طريقة عمل المندي في البيت - شبكة صحتك

طريقة عمل المندي في البيت

جوجل بلس

احلى مندي في البيت ده ولا ايه😋😍

أين عشاق المندي ..اتفضلواا

 

#تعديل :

 

🌸المكونات :

قطع فراخ

أرز بسمتي

بصل مبشور

زعفران

ملح

توابل سليمه مش مطحونة وهي:

قرفه عيدان -قرنفل -حبهان-ليمون اسود مجفف-فلفل اسود مش مطحون

طماطم وتوم وفلفل اخضر لتحضير الصوص

 

🌸الطريقه:

 

هنغسل الفراخ كويس بالخل والملح والليمون ونقطعها

نحط البصل مع الزعفران ومعلقه ملح وفلفل اسود ف الكبه ونطحنهم سوا

نتبل الفراخ كويس

وبعدين في صينيه هنحط شويه زيت ومعلقه سمنه والتوابل السليمه ونشوح الرز تشويحه خفيفه

وبعدين نحط نص معلقه ملح

وهنضيف ماء مغلي كوب وربع لكل كوب رز

 

وبعدين هنغطي الصينيه اللي فيها الرز بورق الفويل ونخرمه بالسكينة او الشوكه ونرص قطع الفراخ فوق الفويل

وبعدين نغطي كله بالفويل كويس

 

وعلى فرن ساخن اعلى درجه هنحط الصينيه لمده ساعه ف الفرن

اول ربع ساعه على اعلى درجه وبعدين نهدي النار شويه على درجه ٢٠٠

 

لتحضير الصلصه

طماطم ونطحنها ف الخلاط مع عصير ليمونه وملح وفلفل اسود باودر وفصين توم ومعلقه خل ونقطع فلفل اخضر

 

وبألف هنا♥️