قصه اليوم بعنوان وجدتها مقتوله 🧚🏻‍♀

قصه اليوم بعنوان وجدتها مقتوله 🧚🏻‍♀

جوجل بلس

#وجدتها_مقتوله

الجزء التاسع..

 

وقفت بجانب الدكتور ايهاب عم انراقب الفاجعة يلي كانت على ابواب المشفى جموع من الشرطة واسعاف واحد ..وجميع المرضى بمصابين بالهلع بالساحة الخضراء ..زاد قلقي وشعرت باختناق خاصة بهيك صباح …

 

غدير :- يالطيف شو صاير..

 

دكتور :- بكون شي مريض ميت او قاتل حالو بتصير كثير. بهاد المشفى.

 

غدير : -يقتل حالو ليش مافي راقبة..

 

دكتور:- هون ماحد سائل..خلينا نفوت نشوف شو في وناخد داليا وملفها..

 

الشرطى :- من بعد اذنك خليك هون ماتفوت..

 

غدير :- بس نحنا بدنا ناخد مريضة ..

 

الشرطة :- بعتذر مافينا..

 

الدكتور ايهاب :- لحظة اتصل على زيد ..

 

الو اي زيد ..نحنا بالمشفى ..

 

الدكتور ايهاب :- زيد هون شوي ويجي يفوتنا..

 

غدير :- وين عم ينقلو المرضى..

 

الدكتور ايهاب :- على المبنى الثاني ..

 

الشرطى :- اتفضلو ..

 

الدكتور :- فوتي بنتي..

 

الشرطي :- سيدي زيد بالطابق الثاني..

 

غدير :- الطابق الثاني شوفي .

 

زيد :- مرحبا دكتور ايهاب اهلين انسة غدير اولا بعتذر عن الخبر السئ يلي صار بس اليوم الساعة 5 ونصف وصلنا اتصال من المدام جميلة بوجود حالة انتحار لمريض..انتقلت بسرعة لأعرف ملابسات الانتحار وحالة الميت .. اتفاجأت #بوجودها_مقتولة ..

 

غدير :- مين يلي وجدتها مقتولة فهمني صابرين ولا مين..

 

زيد :- اهدي مابعرف من وين رح بلش بس الطفلة داليا كانت خانقة حالها..

 

غدير :-شوووو لا لا هاد مو صحيح..

 

زيد :- الجثة رح تنزل هلاء جثة الطفلة باين عليها الموت شنق وجدنا انها رابطة حبل الايدين على رقبتها ..

 

غدير :- هاد الحكي مابفوت عقل بدي شووفا..

 

زيد :- ممم اتفضلي..

 

دكتور ايهاب :- مدام جميلة..مدام جميلة..

 

جميلة :-شفت شو صار كلو بسببكن انتو نزعتو راحتها للبنت كانت خايفة من المكان يلي رح تنقلوها عليها ..

 

زيد :- على حسب مافهمت من جميلة انو هي بصير معها حالالات تشنج واحتمال كبير يكون صار هالشي بسبب تشنجها لفت الحبل على رقبتها وخنقت حالا..

 

جميلة :- هاد هو يلي صار انا انصدمت طفلة مثل هاي والله كان عندها امل تشفى..

 

غدير :- ياربي هالطفلة راحت من بين ادينا دكتور ماتت خلص ..شوف جسمها الصغير والزراق يلي حوالين رقبتا والله حرام هالشي مستحيل طفلة تعمل بحالا هيك..

 

دكتور ايهاب :- استاذ زيد البنت لازم تفوت تشريح لو سمحت …

 

زيد :- دكتور ايهاب هالحديث اكيد حبيت اخبرك انو الطفلة مقتولة قتل ..بس مابدي اعمل توتر بالمكان وخاصة جميلة مابدي تعرف

 

دكتور ايهاب :- جميلة جهز ملف الطفلة..

 

جميلة :-لشو ما انت بسبب قرارك قتلتا للبنت مابيحتاج ملفها مسكينة صرلا شي سنة وشي وماطلع هالشي منا بس لوقت ما قررتوا تنقلوها قتلت حالا البنت..

 

كانت صدمة كثير كبيرة اني اسمع خبر مقتل داليا ..وخاصة بيوم ماقررنا ننقلها لمكان افضل تفاصيل ملامح جميلة ماكانت عم اطمني توتر وخوف وخباثة بنفس الوقت اما داليا الطفلة المسكينة يلي كان باين عليها التعذيب رقبتها يلي مرفوعة على جنبا اليمين واصابع ايديها المشدودين واللون الازرق يلي ملون رقبتها كانو عم يحكو قصة العذاب يلي كانت عم تعيشها .. بعد يومين اجانا خبر من التشريح انو داليا تم قتلها وما انتحرنت من نفسها ..وهالشي زاد حيرتي مرتين ..داليا انقتلت مشان ماحد يعرف قصتها ..وماحد يعرف قصة مقتلها..بعد اسبوع خبرني الدكتور ايهاب انو هو وزيد والشرطة عملو تحرياتهن بشان داليا …

 

دكتور ايهاب :- غدير تعي على مكتب استاذ زيد بسرعة..

 

..

 

كان اتصال الدكتور بهاداك اليوم مفزع بالنسبة لالي جلست على الكرسي عم استقبل الخبر الجديد..بعدها بوقت اعطاني زيد ملف داليا الحقيقي غرفة رقم 123….

 

انا والد الطفلة داليا صافين العمر 9 سنوات… تعاني ابنتي من مرض الاضطراب الوجداني ثنائي القطب، غالب عليه الجانب الاكتئابي، ووسواس قهرية، مع وجود أفكار انتحارية شديدة، وقد شخص الطبيب مرضها في بدايته على أنه اكتئاب، وأعطاها أدوية اكتئاب كثيرة وشديدة أدت إلى زيادة حدة المرض، وساءت حالتها، ثم تابعنا مع طبيب آخر منذ عامين، وشخص المرض على أنه اضطراب وجداني مع اكتئاب ووسواس قهري والهوس الشديد ، مع وجود أفكار انتحارية شديدة، وقد لاحظنا انا وامها رحمها الله في الفترة الاخيرة أنها ترى اشياء متحركة داخل المنزل على حسب قولها (وحوش)..كما ايضا لاحظنا عليها اكثر من مرة في منتصف الليل تكون مستيقظة وتستخدم الادوات الحادة وفي يوم من الايام وجهت السكين الى رقبتي وانا نائم ..لا اعلم ماسبب معاناة طفلة بهذا الكم من الجنون.. وقد اضطررت الى نقلها داخل مستشفى الامراض العقلية بعد محاولتها بقتل والدتها سناء ودفعها للسقوط عن الدرج..لقد اخدت ابنتي بعد يوم من الحادثة الا منزلي الاخر ولكن كانت خطرة لباقي افراد عائلتها.

 

التوقيع

 

جابر صافين..

 

غدير :-شو يعني هاد الملف..

 

الدكتور ايهاب :- هاد الاب هو يلي نلقها على المشفى تحت توقيعو بس يلي عرفناه حاليا انو هو السبب في مقتلها لداليا ومقتل الام…

 

الجزء الاخير..

 

#تحت_مجهر_التحقيق

 

انا جابر صافين العمر 42 عاما ..متزوج وعندي 5 اطفال وطفلة اخرى من زوجتي الثانية سناء ..اقر واعترف انني حاولت قتلت زوجتي سناء بضربها على رأسها ثلاث مرات حتى اغمى عليها ..بسبب محاولتها بإرسال صور زواجها مني لزوجتي الاولى لاني قلت لالها لاتخبريها بشي واذا خبرتي رح يكون يوم نهايتك.. ……

 

جابر :- تعي لهون انتي ارسلتي صور زواجنا لمرتي ..

 

سناء :- خلص حاجي صار لازم تعرف تعبت انا تعبت بتغيب عني بالاشهر وعايشيين لحالنا انا وبنتك وماحد مهتم فينا…

 

جابر :- الظاهر اشتقتي للضرب..

 

سناء :- اي اضرب ماعاد يهمني هالشي ..تعبتني تعبتني ..

 

جابر :- شو اعمل فيكي قليلي شو اعمل..هششش مابدي اسمع صوتك ..الوو اي ام تامر حبيبتي رح طلقها وحياتك رح طلقهااا..

 

سناء :- لا مارح اطلقني هو بحبني لاتردي عليه بحبني ومارح يطلقني فهماني…

 

جابر :- اي تعي لهون لورجيكي الحب على المززبوط..

 

داليا :- 😢😢 ..

 

سناء :- داليا فوتي غرفتك بسرعة ..

 

داليا :- خلص خلص بابا خلص حاجي لاتضربها بترجاك

 

سناء :- اااخ جابر شو عملت شو عملت راسي عم تنزف…..

 

(( هي يلي خلتني اعمل هيك تصرفها اجبرني اني اضربها بشقفة حديد على راسها لوقعت واغمى عليها في بادي الامر فكرتها ماتت وكان يلي عم يشوف كل شي هي داليا وكنت خايف تفضح امري ماحسنت اعمل غير اني اخوفها ومرق اكثر من 5 ساعات على تعذيب داليا استخدمت معها كل انواع التعذيب بالصوت وبالضرب ..واحيانا كنت حاول اقطع عنها النفس …صابني حالة جنون بدي اقتلهن واتخلص منهن وهالشي ماساعدني .. كنت لازم اطلع من المصيبة يلي عملتها ارجعت دفشت سناء على الدرج ووقفت داليا وراها وصرت اصرخ انو مرتي مقتولة اجتمعو الناس وانتقل الخبر على انو بنتي دفشت امها.. انتقلت سناء لمشفى حكومي وكان عندها كسور شديدة ..خبرت اهلها لياخدوها بعد ما اتعافت وألفت كذبة انو بنتي هي يلي قتلتها ودار حماي طلبو مني اني اخد بنتي وطلق بنتهن وهاد يلي صار ..طلقتها لسناء ..تحت جبروت اهلها ورفضهن القاطع لالي ولداليا ..وانا وافقت واخدت داليا للمشفى العقلي مع انو ماكانت عم تعاني من شي سوا الخوف والهلع يلي كنت سببو لالها كل ليلة بالدمى المتحركة انا ماكنت متقبلها وماكنت بدي اطفال من سناء بس هي يلي اغصبتني عليها والبنت ماكنت حبها كرهتها وكنت بدي اتخلص منها بأي طريقة بدون مايربطني شي بسناء خاصة لانها من نفس العيلة… انا كنت بدي حطها بمصح عقلي من البداية بتصرفي مع البنت …

 

المحقق :- سؤال الام كانت تعاني من اضطرابات شي..

 

جابر :’- مممم لاء هي كانت تعمل يلي بقلا عنو ..انو تقسى على البنت لترضيني ..

 

سناء :- خلينا نعالجها عند دكتور حرام اضلا هيك صار عندا تبول لا ارادي البنت..

 

جابر :- هالشي كلام فاضي استخدمي معها الشمع بتبطل تعيدا..

 

سناء :-بس حرام بيحرق هيك..

 

جابر :-لكان اهل زمان شو كان يعملو..

….

 

سناء :-جابر البنت عم تشوف وحووش بالليل ..

 

جابر :-كلو بسببك من افلام الرعب يلي عم تشوفيها..

 

سناء :- انا مابلاقي غيرها على تلفزيوني مافي الا هالاشرطة يلي بتجيبها..اشبك لالنا القنوات..

 

جابر :- واذا مافي غير هيك تقومي تخوفي البنت فيهن..

 

كنت اتقصد اجيب هاي الافلام على بيتي لاعيش سناء وبنتها بحالة رعب دائم ..واوقات من تغيب امها اجبرها لداليا تشوف هيك افلام …..بعد ما وصل خبر انو انا سافرت بالبنت وصلني اتصال من سناء انو البنت رح تاخدها …وتاخد حقي وخاصة من حكت معي على تلفون مرتي ام تامر وهالشي صدمني بزيادة وبعدها اتصال ابي يلي كان كلو تهديد اني رجع سناء وداليا على ذمتي واترك الغريبة ..بس هالشي رح يزيد المشكلة تفاقم لان زوجتي الاولى بتملك كل تعبي . بهاديك الفترة نقلت البنت لعند جميلة وهي كانت من طرف زوجتي الاولى ام تامر…جميلة بتكون خالتها …

 

جميلة :- هاتها لعندي وانا بتكفل بامرا لاتقلق بس اعملي هاي الاوراق…

 

نقلتها لعند جميلة وكنت كل يومين انزل شوفها كنت من اشوف البنت شوف شيطانة قدامي كنت اضربها بجنون مابعرف ليش..ومن خبرتني جميلة انها رح تنتقل ومعها ملفها شعرت انو رح انكشف واني لازم اتحرك من التخلص من داليا ليضل كل شي مستور وقبل لتعرفوا مكان امها ببحثكن عن قصة البنت ..كنت متأكد انو عن طريق داليا رح تصلو لامها وتكشف افعالي هالشي خلاني. اخنقها بالحبل 😔 ..

 

……

 

غدير :- اوووف ياربي في اهل هيك بيعملو بأولادهن نحنا وين عايشيين يارب رحمتك فينا..شلون وصلتو لابوها..

 

زيد :- من كشف التشريح انها مقتولة وخاصة انو الخبر وصلنا الساعة 5 ونص وجميلة ببلش شغلا 6 ونص والبنت كشف التشريح انها ماتت بحدود الساعة 3 الصبح كان اكبر دليل ليتوجه مقتلها لجميلة يلي اعترفت عن مخطط ابو البنت وقتلو لالها… خوف جميلة من تنسجن هو اللي خلاها تقر وتعترف عن مقتل داليا كانت تتوقع انو هالامر يتخبى بسهولة وخاصة مثل ما قال الدكتور انو حالات الموت بالمشفى العقلي

 

ماحد بياخدها بعين الاعتبار ..

 

غدير :- يعني البنت راحت بسبب تخلف وجهل اب وخوف ام .مرضوا البنت وقتلوها بإيديهن…

 

زيد :- هاد الواقع..

 

غدير :- وامها وصلتو لالها..

 

زيد :- يلي عرفناه انو امها متزوجة رجال كبير من شي 6 شهور وماحبينا نخبرها بمقتل بنتها ..

 

غدير :- بس لازم تعرف ..

 

الدكتور ايهاب :- مممم انا بفضل لاء..لان باعتبار الام نسيتها هلاء…والاب صار بالسجن وتحت عقوبات المحاكم..وعلى كلا الحالات اخد عقابو…

 

غدير :- انتو هيك عم تقولوا اخد عقابو ..الاثنين عذبو بنتهن الام الجاهلة والاب المريض قتلو طفلة مالها ذنب خلص ملفها مارح ينفتح ورح يندفن معها ..طيب والاف الاطفال يلي البيوت مسكرة عليهن لا ء لاء دكتور انا ماعدت بدي اعمل بحث تخرج…انا بكفي انو رسالتي تصل..التصرفات يلي بدون وعي وتظهر من الاهل سواء العنف الجسدي او اللفظي او العقاب او افلام السخافة او الكرتون كلها عم تاذي اطفالنا عم تربي لالنا جيل مريض ومجرم …اساسا الارهاب والقتل ماصار الا بسبب عقلية الجيل الجديد …هلاء صارت الام تشارك زوجها بقتل اولادها..وبتجي تشكي ليش ابنها عندو شواذ ليش ابنها شقي وتصرفاتو اجرامية …وليش ابنها حاول ينتحر بس لانو رسب في مادة كلو هاد بسبب التخلف والتعذيب يلي بنعيش اولادنا فيه الكلمة محسوبة وهذا الجيل بدو ينحسب لحياتو الف حساب اذا استقمنا نحنا بالتاكيد اولادنا بستقيمو واذا انعوجنا على المسار على اولادنا السلام..قصة داليا يلي وجدتها الطالبة غدير ببحث التخرج ..كانت قصة حقيقية عم نشوفها بكل بيت بغض النظر اذا كان هالبيت مثقف وليستخدمو اطفالو ادوات تواصل تكنولوجية خطيرة او بيت جاهل عم يعنف اطفالو جسديا ولفظيا…حياة الهلع اللي عاشتها الطفلة داليا بكل لحظة عم تعيشها الطفلة سجود من امها اللي حرقتها بالزيت لان عندها ضعف استيعاب بمدرستها وهالشي عم يخجلها قدام رفيقاتها الاكابر.. هي نفسو للطفل عيسى يلي ابوه ضلو يضربوا حتى الموت لان كان فاقد عقلو لحظتها ومالقا مجال الا يفش خلقو بطفلو.. الهلع يلي صاب داليا هو كمان نفسو يلي صاب ابراهيم يلي فجر نفسه بسوق مدني ابراهيم الطفل يلي ماطبق 16 سنة لان مالقا مجال من اهلو يسمعوه ..او يوجهوه وينصحوه وكان فريسة سهلة لارهابيين كثير ..

 

وغيروا وغيروا مثل ابني وابنك يلي نايمين نحنا عنهن…وعايشين حياتنا بعالم بعيد عنن..داليا اندفنت قصتها معها وامها لهلاء مابتعرف شي عنها لان اكملت طريقها بعيد عنها ..وابوها المريض يلي بسبب شهوتوا وزواجوا ضيع احلام طفلة مالها ذنب..فكركن اذا بالدنيا مافي حساب مارح نتحاسب قدام رب العباد..نسيتو الاية يلي بتقول…

((وَإِذَا الْمَوْءُودَةُ سُئِلَتْ (8) بِأَيِّ ذَنبٍ قُتِلَتْ))

 

الحمد لله انو في حاكم عادل ومرجوعنا لالو يوم الدين….

 

هاي كانت رسالتي ببحثي التخرج…عنوانها وجدتها مقتولة …رسالة لكل ام انها الرقيب والمحاسب الاول لاولادها …

 

انتهت..