يلا نعرف يعني ايه صيام متقطع وننفذه ازاي؟؟؟
وايه الحاجات اللي لو عملتها في الصيام ده غلط و اثبت في الوزن

وايه فوايده
اولا نعرف يعني ايه صيام متقطع واسمه جه من ايه🤔🤔🤔🤔🤔
هانقسم المعني للشقين

صيام 👉بمعني امتناع عن الطعام او الشراب

بس هنا هانعمل تعديل اننا ممكن نشرب ميه او مشروبات سخنه زي الينسون والنعناع شاي اخضر او قهوه خضرا جنزبيل او قرفه او كمون او شمر
بس بدون سكريات حتي لو سكر دايت

الشق تاني من الاسم مهم وهو متقطع 👉
يعني مش بيتعمل كل يوم ونحط تحت كل يوم دي 1️⃣0️⃣0️⃣ خط

ايه ده انا عاوزة اخس اكتر وعندي استعداد اعمل كل يوم وهاستحمل 🙈🙈
هي مش مسأله شطاره

مسأله ان فعلا لو اتعمل كل يوم هاتخس وبعد كده هاتثبت
ايوة هاتثبت في الوزن طبعا هايقرا الجمله دي ناس هاتعرف فين المشكله في ثبات الوزن وهي ملتزمه وماغيرتش اي حاجه وكانت بتخس ع الصيام المتقطع وثبتت😂😂🤭🤭

طيب ننفذه ازاي⁉️❔⁉️❓❔

احنا محتاجين نصوم من١٦ل١٨ساعه يوميا
تصومهم ليل تصومهم نهار زي ماتحب
بس الوضع المريح للكتير انه يبدأ من بعد العشا لتاني يوم بعد الظهر لانه بكده بيدخل فيهم ساعات النوم

هايتبقي معاك من ٦ل٨ساعات توزع عليهم سعراتك في تلات وجبات بمعدل كل ساعتين او ساعتين ونص وجبه

بس زي ماقولنا ده مش كل يوم ممكن كل يومين او يوم ويوم 👌👌👌

واقولكم المفاجأة 😲😮😲

عشان الدين بتاعنا دايما كل فرض او سنه بيبقي ليها فايده ع صاحبها احنا عندنا صيام متقطع بثواب وبنظام ومحسوب ومنظم وفيه دليل ع كلامي في انه متقطع عشان مش كل يوم
وهو صيام الاتنين والخميس 💪💪💃💃

طيب انا جربت يوم وتعبت 😩😩
تمام ابدأ انك تصوم من٨ل١٠ساعات
وبعد كده زود كل مره ساعتين

نتكلم عن فوايد النظام 😍😍
_ ده ديتوكس طبيعي بحفظ وبينقي الجسم من السموم
_بيخليك تتحكم في الجوع والشبع
_بينظم حركه الامعاء
_ بيبدأ من بعد اول٨ساعات يحرق في الدهون المتخزنه للحصول ع مصدر للطاقه
_بيخليك تشرب ميه كتير وبالتالي بتتخلص من الاملاح الزايده والمحبوسة في جسم