قصتي مع زوجي في الحجر الصحي 😂 - شبكة صحتك

قصتي مع زوجي في الحجر الصحي 😂

جوجل بلس

والله أول يومين بالحظر الصحي كنا أنا وجوزي محلانا ، أخر رواق ومبسوطين حتى من كتر ما كنا رفقات وصحاب كنت رح اعترفله وين حاطة المصاري يلي كنت اسرقها من جيبة بنطلونه 😆

بعدين طق قلبي منه ، طلباته ونقه كترانة و٣٧ ابريق شاي بعمل باليوم نزعلي سيستيم حياتي ، خرب روتين أم عيشتي ، لعن سلسفيل طقوسي اليومية

 لك حتى بنتي قالتلي هلق بابا حيضل ساكن معنا ع طول بالبيت🥴

فقت اليوم الصبح راكب مخي تلات عفاريت ، وقاعدة بسب الصين

قلي جوزي شبك معصبة ؟!

قلتلو : لك كرمال الرب حدا يبعت للصين كيف بتنطبخ الرز ببزاليا لسا كل يومين بعرفونا على فيروس جديد 🥺

قلي جوزي لا تخافي الكورونا والهانتا اذا صابوا النسوان ما بموتوا

لأنوا فيروسات بيفهموا على بعض 😂😂

قلتلو: مابيخك يازلمة من طين الصبح فايق ورايق

قلي لأنو ضحكني جارنا هلق سمعتو بقول لولادو يلي بيقعد آدمي بدي خليه يكب زبالة 😂😂😂

صار كب الزبالة إلها عز 😂😂😂

عملتلو هالحركة 😒

رجع قلي تعي شوفي هالبوست قرأته قبل شوي عالفيس

قلتلو: هات لنشوف ؟!

قلي : عند أعلان أول أصابة بسوريا بفيروس كورونا

وزير الصحة : جاهزون يا أبطال

الشعب السوري : هاي هاي كابتن 😂😂😂😂😂😂

قلتلو : بربك وأنا بهيك حالة لا تتناغش معي

قام رن جواله لجوزي وطلعلو رفيقو : وخود بقى على زناخة وسماجة

قال رفيقو بقلو كيف الحجر الصحي معك بقوم بقلو جوزي ؟!

خايف ع قد ما عما شوف مرتي ارجع اتعلق فيها 😂😂😂

بقلو رفيقو عليي الحلال القعدة مع الكورونا يا زلمة أرحم لسا من النسوان

أنا من جهتي انتهت الحلول مع مرتي في الأرض ، والأمر متروك للمحاكم 😂😂😂

بقوم جوزي بقلو : ليش ما دريت بالخبر العاجل ؟!

تم تعديل يمين الطلاق من 3 الى 30 مرة لأنو تلات طلقات بيخلصوا بيومين 😂😂😂😂

وبس خلص تلفون زتلي بوسة بالهوا😙

قدحتوا زورة وقلتلو : بربك انا بهيك حالة لا تتناغش معي ؟!

ورحت عالمطبخ وجبت غراض البسكوت ومديت هالعجينة وبلشت برقاقة العجين الخشب مد العجينة

قعد قدامي يتصهصه ويقلي مرتي ارحمي كرشك يا شيخة

بعدين صار يغنيلي (( محجورة صرلك مدة ، وحتصيري قد الدبة )) 😂😂😂

 ورجع صار يقلي ؟!

 إذا ضليتي على هالحال رح تصيري انتي الفيل الظريف يلي بحيينا 😂😂😂

أنا هون خلص

فقعت معي

خلاااااص

رفعت ايدي وقلت الله لايوفقوا للصيني يلي أكل شوربة خفافيش وبلانا بقعدة رجالنا بالبيت

أصلا” لازم مايكون اسمو حجر صحي لازم يسموه صرف صحي 😡😡😡

الله يلعن الشيطان والله ما بعرف كيف هيك صار ، ، مالقيت غير ايدي عملك حركة لولبية متناسقة وشلفت رقاقة العجين واجت براس هالرجال

االله يرحمه كان نغش شوي 💔

#بقلمي_المحجور ام النصر

#الله_لا_يوفقو_للصيني_يلي_سلق_خفاش

ليصلكم كل جديد الرجاء الانضمام

https://www.facebook.com/groups/3020109471332744/