عم يقيس فستان وهو بعدو ع نفس الاسطوانه
عطا : انا لااايمكن اللبس فستان يعني لايمكن اللبس فستان… ..
وتوجه ناح عوض يلي كان يزبط مكياجه
عطا : ناولني الزفت الباروكه
عوض : تفتلي يا اوختشي
عطا : ممممنك لله يابعيد اللهي اشوف فيك يوم
عوض : اي خلص عاد افرديها ولو
عطا : ولاااا ممماتحكي معي بصيغة الشسما الانثى
عوض : لكن كيف بدي احكي معك ياجدبه لازم تعودي السانك يحكي متلي
عطا : ياخسارتك ياعطا يافضيحتك بالضيعه ياعطا
عوض : تؤ تؤ مافي شي اسمه عطا… . من هلأ انا شهيره وانتي بهيره
عطا : تعالي يما شوفي ابنك صار حصيره صفيره… تعويره
عوض : 😏
عطا : 😭
*╚══════ღღ══════
كانو الصبايا واقفين وناطرين شي تكسي يوصلهم ع للجامعه وحمدي واقف بسيارته قريب منن وعم يراقبهم
سندس : لك مافي ولاتكسي رح نتأخر
قدر : خلونا نمشي لقدام شوي بلكي تيسرنا بشي سياره
شافيره : لك وين بدنا نمشي مو شايفه الشوارع كلا طينه من ليلة امبارح خلينا نستنى شوي الا ماربك ييسرها
مرو خمس دقايق والبنات بعدهم ناطرين واخيرا قرر حمدي يتحرك وفعلا مشي بسيارته ع العهدا ووقف بحدهم ونزل قزاز الشباك
حمدي : شكلكم ناطرين تكسي ازا بتحبوا رح اخدكم بطريقي
سكتت قدر واطلعت بسندس بينما شافيره تبسمت وحكت… يالله نركب
سندس : نركب مع واحد غريب !!
قدر : انتي مجنونه شي
شافيره : انا مدام واثقه من حالي مابيهمني بعدين صرلنا ساعه واقفين ومالقينا تكسي مشو بلا جبن يالله
استسلموا البنتين ومشيوا مع شافيره وركبوا بالسياره
شافيره : بس مانكون عم نعطلك
حمدي : لا ابدا وياريت تعطوني هالشرف كل يوم
سندس : لا شو كل يوم مابيصير
حمدي : وليش مابيصير السياره فاضيه وهاد طريقي للشركه تبعي
شافيره : مممم انت عندك شركه
حمدي : ايه شركة حمدي للاستيراد والتصدير
قدر : معناتا اسمك حمدي
حمدي (ابتسم) اي حمدي
لمعوا عيون شافيره بمكر واطلعت بحمدي وكأنه اجاها من السما
تحركت السياره وظل حمدي ياخد ويعطي مع الصبايا بكل ادب ليحسسهم بالامان لحتى وصلو عالجامعه ونزلوا من السياره
حمدي : صحيح نسيت اسألكم كيف مدبرين @rwayate حالكم بالسكن اخدين شقه ولا بيت طالبات
قدر : نحنا…
قاطعتها شافيره بعجل : نحنا ساكنين بالفيلا سوا
حمدي : فيلا !!
شافيره (بغرور) ايه… الفيلا تبع عمي
قدر وسندس : 😶😐
حمدي : ااااه عمك… طيب بالازن منكم وازا احتجتوا لشي ياريت تتصلوا فيي هاد الكرت تبعي
شافيره : شكرا استااز حمدي
حمدي : العفو على شو يالله سلام
شافيره : الله معك خلينا نشوفك
مشي حمدي وفورا نكشت سندس شافيره
سندس : ليش قلتيلو انها الفيلا لعمك
قدر : اي صحيح ليش كزبتي عليه
شايفره : شبك انتي وياها بدكن ياه يفكرنا اقل منه
سندس : كيف يعني
شافيره : والله ازا هو عندو سياره وشركه انا عندي فيلا ووضعي فوق الريح
سندس : يخرب عقلك شو داهيه ههههه
شافيره : ههههه اي لكن انا شافيره مو حيالله يالله مشو رح نتأخر
*╚══════ღღ══════
بالخطوه الجريئه والمشيه الغير @rwayate متوازنه كانو عطا وعوض قصدي شهيره وبهيره عم يتسندو على بعض واجريهم تلولوح فيهم يمين وشمال

عطا : لك ااانا مممجنووون اللي طاوعتك رح ننكككشف ونروح بشربة مي
عوض : اصلبي طولك يا اوختشي وارخيلي حنكك قربنا نوصل لعند علوان مابدي يسمع صوتك يلي شبه جعير الحمار
عطاا : ولاااا قصدي وليييه بقدحك كف بخربطلك @rwayate مكياجك مابكفي حلقت دقني وشواربي 😭
عوض : هصصصص نوص حسك وصلنا اتركني انا اتصرف
عطا : شرفي ام زكزكزكي ورينا مراجلك
تقدموا الشباب من علوان ووقفوا @rwayate قدامه بدلع بناتي
عوض : صباح الخير عمو علوان
علوان : صباح النور من وين بتعرفيني ياشابه
عطا (نكشو) الله لايوفقك فضحتنا خلينا نفركها
عوض : هصصص رح اتصرف
ورجع التفت ناح علوان وابتسم… . هههه عارفينك من رفقاتنا يلي ساكنين هون
علوان : ايوا… وشو طلباتكم
عوض : بدنا غرفه
نط عطا .. وازا مانك مصدق انه نحنا بنات تفضل شوف وتمممممعن منيح بعتقد ماعندك حجه
عوض : الله لايوفقك اخرااااس
علوان : انا اسف مافي ولا غرفه فاضيه
نسي عطا حاله وبلش يشوح ب ايديه
شلون يعني ممممافي ولاغرفه بنات وقلبنا بنات ورهنا البدل ششششو بدك كمان اااه
عوض : ههههههه معلش ياعمو ماتاخد عكلامها هي هيك بعد الساعه تنتين الضهر بتفصل 😅
عطا : 🙂
علوان : صدقوني يابنات لو في غرفه كنت عطيتكن ياها بس مافي
لاتكدب ياعم علوان في غرفه فاضيه
تلفتوا ناح الصوت وشافو شافيره وسندس وقدر وراهم
علوان : يا انسه شيفاره صدقيني صعب
شيفاره : ليش صعب حرام عليك @rwayate
قدر : ازا مابدك تعطيهم الغرفه يلي بالفيلا عطيهم الغرفه يلي بالملحق
علوان : لااااا كله الا الغرفه يلي بالملحق مممافي
سندس : خليك معدل ياعم علوان حرام عطيهم الغرفه
اطلع علوان ناح شهيره وبهيره وبلع ريقه… هدول بالزات رح اخد فيهم رفد
عطا : مممشان الله ياحموو اعتبرنا بناتك
عوض : يعني بيهون عليك نبات بالشارع
عطا : وهاد غغغير تلطيش الشباب النا والقرص وشغلات ممممافيني احكيها مشان الله وافق
سندس : اي كرمالنا ولو وافق
قدر : مشيها عم علوان
شايفره : احكي انك موافق
علوان : امري لله… شرفوا معي
البنات : هيييييييه ينصر دينك
عطا : شكرا كتيرا الك ياحححممووو
علوان : العفو بنتي…… شبها هي بالعه بطاطا ولا شو… الله يستر بس يعرف حمدي بيك والله ليعلق مشنقتي
*╚══════ღღ══════
ضرب ايدو بقوه عالمكتب وصرخ بعصبيه
حمدي : لك ياغبيييي كيف بتسكن تنتين بنات بدون علمي .. لا وبتقعدهم بنفس الغرفه كمان
علوان : الله وكيلك يابيك @rwayate ماعرفت كيف اتصرف ومابعرف من وين طلعولي باقي الطالبات واصروا الا اعطيهم غرفه
حمدي : هالحكي مابيهمني بتروح بتنقبر على قلبك وبتقلعهم فهمت
علوان :… ..
حمدي : ليش بعدك واقف تحرك من قدامي يالله
علوان : اي ماشي بس نسيت قلك انه باقي الطالبات حلفوا يمين ازا هالبنتين بيمشوا رح يمشوا هنه كمان… خاطرك
حمدي : استنى عندك
قام حمدي من ورى مكتبه وتوجه ناح علوان وعيونه بتقدح شرر ووقف قبال علوان
حمدي : خلص ماتمشيهم بس قلي كيف شكلهم… اكيد حلوين ماهيك .. انت بتعرف زوقي وبتعرف مبدأي… الحلوين يلي بدهم حمايه
علوان (بلع ريقه). شششو. بدو يكون شكلهم يعني .. خلقة ربنا
حمدي : شكلهم بشعين.!!!
علوان : بصراحه هنه شكل تاني عن كل حدا شفته بحياتك
انبسط حمدي وحط ايدو ع كتف علوان وشد عليه
حمدي : برافووو ياعلوان برافووو… تصدق شوقتني اشوفهم برافووو
علوان : 😰
*╚══════ღღ══════
ياترى شو رح يصير بحمدي وقت يشوف عوض وعطا قصدي شهيره وبهيره 🤣 استنوني بالجزء التاني لتعرفوا 😅
#يــــــتبــــع