⚠️ ٥ حاجات هتخليك تحس بالشبع اسرع
١) كل بالراحة
اكلك بسرعه مبيخليش عقلك يلحق يستوعب انك شبعت لان العمليه دي بتاخد حوالي ٢٠ دقيقه لحد ما معدتك تتملي و تبدأ تفرز هرمون اللبتين (المسئول عن الشبع) وبعد كده اللبتين يبعت إشارات للمخ عشان يفرز الدوبامين (هرمون السعاده) وتحس بالشبع، عشان كده لازم تاكل ابطئ
٢) الميه
جسمك مبيقدرش يفرق بين الجوع والعطش عشان كده اول متجوع لازم تشرب عشان تتأكد إنك جعان فعلا مش مجرد عطش ، كمان شربك قبل الاكل بنص ساعة بيخلي المساحه إللي باقيه في معدتك اقل و مش هتاخد اكل كتير
٣)السلطه
السلطه مهمه مش بس عشان الفيتامينات والمعادن إللي فيها لا كمان لانها مليان ميه و بتاخد وقت طويل في الهضم يساعدك تشبع لمده اطول و كمان سعراتها قليله جدا و لازم تدخلها في كل وجباتك
٤) النوم
قله النوم بتلغبط هرموناتك و بتخليك تشتهي سكريات اكتر و لو كلت سكريات زي ما جسمك عايز سكر دمك هيعلي و ينزل فجأة ويخليك تجوع و تاكل اكتر ، عشان كده تظبيط النوم اساس الدايت ،كمان لقوا ان ال قيلوله لمده ٣٠ دقيقه ممكن تعوض نومك السئ بليل
٥) البروتين
البروتين زي الفراخ و اللحمه والسمك بياخد وقت طويل في الهضم و بيخليك ممتلئ لفتره اطول عشان كده لازم علي الاقل ٤٠٪ من وجباتك يكون بروتين
