الجزء الخامس:

معتصم:نعم !!

سالي:هيدا قراري

معتصم:لحظة راجعلك بس لغسل وجهي

راح غسل وجهو و رجع و هو عم ينشفو ،شغل الضو و اجا قعد قبالي و شغل سيجارة

معتصم: شو بدك اعمل؟

سالي:بدك تتجوزني

معتصم:حسبي الله و نعم الوكيل بسما هالبلوة ،يعني سراج بيرتاح و انا ببتلي

سالي:هلأ انا بلوة

معتصم:لك يا بنت انا ما مصدق ايمت اخلص من القصة و ندرا علي لاعتق الكار كلو من بعد هالقصة

سالي:على كيفك ،هاي انا قلتلك ،جيب شيخ و خليه يكتب كتابنا و بعدين بعطيك الماسة

طفى السيجارة بالمكتة و مسكني من ايدي و شدني لعندو

معتصم:انت عم تلعبي فيني و عم تلعبي باعصابي ،انت بتعرفي انو حياتي بخطر من ورا هالقطعة …شبك احكي

سالي:يا ويل قلبي و انا حياتي بخطر و هيك بضمن انك ما تقتلني (مبتسمة)

معتصم:انت شو بدك مني او بالاحرى شو بدك فيني انت بتعرفيني منيح ولا بتعرفي كيف انا عايش و كيف بفكر ،انا ما بناسبك ابدا و حرام اصلا تسميا على حالك جازة و انت بعدك صغيرة

سالي: انا ما صغيرة

معتصم:طيب ما صغيرة بس قدامك مستقبل طويل و فرص لتلتقي بالشخص المناسب و انا انسان سيء كتير

سالي:بعرف هالحكي و اعتبرو زواج مصلحة او زواج ممشروط

سند ضهرو على الكنباية و هو عم ينفخ

سالي:يلا انا طالعة كمل نومتي فوق و هلأ انت يلي لازم تقرر ،اوك الطابة بملعبك ،تصبح على خير

اطلعت على الدرج انا و عم اطلع فيه،كان واضح عليه انو اقتراحي عليه جبلو هم جديد و رح يخلص من شي و يفوت بشي تاني بس حسيت حالي انو من بعد ما شفتو ما عاد.بقدر اتركو ،تاني يوم الصبح و يلي كان اخر يوم بالمدة الممهولة الو ،ما نزلت من غرفتي ابدا حتى هو اجا ،دق الباب و فات

معتصم:معك هويتك

قمت نطيت على التخت

سالي(مبتسمة):اي طبعا ما بتحرك بلاها

معتصم:طيب

بعد شوي سمعت اصواتو عم يتخانق مع سحر ،طلعت لعندي سحر هي و معصبة ،اول ما شافتني مسكتني من شعري

سحر:وليه فجلة ام نص دكة انت بتعرفي وين القطعة احكي عن محلا و بلا هالالاعيب

سالي:اخ اخ شعري

معتصم:ميرفت اتركيا خلص ،نحن ما صدقنا ايمت نوصل لهل النقطة ،ما في وقت

ميرفت:مستحيل …مستحيل خليك تتزوجا و خلي كلاما يمشي علينا

اطلع فيا و هو عم يسحب ايدا من شعري

معتصم: خلص فترة و بتعدي و انا قبلت

اطلعت فيني بغيظ

ميرفت:،انا بفرجيكي ،طالع منك يا قزمة

الساعة 4 العصر اجا شيخ ليكتب كتابنا انا و معتصم ،كانت سحر واقفة معصبة و متوترة و عم تهز برجلا ،اعطاني الشيخ ورقة من كتب الكتاب و اطلعت على غرفتي انا و مبسوطة ،لحقني بعد شوي معتصم دق الباب دقتين و فات شافني عم ضب شنتايتي و لم اغراضي من الغرفة

معتصم:و هاي مشينا متل ما بدك ،خبريني وين القطعة ؟

سالي: يلا هلأ منروح انا و اياك سوا و بعطيك اياها

معتصم:سيراج عاطيني مهلة للساعة 12 لجبلو اياها و الا…

سالي:معتصم قلتلك رح اعطيك اياها ولله انا ما بنت صغيرة انت وفيت بكلامك و انا رح اوفي بوعدي ،نزل الشنتاية بطريقك خلينا نمشي بسرعة

معتصم:طيب

نزل معتصم الشنتا و انا لحقتو و طلعنا نحن التلاتة سوا ،معتصم عم يسوق و انا قاعدة جنبو و سحرا قاعدة ورا و قالبة وجهها ،نزلت سحر على الطريق و انا و معتصم تابعنا على البيت ،فتت على البيت كانت فوضى و خربانة الدنيا فيه ،حملت الشنتا و فتت على غرفتي و بقي معتصم ناطرني برا،اخدت الخاتم من الشنتا و طلعت لعندو ،فتحتلو ايدو و حطيتو بكف ايدو

سالي:هاي هي

رفعا بالعاالي هو و عم يدقق فيا

معتصم:بس انا ما اعطيتا لابوكي خاتم

سالي:ايه شكلو اخدا عند صايغ و حطلو اياها بخاتم

معتصم:وين كنت مخبيتيه؟

سالي:اكيد ما رح قلك بس انا ما كنت بعرف انو عم دورو عليه الا لما قلتلي …طيب هلأ روح اعطيه لسيراج و ناطرتك بكرا الصبح على الفطور ايه

معتصم:……

طلع من عندي بدون ما يرد علي بكلمة و انا اتصلت بام العبد لتجي و نرتب البيت ،تاني يوم نطرتو جهزت حالي و نطرتو لمعتصم ،كنت متوقعة انو ما يجي ،على الساعة 11 اجا شاب اسمو رائد من طرفو

رائد:انا بعتني معتصم لحت اخدك لعندو

سالي:وينو هو و ليش ما اجا ؟

رائد:عندو شغل و ما بقدر يجي لهيك انا بدي اخدك

سالي:طيب بس لالبس جاكيت

كنت لابسة فستان اسود سبور حطيت علي جاكيت جلد

ام العبد:كيف بتأمني و بتروحي لعندو نسيتي انو كذب عليكي و حبسك عندو

سالي:ايه بس هلأ الحكي اختلف ،انا صرت مرتو

ام العبد :بلكي عملك شي ،ولله يا بنتي الثقة الزايدة ما منيحة …انت خليكي هيك اعملي يلي براسك و ما تردي علي

تركتا لام العبد تحكي و بقيت ماشية ،طلعت مع رائد ،بقينا ساعة على الطريق ،طلعنا لطريق برا البلد

 

سالي:لوين رايحين؟

 

رائد:بلا رح نوصل ،رايحين على المستودعات القديمة

بعد نص ساعة وقف السيارة ،فتحت جزداني و قمت علكة و حطيتا بتمي و نزلت انا و شوي متوترة ،كانت منطقة فاضية كلها مستو دعات كبيرة و مسكرة ،مشي رائد و انا مشيت وراه لفتنا على مستودع كبير شفت من بعيد رجال مسلحة ،هبط قلبي و يلي زاد الطينة بلة انو شفت معتصم قاعد على كرسي و مربط ،ركضت لعندو لا اراديا

 

سالي:شو في؟ ليش مربطينو هيك ،ما اعطاكن القطعة يلي بدكن اياها

 

كان في رجال بعمر الخمسين سنة قاعد على كرسي قبالو لمعتصم و حاطط رجل على رجل ،توقعت انو هيدا سسيراج

 

سيراج:هاي هي االبنت

 

هزلو معتصم براسو

 

معتصم:اي هاي هي،هاي بنتو لخالد اغا يلي اعطيتوو القطعة

 

سيراج:ربطوا جنبو

 

قربو علي شابين من رجالو متل الوحوش ،ربطوني على كرسي جنب معتصم

 

سالي(تصرخ):اتركوني ….بعد عني انت و اياه …معتصم شو في

 

سراج:اهدي شوي اهدي لفهمك و افهم منك .. هيدا الخاتم يلي بيحمل ماسة البينك ستار تقليد ما اصلي ،خبرينا وين القطعة الاصلية

 

سالي:ولله ما بعرف انا الخاتم لقيتو بسيارة ابي بعد ما مات و ما فكرت انو الو قيمة هالقد ،يعني كانت قيمتو بالنسبة الي انو كان من ابي ،اخدتو و حطيتو بصندوق اكسسوارات ،هيدا يلي بعرفو

 

سراج:طيب انت وقت اعطيتو لخالد اعطيتو اياه قطعة خام الا خاتم؟

 

معتصم:خام و هو شكلو اخدو عند صايغ و حاطط الماسة على خاتم ،يعني الصايغ هو يلي ضحكان على خالد و مبدل بين الاصلي و التقليد،بنتو ما الها علاقة بشي

 

التفت علي سيراج

 

سيراج:مين الصايغ يلي عمل ابوكي عندو الخاتم؟

 

سالي:ما بعرف

 

توقعت القصة تخلص بسهولة بس الموضوع تعقد كتير و صارت رجلي بالقصة ،سكت سيراج كانو عم يفكر بشي

 

سيراج:ما بتعرفي ابوكي مع مين كان يتعامل من الصياغ؟

 

سالي:لا ابدا

 

سيراج:طيب وقت لقيتي الخاتم بسيارة ابوكي ،كيف شفتيه بعلبة او محطوط بكيس

 

سالي:كان كيس صغير و فيه علبة

 

سيراج:وين العلبة؟

 

سالي:العلبة …انا عندي علب كتير لخواتم و اساور …..

 

سيراج:وين هدول العلب؟

 

سالي:بغرفتي

 

سيراج:رائد خود شابين معك و روحو على غرفتا و بتجيبولي كل شي في علب بينحط فين مجوهرات

 

رائد:حاضر معلم

 

بقي سيراج قاعد قبالنا و ناطر رائد ،اطلعت على معتصم كان واضح عليه انو تعبان و ما نايم ،بعد ساعة رجع رائد و حط على الطاولة 5 علب صغار

 

رائد:هدول معلم لازم يكون الخاتم اجا بوحدة منن

 

فتح سبراج العلب و هو عم يقرأ فاتورة كل علبة ،بقي علبة بلا فاتورة او مواصفات للقطعة

 

سيراج:هاي هي العلبة يلي اجت فيا الخاتم

 

سالي:ما ما بتذكر

 

سيراج:ما بتتذكري ؟طيب رائد بتاخد هالعلبة و بتنزل على سوق الصاغة و بتجبلي من تحت الارض صاحبا و بتجيبو من رقبتو لهون

 

رائد:بس معلم في صياغ كتير عندن نفس العلب

 

سيراج:انا ما بفهم هيك ،اي حدا مشتبه فيه بتجيبو

 

رائد:حاضر معلم

 

طلع رائد و طلع وراه سيراج هو و عم ينبه على رجالو

 

سيراج:خلي عيونكن عشرة على عشرة علين

 

بقيت انا و معتصم مربطين على كراسي

 

سالي:فكرتك ما رح تجي على الفطور بس الغايب عذرو معو

 

معتصم:…..

 

سالي:شبك ليش ما عم ترد ،طب انا شو طالع بايدي اعمل ،ولله كنت حابة ساعدك بس طلع الموضوع صعب و ليكك ورطتني معك

 

معتصم:ولله ! قولي غباء ابوكي هو يلي ورطك ،عم قول لمين طالعة ساذجة هيك ما طلع لحدا غريب

 

سالي:…….

 

معتصم:ها …سكتي …ما عجبك الحكي

 

سالي:صح انا غبية و هبلة ،لانو وثقت مرة تانية و جيت لهون برجلي لعندك

 

معتصم:لو ما جيتي برجليكي ،كانو رح يجيبوكي غصب عنك ،ما تتحجج فيني و انا ما كنت مصدق انو اخلص منك رجعت انحشرت معك و اوعى تصدقي مثلا انك مرتي و انا زوجك بس تخلص القصة من هون منخلص من هون

 

سالي: انت واحد بلا احساس و يا ريت لو بقيت ساكت و ما حكيت ؛لانو بكل كلمة عم تجرحني (تبكي)

 

معتصم:……طيب خلص …انا اسف و بعتذر بس انا تعبت من هالقصة

 

سالي:و انا بعتذر منك ….انا الحق علي ..تصرفي غبي كتير …تصرفت بدون ما فكر و احسب ابدا يمكن لانو حسيت انو ممكن تكون الشخص يلي بدو يعوضني عن فراق ابي و حسيت في قبول او ممكن يصير قبول منك اتجاهي بس طلعت غلطانة ،انت بتنظرلي اني بنت صغيرة و ما بعرف اتصرف و بهلاء قصدي بلهاء …..

 

معتصم:انا ….

 

سالي:سمعتك عم تقلا لسحر مدري ميرفت انو انا بلهاء ،هلأ بس نطلع من هون ما بقا بدي ارجع شوف وجهك ابدا ابدا يا …يا ..يا متكبر و مغرور يا بارد و انت و سحر قصدي ميرفت كتير مناسبين لبعض الله يهنيكن

 

معتصم:ما في شي من طرفي اتجاها

 

سالي:اصلا ما في قلبك شي اتجاه حدا ،يا ريت لوبقيت مكتئبة و حزنانة على ابي و ما شفتك بحياتي

 

معتصم:ياالله…..

 

بقينا انا و معتصم عم ناخد و نعطي بعض حتى اجا رائد و جايب معو 3 رجال ،فوتون لجوا ،كنا نسمع اصواتن لبرا هن و عم ياكلو قتل ،اجا بعد شوي سيراج و فات لعندن يحقق معن و يعرف الماسة وين راحت ،بعد ساعتين طلع رائد و ماسك اتنين من الرجال يلي حققو معن

 

رائد: غطولن عيونن و رجعون على باب محلن

 

بقي واحد جوا

سالي:شكلو يلي جوا هو المطلوب

 

معتصم:انشالله

 

طلع سيراج و وراه رائد ،مسك سيراج الكرسي و سحبو و رجع قعد قبالنا

 

سيراج:اسمع يا معتصم الموضوع عم يتعقد اكتر ،الصايغ يلي جوا اعترف انو مبدل القطعة الاصلية و بايعا لحدا تاني بضعف سعرا

 

معتصم:اي منيح ،روحو جيبو من هالحدا التاني

 

سيراج:انت بتعرف مين هالحدا التاني

 

معتصم:مين بكون؟

 

سيراج:لؤي مصري

 

سالي:لؤي مصري!!

 

معتصم:لؤي مصري !!!و ما تقلي انو عم تفكر تجيبا من عندو

 

سبراج:ايه و انت يلي رح تجيبا ،انت يلي ورطتنا بكل هالقصة و انت الوحيد المسؤول انو هالقطعة ترجعلي

 

معتصم:سيراج قتلني هلأ بارضي ازبط من انك تطلب هالطلب مني لانو بالحالتين انا ميت ،بس عالاقلية بموت برحمة شوي

 

سيراج:وهاي رح تساعدك؟

 

انتبهت عليه انو اشر علي

 

سالي:مين هاي؟اناااا قصدك انا …بعدين شو عرفك انو بعدا عندو ،بجوز يكون التاني باعا لحدا تاني ،انا برايي تاخد حقا من هالصايغ المحتال يلي جوا و تخلص القصة

 

سيراج:لا ما حذرتي يا شطورة ،لؤي مصري معروف بحبو لاقتناء الشغلات النادرة حتى يحس حالو متميز و يتباهى و ينغر بحالو اكتر ما هو مغرور ،لهيك انا متاكد انوهي عندو و بنص بيتو و بالمرة منكسرلو شوكتو

 

معتصم:و بدك اياني فوت لنص بيتو !انت بتعرف كام رجال واقفين على االباب الخارجي بس غير يلي جوا و غير يلي على سطح بنايتو ،اكتر من عدد شعر راسي و راسك

 

سبراج:ما انت يلي رح تفوت يا ذكي،هاي يلي بدا تفوت

 

سالي:انا ….حرام عليكن ما دخلوني بهيك قصص ،ما خرجي هيك شي ابدا،شوفو ميرفت شخصيتا اقوى مني امرأة المهمات الصعبة

 

اطلع سيراج برائد

 

سيراج:تعا فكن لنتفاهم

 

معتصم:برايي نطلع سالي من القصة لانو فعلا ما خرجا هيك شي ،بتتلبك فورا و بتفوت بالحيط ،يعني انا بأكدلك انو بتورط الواحد بدل ما تساعدو

 

سيراج:لا بالعكس هي البنت المناسبة لهيك مهمة ،انثى رقيقة و قوام حلو ،هي الانسب

 

نكشتو برجلي لمعتصم و اشرتلو لينتبه شو قال سيراج عني

 

سالي:شكرا الك

 

اطلع فيني و زم شفايفو كانو ما عجبو

 

معتصم:طيب كيف بدا تفوت لجوا ؟

 

سيراج:منعملا طعم ل لؤي ،لؤي كل ليلة خميس بيسهر ببار و بيختار بنت و بيطلع يقضي …

 

سالي:لحظة …انا بدك كون هيك …مستحيل ،مستحيل رخص حالي بهالطريقة كرمال قطعة الماس …

 

سيراج:انت مجبورة تعملي هيك ،ادفعي تمن غباء ابوكي

 

ساالي:مستحيل اقبل ،عم قلك من هلأ طلعوني من كل هالقصة بخربلكن كل شي

 

قمت وقفت ؛رجع مسكني سيراج و شدني لارجع اقعد

 

سيراج:انت مفكرة الامور هيك بهالبساطة ،انو تحملي حالك و تطلعي من هون و لا كانو صار شي ،هاي الماسة بدا ترجع و لو تمنا راسك و راسو فهمانة

 

…..يتبع

الجزءالسادس:

 

اطلعت بمعتصم ،كان متجاهل نظراتي

 

معتصم:طب اتركني فكر و بلاقي حل تاني غير هالحل

 

سيراج:شو عندك حل تاني،بنايتو ل لؤي مزودة بجهاز انذار و كلمة مرور ما حدا بيعرفا غيرو ،يعني اذا مفكر تقتحم ببتو قبل ما توصل على غرفتو النوم بكونو رجالو طلعو بروحك و دفنوك ،لهيك ما في غير سالي رح تكون من ضمن البنات يلي رح يختارن لؤي و يقضي ليلة معا و بس تفوت لهنيك منتواصل معا و منقلا وين دور على الماسة و كيف تجيبا

 

بقي سيراج عم يحكي و انا حسيت فتل راسي غبت عن الوعي ،صحيت على معتصم عم يفيقني

 

معتصم:قلتلك ما خرج هيك شي ،بتوقع فورا

 

سيراج:هيدا دلع بنات

 

ساعدني معتصم لقوم وقف و طلعت انا و اياه من المستودع و رجال سيراج معنا ،قعدونا ببيت تابع لسيراج و كانو رجالو حارسين الباب حتى ما نهرب ،كنت طول الوقت اتجاهل اني اطلع بمعتصم او احكي معو ،اجا يوم الخميس و اجا سيراج على الساعة 7 و معو تياب الي ،كانو عبارة عن يونيفورم خدمة بالبار تنورة سودا و قميص ابيض ،فتت على الغرفة لبستن و انا مستسلمة للموضوع

 

سيراج:ليكي انا من المفروض حطك مع البنات يلي بدن يرقصو قدامو بس خفت تتلبكي لهيك رح حطك بين الخدم

 

قعد معي سيراج فهمني شو اتصرف بالضبط

 

سيراج:و خليه لهيدا الموبايل معك لتحكي معنا منو و نقلك شو تعملي بالضبط و انت معتصم رح تكون خطوة بخطوة معا على الموبايل و بالبار و اوعى تفكري انك تهربي كلها ليلة و بتخلصي و بترجعي لحياتك الطبيعية

 

وصلت الساعة 8 على المطعم ،فتت من الباب الخلفي و معتصم و كام رجال فاتو من الباب الرئيسي ،بعد ساعة كنت عم اخدم على الطاولات ،اطلع فيني معتصم و اشرلي بعيونو و راح ،لحقتو فورا ،كان ناطرني على الباب الخلفي

 

سالي:شو بدك؟

 

معتصم:خدي هالحبتين و حطين بمشربو لهل الدب يلي برا

 

سالي:شو هدول؟

 

معتصم:خلص اعملي متل ما عم قلك ،ما بدك تطلعي من عندو متل ما فتي

 

سالي:طيب على كل حال انا ما مسامحتك ابدا على الموقف الزبالة يلي عم تحطني فيه

 

معتصم:انا متلي متلك مجبور و مغصوب على امري

 

سالي:واضح

 

تركتو واقف و مشيت ؛رجع سحبني من ايدي و مد ايدو تحت تمي

 

معتصم:ابزقيا للعلكة

 

سالي:تفضل

 

معتصم:سالي ،اي شي بصير معك …يعني قصدي اذا بتحسي انو لؤي بدو …

 

سالي:فهمت فهمت

 

معتصم:بتنسحبي فورا او بتعطيني خبر و لو برسالة

 

سالي:طيب

 

رجعت فتت انا و عم مسح دموعي ،حسيت حالي اني كرهتو كتير لمعتصم بهاللحظة ،بعد ساعة اجتني مسج بانو لؤي وصل و اخد طاولتو المعتادة بالصدارة ، حملت طلبيتو و عملت متل ما قلي معتصن ،و رحت بوجهي لعندو ،كان قاعد و مريح قعدتو على كنباية زاوية و 3 رجال مكتفين واقفين وراه ،و بنات عم يرقصو قدامو شبه عارين ،كان جو كتير بشع و بلعي النفس ،فتحت الانينة و صبتلو اول كاس و انا عم اعطيه اياه ،وقعتو بالغلط بين رجليه متل ما وصاني سيراج ،كانت ردة فعلو عنيفة سبني فورا

 

سالي:عفوا …بعتذر ولله ما قصدي سيد حسام

 

سحبت كلينكس من الطاولة و وطيت على ركبي و صرت مسح الارض محل ما كبيت المشروب و بعدين اخدت كلينكس و حطيتن على رجليه حتى يمتصو السوائل و لميت ازاز الكاسة المكسور بايد و الايد التانية عم سكر قبة قميصي

 

سالي:لاتواخذني سيد حسام ولله ما انتبهت ، تلبكت كتير

 

لؤي:مين حسام وليه هبلة ،،هاي ما بتعرفني مين انا

 

سالي:سيد حسام يلي ما بيعرفك بجهلك

 

لؤي:لسا بترجع بتقلي سيد حسام ،انت ما سمعانة ب لؤي المصري

 

قمت وقفت و انا منزلة راسي

 

سالي:انا جديدة بالشغل هون و ما بعرف كل الزباين ،عن اذنك

 

رجعت فورا على المطبخ انا و عم اضغط على اعصابي،رجعت بعد دقايق قصيرة و معي كاسة تانية ،وقفت جنبو و صبتلو اياها و هو عم يطلع فيني ،كان واضح عليه انو انهز كبريائو

 

سالي:تفضل

 

اعطيتو الكاسة و انا ايدي عم يرجفو و وجهي احمر ،و هو عم يطلع فيني من تحت لفوق

 

سالي:بتأمر شي تاني

 

لؤي:لا روحي من وجهي

 

كملت خدمتي على باقي الطاولات و انا احيانا اطلع على لؤي يلي نزل على ساحة الرقص يهز اكتافو و يشرب و يرقص مع باقي البنات و شي يقرص هاي و شي يلف هاي ،رقص كل المطعم على كيفو و انا واقفة عم اطلع بمعتصم و بس ينتبه علي دير وجهي عنو

 

لؤي:جنو جنو نطووووو ….. وقفو …..الكل يوقف .. قرفصو حبايبي قرفصو …..يلاااااااا ارجعو جنو … يا رضا يا ابن ستين كلبة قلو ل يلي عم يغني يحطلي تي رشرش قلو المعلم لؤي بدو يرشرش كام ليرة على هال…..

 

اطلع فيني غمزني و عض على ششفايفو،فتت فورا و ما عاد طلعت بوجهو للساعة 1 بالليل ،خلصت سهرتو و طلع من المطعم بدون ما يطلبني او حتى ياخد بنت تانية ،اتصلت بمعتصم

 

سالي:ليك ما مشي الحال ،شكلي ما عجبتو و سدتلو نفسو حتى ما اخد معو وحدة

 

معتصم:سياراتو بعدا برا ،ما مشي لهلأ

 

_يا انسة المعلم بدو اياكي بكلمتين

 

فتلت ضهري و سكرت الخط بوجه معتصم فورا

 

سالي:مين المعلم؟

 

_المعلم لؤي

 

سالي:طيب يلا بس لغير تيابي

غيرت تيابي فورا و طلعت مع الشاب يلي اجا ياخدني ؛فتحلي باب السيارة و شفت لؤي قاعد جوا ،وقفت مترددة ،و شفت معتصم من بعيد قاعد بالسيارة و جنبو سيراج عم يطلعو لعندي ،سيراج عم ياشرلي بايدو انو فوت على السيارة و معتصم كانت ملامحو باردة

 

لؤي:شبك فوتي

 

فتت قعدت جنبو و اعطى امر للشوفير يمشي

 

سالي:انا بعتذر مرة تانية على اني كسرت الكاسة و على اني ما عرفتك

 

لؤي:ما في مشكلة ،انت ما سمعانة باسمي من قبل

 

سالي:صراحة لا ، انا جاي من غير بلد و الي سنتين هون مقضية وقتي بين دراسة و الشغل ،و لولا الحاجة …..

 

لؤي:ايه

 

سالي:يعني لو ما بدي طلع مصروفي ما كنت اشتغلت بهيك محل ابدا

 

اطلعت من ورا ازاز السيارة

 

سالي:هيك بعدت كتير عن بيتي ،معلش تنزلني هون و انا بتابع لحالي

 

لؤي:لا انت الليلة باستضافتي

 

سالي:ما فهمت

 

لؤي:يعني رح استقبلك ببيتي

 

سالي:تاخر الوقت كتير؛انشاالله لغير مرة

 

لؤي:ههههههههه لا الليلة

 

قرصني من خدي ،رجعت لورا

 

سالي: سيد.حسام عفوا سيد لؤي انت شكلك مخربط بالعنوان ،انا ما تبع هيك قصص ابدا

 

لؤي:و لا انا تبع هيك قصص ،شكلك فهمتيني غلط ،ليش نحن لا سمح الله بدنا نعمل شي ما مزبوط ،بدنا نحكي كلمتين حلوين و نضاف بخصوص الازمة الاقتصادية الخانقة يلي عم يمر فيا البلد

 

فتحت الجزدان و حشرت راسي فيه دور على حبة علكة ،انتبه علي

 

لؤي:فيه شي،؟

 

سالي:معك علكة

 

لؤي:علكلة!لا ما معي

 

سالي: طب في مشكلة اذا منوقف على الطريق و بشتري علكة لانو مضطرة

 

صف الشوفير السيارة على جنب و نزل اشترالي علكة و رجع اعطاني اياها

 

سالي:كان بدي من يلي بتنفخ بوالين ،يلا ما في مشكلة بدبر حالي

 

فاتو السيارات على بناية لؤي ،بعدين نزل الشوفير فورا فتحلو الباب و فتل لعندي فتحلي بابي ،نزلت انا و عم اطلع على البناية الشاهقة ل لؤي ،كان كل همي انو اعرف باي طابق و باي غرفة و باي زاوية موجودة الماسة لاخدا و اخلص،قبل ما نفوت على المدخل ،وقف لؤي بالساحة ضربلو كام رصاصة بالهوا هو و عم يتمايل و يضحك بعدين اجى لعندي

 

لؤي:هلأ تفضلي

 

بقيت واقفة بمحلي و خايفة و متوترة و مقهورة من الوضع يلي انا فيه

 

لؤي:تعي يلا

 

فتنا على مدخل كبير و بسقفو كان فيه اكبر و افخم ترية بشوفا بحياتي،اطلعنا باالاسنسير على الطابق الرابع

 

سالي:بيتك بالطابق الرابع؟

 

لؤي:لااا ،هيدي البناية الي

 

سالي:مأجر الشقق الا بايعن؟

 

لؤي:لا هاي البناية ساكن فيها كلا

 

ساالي:كلا!

 

حطيت ايدي على تمي و ضحكت ،اطلع بطرف عينو

 

لؤي:شكلك ما مصدقة

 

سالي:ما قصدي قول انك كذاب ما تفهمني غلط ….

 

رجع بالاسنسير للطابق التاني

 

سالي:ليش رجعنا للتاني

 

لؤي:لانو شكلك ما مصدقة انو البناية الي و ساكن فيا بكل طوابقا

 

انفتح الباب و سبقني

 

لؤي:اطلعي يلا لفرجيكي

 

كنت شوف و اسمع سمع بالشي الموجود ببناية لؤي بس كان السمع غير الشوف ،كانت البناية مدينة صغيرة بدون مبالغة من سينما و بار و مطعم و مسبح و جيم ،كنت مبهورة بالشي يلي عم شوفو و عم حاول خبي هاالشي و حافظ على برودة ملامح وجهي

 

لؤي:شو رايك؟

 

قلبت شفايفي

 

سالي:سجن صغير ،صراحة ما عجبني ابدا ،يعني هو بجوز يكون شي استثنائي و متميز و ما انعمل متلو بس انا ما حبيتو ،جد ما تزعل مني

 

لؤي:لا عادي ،المهم انو انا عاجبني و مرتاح فيه

 

طلعنا على الطابق االرابع ،قعدت على الكنباية انا و متلبكة و عم اطلع بالساعة ،رجع لؤي هو و حامل كاستين مشروب معو

 

ساالي:انا ما بشرب

 

حط الكاسة على الطاولة و قرب علي اكتر و حط ايدو على وجهي ،نفض جسمي و قمت وقفت

 

سالي:الحمام …وين صاير الحمام

لؤي:تفضلي معي

قام مشي و انا مشيت وراه ،فتح الباب و فات على غرفة نوم ،انا بقيت واقفة برا

سالي:قلتلك بدي الحمام ما …

لؤي:اي جوا في حمام

سحبني من ايدي لجوا

لؤي:من هيدا الباب

فتحت الباب بسرعة وسكرتو وراي انا و عم ارجف ، طالعت الموبايل لاتصل بمعتصم بس اندق الباب دقتين

لؤي:شو صار معك ؟

وقع الموبايل من ايدي من لبكتي ،شلتو بسرعة و حطيتو بالجزدان

سالي :يلا يلا طالعة

غسلت وجهي و طلعت و كانت الصدمة ،شفت لؤي مغير تيابو و لابس روب حرير و قاعد على التخت و عم يبتسم بخبث

سالي:انااا انااا مضطرة امشي

لؤي:لوين بدك تروحي بنص هالليل ،بكرا الصبح بتروحي ،هلأ تعي

مشيت لباب الغرفة و حطيت ايدي على مسكة الباب ،لقيتو نط قدامي متل االشبح

لؤي:شبك كأنو متوترة و خايفة …شكلك خام بس لا تخافي لؤي كتير حنون مع الجنس اللطيف

سالي:ايه بس بس ….

لؤي:حاج تبسبسي و تعي

مسكني من ايدي و بدو يشدني على التخت ،رجعت سحبت ايدي

سالي:ما بدي …بدي ارجع على البيت

لؤي:بلشت عصب ها و انا اذا عصبت ما منيح الك ابدا

رجعت حطيت ايدي على مسكة الباب و حسمت امري انو اطلع

لؤي:ما بتمشي معك المسايرة و الكلمة الحلوة

سحبني من ايدي غصب عني