🔵 منشور كامل عن التخسيس ونزول الوزن
🔴 والشكل المتغير كل فتره زمنيه

لو عايز تخس بجد وتعمل شكل كويس أقرا الكلمتين دول

⭕ عمرك ما هتوصل لأول صوره علي اليمين ده ف شهر أو شهرين لو نسبة دهونك عاليه ووزنك كبير

⭕ الصبر والإرادة هما أساس نجاحك في التخسيس وشد جسمك وتغيير شكله قبل ما يكون إلتزام بالدايت والرياضه
لو معندكش صبر وأراده مش هتكمل

⭕ الدهون بتنزل من الجسم من ٥٠٠ جم الي كيلو أسبوعيا لو إنت ملتزم أوي بالدايت و ممارسة التمارين والرقم ده العام ع خلاف الفروق الفرديه لكل شخص ال بيها ممكن يخسر أكتر أو أقل ومفيش حد بيخسر بمعدل ثابت

⭕ عشان توصل لوزن كويس مع شكل جسدي متناسق ف إنت أو أنتي محتاجه تخسري دهون وتزيدي ألياف عضليه وزيادة العضلات بتبقي سهله للمبتدئين عن المتقدمين لعلمك
سهل تزيد نسبه كبيره اوي عضلات وإنت ف البدايه عن الشخص المتقدم في الرياضه واديله فترات بيتمرن

⭕ وعلشان كده لازم تهتم ب ٤ حاجات أساسيه تخليهم قصادك عشان توصل /

🔰 ١ _ إنسي الميزان وخلي مرايتك ف البيت هي ميزانك

🔰 ٢_ تتمرن أو تتمرني ب ثقل و أوزان ومتخافيش مش هتبقي شبه الرجاله

🔰 ٣_ تخصص وقت كافي ل الكارديو ميقلش عن ٢٥ دقيقه لو كان نوع عالي الشده وميزدش عن ٩٠ دقيقه بعدد أيام مناسب ميقلش عن ٣ وميزدش عن ٥ الإفراط ف أي شي مضر وجسمك محتاج للراحه والريكفري
وبرضه نرجع نقول كل شخص بيفرق عن التاني بسبب العوامل الوراثيه أو استجابة الجسم

🔰 ٤ _ تقلل من سعراتك الحراريه وتاكل أكل مطهي بطريقه صحيه ولو بتمل من الاكل الصحي مفيش اي مشاكل إنك تاخد وجبه فري آخر كل أسبوع عشان تشجع نفسك وتلتزم ومتملش ومتوقفش

⭕ لو عملت كده هتوصل للشكل إللي ف اول صوره ع يمين حتي لو جسمك أكبر من اول صوره ع شمال

⭕ مفيش حد يقدر يوصلك من اول صوره ع شمال لاول صوره ع يمين ف شهر من خلال وصفه سحريه أو مشروب ذري جي من كوكب زحل ولو إنت صدقت ده عمرك ما هتوصل وهتفضل تلف ف دايره مغلقه لحد ما تلاقي نفسك بتعيد من اول وجديد

⭕ يالا ابتدي دلوقتي اشتري وزن ( دمبلز) خصص ساعه ونص ف اليوم للتمرين قسم تمرينك ما بين المقاومه والكارديو اطبخ اكلك بطريقه صحيه وقلل كميات أكلك كل خضار كتير وابتدي وجبتك بالبروتين ( أنواع اللحوم المختلفه ) والخضار الطازه اشتري ميزان طعام لو هتمشي ع سعرات حراريه بالحرف وابتدي

⭕ الفرق بين اول صوره شمال واخر صوره صبر والتزام بأكل صحي وتمارين ووقت وجهد وبس لا وصفات سحريه ولا خلطات وهميه ولا ادويه ذريه

⭕ مش شايف أي تعقيد ولا اي معجزه عن أي حد نزل ف الوزن ووصل لشكل صحي ومثالي وجسم منحوت غير إنه عنده صبر وأراده والتزام