مرحبا…
حابة اشارككم موضوع اعجبني وهو الخطوات الاساسية للعناية بالبشرة (تصلح لكل انواع البشرة)
ست خطوات اساسية للعناية بأي نوع بشرة…
مهما كان نوع بشرتك فهي بحاجه للعناية بشكل يومي، بشرة الوجه بتكون ارق واضعف من البشرة الموجودة في باقي الجسم..
1. التنظيف: نظفي بشرتك مرتين كل يوم، في الصباح والمساء. لا تفركي كتير ولا تستخدمي الغسولات اللي بتحتوي على المنظفات القوية اللي بتسبب جفاف البشرة. اذا بتستخدمي غسول فيه زيت نشفي بشرتك بمنشفه مصنوعه من المايكروفايبر حتى تزيل كل بواقي المكياج او الاوساخ.
2. استخدمي التونيك: كتير ناس بتعتقد انه التونيك خطوة اختيارية، لكنها خطوة مهمة.
ممكن تستخدمي تونيك بسيط من مستخلصات نباتية (مثل ماء الورد او الالوفيرا) او ممكن تونيك يكون غني بمضادات الاكسدة .مهم يكون خالي من الكحول.
التونيك بيساعد البشرة تعيد توازنها بعد غسلها وبيجهز البشرة لامتصاص كريم الترطيب.
كمان استخدام مهم للتونيك هو بعد التمرين الرياضي، لانه العرق بيسكر المسامات واللي بيجعل البشرة عرضه لحب الشباب.
3. الترطيب: كل انواع البشرة بحاجة للترطيب، حتى البشرة الدهنيه.
اختاري المرطب اللي بيناسب نوع بشرتك.
البشرة العاديه او المختلطه بتحتاج كريم خفيف، في حين البشرة الجافه بتحتاج كريم غني.
اذا كانت بشرتك دهنيه، رح تستجيب افضل لمنتج يكون اساسه (جل).
مهما كان نوع بشرتك،لازم تستخدمي سيرم ليلي مغذي حتى يساعد بشرتك على تجديد خلاياها.
4. الماسك: خصصي يوم او يومين في الاسبوع للماسك.
الماسك ممكن يعمل تنظيف عميق للبشرة، يعيد توازنها، ويتركها مشرقة. ممكن تعملي لوحدك ماسك كتير حلو ويكون خالي من المواد الحافظة والالوان الصناعية، وبنفس الوقت يكون غني بمضادات الاكسدة والاحماض الدهنية اللي بتساعد البشرة تجدد وتحمي نفسها من العوامل الخارجية. تابعوا صفحتنا لاننا رح نكتب عن طرق لعمل ماسكات مفيده لكل انواع البشرة، ومصدر المعلومات من اشخاص متخصصين بالبشرة من سنوات طويلة.
5. التقشير: قشري بشرتك بلطف مرة او مرتين في الاسبوع حتى تتخلصي من الخلايا الميته، وتحفزي انتاج خلايا جديده. التقشير بيجعل البشرة انعم ومشرقة أكثر وبيخلي كريمات الترطيب والماسكات اللي بتعمليها لوجهك تكون فعالة أكتر. تجنبي المقشرات الكيمائية القويه واستخدمي المكونات الطبيعيه مثل الشوفان، البذور المطحونه، الطين(الصلصال).
6. الحماية من الشمس: اذا كنت بتتعرضي لاشعة الشمس لفترات طويله من المهم انه تحطي واقي الشمس وتجدديه كل فترة. حطي الواقي حتى لو كان الجو مغيم او بارد، لانه بيضل انعكاسات الاشعه موجوده حتى في البرد.
مع تمنياتي لكم ببشرة جميلة