ليلة خطبتي - شبكة صحتك

ليلة خطبتي

جوجل بلس

تعالو ضحكووو و غيرو جو 😂😂😂😂

ليلة خطبتي متنا واحنا نليف البيت وانا عروس عالخفيف شغلوني

بس ليفت الحيطان والحمامات

وكنست الحكوره

وامي حددت المعازيم وحكت لعمامي واخوالي عالديق وممنوع تجيبو البنات

حكتلي كلهم احلى منك وبعدين بغطو عليكي

وبس حطينا اللوج قمت جربته وازقف من كل قلبي

وهوووب والا الغلا جاي بالدشداشة ونط عالطاولة اللي بتهز زي نعش الرقاصه

وامي حطت ورانا صورة ابوها المرحوم قال كسبت الرهن عليه كان يراهن انه عمري ما رح اتجوز

وسكرت بوفيه القزاز بمشرط

وبلشنا نعمل بروفا

بالاول طلعنا انا والخال.وحطينا السلام الملكي

ورقصنا شوي فرحنا الدار

وبعدها امي حددتلي حركات بالرقص والمسافه

ومنعتني اوكل بزر ليلتها عشان ما اعطش وبراطمي يصبحو متشققات

وتاني يوم الصبح افطرت قلاية بندورة وشوية مقالي باذنجان وزهرة مع رغيف مشروح عشان اشبع

وامي نهنهتني فرك بشوال البصل الاحمر وعملتلي مساج دهنتني كريم ريحته بتخزي عشان ترد العين عني

وبس وصلت الصالون كان بدري قمت غفيت شوي عالكرسي ما صحيت الا ع ذبانة دمها تقيل بتهف ع وجهي

وبس بلشت فيي الكوافيرة كل شوي تنادي ع وحدة يعدلو اشي

عليم الله حسيت حالي لوحة pazzle وعملولي شامه من جنب

وتاتو ع كتفي زي الالعاب النارية

والتسريحة كانت عباره عن بطيخة وانفلقت نصين وعملتي دندونة من ورا

واجا الغلا اخدني بسرفيس اجرة وحكالي لابسه بنطلون من تحت بغار والله بحط ع وجهك كيس وبخفيكي عن الجماهير

حكاله صاحب السرفيس اي يالله عاد ركبها من جمالها

فعلن القرد بعين امه غزال

وبس وصلنا فتت اركض واصيح امي فكرتني اتهاوشت مع الغلا وتطلقت

.حكيتلها لا ممغوصة وين الحمام

وبس طلعت لقيت ستي بتعيط وتقولي خسرتك يا معدله مين بده يحممني يا نظايفيه

ااخ لو اخروكي شوي تبريني وبعد ما اموت اتجوز

ومرت خالي تحكيلي مشخصية وتكركر حكيتلها شو ذكرتك بحالك بس خطبناكي كان وجهك احمر زي البيبي اللي بسنن

وامي صارت تعيط تقول ثعلب الدار هاي شو ما اخبي بتلاقييه

وبس انصمدت عاللوج

خالتي فخرية ما عجبها مكياحي

تفت ع المحرمة وخففت الكحله وعدلت مكان الشامة شوي

وبس انصمدت امي جابت مخده حطت وحده فوفي ووحدة تحتي عشان ابيين شخصية

وعملنا حد بينا وبين اهل العريس زي حد نهر اليرموك

امي حكت عاليمين لاهل العريس عشان البركة وقرأنا ع مقاعدهم وبخينا بمي

وعالشمال لقرايبنا والصبايا طلعناهم بره

وفيش شوي الا جاي الغلا واهله

اقعدو مكان اهل العريس عشان ارتاح شوي واكمل مراسيم الحفله

طبعن فيش خمس دقايق كانو اهل الغلا جايين

وبلش الطخ والزغاريت وانا اتفلت بدي انزل اتفرج وامي تقعدني

وبس فاتو بلش العرق ينزل من سوالفي ومكان شنبي ولحيتي

 وبلشت امسحه والمكياج والعرق زي قنينة الببسي اللي هسا طالعه من الفريزر

وبس فاتت حماتي شافتني صفرنت وطلعت

قال شو تفاجأت من شوفتي قال انا بخزي

لحقتها امي حكتلها لو بعثتوها عصالون مسعد كان طلعت احلا من نجوى كرم

والا من جمال ابنك ما هو زي اصبع الروكو وقاصينله قصة الاسد ما هو شبه وحيد سيف

المهم حماتي تعدلت وجلست وفاتت تزغرت

وبس شغلو الطبله ما عجبني الايقاع واخوات الغلا يحكولي انزلي عند الصمدة وطبلي

انا معروفه بالحفلات يا بطبل يا ماسكة الطبله للحجة

وبس فات الغلا ضله عشر دقايق عالباب لكمل السيجاره ويعطيني غمزة

وانا اعطيها ضحكة عطول صوتي افحم راسي يوصل لرجلي واطلع افتح ثمي من الانبساط

وبس شفته زغرتت زغروتين واخذنا بعض بالعابط

وبلشنا نعيط

حماتي حكتله سنحك شو راجع من حرب

وحطولنا اغنية ياللي وستكا وستكا منجا

ونزلت ارقص شلحت الكندرة حكيتلهم وسعولي

حطيت الشال ع خصري وبس يحكي المطرب يا منجااا ياا منجاا اهز،زي الغسالة البرميل واطعج ظهري واعطي امي بوسة

واتغنج للغلا ارقص باحساس وبس يحكي المطرب انا كنت بموووت بالمنجا واطلع لفوق وانزل افعط زي الزنبرك

وبعدها بلش مفعول المقالي صابني حرقه

ومعدتي تغلي حكيتله خلص شكلها عين وصابتني قامت امي جابت كاسة مي،وغسلت وجهي

وحكيتلها بسرعة قنينة كازوز سفن اب

وبس جابو الضيافة الغلا

حكا للجماهير بدنا نوكل من نفس الشوكة اللي بخجل يلف وجهه

وحماتي حطت بشكير فوق فستاني حكتلي بخاف يتوسخ بدناش ندفع غسيل

والغلا بس شرب مسح تمو فيه

وحطه ع رقبته

وانا عطش ع حرقة بعد ما شفطت بالشلمونة نص القنينة حطيتها تحت الكرسي عشان اكمل

والغلا نادى ع امي حكالها حماتي خلي اختي سائدة والخال وفغوحة يلمو غطا القزايز فيها ربحة

ويا ويله اللي بسرقه قنينة عادينهن ودافعين رهنيه

وطبعن لا اخفيكم الطاولة تهز حسيت حالي قاعد بمنطقة مفخخة بس الفرحة اكبر

ورد وشوش امه حكالها خالتي فخرية ناصحة بخاف تفلخ الكرسي قوميها بالعقل

وفيش شوي الا حطو دبكة حكالي الفرحة فرحتنا انزلي وما اكذب خبر شلحت جيبونة الفستان

وبلشنا نحمي انا واياه والبشكير معاه

والكل صف دبكة ويالله يالله يالله اعطيني

وشلح كندرته وبلش يخبط ع اجرين الدبيكات عشان يشعلان الدبكه

طبعن بعد ما دبكت قعدت عالكرسي من التعب خلص مش قادره اصابعي،ورمن

والحرقة ما هنتني

والا امي حكتلي ضل فقره التلبيسه

حكيتلها يما ضيعت كندرتي وبلشنا ندور تحت الكراسي،فردة بحضني،وفردة لا. وانا اعيط

والغلا بحكي هاي دموع الفرح ما صدقت وتجوزت

وبالاخر شلحت خالتي كفاح كندرتها ولبسوني اياها

والكندرة ضيقة صار بإجريه حصر بول بدي افقع

ووقت التلبيسه حطت حماتي الذهب،بسدر،ورقصت فيه

حكيتلها مش،محرزات عأساس جايبين كومه

طبعن اسوارتين وسنسال تاعون امي،بس حطيناهم منظر قدام العالم

والغلا بلش،يفرك كل،قطعه قبل التلبيس خاف ليكون بدلناهم

وحكالي الذهب زايد،ربنا حط،البركة فيه

حكيتله من ما عرفناكو قلة البركة حتا

وهاتو هالاسواره تفوت هو يدحش،وانا اسكر ايدي،عبث

بالاخر حكا للجماهير،العروس مبارح فتحت مجاري. المطبخ بايدها وتزلطو

وبعدها حكوله بوسها بوسها وبلشو تصفير

حكالهم الحجات واللي،اقل من 18يغمض

وانا اعطيته خدي وقام باس راسي هالملعون

وانا بهالاثناء استغليت الفرصة خليت فغوجة يجيبلي حفاية الحمام لبستها ما قدرت ع لبس كندرة خالتي

وبس كانو بدهم يفوتو الرجال

الغلا حكا حرام كبار احنا بنطلعلهم

حطلي،عباية ع جثتي ولفني حسيت حالي شوال قمح مسروق

ولبسني حجاب والكحله سايخة حسيت حالي زي الذيب بالحم

وبس طلعنا قمت سلمت ع كل واحد،فوق ال60سنة وبوست ايده

وجدي حكا للغلا بتعرف بشو اوصيك

حكاله اوصيني بتقوى الله

حكاله بتدير بالك عليها

هاي من صغرها بتغسل اجريي وبتمعط الجاج والديك وبتطبخلي اياه

وخالي حكاله دير بالك منها هاي قوية زي امها

حكيتله تردش عليه مرته بتحبش امي ملعون صباح ابو النسوان ومرته جنبه

وبس سلمت ع جد،الغلا

حكالي علميه الصلاة والصوم واهديه للصراط المستقيم

حكيتله ول يا جدي مجوزيني مرتد والا كافر

وعمه فياض حكالي الله يعينك على ما بلاكي قلوبنا معك

وبعدها تصورنا صورة جماعية كل كبار الجاهة

وانا والغلا قرمزنا عند،اجريهم

وبس حطينا مجوز،وانصمدت عند البير اللي تحته ليمونه الغلا جاب جذع الليمونه وغطاني غار عليي من قرايبه

وينشهط وجهي زي الازعر اللي علمو عليه

وفيش،شوي الا صوت اولادد بتصيح لقينا فردة كندرة العروس

 بسرعه رحت شلحت الفستان

وكنت مسمطة (يالله روحو اعملو ابلاغ عاساس ولا وحدة سمطت او ابنها سمط)😏

المهم وكانو اجري مزلطات من الكندرة

ولبست فستان جينز تحتيه بلوزة حمره بتتذكروهم

وطلعت اقعد مع الغلا واهله حكيتلهم بعدكو هون

والا سائدة بتحكيلي ما طلعتلك اليوم بهجة زي العرايس

حكيتلها كل واحد بشوف الناس حسب نظره

 والا الغلا بحكيلها كانت ملكة بلا عرش من حلاتها ما رضينا نجيب كنافة

قمت ضحكت حكيتله لا بدكوش تدفعو

 والا سائده بتحكيلي ميشان الله ما تضحكي هيك قدام حدا

والا امي وشوشتني حكتلي نزلي فستانك ركبتك بنيه ناشفه زي فرشاية الارض

والا وصال اخته بتحكيلي مين نقالك الفستان زوقه زباله

حكيتلها حماتي اللي هي امك نقته

كانت بدهاش تدفع وبعدين المشكله مش بزوقها المشكله بخلفتها الله يعيني على ما بلاني لا زوق ولا شكل

وفات اخوي فغوجة حكا للغلا ترى خالتك فلخت الكرسي ومعانا شهود صورناها

والغلا حكاله طيب فيه نقص بقزايز الببسي حكاله لا بس اكم غطا ربحة فطبول اخذهم الخال

.وفيش شوي حماتي شغلت المسجل حكت خلينا نفرح بس أهليه

قمت نسيت التعب وشديت سائده وبلش اهز واخبط مقعدتي بمقعدتها واميل عالغلا واطج امي بوسه

والغلا يخبط عالارض يحكيلي البوسه من حقي اخ بس

وانا اهز واغري بالغلا ب

لدرجة عملت حركه الرجاج

قد ما رجيت امي صارت تصيح تقول لقطتها كهربا

وبعدها حطينا اغنية كمانانا

وقام ابوي وحماي يدبكو عليها

وحماي رحمة الله عليه قصير وايده زي البطريق

بس بلشنا دبكة كان يتلولح بين ابوي واخوه فايز

زي المرجيحة حزنت عليه قمت حكيتله اشيلك يا عمي والا احكيلك وقف اخر واحد عالجحشه هيك بتتعذبش….

#منقول