ادوية التنحيف وفيتامينات الشعر خطر على صحتك

ادوية التنحيف وفيتامينات الشعر خطر على صحتك

جوجل بلس

أدوية التنحيف وفيتامينات الشعر – خطر على صحتك

كتييير منشوف مرضى بشترو هالادوية عن طريق صفحات الإنترنت أو المواقع الالكترونيه اللي بتروجلهم عن طريق وكلائهم

وين المشكلة ؟ رح ابسطلكم اياها

اولا وهو الأهم المريض ما بيعرف ازا المنتج مرخص من وزارة الصحه أو منظمه الغذاء والدواء ( طبعا كمروجين للمنتج بحكو انو مرخص)

تانيا ازا هالمنتج سبب اي مشكله صحية للي استخدمته فش حدا نحاسبه قانونيا لأنه اصلا انت شريت من عالم وهمي🙄 ممكن نشتري ملابس أو أجهزة اونلاين وما تعجبنا بس وقتها ما بتضرنا بس ازا دوا أثر بصحتك سلبا فش حد يقدر يرجعلك صحتك …..

تالت اشي ظروف تخزين ونقل الدواء وهاي نقطه مهمه كتيييير بالأدوية وبتأثر ع فعاليتها

رابعا انا كمروج مثلا بكتبلك انها أعشاب أو أنها أمنه وما رح تضر .. لكن هل هاد حقيقي؟؟ … في كتير أعشاب ممكن تأذي…. حتى لو نصحتك في صديقه بالآخر كل حدا اله ردة فعل وممكن حساسيات لصنف او علاج مش عند صديقتك وممكن يسببلك مشكله ….

وما تسمعو كلام المروج لما ينزللكم محادثات مع ناس مجربينه…. ببساطه المحادثات وهميه😉” وما حدا بحكي عن زيته عكر”

لهيك ما نخلي أجسامنا حقل لتجارب تجار الكترونيين لا ينتمون للكادر الصحي ….. واسألوا ذوي الاختصاص سواء أطباء أو صيادلة ورح يساعدوكم بمنتجات صحيحه ومرخصه ومراقب عليها وعلى ظروف تخزينها وبيعها

نعتذر على الاطاله لكن الموضوع كتير شااااائع…. وممكن يتأثر في اختك او ابنك أو حدا عزيز عليكم…. انشرو عصفحاتكم للأهمية 😇

وتابعونا كل يوم بموضوع مهم لصحتكم وصحه أسرتكم