.#جوزي_الميت_يعود

#للكاتبة_جمايكا_أحمد

.فكرة القصة منقولة

الجزء الاول ..ضفت الثاني 👇 الثالث واضفت الاخير

.

لحد الان ما حد بيعرف شو يعني الروح …واشخاص قالو انو حجمها 200 جرام ..وحسب دراسات بريطانية انو الروح لها وزن ..وهاد موقفي حقيقي اتعرضت لالوو…حكايتي بلشت من رفيقتي راما اللي سنين ما شفتها اتصلت عليه وطلبتني اجي لعندها … وقلتها اني ماني فاضية ومشغولة كتير ..قالت لالي ضروري اجي ..انا حسيت من كلامها انو في شي تعبها ومخنوقة منو ..الله اعلم …وصلت لبيت رفيقتي راما …بيت رفيقتي راما بمنطقة معزولة عن الدنيا ..متل البيوت اللي من يموت القتيل فيها وماحد بحس فيه ..دقيت جرس الباب وطلعتلي رفيقتي راما اللي صرلي سنين ما شفتها … استغربت من مظهرها واستغربت انو الزمن ممكن يغير هيك اشخاص ..كانت لابسة نظارة سودة حسيت انها عم تخبي شي بعيونها ماكنت اعرف شوو هوو.. شعرها كان منكوش واظافرها طويلة وكنزتها اكيد ماكان عليها صلصة طماطم ..اكيد كان دم ..وانا اول ما شفتها

….#ررررر أ أ أ ما ممماااللكك شو هاااد الدم اللي على تيابك ..

#راما :- فوتي راح تعرفي كل شي بعد شوي .منيح انك جيتي ..

دخلت وقعدت جوا الصالة بعد ما حددتلي هي الكرسي اللي اقعد عليه وبلشت تشرب سجاير ..

#انا :- راما انتي من متى بتشربي سجاير ….

انتي ماكنتي هيك وكنتي تدايقي من ريحتها ..

#راما :- اي صح بس الواحد بتغير بسهولة بتعرفي انو بقولو انو طعم السيجارة اللي بشربها الواحد بأخر حياتو..بكون طعمها مختلف

 

#انا :- شووو

#راما :- لا لا مافي شي ..اسمحيلي ما ضيفتك وبدي اتجاوز هالشي واحكيلك عن شوية شغلات رح تعرفي ليش طلبتك وكل شي سألتيني عنو وخاصة الدم …

(( راما نزعت نضارتها السودة ..عين من عيونها كانت حمرة متل الدم … غمضت راما عيونها ورجعت بالكرسي لورا وصارت تذكر شغلات …وبلشت تحكي …

#راما :- انا كنت بنت متلي متل اي بنت بعد ماخلصنا انا وانتي جامعة قلت بدي شق طريقي بالحياة ..لكن متل ما انتي شفتي الفرص بحياتنا مانها عادلة ناس تتعب وماتحصل على شي وناس بتجيها الشغلة بدون تعب .. وانا من الناس اللي تعبت وماحصلت على شي …..كل اللي عملتو اني اشتغلت بصيدلية وماكنت مرتاحة فيها لان طموحي كان اكبر من هيك ..احسن من بلاش ..يوم ورا يوم وشهر ورا شهر ..لوقت ماصرلي سنتين بالصيدلية ..مازال طموحي غير هيك .. لحد ما الدكتورة صاحبة الصيدلية ماتت … الله يرحمها كانت منيحة معي …بالوقت هاداك صار يظهر لالي غيث … زوجها لصاحبة الصيدلية ….لو بدي احكيلك عنو فوق ماتصوري غني وجمال غير شكل ..وحسيت انو هاد طموحي ..صرت اشتغل على هالشي وانو لازم اتقرب منو ..ماصار سنة الا اتزوجني غيث …وباختصار اكتر حبيتو لفلوسوا ….

لكن هو طلع ذكي اكتر مني بكتير من حس اني طمعانة فيه وخاصة انو هو اكبر مني ب 30 سنة ….وحسني اني جوعانه على الدنيا كتير ..كان يعايرني كتير ويهيني ويسمعني حكي عن فقري …كنت متل المحرومة وانا ماكان عندي استعداد اني اتركوه بس هو كان بدو يطلقني … بس ماكان في غير الا طريقة وحدة …اني لازم أورثووو …ومن يوم رجعت من الصيدلية ساعة المغرب ..شفت ست من الغجر النور . متل اللي بقرأو الفنجان ..شكلها غريب واظافرها غريبة ….كانت قاعدة جنب الفيلا تبعت غيث….. قلتها ناطرة حد يا اختي … قالتلي انا ناطرتك ..مش حابة نبدا …قلتها شو عم تخرفني ..قالت راح ارمي الحجر وانتي اعطيني اللي فيه النصيب … ومابعرف شلون ذكرت اسمي بس وافقت عليها كمشت ايدي وقالتي يابنتي انتي طريقك كلو وجع الطرق كلها سهلة لالك بس انتي عم ادوري على الطريق الصعب ..بتحبي قلك شو بتفكري … بتفكري انو لاقيلك طريقة لغيث …قلتها كيف عرفتي اسمي واسمو .. قالتلي لاتخافي انا جيت ساعدك انا عارفة شو بدك انا جيت مشانك …راحت اعطتني حجر اسود وطلبت مني اجيب شعر غيث من يحلق ولف الحجر فية واروح ع التربة ( المقبرة )) واحطو بتم ميت جديد

.

.

.الجزء الثاني ….

 

.قلتها شو اعمل ….

قالت لالي لازم يبلعو المتوفي …

قلتها شلون فوت مقبرة بليل وافتح قبر وبلع ميت حجر …

#الغجرية :- مو انتي بدك تنفذي اللي بتحلمي فيه قوي قلبك وافتحي تربة ميت وبلعيه الحجر …

بس اسمعي قبل لتنسي ياراما اهم شي وشوشي الحجر باللي شو بدك تعمليه بغيث …

.

.رجعت على البيت وانا بفكر باللي قالتو لالي الغجرية …ومن فتت البيت بلش غيث يضربني ويسبني مشان يطردني من البيت ..خلاني هالشي اتشجع بلشت لم شعر غيث من فراشي الشعر والماكنات ….واخدتهم وطلعت من البيت وضليت امشي واخدت تاكسي وقلت للسواق وصلني على مقبرة البلد ..قلي يختي وين رايحة بهيك وقت قلتو امي امبارح ماتت ورايحة اقرا عليها الفاتحة ..وصلني السواق ونزلت بقريب الليل ..وانا من الغل الخوف ماعاد فيني ..بقيت ماشية بين المقابر . بدور على الدفان اللي بيدفن مشان اسالو ويساعدني وصرت احكي بين المقابر ..مين فيكن اللي راح نطعميه الحجر…

وانا بمشي شدني حدا من ضهري .وكان دفان المقبرة راجل عجوز وكان يقلي ماتخافي اللي تحت الارض اطيب من اللي فوقها ..

#الدفان :- بس شو جابك لهون بهيك وقت ..

#انا :- مممممم ااااا مابعرف جيت اقرا الفاتحة لإمي

#الدفان :- اه جاية تقراي الفاتحة وتاخدي جثتها معك ولا تاخدي عضمتين ولا جاي تدفني عمل معك حكيلي مين هي اللي جابتك لهون

#انا :- مابعرف وحدة

#الدفان :- حددي مين فيهم لانهم كتار …..

#انا:- بصراحة بدي ادفن الحجر هاد بتم حد ميت جديد

#الدفان :- 200 دولار ..

((جرأت الدفان ووقاحتو فوق العادة قلتو وقتها يلي بدك اياه غالي والطلب رخيص ..بس صار يسألني مين يلي بعتك لهون ..احكيلي انا بعرفهم كلهن ..قلتو وحدة بترمي حجر ..حكالي ايون الست الغجرية ووقلي تعالي وراي ..ووصلنا لقبر لسه جديد ..وانا اخترتو لالك لان بنحسن نشيل الحجر لان طري …وبلش الدفان يقول بسم الله وفتح القبر ..وقلي اعطيني اللي بدك اياه احطو في تم الميت … انا قلتو ليش لحالك بدك تنزل انا بنزل معك ..صرخ بوجهي وقلي انزلي لحالك كل ما واحد بيجي يحط عمل بدو يعمل هيك .. خلص انا هيك هيك اخدت تعبي …ومن جيت انزل حكالي انتي رايحة تنزلي لحالك بالعتمة خدي هاد الكشاف وانتي نازلة سلمي عليهم …#انا :- اسلم على مين…

#الدفان :- على الناس اللي تحت انتي مفكرة حالك فايتة حمام

#انا :- طيب اسلم اقول شو

#الدفان :- السلام عليكم يا هذا اهل القبر

#انا :- السلام عليكم يا اهل هذا القبر …

#الدفان :-انتم السابقون وانا بإذن الله من اللاحقون . عاجلا كان او اجل

#انا :- …انتم السابقون وانا بإذن الله من اللاحقون . عاجلا كان او اجل

#الدفان :- او الان

#انا :- لا بلاش هاي …

 

نزلت على اول درجات القبر صرخ عليه الدفان ..

#الدفان :- اسمعي الميت اللي على اليمين ما الك بل التينين الباقيين …

– وقفت لعند الميت حاولت افتح بتم الميت مابفتح حاولت بكل قوتي ماقدرت نادى علي الدفان وحكالي شو اجمدي …… نزل الدفان يساعدني وفتح تمو للميت . وضل تمو للميت مفتوح وصرت اوشوش الحجر.. صاحب الشعر هاد بدي روحو تروح ومايرجع تاني … رجعت اكتر من مرة اكررها …

اجا يقفل تمو للميت مارضي يسكر ..

حاول الدفان يضرب تمو للميتة لعند تمو للميت سكر .. وسبقني لفووق ..

صار صراخ مابعرف من وين وكان صراخ وحدة وصراخ راجل … انشل قلبي من الرعب ..

صرت ازحف اجري بس جسمي كان تقيل متل شي على جسمي ضليت ازحف على بطني لعند ماوصلت للدرج وبلشت ازحف بخوف اعوذ بالله من الشيطان الرجيم … انا نسيت اغطي وجهو للميت حطيت الكشاف لوجهو لقيتو فتح تمو ..ومن اطلعت من القبر حسيت الدفان بشد فيني … وبيضحك حسيت كان عامل فيني مقلب وقلتو وين كنت ناديت عليك ..حكالي ماسمعتك وماحد نادى عليه …

#الدفان :- بس انا بعرف شو صار معك بتعرفي انك قلقتي راحتهم للميتين اللي تحت

#

.

.

.الجزء الثالث ..

.

.

.

.#انا :- مافهمت شو

#الدفان ..انتي قلقيهم وكان لازم يردو عليكي . المهم مو انتي خلص لقمتيه للميت ..

#انا :- لقمتو يعني شو .

#الدفان :- يعني حطيتي سحرك او حجر او الشعر المهم خلصتي مهمتك وكل واحد وقدرتو وكل واحد وقدرة الساحر اللي بعتوو ..

#انا :- شو يعني . خلص يالا سلام سلام ….

(( اطلعت بسرعة من المقبرة كان هاداك اليوم اسوء يوم بحياتي ومش راح انساه بس مرق يوم والتاني والثالث وغيث ماصرلو شي يعني انا نصبو عليه .. وكنت راح موت من الرعبة والله اعلم اذا انا روحت ولا عم اتخيل …

.

.لما اجا اليوم الخامس صحيت من النوم لقيت غيث ميت جنبي وجسمو مخشب وعيونو مفتوحين للسقف كأنوو شاف اكتر شي مرعب بحياته قبل ليموت ….

.

صار قلبي يدق وانا مش قادرة اصدق انو مات معقول راح يتحقق اللي بدي اياه صرت احاول استجمع حالي مشان الجاي …ركزت بتم غيث كان تمو فيه شعر …. كان فيه شعر والحجر اللي حطيتو بتم الراجل بالمقبرة … انصدمت وصرت اقول شلون وصل لهون ..اخدت الحجر وخبيتو بالدرج ..ودفنو عيث ومر يوم والتاني والتالت واسبوع واسبوعين وكل شي بدي اياه صار كل شي امتلكتو .وصرت اتحكم بكل شي ..كنت بدي اشوف الست الغجرية لاتشكرها على هالشي …بس خلال هاديك الايام ما كنت مرتاح وفيه شي قالقني …لعند ما مرت 40 يوم …

..

بقيت افيق على صووووت شي بينخنق انسان مو انسان الله يعلم …ومن اول ما فتحت عيوني الصوت راح … بس مافي شي …لا لا في …في حدا نايم جنبي على السرير…وحد بتنفس جنبي … لا لا لا انت متت لكان اذا متت لكان مين اللي جنبي … كشفت الغطااا …كان غيث ..بس مو غيث اللي بعرفووو …غيث وجهو ازرق وبينزل من تمووو حاجة مقرفة وعيونو كانت حمرا متل عيني هلاء ..نطيت عن السرير كان بيت الغرفة بيضرب في بعضووو ماكان لالو خروج لاء هاد جاي لالي ….قلب غيث وصار راسو يلف عن جسمو ..لف لفة كاملة صار وجه بضهره..وصار يزحف على السرير وانا متشنج بمكاني وصار يزحف متل الحيوان …وبأقل من اللحظة نط عليه ووقعني على الارض …وكل يلي عملو لف راسو تاني وانا تحتو وصار يصرخ وبلش يمسك راسي ويضغط عليها …من ماحسنت اعمل شي ..ومن كتر الضغط صار ينزل دم من جسمي. وغبت عن الوعي…فقت على همس (( أنا جواتك أنا جواتك أنا جواتك)* قمت فزيت من مكاني ماكان في غيث بس لقيت حالي على الارض وكانت كل الغرفة تراب ورمل . متل تراب المقبرة اللي حطيت الحجر فيها ..

.

.حتي انا كنت غرقان بالتراب ..متل المقبرة بس فيها سرير وكراسي …صرت نفض تيابي …بس ما كنت اعرف شو صرلي غير الهمس ((انا جواتك …)).

.

قمت وكانت اول شي اشوفها هي المراي .. قربت منها بس ماكنت انا ..كان غيث ..غيث بيضحك ههههاااااهاااااااه …صرت احس على ملامح وجهي وجهي كل شي موجود بس وجهو لغيث بعدو موجود بكل المراي تبعت البيت كان غيث حتى بزجاج الشباك ..جريت كمشت موبايلي وصورت حالي وياريتني ما صورت ..صرت اكسر بكل مرايا البيت بدون وعي وهو يطلع من كل قطع المرايا المكسرةة ويضحك ويهمس انا جواتك انا جواتك انا جواتك ….. شفت ايدي كانو مخربشين ورجليه متل حد كامش شفرة وكان يجرح فيني … ..يعني غيث عمل شووو فيني …((همس)) مش راح اتركك😈😈… انا ضيعت حالي غيث ما مات يا اما مات وفاق..صرت اهرب لوصلت باب البيت وصرت اجري ومابعرف لوين روح …رحت لبيتي القديم تبعي بيتي اللي كنت مستعرة منو ..بس كان يوم اسووود صار يظهرلي بكل مكان ……

.

.وصار يكلمني …(( فكرتيني متت انتي طلبتيني انتي طلبتيني خليكي متذكرة انتي طلبتيني ……هربت من البيت ورجعت تاني الصبح لقيت الست الغجرية ..

#الغجرية :- تعالي تعالي انتي شو خبصتي ..

#انا :- انتي شو عملتي فيني

.

.

.

.الجزء الاخير :-

.

#انا :- غيث ما مات غيث بطلعلي على طول …انتي شو عملتي فيني ..

#الغجرية :- انا ماعملت شي ربك اللي بعمل احنا عبيدو وانتو كمان عبيدو انا مش عفريتة انا انسانه متلي متلك …خدي الحجر هاد ووشوشيه قولي شغلات من اللي حكتيها للحجر اللي دفنتيه بالقبر …

#انا :- اخدت الحجر ووشوشتو ..ورميتو على الحجار اللي معها ..

#الغجرية :- انتي غبية شي انتي شو عملتي انتي دمرتي حالك ..

#انا :- انا ماعملت شي انا عملت متل ما طلبتي مني ..

#الغجرية :- لا انتي كدابة انتي طلبتي من روحو تطلع وماترجع تاني ..وروحو طلعت ومارجعت بس مش لاقيه مكان تروحو الا انتي ..الطلب تبعك تحقق

وهو مش لاقي مكان غيرك …انتي بتفكري الميت ما بيعرف … الموت مكان اعلى من تفكيري وتفكيرك … بس كل واحد بالدنيا هاي عندو ملكة بس لو استغلها كان حسن يعيش بالدنيا هاي بس انتي بغبائك ضيعتيها ..

#انا :- والله ماعملت شي يا انتي انا طلبت منو يموت يعني هو انا ضروري ركز بالدعوة ..

#الغجرية :- خلص خلصتي اللي عندك اسمعي مافي شي بالعرافة والدجل بخص الموت فيه كنت اقصد وما اقصدش هي هلاء روحو بدون جسد وعم ادور على جسمك لتطرد روحك وتعيش فيه … انا خلص سار لازم روح …سلام ..

((بقيت نادي عليها وشد فيها بس كلامها خلص .. انا ما ماسكتت ارجعت للمقبرة وادور على الدفان اللي ساعدني ….روحت للمقبرة ولقيت الدفان..

#الدفان :- شو عمل المرة هاي كمان ..ولا راح تاخدي الجثة معك …

#انا :- لك انا ضعت مش عارفة شو اعمل بدي افتح القبر …

#الدفان :- اوعك همى ناطرينك ودخولك للتربة مش متل خروجك تعالي معاي افهمك شو راح تعملي …

(( روحت معو ودخلت غرفتو اللي كانت كلها دفى ومبخرة ..وطلع جمجمة من تحتةسريروا وصار يكسر فيها …

#انا :- انت شو عم تعمل

#الدفان :- اسكتي ع الاخر لاتحكي شي …………

(( اخد البودرة اللي طحنها من الجمجمة وجاب مية وذوبها فيها وقلي اشربي ..انا رفضت بس هو اصر قلي لازم تشربي مشان تتحصني ومافي غير اني احصنك بالموت … اشربي ومن لما تشتغلي دفانه صيري تسأليني ..

#انا :- طيب من اشرب شو راح يصير

#الدفان :- مارح يصير شي انتي مارح تحسي بشي… لعند ماننزل المقبرة وناخد الحجر اللي دفناه بتم الميت …

.

اشربت وصرت متل اللي غايبة عن الوعي ..انا اللي مفتكراه شغلات بسيطة .. وحسيت اني نزلت على المقبرة وفتحنا الكفن واللي شفناه ما كان الميت كان غيث ….. والدفان كان معي وقلي ماتصدقي كل شي بتشوفيه همى راح يخوفوكي ما تهتمي ..صرت اكسر بتم غيث لقدرت افتح تمو وصرت بدي اطلع الحجر … مالقيت حجر كان شعر كتير صرت اطلع بالشعر بس ماعم يخلص ..لعند ما غيث كمش ايدي…… صار الدفان يصرخ ويقلي اطلعي ماعاد فيني اعمل شي الموضوع طلع من ايدي .صار كل شي بالتربة يتحرك …اطلعت انا والدفان وصرت الحق وراه واقلو والله مو انا اللي بجري وراك هاد هو غيث …

.

.وشفت حالي بدبح الغجرية كل هاد شفتو وانا مابعرف شو مالي مغمى ولا مو حاسي على حالي ..وبعدها فقت وكل شي حوالي غريب.. لقيت كل الدم مالي غرفة الدفان كل شي دم ..ولقيت الدفان راسو مكسر وميت . ولقيت شاكوش بيدي .مابعرف انا قتلو ولا شو مابعرف مابعرف ..جيت اهرب لقيت جنازة جاي اتخبيت لراحو ..وصار باب الغرفة يندق سكرتها بالكنب والكراسي ماحسن حدا يفوت ومن بعد ماراحو اجت جنازة تانية وتالتة لعند ما صارت الدنيا ليل …واسمعت همس ..

(( راما خلص انتي هنا انتي عندي انا ناطرتك خلص انا وانتي لبعض .. انزلي تحت انزلي تحت راما ناطرتك راما احنا لبعض .)) كل الكلام هاد سمعتو وانا مابعرف من وين جاااي مني ولا من الغرفة …اطلعت من المقبرة وانا خلص ناوية اني انتحر واموت بس قبل لاموت كنت بدي احكي اللي صار لحد والحد هو انتي ….انتي يا صاحبتي مشان تترحميلي ….

#سرت اقول لراما انتي مالك ذنب … انتي اهدي راح نروح لشيوخ الموضوع اكبر منك بكتير وراح نلاقي حل

#راما :- لاء انا السبب انا اللي عملت هيك طمعي وشجعي خلاني صير هيك وانا ندمانه هو رجع خلص وانا مارح عيش هيك كل يوم انا خلص راح روح لعندو يسامحني شايفة السيجارة هاي فيها سم ….شفتي صرلي ساعة عم اسردلك وانا بدي موت حالي ..

#انا :- طيب ياراما انطري الست الغجرية انتي قتلتيها …

#راما :- لا ماقتلتها بس انتي دوري عليها اذا شفتيها لاتخلي ترميلك حجر ولا تكلميها …. اللي يمشي بالحرام يتحمل للاخر ..

#انا :- راما انطري خلينا نروح المشفى ما كملت كلامي الا راما عيونها قلبو ابيض وبلشت اصوات تطلع منها وحد بيضحك . راما خلص ماتت …

بلغت الشرطة وقلتهم رفيقتي دقتلي ومن وصلت لقيتها ميتة …وهني بغسلو فيها . طلعت الست اللي بتغسلها قالتي اعوذ بالله اللي يحسن خاتمتنا ..قلتها شو في ..قالتي رفيقتك شو مهببه بحياتها وعامله ..قالتها مابعرف ….

وجها اسود ولقينا بتمها شعر وحجر اعوذ بالله كانت تعمل سحر واعمال الله يغفر لالها اذا كانت هيك.. جيت اكمش الحجر ..قالتلي لاتكمشيه هاد عليه لعنه…

الله يسامحها الله يسامحها …

 

#انتهت

..

 

.

.

.https://www.facebook.com/groups/3020109471332744/