مشكلة البنات حاجتين !!! - شبكة صحتك

مشكلة البنات حاجتين !!!

جوجل بلس

💥مشكلة البنات حاجتين ⏪ لاما في الكرش
⏪ لاما الرجل او الفخد او الوراك زي ما بتسموها 😂😂

💥 البنات الجديدة ، والبنات الي تايهه ، انا شارح كل حاجه بالتفصيل الممل اهو ، يلا نبدء مع بعض بدايه صح 💪

💥نركز كده مع بعض ونقرا الكلام لاخره الله يرضي عليكوا😍 ، وبلاش تسألي سؤال انا مجاوب عليه في البوست👇 مراعاه لمشاعري وضغطي وسني 😏😃

💥 الفخاد بتحصل من كذا سبب ؟
1- عامل وراثي (بس مش اوي يعني 😂).
2- دهون زيادة في منطقه الرجل .
3- قله الحركه والمشي .
4- اكل نشويات كتير .

💥 طب ننزل الرجل ازاي او نخلي شكلها حلو و sexy ؟
1- هنظبط اكلنا
2- المشي الكتير والجري
3- نقلل من الدهون
4- نعمل تمارين 3 مرات ف الاسبوع

💥 هحس بفرق امتا ؟
⏪قبل ما تبتدي صوري رجلك من كل الزوايا .
⏪او قيسيها بمزاوره واعرفي مقاسات رجلك .
⏪كل اسبوع اتصوري نفس الصور ونفس اللبس وهتلاقي فرق .
⏪ف خلال شهر او 2 التزام هتحسي بفرق رهيب 😉

💥طب ايه التمارين الي العبها ؟
✔️ (الرجل من قدام ومن ورا) ممكن تعمليها في البيت او في الجيم .
✔️هتعملي 4او 5 تمرينات منهم
✔️هتلعبي كل تمرينة 3 مجموعات 15 عدة (يعني كل تمرينه هتلعبيها 15 مره ورا بعض كده يبقي خلصتي مجموعه وترتاحي دقيقه وتعملي 15 مره تاني كده يبقي مجموعتين وهكذا)😉

💥 العب باوزان ولا من غير واشيل اد ايه حديد ؟
⏪ الحديد افضل طبعا لانه بيشد الجسم وبيخسس اسرع ولما تخسي مافيش ترهلات خالص .
⏪ الوزن الي تقدري تشيليه وتلعبي بيه ومتتعبيش منه ، ومع الوقت زودي الاوزان .

💥العب امتا بقي وازاي؟
⏪ في بدايه التمرين بتلعبي 10 دقايق تسخين (كارديو او زومبا او تمرين احماءات )
⏪بعدين تبدء تمرينتك الي هي الرجل ، هتختاري 4او 5 تمرينات
⏪ اخر حاجه خالص هتلعبي تلت او ربع ساعة كارديو عشان تحرقي الدهون وتقللي نسبتها في الرجل وفي جسمك كله .
⏪ لو هتلعبي بحديد يبقي خليكي بعد الفطار بساعتين افضل .
⏪ هتلعبي الصبح علي معده فاضيه يبقي بلاش حديد عشان غلط عليكي .
⏪ تمرينتك لو علي معده فاضيه هتكون من نص ساعه لساعه الا ربع ولا اكتر ولا اقل .
⏪ لو ف وسط اليوم عادي هتكون من ساعه لساعه ونص لا اكتر ولا اقل .

💥 اكل ايه بعد التمرين ؟
⏪ بعده بساعه .
⏪ لو بتخسي تاكلي بروتين ومعادن وخضروات .
⏪ لو بتزودي عضل تاكلي نشويات مع البروتين والخضار .

💥 قبل التمرين ؟
كوب قهوه تعلي الحرق معاكي .

اوعي تنسى شير ولايك وكومنت 👇