📚قصص||روايات||منوعة📚:
#غباء_بالفطره
#االجزء_السادس
#بقلمي_امل_احمد_سلوم
@rwayate
*╚══════ღღ══════╝
كل هالاحداث بتصير وشافيره مو بالدنيا وفايته بحالة حزن وانقسام عن اللي حواليها
بتكون عم تتمشى بالجنينه وبتضرب عينها ناح بيت حمدي وبتلمع الدمعات بعيونها لتتحول لسيل من الدموع
شافيره : ليش هيك عملت ياحمدي انا شو عملتلك ،،،، انا حبيتك
بتمسح دمعاتها وبتقوم من مكانها ب انكسار وبترجع عالفيلا
ومن بين الشجر بيطل علوان وهوو شادد على قبضته وبيحمل حاله وبيروح لعند حمدي
بهالوقت بيكون حمدي حاطط كشف البنات قدامه وايده عخده وعم يشطب ع اساميهم
حمدي : وهي سندس كمان طلعت عفاشوش لك يضرب حظي
بيقطع سلسلة افكاره دقه عالباب ليفوت علوان وهو حامل بقجته
حمدي : شو هاد يلي ب ايدك
علوان : متل مانك شايف انا بدي قدم استقالتي
حمدي : علوان لاتجن انا مو رايقلك
علوان : بالعكس انا صاحي هلأ اكتر من اي وقت ومستعد عيش بالصقاق واكل من ورق الشجر ولا امشي معك بهيك طريق ياريت انت كمان تتقي الله ببنات الناس وتشيل الغشاوه يلي على عيونك
حمدي : ليش حدا قلك اني اعما
علوان : لو ماكنت اعمى كنت اطلعت حواليك وميزت الصح من الغلط لو ماكنت اعمى كنت شفت الحب اللي بعيون شافيره
حمدي : شافيره!!
علوان : اي شافيره ،،، شافيره يلي استغليتها وجرحتها
حمدي : ممما انا كمان بحبا لشافيره بس هيه طلعت عليي بالعالي مره عمي ومره عمتي ومره فلل واطيان
علوان : حاجتك غرور وحاول صلح يلي انكسر اعمل شي صح ولو مره بحياتك وخد مني هالنصيحه ،،، اتقوا الله بقلوب العذارى فإن قلوبهم مربوطه بذباره ،،،،، اشوف وجهك بخير
بيطلع علوان تارك حمدي بحالة صراع مع النفس بيقعد عالكنبه وبيبلش يتزكر مواقف جمعته مع شافيره وبتدمع عيونو
حمدي : لازم صلح اللي انكسر وهلأ
بيحمل حاله وبيروح عالفيلا وبيدق عالباب وبتفتح سندس
سندس : نعم سيد حمدي
حمدي : شافيره موجوده
سندس (بلعثمه) بصراحه ايه موجوده بس
حمدي : بس شو
سندس : هي مابدها تشوفك او تحكي معك
حمدي : اسمحيلي فوت لعندها وانا بحكي معها
مافي داعي ياسيد حمدي
بيطلع حمدي ورى سندس وبيشوف شافيره واقفه
حمدي : شافيره لو سمحتي اسمعيني
شافيره : لو سمحت انت ابعد عني بيكفي يلي صار
حمدي : كانت غلطه وكلنا منغلط
شافيره : صح كلنا منغلط بس غلط عن غلط بيفرق ياسيد حمدي
حمدي : اعتبريها صفحه وطويتها من حياتي ،،، شافيره انا
شافيره : انت شو ياحمدي بدك تكزب عليي من جديد
حمدي : بوعدك من هاللحظه يكون كلشي حقيقه
شافيره الزياره انتهت ياريت تتفضل
بكل هدوء بترد الباب بوجهه تاركته مصدوم ومكسور الخاطر وبداخله اصرار انه يرجعها شو ماكلفه الامر
نزل على عتبات الدرج ولمح عطا عم ينشر الغسيلات ،،،،
بيصفن شوي وبعدا بيبتسم ابتسامه عريضه
حمدي : مالي غير شهيره وبهيره ايه هنه يلي رح يساعدوني مافي غيرهم
كان عطا بالحمام وقدامه كومة غسيل وعم يندب حظه
عطا : اغسلي يابهيره وبيضي الشراشف يابهيره وافركي الكلسات والشسمن شو يابهيره لك كانت باطله ومحوله ساعة سكنت هالفيلا 😓
ازهار : ياحرااااام بدك تغسلي كل هاد
عطا (اطلع فيها وبدو يبكي من القهر) اي يختشي ولسه ما اجا دور الشسمن 😥
ناولته كومة الغسيل اللي ب ايدها وهزت راسها بحزن
ازهار : مسكينه ايمت رح تخلصي لك مافي رحمه
عطا : احكيلهم
ازهار : هدول غجر مابيرحموا ههههه بتعرفي شو خايفه اعطيكي الفستان يلي لابسته لتفكري اني بتريق عليكي
عطا : هي وقفت عليكي ،،، هاتيه 😐
ازهار : (وهي بتشلح الفستان) ،،،حاضر 🙂
بسرعه تخبى ورى الغساله وهو بيصرخ
عطا : مش هوووووون 😫
ازهار : ههههه لك شبك ،،،، خدي ،، يالله باي 🤗
مشيت ازهار وبقي عطا صافن بالفستان ومسكه بطرف ايدو وشمه
عطا : ريحتك حلوه يخرب بيت امك😣
بيفوت لعندو عوض وبيحكي ،،، يالله بعدك ماخلصت تعي لمي معي السفره
عطا : بالله شوووو انا ماخصني بالجلي اليوم انا اختصاص شراشف وكلسات وين الشراشف والكلسات 😤
بيطل حمدي من بين الشجر وبيشوف عطا عم ينشر الغسيلات وبسرعه بيتوجه لعندو
حمدي : كيفك انسه بهيره
عطا : زي الزفت
حمدي : انسه بهيره انا بعرف انه قلبك طيب ومافي منك وبدي مساعدتك لصالح شافيره
عطا (نفض الشرشف بوجه حمدي) وانا مالي انا حكولك عني مصلحه اجتماعيه ،،، اوعى ايدك عن الغسيل
حمدي : حاااضر
تركه ومشي وفات وراه حمدي عالمطبخ وكان عوض عم يجلي الجليات
عوض : نظف ،، مانظف ،،،نظف ،،،مانظف
حمدي : انسه شهيره يا اروع واحن قلب بالكون ممكن تساعديني لاصالح شافيره هيه اخده مني موقف من هداكواليوم وانا بعرف انكم قدها وهيه بتسمع كلامكم
عوض : كان على عيني ياحمتشي بس انت شايف الشغل لفوق راسي وايدي مشغولين
تقدم حمدي واخد الليفه من عوض وبلش يجلي
حمدي : عنك انتي هنه الايدين هدول خلقوا للجلي وللحكي الفاضي هاد
عوض : تفضل 🙂
بعد عوض عن حمدي واطلع بعوض وهزله راسه بمعنى شبو هاد ،،، ليرد عليه عطا ويقلب شفايفه ويرفع كتافه ويرفع ايدو ويعملوا حركة المجانين
حمدي : انا بعرف اني غلطت وبدي ياها تسامحني ،،، بصراحه شافيره اول حب حقيقي بحياتي ارجوكم فهموها هالشي
عوض (ابتسم بمكر) ايمت بس وشغل البيت كله فوق روسنا
عطا : ايه ،،، كله الا الغسيل خصوصا الشسمن الكلسات
عوض : كلسات شو انتي التانيه ناسيه التنانير والشراشف
حمدي : انا تحت امركم بأي شي بدكم ياه ،، غسيل مكوى جلي تنظيف ،،، رح اشتغل عنكم كل شغل البيت لحتى تصالحوني مع شافيره
ابتسموا عطا وعوض واطلعوا ببعض هيك👈😈
*╚══════ღღ══════╝
@rwayate
احيانا لتصلح غلطك بدك تدفع ضريبه مرتبه والاهم تعرف مين تحط واسطه ،، وانت وحظك يابتصيب معك يابتخيب ،،،
ياترى كان اختيار حمدي لشهيره وبهيره صح ولا غلط وشو رح يصير فيه ،،،، تعوا لنشوف 😂
بعد ماتحول حمدي لسرلنكيه نشيطه يكنس ويشطف ويجلي ويمسح ظل متعلق بحبال الامل انهم شهيره وبهيره يقنعوا شافيره تسامحه وتنسى يلي صار
كان حمدي مشمر عن ايديه ورجليه وماسك هالممسحه وفاردها عالارض ونازل مسح ودعك بهالارضيه لحتى اجا لعندو عطا وبسرعه تحرك لعندو
حمدي : شو صار طمنيني
عطا : راسها يابس يابس وكل مانحكي معها وتجي سيرتك عفريت وبببيركبها وبتصرخ فينا وبتقلنا على شسما جثتي مابصالحوا لهالخاين الندل
حمدي (بخيبة امل) لهدرجه
عطا : اييييه وكانت عششوي رح تقلعنا من غرفتها بس اطمن نحنا مو ساكتين وعم ننزن عليها
حمدي : شكرا كتير الكم مابعرف بدونكم شو كنت رح ساوي
عطا : ولوو ووواجبنا ،،، وينك بدي تمسح الطابق الفوقاني كله
حمدي : حاضر
عطا : والسجاد ،،، السجاد تنفضوا وتشطف تحته وترجعه لمطرحه
حمدي : حاضر ،،، في شي تاني ،،،،
عطا : لك اي كنت رح انسى ،،، صفايح الزباله بعد ماتكب اللي فيها بتنظفها من جوا وبتليفها منيح
حمدي : حاضر
عطا : وبعد هيك بببوجهك عالغسيل ووينك بتفرك الكلسات والشسمن ع ايديك مو تحطن بالشسما الغساله
حمدي : حاضر ،،،
عطا : ازا تزكرت شي رح اجي وقلك يالله بلش لاروح شوف شسما شافيره وحاول اقنعها تسامحك على عملتك البني
حرك عطا حاله بدلع وركل سطل المي بكعب اجرو
عطا : لككك ياشسمك بسرعه نشف الارضيه هلأ بيجوا البببنات
حمدي : اي يالله يالله
حاول حمدي يتحرك بسرعه وبلشا حركات توم وجيري وهو عم يتأرجح من الصابون يلي بالارض
حمدي : ولي ولييييي لااااا
عطا : اففففف مابتعرف تعمل شغله متل الخلق قلتلك امسح الارضيه بالممسحه مو ع بطنك يالله معك معك بتتعلم
*╚══════ღღ══════╝
مرو تلات ايام وعطا وعوض عاملين من حمدي سيرلانكيه نشيطه وكل شغل البيت يلي عليهم صار عليه وبزياده
عوض : شوو هاد لسه ماخلصت طبيخ
حمدي : معلش كنت عم انشر الغسيلات
عوض : لا شكلك مو نافع لشي خلص انا بكفي الطبخه وانت روح لاقي طريقه تصالح شافيره تبعك بعد هيك
حمدي : لا لاا لا خلص هلأ بسرعه بطبق الطبخه وبعمل السلطه
عوض : والجلي
حمدي : حاضر
عوض : وشطف الحمامات
حمدي : تكرمي
عوض : وماتنسى كنس ومسح الفيلا هو انا رح لحق عشو ولا شو هفففف
حمدي : انا تحت امرك بس مشان الله تقنعي شافيره تصالحني
*╚══════ღღ══════╝
كالعادة طلعو عوض وعطا م̷ـــن الڤيلا واتوجهو عالنوفوتيه يلي ببدلو فيهم التياب ..
دخلو عغرفة القياس وبلشو يلبسو ويغيرو تيابهن وفجأة حدا دق الباب على عطا ..
عطا بصوت ناعم : ميين؟
……:لْـۆ سمحتي ما اتطولي مستعجلة بدي قيس ..
عطا: اي اي .. يلا
بلش عطا يغير تيابو بلهوجة ومن عجقتو ما انتبه انو لبس قميصو فوق الصدرية 😂
لبس جاكيتو وطلع .. وبس شافتو المرة انصدمت واتطلعت لجوة
المرة: انت يلي كنت جوا؟
عطا: طبعا انا ..لَـگِنْ حمتشي ..
واتجاوزها وطلع م̷ـــِْن المحل ..
المرة :والله سمعت صوت مرة. 😥
طلعو عوض وعطا ووصلو عالجامعة ..وكانت سندس قاعده عالدرج مع قدر …
اطلع فيها عطا بوله وتنهد
عطا : اااااه لك يسعدلي هالصباح
عوض (وهو بيطلع ناح قدر) اي والله صباح بالعطر فواح
عطا : اما الشسمو الحب طلع لذيذ بشكل
عوض (عض عشفايفه) لذيذ جدا ..
عوض: اااخ ياعطا بتعرف شغلة
عطا: اعرف شو يختشي
اتطلع عوض فِيَھ ونكشو بنكرزة؛: ڵـڱ شو هي يختشي .. معد تقدر تفرق بين كونك عطا وبهيرة.
عطا: والله بصراحة تعودت كون بهيرة 😂
عوض: ما انا هاد اللي كنت بدي احكيلك عليه .. عنجد انا تعودت عالبنات وسكنتنا. والله مابحسون الا اخواتي
عطا: والله وانا ياشسمك .. بس طبعا سندس لااا لأنو مابصير اعاملها كأخت
تقدم عطا ناح سندس وقطف ورده بطريقه
عطا : صباح الورد لاحلى ورده بكل الجامعه
سندس (تبسمت) يسعد صباحك عطا لمين هالورده
عطا : لوحده بحبا كتير
سندس : ايوه بتحبا كتير قلتلي طيب عن ازنك
قامت من مكانها وحملت كتبها ومشيت ولحقها عطا ومسكلا ايدها
عطا : شششبك ياشسمك هالشسما الك
سندس : ومدام هالشسما الي ليش ماحكيت من اول
عطا : شو بعرفني فكرتك بتفهمي
سندس : قصدك انا مابفهم
عطا (ضرب ع جبينه) لك لاااا يبعتلو قطعو شسمو الساني انا قصدي انه لازم تعرفي انك بعيوني اجمل ورده تفضلي
مسكت سندس الوره وشمتها واطلعت بعيون عطا
سندس : لك عطا
عطا : عععيون عطا
سندس : اول مره انتبه انن عيونك لونهم اخضر
عطا : (نفش ريشه) احمم اي ولسه عندي شغلات كتيره رح تفاجئك …
اما قدر بس شافت عوض واقف بعيد وبيطلع فيها وقفت وراحت لعندو.
اما عوض خجل لما شافها قربت منو والتفت ليمشي.
قدر: لوين عوض؟
عوض: عِنـ.̷̷̸̷̐ـديّ محاضرة ..
قدر: وياترى هالمحاضرة مابتتأجل كرمالي ☺️
وقف وصفن بعيون قدر ورما كتبو لوراه وفرد ايديه وقعد عالدرج ..
عوض: والله لْـۆ بشتغل بالدهب لحتى اجلو كرمال عيونك قدر 😍
قدر: عنجد بتحكي عوض
عوض: ڵـڱ جد الجد .. قـ قدر م̷ـــِْن زمان وانا بدي احكيلك علئ شي بـ بس خجلان ..
قدر: شو هالشي؟ ؟
عطا كان دايب م̷ـــِْن خجلو ومستحي يطلع بعيون سندس. اما سندس كان نظرها ضارب عشي واحد وماعم تقدر تشيل عينها عن صدرو 😂
سندس : الظاهر في اشيا كتيره رح تفلجني مو تفاجئني
عطا (مسح عكفه بلسانه وسبسب شعراته) لاتحرجيني ولو
سندس: شبك عطا؟
عطا: ولل شي ..بس حدا قلك قبلي انك شبه فيفي عبدو ☺️
سندس اختفت ابتسامتها واتنكرزت: بالله شووو .. تركت كل الفنانات ومالقيت تشبهني غير لفيفي عبدو
عطا: وهي صغيرة والله
سندس: عأساس وهي صغيرة كانت حلوة 😒
عطا: لااا مافشرت عينها وعين اللي خلفوها …انتي احلا طبعا 😍
خجلت سندس ونكشتو عكتفو. :احرجتني عطعط ..
عطا: ڵـڱ دخيل الشسمو تبعك شو طالعة م̷ـــِْن تمك حلوة كلمة عطعط.
سندس: بتعرف عطا ..
عطا: لٱ والله
سندس: اني م̷ـــِْن يوم شفتك ارتحتلك وحسيت حالي بعرفك م̷ـــِْن زمان ..
عطا: كأنك قاعدة جوات قلبي ومتصدرة كمان ..😍 وانا كمان حسيت نفس الاحساس ..
سندس: عنجد ..
عطا: اي والله ..
اما عند عوض. .
قدر: طيب الك ساعة عم تحكيلي عن شي ولهلأ ماكنت تعرف تبق هالبحصة
عوض: والله عم حاول بس والله مستحي مـڼـڱ
قدر: وشو رأيك اختصر عليك الطريق واحزر لحالي
عوض: بكون يكتر الف خيرك 😅
قدر: انت بتحبني ومن يوم شفتني وقلبك عم يعمل دق دق ..صح
عوض: ڵـڱ اي والله شو عرفك انتي! ؟
قدر: قلتلك انا بحزر .. عوض وانا كمان حبيتك
عوض مسكلا ايدها واتطلع فيها هيك 😍: يقبرني •اللّـہ̣̥ اي
قدر بخجل : سلامتك
وعند عطا ….
سندس: اي انا بحبك يا اهبل لَيــِْـِْش ماعم تفهم
عطا: 😳😳😳
سندس بلشت تلوحلو بإيدها قدام وجهو: هيي عطا وين صرت
ضل عطا صافن فيها وقلبو حس عم يخبط متل موتور الغسالة الخربانة 😂
سندس: ئي ..شو صرلك
رد عطا: اه . انا هنا. .انا معك سندس ..عنجد انتي بتحبيني؟
سندس بخجل: اي ..وكمان كتير عم فكر فْيَگ وبحس انك عطول معي
عطا بقلبو: ما انا عطول بجنبك ..
سندس: بتعرف ..م̷ـــِْن يوم شفتك وصورتك ماعم بتفارقني
هالكلام خلا عطا يصير عندو ثقة مفرطة بالنفس وهالشي يلي خلاه ينفش ريشو ويرفع كتافو لفوق لتبرز الصدرية. .
رجعت سندس دققت بصدرو وبلعت ريقها ..
عطا انتبه عليها: كملي لَيــِْـِْش. سكتي؟
سندس : لك عطا شششو هاد (واشرت ع صدرو)
عطا : هاد قلبي يلي سكنتي فيه وتربعتي
سندس : لك عطااااا مشااان الله افهااام علييي لك شووو هاد لك هااااااد
ابتسم عطا ونزل راسو واتفاجأ بالصدرية يلي نسي يشلحها بالنوفوتيه
ضرب ايديه التنتين عصدرو وحكا: يفضحتي ..😂
وقف بسرعة وتناول كتبو وركض
سندس: لكك وين رحت؟
وصل عند عوض اللي كان نسيان الدنيا وهو ماسك بإدين قدر وبطل يتركهن ..
عطا: عوووض عوووض
عوض: شوفي؟
عوض: تعاا شلحنيييي
اتوسعت عيون قدر وصفنت بعوض بإستغراب ..
عوض: شو صرلك يامجنون؟
مسك عطا عوض م̷ـــِْن جاكيتو وشحطو وراه وهو بيحكي: عاوزك دقيقة بالحماام ..
ضل عطا شاحط عوض عالحمام والبنات لاحقينهم. .وفاتو لجوة ..
عوض: ڵـڱ شو صرلك برة
عطا فرد الجاكيت: شوف بعينك…
عوض: يعليك نـًسّْيـت تشلح الصدرية 🤣
عطا: مو وقت مألستك ..تعا ساعدني اشلحها انا اتبهدلت 😭
عوض: عنجد انت بهدلة تضرب م̷ـــِْن بين ولاد العم ..
عطا: هلأ شلشلحني وبعدين بنتخانق 😭
*╚══════ღღ══════╝
كان عطا بعدو خجلان من بعد الكسفه يلي صارت بالجامعه ونزل لعند الصبايا وشافهم قاعدين وصافنين بالتلفزيون وحب يلطف الجو
عطا : لك يابنات انا ماخبرتكن وقت انعزمت مره على عرس شو صار
ازهار : لا
جود : ليش شو صار
عطا : يالهوووي يالهوي عاللي صااار
شافيره : شوقتينا ولو احكي شو صار
عطا : هههههه اي ولو مكل السيره صارت ع غنية شعراتا ولوووو
سندس : لكن خبرينا ولو
فرش عطا حاله وبلش يلوح ب ايديه ولوو لووو لووو عاللي صار هاد ياستي منك الها انعزمت على عرس
وقلت بروح وبتسلى وياريت مارحت 😂😂
شافيره : اوف وليش بقى
عطا : كنت قاعده ومندمجه بغنية 😊
سندس : ايه
عطا : فجأة بتخلص الغنية وبتطلع بعدا غنية شعراتا_ولووووو ☻
أقسم بالله مالقيت غير شي هجوم وتخبيط ، والكرسي يلي كنت قاعده عليه صار يتحرك يمين و شمال😐 اصلا انا ما كنت بعرف شو في ؟!
فكرت الصالة مفخخة لك باللاشعور حطيت ايدي عالطاولة وصرت لملم غراضي من الطاولة
صرت صرخ وقول شو في ، لك شوفي ؟ ؟ ؟ ؟!!!
ازهار : هههههههه يعلى اطاطك وشو صار بعدين
عطا : بعدين فهمت من يلي جنبي انو رايحين يرقصو على غنية شعراتا_ولووووو☻
وعينكم تشوف هالشوفة ، شي خمسمية صبية صاروا يرقصو عليها ؟!
وقت قال ..شعراتا ولوووو مافي بنت إلا ما تغنجت وصارت تلحمس بشعراتا
انو ولووووووو😂
هي يلي شعراتا ملزقين تلزيق بجبهتا من الصالة والشوب😆
والتانية كل يلي براسا 4 شعرات 2 مسشورين و 2 هروا بموسم المكدوس 😆
قدر : ههههههه يبعتلك الهنا يابهيره كملي كملي
كان عوض قاعد وحاطط ايدو على خدو ومبتسم لا اراديا مع انه بيعرف انه عطا عم يخاتلها بس الظاهر عجبه الموضوع 😂
عطا : وياوووويلي وقت قال عيونا ولوووو…كلو صار يأشر ع عيونو هديك يلي عيونا متل الفاره
والتانية يلي عليها جوز عيون بتهبل هبل ، زاد عندا هرمون شوفة الحال وماعاد تتهدا 😐
قلب عوض عن الكرسي وهو ماسك بطنه من الضحك وفات بالحاله
عوض : ااااخ لك زكرتيني يابهيره كان يوم مابينتسى بالاخص وقت قال قلبا ولوووو وعقلاتا ولوووو
كلو قلب ملاك وبراءه ويالطيف وصار يأشروا على قلبهن بكل لطافة وحركات يابو الملاك البريء أبو قلب طيب قوي😆
وهي قلبا مخزون احتياطي للعقارب والحيايا والسحالي والحربايات😆
عطا :بس عينكم تشوف وقت قال
ولو لو ولوووو لو لو لو لو لولو لوووووووو
هووون الكارثه والرعبه💔
،حسيت صار زلزال😐
صعود جلوس تشوبر وجنون الله وكيلكن💔😂
منظرهن بمووووووت ضحك تقول محطوطين بخلاط ومكبوسين كبس
عوض : واحلا شي لما خلصت الغنيه وكل حيه قصدي كل بنت رجعت لمطرحها وعلى اساس الرقص هد حيلها وشعورها المفرط بجمال عيونا ولووو وشعراتا ولووو بعد مسيطر عليها وهي ماشيه وبتقلب بعيونها وبتزيح بشعراتا يلي لزقوا بجبينها من العرق 😂
شافيره : ههههههههههههه الله عليكم شو حكايتكم حلوه
ازهار : ههه اي والله ضحكت من قلبي
سندس : ع سيرة المواقف لو تعرفوا اليوم شو صار مع عطا
عطا : احممممم اي يووووه لك تأخر الوقت يالله يابنات كل وحده لغرفتها لحتى نروق الصاله قبل ما اننام
جود : انا فعلا نعست تصبحوا على خير
قدر : وانا كمان
شافيره : يالله كل وحده لغرفتها
طلعوا الصبايا لغرفهم لياخد عطا نفسه براحه
عطا : ولي نفدت
عوض : لك شو صاير معك اليوم
عطا : ششششي مممابيخصك قوم جيب البزر لنتسلى شوي
بيكون حمدي ماسك المقشه والجاورف وعم ينظف وعطا وعوض قاعدين قدام التلفزيون وعم ياكلو بزر ويتفتفوا هون وهون
عوض : زكاتك ياحمتشي نظف من هون
حمدي : حاضر
عطا : وبطريقك امسح الشاي يلي انكب عالطاوله
حمدي : امرك
عوض : ولي بهيره حطي عقناة الافلام هلأ رح يعرضوا فيلم عادل امام
عطا : بالله شو مابدي بدي اتفرج على ذا شسمو فويس
تعصب عوض وقام من مكانه ووقع صحن البزر عالارض
عوض : عم قلك حطي ع قناة الافلام وليه
عطا قام ورفع اجرو عن الطاوله وكب ابريق الشاي ووقع الكاسات وحط جبينه عجبين عوض
@rwayate
عطا : وانا عم قول بدي احظر ذا ذا ذا فووويس شو رأيك ياشرنه
عوض :مافي شرنه غيرك يا ام شعر عيره
عطا : احترمي حالك وليه يلي الشيطان ضحك عليكي وفهمك انك مره
عوض : لك انا مره غصبن عنك يا ام نص حماله فاضيه
عطا : وليييه لاااتخلييني اعطيكي كفين بلعك فردة حلقك
حمدي : خلص ياجماعه روقوا مو مستاهله
عطا : قولتك ياشسمك احسن شي روح لغرفتي وحط عوجهي ماسك خيار بالازن 👽
عوض : وانا هاد موعد نومتي هااااه يالله تصبح على خير ياحمتشي 🥱
بيتركوه وبيروحوا لغرفتهم ليطلع بالصاله يلي انقلبت فوق تحت وبيبلش يكنس
حمدي : الله لايوفقكم انكسر ضهري
بيطلع حواليه وماببشوف حدا وبيرفع طرف السجاده وبيدحش الزباله تحتا
عطا : شششايفتك هه ،،، رجاع كنس منيح
حمدي : 😩
*╚══════ღღ══════╝
@rwayate
تاني نهار كانو عطا وعوض قاعدين بغرفتهم وعم يدرسوا وقدامهم كاسات الشاي وصحن فيه معجنات ونقرشات
عوض : ياااه وين الواحد يلاقي خدامه مريحه متل هيك
عطا : اي والله اهم شي ارتحت من الغسيل والشسمن الكلسات
عوض : ههههه خليه يشتغل يشطف ويجلي و خلينا نعرف نركز بالدراسه شوي الامتحانات عالابواب
عطا : طيب شو رح يصير بعد ما يتصالحوا
عوض (عض عالقلم) اخخخخ هدول مالازم يتصالحوا بنوب
عطا : بس حمدي ناطر منا خبر وصرلنا اسبوع بنحرث عليه
عوض : اسمع شو رح قلك ونفذه بالحرف
🎶🎶 وبغرفة شافيره 🎶🎶
عوض : شو شافيره مابدك تباركي لبهيره
شافيره : على شو
عوض : حمتشي خطبا اليوم
شافيره (بصدمه) شووو ،، مستحيل ،، وايمت
عوض : شبك انجلقتي الرجال حابب يستقر ويتزوج ويكون عيله وبهيره موافقه
عطا : اه ،،، نفسي من زمان ببنت الحلال
عوض : احمممم
عطا : نفسي من زمان ب ابن الحلال
@rwayate
قامت شافيره من مكانها وهي ماعم تقدر تستوعب الشي اللي سمعته
شافيره : مبروك
عطا : مرسي ياشسمك وعقبالك
تركتهم وطلعت لبرا بينما عطا وعوض ضربوا كف بكف
عوض : اشطه يامعلم
عطا : هلأ رح تولع صح
كان حمدي يادوب مخلص لم الزباله وقاعد عالدرج وحاطط راسه بين ايديه لحتى سمع صوت شافيره
انت هون
حمدي (رفع راسه وابتسم) شافيره ،،،، اخيرا اجيتي
شافيره : اي طبعا لازم اجي وهنيك وقدملك هديه كمان … مبروك يابتاع بهيره
وبسرعه رفعت الفازه وطبشتها براسه
@rwayate
حمدي : يالهوي عغيرة النسوان 🤕
*╚══════ღღ══════╝
وبعد يومين بيكون عطا عم يندب حظه وهو ماسك الكلسات وعم يفرك فيهم
عطا : يافرحه ماتمت اخدها الغراب وطار ،،، خدي يا اوختشي هدول صاروا جاهزيين للنشر
عوض : اموت واعرف حمدي وين انهفا صرله يومين ماله اثر
عطا : ياخوفي يكونو تصالحوا ياكسفتك يابهيره
عوض : لا مابعتقد اكيد في شي مخليه يغط
والمسا كان عطا بيدرس بالحديقه وشافته شافيره وشعلت النار بقلبها
شافيره : كيفك يابهيره
عطا : منيحه الحمدلله
شافيره : وايمت العرس
عطا : انو عرس
شافيره : عرسك انتي وحمدي
ابتسم عطا ببلاهه بعد ماتأكد انهم مو متصالحين وبسرعه رسم ع وجهه الحزن وصار يبكي
عطا : اه اهئ اهئ اهئ ياحوستك يابهيره يابختك البني يابهيره
شافيره : شبك شو صرلك
عطا : الندل تركني ،،، تركني وعكتفي تلات ولاد
شافيره : انو ولاد ؟؟
عطا : شسمو يلي كنت رح خلفهن منه
شافيره : لك انتي شو عم تحكي ،،، حمدي تركك يعني
عطا : ايه 😭
شافيره : وشو السبب
عطا : مهوي خطب شهيره 😭
شافيره : شوووو 😮
كان حمدي ملحوش بفرشته ومرضان ومو دريان بكل الطبخه وفجأه انفتح الباب وفاتت شافيره
حمدي : شافيره ،،،،
شافيره : اي شافيره ،،،
حمدي : كنت عارف اني مارح هون عليكي
شافيره : شبك
حمدي : مريض صرلي يومين مو قادر قوم من فرشتي
شافيره : وماحدا اجا لعندك
حمدي : لا ،،، يعني لو متت ماكنتو رح تعرفوا
شافيره : بعيد الشر عنك
مد حمدي ايدو ومسكلا ايدها وباسها
حمدي : يعني سامحتيني
كانت شافيره ع وشك تستجيب اله وفجأه تزكرت كلام عطا وعقدت حواجبها وسحبت ايدها وحطتها ع خصرها
شافيره : وخطيبتك ليش ما اجت تشق عليك
حمدي : مين خطيبتي!!
شافيره : بهيره
حمدي : هاد وقت مزحك هلأ
شافيره : لاتحاول تنكر بهيره بنفسها اجت لعندي وخبرتني انكن انخطبتوا
حمدي : لك شو عم تحكي انتي
شافيره : عن ازنك بلا ما اطب خطيبتك وتلاقيني عندك
حمدي : استني ياشافيره ،،، شافيره شافيره
طبعا كلكم عارفين الشياطين يلي صارت تنط قدام حمدي وهو شايف نفسه مغفل وشهيره وبهيره قدرو يخدعوه واكيد مارح يسكت
*╚══════ღღ══════╝
من بعد ماراحوا البنات عالجامعه تسحبوا عطا وعوض لبرات الفيلا ومشيوا بسرعه ليلحقوا الباص وفجأه سمعوا بحدهم فرام سياره شحط بقوه ونزل حمدي وعيونه بتقدح شرر
عطا (بلع ريقه) ولي
عوض : اكلنا شباشب يا ابن عمي
تقدم منهم حمدي وهو بيفرك ايديه ببعض
حمدي : اعتقد في موضوع مهم لازم نساويه مع بعض وفورا يا انسات
عطا : انا ماخصني بشي هي شهيره
عوض : يبعتلك حمى وليه عم تتبلي عليي
حمدي : ملحقين عالخناق شرفوا معي
عوض : ياساتر شو في هناك
اول مافتل حمدي وجهوا فركوها عوض وعطا واجريهم تضرب بظهورهم لحتى تعربشوا بالباص
حمدي : لوين راييحن اي والله لاحسب الله ماخلقك انتي وياها
وبسرعه ركب سيارته ولحقهم لحتى شافهم نزلوا من الباص
فتح باب سيارته ورجع سكرها بهدوء وهو شايف المكان يلي فاتو عليه
حمدي : اي رح انطركم لتطلعوا شو فيي ورايي غيركم اليوم
شعل سيجارته واستند عكرسيه وظل ناطر طلعة شهيره وبهيره وهون كانت صدمته
انجلقوا عيونو وهو شايف عطا وعوض طالعين من المحل يلي فاتوا عليه شهيره وبهيره
حمدي : عطا وعوض شو عم يعملوا هون!!! بس ما يكون اللي بفكر فيه صحيح!!!!!
ظل حمدي ناطر طلعة عوض وعطا من الجامعه وبعد مامر الوقت طلعوا وتوجهوا عالنوفتيه يلي بيبدلوا فيه تيابهم وماكانو عارفين انه في عيون بتراقبهم من بعيد
كان حمدي قاعد بسيارته شوي لحتى شاف شهيره وبهيره طلعوا من المحل وتوجهوا عالفيلا
حمدي (بصدمه)… اوووبا هيك لكن عم تتقابلوا بالسر وجادبينها على سندس وقدر اي مو على عيني
تاني نهار وبنفس الموعد كان حمدي عم يراقب شهيره وبهيره من لما طلعوا من الفيلا وبرفقته قدر وسندس
سندس : نحنا ليش جينا هون
قدر : انا ماعم افهم لشو بدك توصل استاز حمدي
حمدي : طولوا بالكم شوي وشوفوا بعيونكم الست شهيره والست بهيره شو جايين يعملوا هون وبمين عم يتقابلوا من وراكم
اطلعوا سندس وقدر ببعضهم بعدم فهم ورجعوا يراقبوا لحتى شافوا شهيره وبهيره فاتو عالمحل وبعد دقايق طلعوا عطا وعوض 😹
سندس (حطت ايدها عتمها وشهقت) هييييييييي 😳
قدر : يانهاار بني 😱
وبالجامعه بيكونوا عطا وعوض قاعدين بيفطروا بالكافتيريا وناطرين سندس وقدر
عوض : وين الصبايا مالهم بالعاده ماييجوا يفطروا معنا
عطا : ازكر الشسموا بينط ليكن اجوا
التفت عوض وراه وشاف سندس وقدر جايين عليهم وعيونهم بتقدح شرر
عطا : ليش متأخره سندس وين كنتي اه
مسكت سندس راس عطا ودحشته بصحن الفول اللي قدامه
سندس : اخرس ياتبع بهيره
عوض : شووو هاد انتي جنيتي
قدر : اخرس ياتبع شهيره
ومسكت الصحن التاني وكسرته ع راسه
عوض : ااااخ يامجنونه
قدر : ليش انتو لسه شفتوا جنان
وبلشت تصرخ… الحقووووونا ياعالم
سندس : هدول الجوز عم يتحرشوا فيناااا
انصدموا عطا وعوض وصاروا يطلعوا ببعض بخوف وهنه شايفين شباب الجامعه التموا حواليهم وكل واحد منهم قد الحيط
عطا : لك ايمت فتحي وقتاده اجوا عالجامعه
عوض : شو نعمل هلأ لك عطا
عطا : شششو بدك ياني اعمل تلتين المراجل الهريبه يافكيييييك
بلشوا يركضوا والكنادر والصحون وراهم لحتى طلعوا من الجامعه كرفته 😂✌️
ظلوا يركضوا ويركضوا لحتى حسوا حالهم بعدو عن الجامعه
عطا (قعد عالرصيف) ولي على هالعلقه لك اكلت ضرب اااخ ياجنابي
عوض : لك هنه ليش عملوا وليش حكولنا ياتبع شهيره وبهيره
عطا (ببلاهه) انت غشيم عن النسوان وغيرتهم
عوض : قوم مشي معي لنروح نبدل تيابنا ونرجع عالفيلا
عطا : ع اساس فيي حيل امشي
وبالفيلا كانت قدر واقفه قدام الشباك وناطره جيت شهيره وبهيره
سندس : شو ما بينوا
قدر : لسه
سندس (بقهر) اكيد بيكونوا هلأ مع عوض وعطا اااخ ياقهري كل هالشي يطلع منن
شافيره : لك صارت الساعه وحده وينهم لهلأ
رجعت قدر التفتت من الشباك ولمحت شهيره وبهيره فايتين عالفيلا
قدر : ليكن وصلوا كل وحده تاخد مكانها
تخبوا البنات واول مافاتو عطا وعوض طلعلوا عليهم متل انكر ونكير
عطا : ربي الله ومحمد رسولي والاسلام ديني
عوض : شو في شبكم
قدر : شو ست شهيره مصاحبه عوض ومخبيه كنتي احكي لافرحلك
عوض : اه 😟
سندس : وانتي ست بهيره مالقيتي الا عطا لتحبيه
شافيره : ماكفاكي حمدي ياخانم بدك اتكوشي عكل الرجال
عطا : 😨
بلشوا عطا وعوض يتراجعوا لورى لحتى لزقوا بالحيط والبنات يتقدموا منهم وهنه حاملين مضارب التنس والمقشات
عطا : صصصلوا عالنبي يارجال
سندس : اييه رح نصلي ع روحكم ياكلبات تعي لهون ولييه
عطا : ااااخ وليييييي
قدر : لك مالقيتي الا عوووض ياحيوانه خدي هي
عوض : مششششان الله ااااخ بكفي يابوووليسسس ياشرطه يا امن
كان حمدي بيطلع فيهم من بعيد وبيضحك بشماته وفجأه انتبه على باروكة عطا تحركت من مكانها وعطا بدل مايحمي حاله من الضربات كان حاطط ايدو عراسه ليثبت الباروكه
زم شفايفه بتعجب ورجع اتخبى ،،،،
اما عوض وعطا بعد ما اكلوا نصيبهم من البنات هربوا لغرفتهم وسكروا الباب
@rwayate
سندس : حاجتهم يابنات
شافيره : لك اكلوا علقه مارح ينسوها لولد ولدهم
قدر : لسه ما اشتفى قلبي بدي فوت نتفهم لخطافات الرجال هدول
شافيره : هلأ هدول اكلو نصيبهم الدور والباقي عالخونه يلي مقضيينها كزب وتمثيل
سندس : اي والله والله لاطلع بروحوا هالخاين
قدر : مشوا يابنات خلونا نروح لغرفتي ونحط خطه لنربي فيها جوز هالحفرتليه
اما بالغرفه عند عطا وعوض
بيرمي عوض الباروكه وهو بيتحسس راسه
عوض : علقتين بيوم واحد لك ااااخ
عطا : انا بالصبح مضروبا وبعد الضهر معدوما اناا
بهالوقت بيقرب حمدي عالهسي وبيحط ادنه عالباب وبيصير يتسمع عليهم
@rwayate
عوض : لك هدول كيف كشفونا
عطا : ششششو بعرفني بس شو بدك بالحكي طلع عندن عضلات مو عنا لك حاسس جسمي مفرتك فرتكه وراسي مجعلك جعلكه ومفاصلي كل مفصل بقرنه ااااخ
عوض : الضاهر بيفكرو انه انا وياك على علاقه بشهيره وبهيره
عطا : وهنه من كل عقلهم نحنا بدنا نطلع لجوز الغفر هدول
عوض : عن مين بتحكي
عطا : عن هدول شهيره وبهيره يبعتلن مية عله بسببهم اكلة كتله حشك ولبك
عوض : قوم من قدامي وروح خود حمام دافي واتركني افكر بحل لهي المصيبه
بسرعه بيبعد حمدي عن الباب وبيطلع لبرات الفيلا وببفوت عطا عالحمام وبينزل تحت الدوش وبيبلش يغني
عطا : كسروني يما اه ياعظمي ،،، بهدولني يما اه ياكلي
@rwayate
بيوقف حمدي تحت شباك الحمام وهو متردد وبعدين بيحزم امره وبيتناول السلم وبيحطه عند الشباك وبيطلع وبيمد راسه ليشوف بهيره يلي اول ماشافها صابته صدمه ثلاثية الابعاد وبيظل مبحلق عيونه وفاتح تمه على وسعه
حمدي : يخرب بيتك من حالك….لك شووو هاااد…. عطاااااا. ،،،،؟؟؟؟؟!!!!!!!
*╚══════ღღ══════╝
#يتبع
