موضوعنا اليوم :: 😉😉😉

كيف تعرف إنه في حدا عم يفكر فيك ؟؟

وهل الشخص اللي بتفكر فيه بفكر فيك أو لأ ؟؟

ربنا سبحانه وتعالى ميز الإنسان بميزة العقل .. وفضله عن سائر المخلوقات بهذه الميزة ..

قال تعالى : ﴿ وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلًا ﴾ سورة الإسراء 40

صدق الله العظيم

ووهبنا ربنا سبحانه وتعالى القدرة على الإبداع والخيال والتفكير

والعقل هو أكتر جزء بجسم الإنسان حير العلماء ولسه محيرهم لحد الآن 😛

لإنه العلماء أصابهم ذهول عن القدرات الهائلة اللي ممكن يقوم فيها الدماغ البشري وهو فعلا نوع من أنواع الاعجاز الالهي ..

والعقل بنقسم لقسمين حسب الأشياء اللي بعملها والوظائف الموكل فيها :

العقل الباطن – والعقل الظاهر ..

وظيفة العقل الظاهر : هو اللي بكون مسؤول عن الأقوال والأفعال والأفكار اللي بنفكر فيها طول اليوم .. وهاد الجزء بيتأثر بانفعالاتنا ورغباتنا ..

أما وظيفة العقل الباطن : ف هو اللي بكون مسؤول عن التخاطر والتخيلات والأحاسيس المخفية والحاسة السادسة.. وبرضه مسؤول عن الأحلام اللي بنحلمها سواء بالليل أو أحلام اليقظة بالنهار ..

والحقيقة العلمية اللي تم اثباااااتها :

بتحكي إنه لما تحس فجأة بإحساس عاطفي شديد لشخص معين وتتزكر موقف معين صار بينكم ع أرض الواقع ف هاد الشخص بكون حاسس فيك نفس الإحساس وبكوووووون بفكر فيك 😊

في أدلة معينة بتثبت إنه هاد الشخص اللي اجى ع بالك بفكر فيك بهاي اللحظة بالتحديد ..
وهيي نوعين :

أول نوع : حسية وملموسة
تاني نوع : غير ملموسة ( معنوية )

النوع الأول : الحسي الملموس : مثلا يعني ” كنت تفكر بشخص معين وفجأة يا اما بتلاقي منه رسالة أو برن عليك وهاد أول دليل واثبات

أو بتكتب تعليق عند صديق قديمةة : وبرد عليك وبحكيلك والله اليوم انتا في بالي ف هوا بكون بفكر فيك لهيك انتا بتصير تفكر فيه ..

وفيه أمثلة وأدلة كتير من حياتنا ع النوع الملموس والحسي ..

اما النووووووع التاني : الغير ملموس وما بصير مع كتير ناس لإنه بحتاج حدا تكون عنده الحاسة السادسة قوية جداااا ويكون عنده فن الاستماع للاحاسيس وتذوقها وبكون انسان روحه خفييفة

وهاد النوع مثال عليه : مثلا بتشم فجأة ريحة عطر شخص مع انه بكون بعيد أو مسافر بس انتا متأكدة انك شميتي ريحة عطره .. فهاد دليل معنوي غير ملموس ..

مثال تاني : تسمع صوت هاد الشخص مع انه بعيد

مثال تالت : تحس في حدا بتطلع عليك مع انه ما في حواليك ناس ..

وهاد الدليل الغير الملموس ( المعنوي ) يعني بتحس فيه بس ما بتشوفه

هل بقدر أخلي حدا معين يفكر فيي 😊 …..

شو رأيكم احكولي ؟؟ 😛

الجواب : آه بقدر

طييييييييييييب كيف ؟؟

#أول_اشي : المشاعر الصادقة ( يعني تكون صادقةبمشاعرك لهاد الشخص ، ويكون في بقلبك حب كبير كتير ) ،، زي لما تكون مثلا انتا وأبوك بتفكروا ببعض بنفس الوقت وبنفس الوقت ترنوا ع بعض ..

#تاني_اشي : التخاطب الروحي : شو يعني تخاطب روحي .. يعني إنك تضل تعملي معه محادثة بخيالك وبس .. وتحس إنه هاد الشخص عنجد قدامك وتحكي معه كل اشي حاب تحكيه وهو اشي بشبه التخاطر بس اسمه تخاطب روحي .. ( تخاطر لا ارادي يعني )

#تالت_اشي : الدعااااااااء .. ما ننسى أبدا أبدا أبدا سحر الدعاء

#رابع_اشي والأخير : دائما خلي طاقتك عااااااااااالية وايجااااااااااااابية مشان الذبذبات تكون عندك عالية وتوصل أحساسيك بمرونة وسهولة لكل حدا

وطبعا هادي مو النهاية .. ملاحظة بسيطة جداً حابة أحكيلكم ياها وخلوها دايما في بالكم

ضروري ضروري ضروري نعرف أهمية المشاعر والرغبات اللي بتعملها فينا أفكارنا

إنتا مو شخص وحيد أبدا ..
إنتا شخص مهم من ضمن منظومة واسعة اسمها ( الإحساس / الطاقة / الذبذبات )

مشاعرك بتهمنا كتير لإنه إنتا مهم وبتأثر فينا وبتأثر بحالك وبتأثر بللي حواليك ،، إنتا مو لحالك في اشي احنا ما بنشوفه عم يمشي حوالينا اسمه مسارات ذهنية ،، اسمه ذبذبات كونية ،، اسمه طاقة إيجابيه ..

إحساسك بهمنا لإنه بأثر علينا .. كون إيجابيه حتى الكون كله حواليكي يكون إيجابي إنتا مو لحالك كلنا حواليك ..

وتزكر دايما إنه إنتا رح تجذب الاشي اللي بتفكر فيه .. كون حذر بالأشياء اللي بتفكر فيها لأنه هاي الأفكار رح تنتقل بالمسارات اللي حكيتلك عنها ..

فكر دايما بالأشياء الحلوة .. وأفكارك بتهمنا كلنا