📚قصص||روايات||منوعة📚:
#غباء_بالفطره
#الجزء_الثاني
#بقلمي_امل_احمد_سلوم
@rwayate
*╚══════ღღ══════

اوقات بيكون الغباء نعمه على صاحبه وبينقذه من مواقف هو بغنا عنها لكن بوضع اصحابنا كان لغبائهم نكهه تانيه من نوع جديد… تعوا لنشوف شو صار بعد ماتحولوا عطا وعوض لشهيره وبهيره 😅

*╚══════ღღ══════

فاتو لغرفتهم وبسرعه سكرو الباب بالمفتاح وشالو المفتاح وبحركه لولبيه شال عوض العلكه من تمه وسكر فيها خرم الباب وعطا سكر الشبابيك والشيش

عطا (رمى حاله عالتخت وفرد ايديه ) ااااخ يا امي شو اشتقت للشسما المخده
عوض : قوم بلا كسل ساعدني نرتب هي الاغراض لك مابعرف لشو البنات بيستخدموا كل هالمكياج
عطا : هه لكان شلون بدهم يضحكوا عالرجال يااجدب ازا نحنا وممماحدا عرف انه بنات شو نحكي عن الشسمو الجعافر
عوض : ههههه لك والله صح اتاري نحنا الرجال مظلومين مع جنس حوا
عطا : انت بتعرف ابي وابوك شو بيشتغلوا ليبعتلونا مية دولار
عوض : افففف اي بعرف بيشتغلو اوفر تايم عند شيخ الغفر
عطا : وجايبنا ع سكن شسمو بنات لك هي دقني لو فلحنا
قرب عوض من عطا وقعد بحده وهو مبتسم
عوض : دقنك شو ياحلوه ماخلص عليه العوض… هاتي بوسه
فز عطا من اربعته وشلح الباروكه وبلش ضرب بعوض
عطا : ولااا نحنااا شسمووو رجاال يخرب بيتك من حالك
عوض : اتركني يامجرم ولييييي وليييييي

*╚══════ღღ══════

ظل حمدي طول الوقت حايس وهو رايح جاي بيدور ع طريقه يشوف النزيلات الجدد
ظل يراقب بالفيلا لحتى شاف الاضويه انطفت ومابقي الا غرفة شهيره وبهيره
اخيرا حان الوقت ليشوف القمرات يلي جمالهم شكل تاني حسب ماحكاله علوان… تسلحب لجوات الفيلا وصار يزحف ع ايديه ورجليه ودقات قلبه عم تعلا وتنزل من لهفة الشوق

اما بالغرفه كانو عطا وعوض لسه عم يدرسوا ويراجعوا المواد

عطا : ولا عوض انا عطشان
عوض : وانا جوعان
عطا : وشو العمل
عوض : رح روح عالمطبخ اقلي جوز بيض وبجيب معي مي
عطا : بطبطبطريقك شرح كم حبة بندوره وكم زيتونه وازا في مقدوسايه وكاسة شاي بكبكبكون ممنونك
عوض : اي امرك ابن عمي هلأ الجاريه تبعك بتقوم بتحضر العشا… قوم فز قدامي عالمطبخ
عطا : مشاان الله والله تعبان ومخنوق
عوض : طيب خلص الليله انا بحضر العشا وبكرا انت اتفقينا
عطا : استفقينا

قام عوض ليروح عالمطبخ بعد مالبس الروب والباروكه وسحب المفتاح من جيبته ليطلع برا

عوض : لك شو هاد
عطا : شو في
عوض : العلكه عالقه بقلب خرم الباب !!!

بهاللحظه كان حمدي كتير قريب من الغرفه .. نبز راسه من ورى الكنبه ليتأكد انه المكان امان ومافي حدا ورجع زحف لعند الغرفه وحط عينه بخرم الباب ليشوف القمرات يلي جوا كيف شكلهم

مالحق المسكين يحط عينه بخرم الباب الا وكان في عود طالع من الجهه التانيه ليبعز عينه تراجع لورى بقوه وهو كاتم صرخته وحاطط ايدو على عينه وهرب كرفته من الفيلا 😂

بتفكرو حمدي يأس ولا البعزه بعينه اثرت فيه ليتوب ويحرم 😅 لا ابدا بعدو مصر يشوف النزيلات لهيك ماكان قدامه الا السلم ليشوفهم من ورى الشيش وبسرعه راح جاب السلم وركزه عالحيط بهدوء وبلش يطلع

كان عطا بعدو بالغرفه نايم عتخته ورافع الكتاب قدامه وبيلوح بأجره شمال ويمين

عطا : هفففف شو هالخنقه احسن شي افتح الشباك شششوي لاغير هوا الشسما الغرفه

وصل حمدي لآخر السلم وصار قدام الشباك مباشره حط راسه قدام الشيش ليحاول يشوف اي شي وفجأه انفتح الشيش ليقلب المسكين من فوق السلم ويوقع فوق شجرة صبار 🤣

حمدي : ااااخ يا اميييي… شكلي رح موت قبل ماشوفهم بس شو عليه اكيد العسلات بيستاهلو هالتعب احسن شي استنى لبكرا والكل بيكون بجامعته واكيد رح اقدر شوفهم

بلش يمشي وهو بيعرج ويسحب بالصبار يلي علق ببلطلونه

*╚══════ღღ══════

وبيوم كانو عطا وعوض قاعدين كل واحد بزاوية بالغرفة ومنسجمين بدراستهم .. اخدين راحتهم عالاخر ولابسين شورتات وفانيلات ..

وبرة كانو سندس ونهى وقدر وجود وشيرين وشافيره وازهار ماشيين بالممر وهنن بيحكو ..
قدر: يعني معقول يوافقو؟
جود: وليش لحتا مايوافقو . الحق مابزعل حدا 😌 بعدين صرلهم اكتر من اسبوعين هون وماشفناهم شاركونا بشي
شافيره : صح كلام جود وبعدين ماتنسي نحنا عملنا معهم معروف مالازم ينسوه ابدا
نهى : اي والله وهنه مبين عليهم مؤدبات ومابظن يرفضو ..
شيرين : بس شكلهم بيخوف
ازهار : بيخوف ولا مابيخوف شو نحنا بدنا اناسبهم مشوا لنروح لعندن

وصلو البنات عالغرفة ودقو الباب .. تزامنا مع انسجام عوض وعطا بدراستهم ونسيانن حالهم ليجعرو بصوت عالي: مييين؟

اما البنات برة انصدمو وكأنو اجتهم الجمدة .. 😂
قدر: بـ بالله مدري لَيــِْـِْش. حسيت حالي سمعت صوت. شب؟ !!! 😰

اخيرا دارت الشغلة للشباب جوة وصفنو شوي واتطلعو ببعض ..
رد عوض بصوت ناعم: اصدي مييييييين؟
سندس: نحنا زميلاتكون يابنات ..ممكن نفوت

نطو تنيناتهم م̷ـــِْن أربعتهم وبلشو يتفتلو بالغرفة متل المجانين وبلش تراشق التياب والحمالات والباروكات بالهوا .. عطا. لبس باروكتو ونط عالتخت وخبا حالو تٌَحَـتْ الحرام ..😂
اما عوض اللي كان اشطر منو خلص لبس وفتح الباب للصبايا ..
عوض: يا إهلا وسهلا بزميلات السكن ..زارتنا البركة والله ..تـ تفضلو ..
سندس: بس مانكون زعجناكون ..😕
عوض: اي ..لاااا شو زعجتونا ..هههه

فاتو البنات وقعدو كل وحدة بقرنة …
قعد عوض وهو مستحي @rwayate ووجه نظرو على عطا يلي كان طامر حالو تٌَحَـتْ الحرام 😂
عوض بقلبو :اي شو عليه ياعطا ..عميل وكتر

سندس : وينا بهيره
عوض : ب ب ب بهيره بهيره ليكا نايمه .. عندها برد
عطا : هاتششييي
سندس : يحرااام يقلبي انتي

وقربت من عطا لتطمن عليه ومدت ايدها لترفع الحرام
عطا : هاتشششي. اخخخ
سندس : اااه ولي شو هاد
عوض : معلش لاتواخزيها هيه هيك مرضها عاطل
شافيره : المهم… نحنا جينا نعطيكن الجدول
عوض (اخد الورقة) جدول شو جدول الضرب
شافيره : لا جدول شغل البيت
عوض : اه 😶
عطا : هاتششششووو
قدر : نحنا وزعنا الشغل بيناتنا بالعدل وحياة خالتي
عوض : ايييه وووشو المطلوب منا
شافيره : حسب الجدول انتو عليكو السبت والاحد كنس ومسح الفيلا
عطا : هاتشووو
شافيره : شبها
عوض : لا ابدا @rwayate صابها التهاب رئوي .. اي كملي
شافيره : الاحد والاثنين الجلي
عطا : اتششششييي
شافيره : لك شو صرلا
عوض : التهاب معوي .. كملي حبيبتي
شافيره :الاتنين والتلات الطبيخ وروحه عالسوق لتجيبو خضار ولوازم البنات
عطا : اتتشششي
شافيره : الاربعاء والخميس تعزيل
عوض (بلش يحسب ع اصابعه) سبت احد اتنين… .. خميس… . ايوه واكيد الجمعه اجازه ماهيك
شافيره : اي لكن انتو لازم ترتاحوا وتسلوا وقتكم بالغسيل
عوض : غسيل شو… غسيل برك
شيرين : شو غسيل برك شو الحكي الفاضي هاد غسيل قمصان وكلسات وبرادي و… . كمان
عطا : هاتشووووو اااه يانا يما
عوض : سكتي يابهيره رح نغسل
شافيره : بدكم شي هلأ
عوض : سلامتك ياروحي
شافيره : اوك سعيده يابنات باي
قربت من عوض وباسته وطلعت ومن بعدها قربت نهى وباسته وبعدها مجد وباقي الصبايا وطلعوا
عطا (رفع راسه) طيب انباس انا كمان يعني هو رح يغسل لوحده

طلعوا البنات اخيرا وسكر عوض الباب بسرعه لينط عطا عن التخت

عطا : انا على اخر الزمن اكنس واشطف انا رح ارميلك حالي من الشباك واخلص
عوض : اهدى ولا مافي شي من هاد راح يصير
عطا : اي مارح يصير لو ع على شسما جثتي
عوض : المشكلة مو هون @rwayate
عطا : لكن وين المشكله
عوض : بكرا الجمعه ولازم انام بكير يالله حبيبتي نامي وارتاحي بكرا عندك غسيل تنانير وبرادي و لانجري
عطا : بالله شوووو اسماااع ياشسمك انا لاااايمكن اغسسسل لانجري يعني لايمكن اغسسسل لانجري

وتاني نهار كانت نانسي عجرم قصدي بهيره قاعده قدام طشط الغسيل وعم تفرك بالكلسات و اللانجري
عطا : انا لما احكي لايمكن اغسسل لانجري .. يعني لايمكن اغسل لانجري…
عوض : شو صار معك خلصتي
عطا : اي تنيلت بس بدي افهم هاد كيف بيلبسوه 🤔
عوض : لك نوص صوتك وانا شو بعرفني كيف بيلبسوه .. بس بتعرف والله الوانهن حلوة ..
@rwayate
وقف عطا وحط ايديه عخصرو وطعج حالو ..:شو رأيك تشتريلك شي طقمين تبدل فيهم 😂

عوض: بالله شو .. انا لباساتي مو عرفان وين روح فيهم .. يلا حبيبتي بهيرة خلصي هون لحتى روح انشر اللي عليي ..

راح عوض ورجع عطا قعد وهو ببربر .. رجع فرد اجريه ومسك واعة بإيدو وبلش يفرك فيها م̷ـــِْن قلبو وهو بغني ..:مفيش حاجة تيجي كدة … اهدا حبيبي كدا 😂

اما تحت كان حمدي عم يطلع لفوق عشباك الحمام ..
حمدي: ايوا .. شكلا وحدة م̷ـــِْن الصبايا عم تتحمم .. والله مارح روح عليي هالشوفة ..
جاب سلم وحطو وبلش يطلع عالهدا لحتا يوصل

اما عطا خلص اخر قطعة وحطها بالغسالة ومسك طشط المي وحملو ..
عطا: يااامهون .. @rwayate
ورشقو كلو م̷ـــِْن الشباك على حمدي .. 😂
اما حمدي نزل بسرعة وهو عم يمسح وجهو م̷ـــِْن مية الغسيل وركض لبعيد وشاف عوض عم ينشر الغسيل … 😂
رجع اتخبا ورا الشجرة واخد نظرة على عوض ..
حمدي: العماااا شو هالشكيلة رح استفرغ ؟ وايمت استأجرت عِنـ.̷̷̸̷̐ـديّ😰
رجع طلع عطا مع سلة الغسيل وحطها قدام عوض. وبلش يتمسخر
عطا بدلع: انا خلست اوختي شهيرة

رجع بعد حمدي وحط ايدو عتمو ولعت منافسو 😂
حمدي: يا امي رح يغط عقلبي .. انا بورجيك ياعلوان ..

تراجع حمدي واتوجه لعند علوان بسرعة البرق ..
علون بعدم فهم ..:اي بنات؟
حمدي: لاتجدبها علوان ..هدول التنتين البشعين لَيــِْـِْش. لحتى اتأجرهن بدون ماترجعلي 😤
علوان: اه قصدك بهيرة وشهيرة @rwayate
حمدي: اي عن البطيختين هدول مين ازنلك تأجرهن؟
علوان: والله انا ماكان بدي بس البنات اتدخلو وانجبرت
حمدي: مممماااا بهمني .. هلأ بتروح وبتحكيلهم يضبو اغراضهم وينقلعو …يقصف عمرهم عهالاشكال لعولي منافسي الله يلعي منافسك ومنافسهم ..
علوان: حمدي بيك ازا تقلعو شهيرة وبهيرة رح تخسر كل البنات يلي بالفيلا
حمدي: وليش؟
علوان: لأنو حكولي ازا مارضيت اجرهم رح يتضامنو معهم ويتركو البيت ..
حمدي: هيك لَـگِنْ ..
علوان: اي والله
حمدي: اففففف خلص مو مشكلة .. وتاني مرة مابتشتغل م̷ـــِْن راسك احسن ما اطردك واقطع برزقك ..
علوان: بأمرك 😒

*╚══════ღღ══════
@rwayate
بالحرم الجامعي كانو شافيره وسندس وقدر قاعدين بالكافتيريا وعم يشربوا عصير

قدر : باينته الاستاز حمدي كتير جنتل
سندس : انا مافيي احكم عالناس من مضهرها او من اول موقف
شافيره : لا سندس مابتفق معك الانسان بيبان معدنه من المواقف
سندس : وانتي قلتيها من المواقف مو من اول موقف
شافيره : اي انتي حره
قدر : بدي روح جيب مي حدا بدو شي
سندس : انا لا
قدر : وانتي شافيره
شافيره : سلامتك حبيبتي عم اشرب عصير
@rwayaate
فتلت قدر حالها بسرعه لتروح تجيب مي وفجأه صدمت بحدا

قدر : لك فتح انت اعما
عوض : وليييي كشكولي
قدر : هاد يلي لفت انتباهك كشكولك
بعدها عوض ومسك الكشكول يلي صار يسبح بالعصير واطلع فيها بعصبيه واول ما اجت عينه بيعنها انصدم وبلع ريقه
عوض : ولي على هالعلقه
عطا : خلينا نمشي قبل ماننكشف
@rwayate
قدر : انا وين شايفتك قبل هالمره
عوض (اشر عحاله ببلاهه) مين انا… مممابعرف
عطا : بيخلق من الشبه اربعين ياشسمك
سندس : وانت كمان وجهك مو غريب عليي
صفرن عوض وعطا وحسوا حالهم انكشفوا
عوض : هلأ كيف بدي جيب كشكول بدل يلي تبهدل بالعصير اه
قدر : انا بعتزر منك ماكنت منتبهه .. انا اسمي قدر وهدول رفقاتي سندس وشافيره
عوض (بقلبه) شكلها ماعرفتنا الحمدلله نفدنا
انا عوض وهاد ابن عمي عطا @rwayate
شيفاره : ازا بتحبوا تفضلوا انظموا ل النا
عطا : شكرا مابنقعد مع بنات
شافيره : وازا قلتلك مشاني
عطا : شبك ياشسمك قلتلك مافينا… يالله ياعوض
عوض : اي طول بالك ابن العم عيب مانقبل عزومة الانسه
شافيره : ههههه عزومة شو لا اخي هون كل نظام انجليزي كل واحد بيحاسب عن حاله
عطا : ازا هيك طمنتيني ياشسمك وهي قعده
قدر : وانت مارح تقعد معنا استاز عوض
عوض : لا ولو بس ياريت تناديني عوض بدون اللقاب
قدر : اي متل مابدك عوض 😁

ظلوا يحكوا ويضحكوا وبسرعه تعودوا على بعض او يمكن المعرفه السابقه فادتهم هالمره

بعد دوام الجامعه وقفوا الكل عند البوابه
@rwayate
قدر : عوض خود كشكولي انقل منه المحاضرات
عوض : يسلمو انسه قدر
سندس : خلونا نشوفكم هه
عطا : مممعلوم يالله خاطركن
سندس الله معكم

راحوا عوض ورضا وظلوا البنات واقفين مكانهم

سندس : شكلهم خام جدا
قدر : بس طيبين كتير
سندس اي والله فعلا

هاااي
@rwayate
تلفتوا الصبايا وشافوا حمدي واقف بسيارته قريب منهم ونزل منها

حمدي : صدفه غريبه اكون مروح من الشركه بنفس موعد ترويحتكم
شافيره : لا معلش هالمره رح ناخد تكسي مابدنا نتقل عليك
حمدي : لا تقله ولاشي سبق وقلتلك السياره فاضيه وهيك هيك طريقنا واحد

كانو عطا وعوض بعدهم قراب من البنات وشافوا حمدي بيحكي معهم

عوض : الحق عطا في واحد بيعاكسهم
عطا : مالنا دخل خلينا نممممشي
عوض : عيب يارجل هدول جيرانا وين الشهامه
@rwayate
تحرك عوض بسرعه ووقف قدام حمدي ورفع اصبعه بوجهه
عوض : شو بدك منهم ولااا
حمدي : روح من هون ياشاطر
عوض : اسمااااع يابتحكي منيح يااما مابتعرف شو رح يصيرلك
حمدي (شمر عن زنده) وشو رح يصرلي 🤨
عوض : وانا شو بعرفني شو رح يصيرلك 🏃‍♂️

شاف عطا الموضوع اتأزم مع عوض ودبت فيه النخوه وركض وضرب صدرو بصدر حمدي
عطا : سمممماااع اناااا بسبسبسس عصب شسمو وجهي والكف
حمدي : لا والله
عطا : ولي عوووض خبيني 🏃‍♂️
@rwayate
ادخلو البنات بيناتهم وحكت شافيره
ياجماعه انتو فاهمين الموضوع غلط.. السيد حمدي عرض يوصلنا بطريقه بسيارته بس
عوض : هي حركات مكشوفه
عطا : رجلنا ع شسمو رجلكم
حمدي : اه .. اي ماعندي مشكله السياره فاضيه وتحت امركم
عوض : السياره !!!! لك عطا رح نركب يالسياره
عطا : اهلا وسهلا… اهلا وسهلا…

بلمح البصر كانو عطا وعوض جوات السياره

حمدي (بضيق) الافنديه لوين رايحين
عوض : انت شخصيا لوين رايح
حمدي : عالهفا
عوض : ايوا ونحنا هناك كمان
حمدي : طيب بوصل الصبايا بعدين بوصلكم
عطا : لا لا لااا ننننحنا كتيررر مناح هيك 😁

تلفت حمدي لورى وشاف عطا قاعد بالنص وفارش ايديه حوالين البنات واخد راحته عالآخر… شد عالمقود بقهر وشغل السياره
عطا : سوق يالله وحياتك وعلى مهلك والنبي يسطا
حمدي : 😡

ظل حمدي طول الطريق يزور عطا وهو عشوي رح يطق من قهرو واول ماوصلو نزلو الصبايا
شافيره : شكرا استاز حمدي
قدر : خلينا نشوفك استاز حمدي
سندي : باي استاز حمدي
عطا : مرسي استاز حمدي… بيباي 😂

عوض : لك عطااا بست
عطا : شو
عوض : لوين رايح
عطا : مروح
عوض (بلش يعض عشافه) لك مابينفع ممممم لك
اخيرا دارت الشغله لعطا وانتبه انه مو بهيره
عطا : اي ماشي يا انسات شسمو بنشوفكم بباي
ركب عطا السياره ووصلهم حمدي لحد النوفتيه يلي راهنين بدلهم عنده
عوض : شكرا استاز حمدي
حمدي : لا العفو وازا بتحبوا بوصلكم كل يوم
عطا : عنجد… لكن بكرا بنفس المكان والزمان وحياتك مو تتأخر… يالله بيباي
حمدي : 🙁

🤣🤣🤣🤣🤣🤣🤣

وبالفيلا كان عطا نايم عالتخت وسارح بالسقف

عطا : ولا عوض
عوض : شو بدك
عطا : مين يلي حكا انه في علاقه بين الحب والكازوزه
عوض : مممم نوكلا
عطا (تجلس وابتسم) لا… محسوبك
عوض : ايوه وكيف اكتشفت هالشي ياعبقري زمانك
عطا : شسمو اليوم ونحنا بالسياره سندس كانت لازقه فيي كتير وحسيت شسمو جسمي صار فيو تنميل متل الكازوزه
عوض : ايوااااا
عطا : لك مو هاد الحب ولاا
عوض : الله اعلم

اندق الباب فجأه ليفزو من مكانهم ويبلشوا يتراكضوا ويلبسوا البواريك

جود : افتحي يابهيره
عطا : يالله جيت جييت

عطا (فتح الباب) نعم جود في شي
جود : اي .. هاد المنيو تبع بكرا رح تطبخولنا كبه وباميه وزر…
عطا (برم شفايفه) وبدكن كبه لبنيه ولا كبه بالصينيه
جود : مممممم يالله منكم بركه… اي صحيح شافيره وقدر بدن ينزلو عالسوق يشترو اغراض الطبيخ بدكم شي !!
عطا : اي بدي موس حلاقه زكاتك لاحلق دقني
جود : نعم !!!!!
عطا : اييييه قصدي موس احلق فيه القلم ابري فيه القلم
جود : ههههه اوك رح قلهم يجيبولك برايه ياحلوه… .

مشيت قدر وعطا بيطلع فيها هيك 😕

عطا : بدك ياني احلق دقني ببرايه
وفتل وجهوا ليفوت جوا واتلقى ضربه بجرن الكبه عراسه من عوض
عوض : يخررررب بيتك 😡

كانو قدر وشافيره طالعين من الفيلا ورايحين للسوق وفجاه سمعوا زامور سياره بحدهم اطلعوا بجنبهم وكان حمدي بسيارته الكشف

قدر : اهلا استاز حمدي
حمدي : شو هالصدفه الحلوه هي
شافيره : كترانه صدفك هه
حمدي : اي يمكن لانه حظي حلو تفضلوا لوصلكم عالسوق
شافيره : وشو عرفك انه رايحين عالسوق
حمدي : اه… . لانكم فعلا رايحين عالسوق
شيفاره : بصراحه الطباخ بالفيلا تبع عمو تعبان وقلت بروح انا عالسوق عواضه ومنه بغير جو
حمدي : عااال فرصه اوصلكم بدون عوض وعطا تفضلوا اركبوا

فتحت شيفاره الباب لتركب ولمحت خيال سبقها ونط جوات السياره
عطا : هاااااي
عوض : هالووووو
حمدي : 😥
شافيره : ههههه انتو ليش لحقتونا يابنات
شهيره : ابدا داق خلقنا وقلنا بنجي معكم نشم هوا بهالسياره الحلوه… صحيح ماعرفتونا
شافيره : هاد الاستاز حمدي… . استاز حمدي هدول شهيره وبهيره ساكنين معي بالفيلا
حمدي : اهلا وسهلا… بالعوانس ققصدي الاوانس… بصراحه كرم كبير من حضرتك يا انسه شافيره انك تسكني كل هالمجموعه بالفيلا تبع عمك.
بهيره : الفيلا تبع مين يختي
شيفاره : عمي… الفيلا تبعت عني (وعضت. عشفايفها)
شهيره : بصراحه عمها صاحب الفيلا كتيررر تيب يااستاز حمتشي
عطا (قرب من حمدي وهمسله) بيني وبينك صاحب الفيلا اكبر مغفل وشسمو حماار

دعس حمدي فرام قوي فجأه لتضرب بهيره بالقزاز وترجع مطرحها
حمدي : انااا اسف يا انسه مابعرف شو صرلي وين بتحبوا وصلكم
بهيره : ع الحسبه
شافيره : احممم وصلنا عالمول ازا سمحت
@rwayate
طبعا استمر الحال متل هيك مع حمدي الصبح بيلاقي بوجهو عوض وعطا والمسا شهيره وبهيره 😂

*╚══════ღღ══════

المسا على طاولة مليانة نقرشات وأكلات حطت سندس جاط بوشار كبير ونطت عالكنبة قدام الشاشة ونادت.. :يااابنااات القعدة جهزت والفلم خمس دقايق ببلش ..
اجتمعو البنات والتفو حوالين الشاشة شي عالأرض وشي عالكنبايات .. اما عطا وعوض كانو نازلين عالدرج وهنن لابسين بجامات وحدة حمرا ووحدة صفرة 😂

عطا: ياعيني شو هالسفرة الحلوة .. 🤤😍
التفتو كل البنات عليهم وحكت شافيره ..:تعالو سهرو معنا بهيرة وشهيرة ..
عوض: اي نحنا يلي بنجي ..يالااا اوختشي بهيرة 😁

قربو عوض وعطا وقعدو عالكنبة بين البنات وعطول عطا حمل جاط البوشار .. :ياسلام بوشااار ..شو بحببب البوشار .. @rwayate
وبلش يغرف وياكل
سندس: صحة بهيرة .. بس وفري شوي لسا مابلش الفلم 😅
عوض: لَيــِْـِْش. فلم شو حابين تحطو؟
عطا: انا بحب افلام عادل امام ..حطولنا لعاادل امام
عوض: لااا بدي فلم لعبد الحليم انا بموت عليه 😍

اتضحكو عليهم البنات وضلو ساكتين لبينما بلش الفلم …
كانو قاعدين وبتابعو والخطة ماكانت يتابعو ابدا افلام رعب 😂
وعيونكون مَآتشُوٌفْ الا النور. كان عطا كل مابيطلع موقف مرعب يصرخ اما عوض وقف ونط م̷ـــِْن عالكنبة واتخبا وراهم متل ولاد الصغار 😂 @rwayate
نهى : لكك شبك شهيرة
عوض: لكلكلكككك بخوووف الفلم😭
عطا: اي وال وال والله بخبخبخووف 😭
شافيرا: خلص خلص. هي طفينا. هههههه

وهنه مرعوبين ومنكمشين عحالهم بيبان طرف بطاتهم وبتنتبه عليهم قدر ..
قدر: ئي .. شو بهيرة وانتي شهيرة شو هالأشجار المزهرة يلي ناتعيهم 😂
عطا: أشجار مزهرة؟ ؟!!!!
رفعت شافيرا طرف بجامة عطا وشهقت ..:يييييييي شووو هاااد … ڵـڱ انتو عشو مسمين حالكون بنات ..
عوض: والله ماعم بفهم 🙁
سندس: كنو بحياتكم مو ناتفين وللا بعمركون تعرفتو عشي اسمو شمعة او سكر او حتى جيم 😂
اتطلعو عوض وعطا ببعض هيك 🙂
أزهار: طالعين متل الغوريلات يلي بالغابات الاستوائية 😂
اما البنات فصلو ضحك عليهم 😂 @rwayate
وفجأة انقطعت الكهربا ونطو الكل م̷ـــِْن الرعبة ..
قدر برعبة: وليييي لَيــِْـِْش. انقطعت الكهربا 😱
ازهار: طوطوطولو بالكون صبايا بجوز فصلت الساعة لأنو الها بالعادة ..😥
حملو جوالاتهم وبلشو يضوو فيهم …
جود: معناتا روحي رفعي القاطع ..
ازهار: بالله شووو .. شايفتيني مجنونة لأنزل عالقبو هلأ 🙂
سندس: يا •اللّـہ̣̥ ..ياريت فِيَھ عنا رجال بالبيت 😭
ردو عطا وعوض: ياريت 😭
قدر؛ :انا رح رن على عم علوان بركي يجي يوصلها ..
رنت عليه بس علوان كان بسابع نومة 😂
سندس: شو صار معك؟
قدر: ماعم برد ..😥
عطا: ليكون ..ليكون اجا القاتل ويصير فينا متل الفلم ..بالاول بيقتلو الحارس بعدين اهل البيت 😱
شافيره: هههه •اللّـہ̣̥ عليكي يابهيرة شو خيالك وسيع ..انا رح رن لـ حمدي لحتا يجي
سندس: هلأ بدنا ننطر حمدي تبعك لحتا يجينا .. امري لالله انا بنزل عالقبو .. بس بدي حدا يجي معي ..
@rwayate
وفجأة تراجعو كلن لورا ليضل عطا بوجها ..😂
سندس: والله مافي مـڼـڱ انَــْتي بهورة 😍 يلا تعالي
عطا: انااا ايمت حكيت بدي اجي 😩
سندس مسكت ايدو وسحبتو معها وسمع عوض بيحكيلو: •اللّـہ̣̥ معك يختشي ..ديري بالك بهورة 😂

وصلو سندس وعطا عالقبو وبلشو ينزلو بالعتمة .. وهونازل عالدرج عطا ورجليه بترجف وبتضرب ببعض اتفركش واتدحكل عالدرج مع سندس .. 😂
سندس: ااخ يبعتلك حما يابهيرة كسرتيلي ضلاعي
عطا: اسفة اسفة والله انعما عئلبي 😶
رجعت سندس وقفت وضوت بجوالها لحتا لقت الساعة ..
سندس: لقيتا .. رح ارفع القاطع .. 😃
عطا: اي رفعي يختي يستور عاوختك

اما فوق كان عوض واقف بين البنات ومو عرفان مين حاضن م̷ـــِْنهم م̷ـــِْن رعبتو 😂
@rwayate
قربت سندس وحاولت توصل للساعة بس كانت بعيدة
عطا: شو صار معك ياشسمك؟
سندس: اولا اسمي سندس ..تانيا الساعة عالية كتير ما عم بقدر اوصلا ..ليكي بهيرة انتي اطول مِڼـّي يمكن توصليلا ..
عطا: لٱ مابقدر عنجد عالية .. شو رأيك تحمليني لحتا ارفعو ..
سندس: اه ..اي يلا ..

وقفت سندس ورا عطا ولفتو م̷ـــِْن خصرو وحاولت ترفعو ..اما عطا كان لسا مخشب ووفاتح عيونو عالاخر وسندس حاضنتو م̷ـــِْن ورا وبتحاول ترفعو .. 😂
عطا: ليكي بعد التفكير .. خليني انا ارفعك .. انتي اخف
سندس: منيح حكيتي ..ماشالله عنك تقيلة انتي 😅
وقفت سندس قدامو وحست بايديه مسكوها م̷ـــِْن خصرها وانصدمت لما رفعها مرة وحده لفوق بدون حتى مايشتكي م̷ـــِْن وزنها ..
عطا: شو ناطرة سوسو ..يلا
سندس: اي يلااا ها. .. رفعتو ..
@rwayate
ضوت الكهربا ونزلها عطا لتحت وهي بعدا متفاجأة ..
عطا: شبك؟
سندس: بالله بهورة انتي عاملة دورة رفع اثقال شي 😂
عطا: هههه لٱ لَيــِْـِْش.
سندس: ماشالله انتي قوية متل الرجال 😅
ابتسم عطا بخجل وحك الباروكة تبعو …:•اللّـہ̣̥ يجبر بخاطرك ☺️

اما فوق بعد ما ضوت الكهربا انبسطو الصبايا ورجعت الرياحة عندن ..اما عوض كان واقف وجمدان مكانو وقدر بعدا حاضنتو م̷ـــِْن الرعبة ..
عوض طبطبلا عكتفها : قـ قدر اجت الكهربا
فتحت عيونها واتطلعت فِيَھ ..:يي منيح اللي اجت. شو بخاف م̷ـــِْن العتمة
بعدت عنو ورجعت قعدت عالكنبة ..اما هوة ضل يطلع فيها واتنهد وابتسم متل الهبلان 😂
@rwayate
اما بالقبو .. كانو سندس وعطا عم يهمو ليطلعو لما لمحت سندس فارة مرت م̷ـــِْن بين رجليها وهي ارتعبت وصرخت وبلشت اتنطوط مكانها ..
عطا: شبك؟
سندس: فارة فاارة ..
وركضت لعند عطا وضمتو م̷ـــِْن الرعبة ..
سندس: انااا خايفة 😭😭
عطا: انا خاايفة اكتر مـڼـڱ. . تعالي نطلع ..
كانو ضامين بعض وعم يطلعو عالدرج .. وبنفس الوقت كان عطا حاسس بشعور اتسلل لجواتو م̷ـــِْن بعد هالموقف .. كان حاوي سندس عصدرو وقلبو م̷ـــِْن جوا مبسوط وعم ينط م̷ـــِْن الفرحة ❤️

عطا : اي والله هاد هو الشسمو الحب 😍

*╚══════ღღ══════
مرت الايام والوضع متل ماهو على عطا وعوض بالصبح طلاب جامعه وبعد الضهر ستات بيوت
بهالفتره بلش عطا يحس شعور غريب ناح سندس بينما عوض كانت لنظرة عيون قدر وطأ خاص بقلبه بس ماكانت عندهم الجرأه يصارحوهم بشي
اما حمتشي كان ناطر الفرصه المناسبه ليقدر يسحب وحده من البنات واستغل كزبة شيفاره لمصلحته ومو باقي عليه الا انه يقدر يختلي فيها بعيد عن عطا وعوض وشهيره وبهيره يلي صارو كابوس حياته
ترقبوا الآتي……..

///////////////////////////////////////
@rwayate
بيوم كان باين انه نهار عادي كانت شافيره ماشيه لوحدها وعم تبعد بخطواتها عن الجامعه لحتى حست ع سياره وقفت حدها…
فورا عرفت انه حمدي .. ابتسمت وفتلت وجهها

شافيره : بعرف… صدفه غريبه تكون مارق من هون بنفس موعد طلعتي من الجامعه… بس وينك هالمره مارح صدق
حمدي : مممممم ليش هلقد انا مكشوف
شافيره : ايه
حمدي : طيب شرفي لوصلك بدون صدف
شافيره : ازا هيك اوك ههههه
حمدي : لكن وين سندس وقدر
شافيره : عندن محاضرات وانا حسيت بتعب قلت برجع عالبيت
حمدي : ايوااا لكن رح اسمح لنفسي اعزمك ع فنجان قهوه شو قلتي
شافيره : المنيحه مابدها سؤال

ركبت شافيره ولمحت من بعيد عوض وعطا عم يركضوا لعندهم

شافيره : لحظه حمدي عوض وعطا جايين

اما حمدي ماسمع منها وحط عالاول ودعس بنزين وانطلق بسرعه

عطا : انت ياشسمك معلللم
عوض : رايحين وحدكم تيري ميري بسيطه ياحمدي الزفت

كانت شافيره بتطلع لورى وحزنانه عليهم

شافيره : حرام عليك ارجعلهم
حمدي : حرام عليكي انتي… ليش ماعم تحسي فيي…
شافيره : ليش شو عملت انا
حمدي : الصبح عطا وعوض والمسا شهيره وبهيره والله كتير… والمصيبه فيهم شبه من بعض
شافيره : حرام والله انهم مساكين
حمدي : وانا يعني مو مسكين
شافيره : ليش شبك انت
حمدي : يعني مابتعرفي
شافيره : هئ
حمدي : حطي عينك بعيني
شافيره : هه 👁👁
حمدي : عيونك بتقلي انك تكزبي وبتعرفي شو اللي جواتي

خجلت شافيره وزاحت نظرها عن حمدي وهي بتعض ع شفايفها وبتزيح خصلات شعرها وحاسه بدقات قلبها عم تزيد وانفاسها بتتضارب بين ضلوعها وقررت تجمع بين حبها واعجابها لتحصل على شب جنتل وبين شغفها وطموحها لتوصل للعز والجاه وفجأه لمعوا عيونها وشهقت

شافيره : لك صحيييييح
حمدي : شو
شافيره : لازم اتصل على ماما كتير ضروري… نزلني عند اي مكتب اتصالات ازا سمحت لاني بدي احكي مكالمه خارجيه
حمدي : ولايهمك هلأ بنروح على مكتبي فيه خط دولي
شافيره (بمكر) .. اوك يالله

#يـــــتــــبــــع