مرحبا أيتهن المبدعات الراقيات ❤️✌️
كيفكم؟ 😁

بما انه العطلة مطولة حضروا ورقة وقلم، وخلينا نحسب سعراتنا 😂😂
أول شي اعملوه هو إنكم تعبوا هاي المعادلة، لحساب معدل الأيض/ ال BMR
للذكور : (10 × الوزن بالكيلوغرام) + (6.25 × الطول بالسم) – (5 × العمر) + 5
للإناث : (10 × الوزن بالكيلوغرام) + (6.25 × الطول بالسم) – (5 × العمر) – 161

تاني خطوة، تحديد معدل نشاطك البدني/ ال FA
غير نشط = 1.2 (تمرين قليل أو معدوم، وظيفة مكتبية)
نشط قليلاً = 1.3 (تمرين خفيف/ رياضة 1-3 أيام بالأسبوع)
متوسط النشاط = 1.5 (رياضة معتدلة 6-7 أيام بالأسبوع)
نشط جدًا = 1.7 (تمرين شاق كل يوم)
نشاط إضافي جدا = 1.9 (تمرين شاق مرتين أو أكثر في اليوم، أو تدريب للماراثون، إلخ)

تالت خطوة لحساب حاجتك من السعرات الحرارية
ضرب أول رقم (معدل الأيض) × تاني رقم (معدل النشاط البدني)
الرقم الناتج هو عدد السعرات الحرارية اليومية اللي جسمك بحتاجها

وهلأ بيجي دور شو؟ تحديد هدفك
هل تريد.. المحافطة على وزنك؟ نزول وزن؟ زيادة وزن؟
اذا المحافظة على وزنك الحالي يجب أن تأكل نفس عدد السعرات الحرارية اللي حسبتها
اذا بدك تنزل وزن، يجب تقليل هادي السعرات الحرارية من ٣٠٠ ل ٥٠٠ سعرة حرارية
اذا بدك تزيد وزن حاول ارفع من السعرات الحرارية اللي حسبتها من ٣٠٠ ل ٥٠٠ سعرة حرارية

حاليا انتو حسبتوا عدد السعرات كرقم، بس في اشي كتير مهم تعرفوه انه ما بكفي ناكل ضمن سعراتنا عشوائيا لازم نكون مقسمين هادي السعرات لنشويات وبروتين ودهون.. كيف بدكم تعملوا هيك؟ بنصحكم بتطبيق my fitness pal بساعدكم يكون أكلكم ضمن النطاق لهدول العناصر الإساسية
ومجاني، سهل الواحد يستعمله، وموجود لكل أنواع الأجهزة.. نزلوه واستمتعوا بس تزكروا ما تخلوا الموضوع يقلب لهوس ومراقبة لانه ممكن الموضوع يقلب عليكم لا سمح الله ❤️
.

---

فرجوني تطبيقاتكم لحساب السعرات واسألوني إزا لقيتوا صعوبة 🌹