تقدري تخسي مهما كان وزنك - شبكة صحتك

تقدري تخسي مهما كان وزنك

جوجل بلس

تقدري تخسي والله مهما كان وزنك

ودي شويه نصائح ليكوا :

بلاش فكرة الدايت الي كل يوم هتبدأي من بكرة انتي واصحابك وابدئي من دلوقت🙆😂

بلاش تسمعي كلام صحابك دايت 50 كيلو في اسبوع ده مش دايت ده انتحار 😂

بلاش الدايت الاسلامي تاكلي محشي وكشري وتقضيها وتدعي ربنا تخسي تفتكري ربنا هيرضي بالي بتعمليه في نفسك 😂🙆

بلاش مرار ونبي وكل شوية عياط واكتئاب كدة مش هتخسي وكرشك هيبقي مترين قدامك🙅😢

مفيش حاجه اسمها اكل دايت ووصفات بسبوسة وكنافة دايت بلاش افتكاسات ومش هتخسي والي خلقه ربنا كله كويس بس ناكل بالعقل ومتشغليش دماغك😂🙆

بلاش ماتكليش حاجه علشان تخسي كدة هيجيلك جفاف وهتقعي من طولك ومستشفيات ومحاليل ومرار طافح بلاش طرق التخسيس دي 😂

بلاش محشي الحاجة الي عامل زي القنبلة ده وتقولك مقلله الارز بتشتغلك علي فكرة 😂 🙅

متدبيهاش وتنامي كدة كرشك هيدعي عليكي🙅

متناميش 14 ساعة في اليوم 8 حلوين من 12 الي 8

بلاش جو السهر ومبعرفش انام بدري والجو ده دي 🙆صحتك اهم من الرغي

كلي اكل صحي بلاش جو كيت كات وجلاكسي الي 😇😇هيودكي في داهية

بلاش تقعدي علي الكرسي كتير خليكي خفيفة واتحركي😂

بلاش تاكلي في المطبخ وانتي واقفة الاكل مش هيطير 😅

💁اشربي مياه كتير اوي قد ماتقدري والله مبتعملش كرش

بلاش ماك وكريب وعك بطلي اكل الجامعة

وبلاش تاكلي بسرعة والله مش سباق اكل كلي علي مهلك

خلي الفاكهة والخضار دايما في اكلك علشان الفيتامينات🙆👌🏼

بلاش تدلقي الملح والسكر علي الاكل استخدميه بحظر ❌

هاتي ٢ كيلو تفاح كل يوم تفاحة كدة علي الصبح بلاش نسكافيه و كروسو وكيك💪🏽💃

اقولك حاجه سر التخسيس في 4 حاجات:💃

١-نامي واصحي بدري نامي 8 ساعات مش 6 🙆

٢-نظمي سعراتك متاكليش بالبركة🙋

٣-اتمرني كل يوم ساعة مانتي بتعدي علي النت 15 ساعة في اليوم مش ساعة التمرين هي الي تقيلة عليكي اوي 💪🏽✔️

٤-راحة نفسية مفيش حد هينفعك الا نفسك خليكي دماغك علي وضعها وريحيها

ملحوظه
======
ضيفى كل صحباتك يمكن يعملو زيك ويبطلو يخسو بطريقه غلط وانا اوعدك كل يوم هنزل فيديو تمارين علشان ميبقاش ليكى

اي اسئلة انا جاهز للرد