منوعات

#الندم قصة حزينة 😫😔

#الندم #بقلمي الجزء الأول والثاني والثالث #انتهت
#تم_التعديل
#بقلم_حلا_الشويكي

امي لك امي ياااا امي
لك اي اي شبك شبك عم تعيطي جيت
وينا كنزتي الحمرا والبنطلون الجينز الأزرق ولا البس فستان احلى شو رأيك؟
لك انتي كل ماا بدك تطلعي مع خطيبك بدك تشغلي كل البيت معك الله يصبرني واخلص منك وتتجوزي ههههه
لك امي بدي يشوفني احلا بنت بالعالم وما يشوف غيري
انتي بتجنني بس عقلك الله يصبرك عليه ويصبرنا هههه شوو شقية

طلعت امي مبتسمه من غرفتي وتحكي بحالها شلون رح اتحمل البيت من بعدك شلون تتجوزي وتتركيني

اي رح عرفكن بحالي ( انا رنا عمري 21 سنه ما بدرس خلصت بكلوريا بالزور وما بشتغل حبيت خطيبي سنه وبعدها خطبنا كتير بحبو وما بقدر عيش بلاه )
خطيبي ( سامي شب وسيم كتير وجذاب عمرو 27 )
سامي: كتير طالعة حلوة اليوم
رنا: بس اليوم؟؟؟
سامي: لك لا كل ما شوفك بتحلي بعيني اكتر
رنا: كتير بحبك
سامي: وانا بحبك واشتقتلك كتييير
هيك كان حديثنا كل ما نتقابل .. كان كلو غزل وحب
طولت الخطبه كتير وما انفتح موضوع الزواج لأكتر من سنه… واهلي نفذ صبرن بس كرمال الحب اللي بينا انا وياه صبرو علينا كتير
اجت لعندي بيوم رفيقتي مرام
مرام بنت حلوة كتير وشقرا وعيونا خضر وطويله ونحيفه كانت توأم روحي
قلتلا اهلي كتير عم يضغطو ع سامي مشان نتجوز بس هو مانو متحرك من مكانو وهيك حسيتا مو معي بالحكي بس كانت تسمع وما تتذكر شو سمعت
رنا: مرااام لك مرااام وين شردتي
مرام: اي هون . . . شو مشكلتو ليش هيك بيعمل يعني ما عاد بدو ياكي؟
رنا: اكيد عندو سبب مابعرف شو هو بس اكيييد بدو ياني
راحت مرام وانا عم فكر بكلمتها ( يعني ما عاد بدو ياكي )

صرت كتر اتصالاتي عليه كل شوي دقلو واتحركشو
بس هو فعلا ما عاد طلب مني يشوفني وبس دقلو كتير بينزعج
يعني علاقتنا عم تخف تدريجياااا
اتصلت فيني رفيقتي سهاد بيوم وقالتلي مشي نروح نتمشى شوي ونتغدى بمطعم وانا بحكم انه نفسيتي عم تتحطم بسبب معاملة سامي لألي وافقت
اخدتني ع مطعم فخم كتير وحلو قالتلي انا عازمتك ونحنا عم نروح لمكاننا لنقعد نتغدى شفت شي خلاني غمض وفتح عيوني كتير خلاني كذب عيوني
رنا : لك شووووووووووووو هااااااااااااااااااااد شووووووووو هاااااد
سهاد: شبك جنيتي لا تصرخي فضحتينا شو في؟
رنا: شوفي هنيك الطاوله يلي جنب الحيط مين قاعد عليها
سهاد: وليييي .. مشي نطلع من هون مشي
رنا: لاااا مو هيك رح يصير
خطر ببالي احرق قلبو متل م حرق قلبي واتصلت برفيق اخي وقلتلو كلشي وقلتلو يجي . . طبعا وافق بعد معاناااة
فتت انا ورفيق اخي وتركنا سهاد تنطرنا برا قعدنا جنب طاولتهم ع اساس صدفه
مابعرف ليش شفت نظرة سامي بيومها كتير حزينه وحتى مرام كانت عم تبكي .. انو شوفي ما بعرف !!!
قام سامي دفع حسابهن وراح وضلت مرام قمت قعدت عطاولتها قلتلها كتير يسلمو يارفيقتي اخدتي خطيبي مني !!
اتطلعت فيني نظرة استحقار والدموع بعيونها وقالتلي شووووو غبية انتي وراااحت
مافهمت شي بس انا كتير كنت خاف من فكرة خيانة سامي لألي وحسيت انه اللي خفت منو صار
رجعت للبيت فتت عغرفتي وسكرت الباب وصرت ابكي
امي: شبك رنوش شبك؟
رنا: انا ماعاد بدي سامي ماعاد بدي ياااه
امي: ليش لك امي وين الحب راح شو هالحكي طولي بالك
رنا: خلص امي ماعاد بدي ياه

اختفى سامي من حياتي بعد يلي شافو اني مع شب غيرو واختفت مرام فترة
بس كتييير اختفاء سامي حسسني اني ضعيفه بدونو
كتير كنت اشتاقلو بس كرامتي وحقدي لأنه خانني يمنعوني احكي معو
مرت ايام وليالي وانا بشتاقلو ومافيني حاكيه
دق جوالي بيوم …. مين عم يدق لك هاااد هاااد هوووو هاااد سامي
رنا: الو
سامي: كيفك رنا؟
رنا: كتير ممتازة بعد م شفتك مع اعز رفقاتي يعني طايرة فرح شلووون بدي اوصفلك؟
سامي: وانتي كنتي مع غيري وحبيت اتركك وارجع اسألك مين هاد؟
رنا: لما شفتك مع مرام انحرق قلبي واتصلت برامي رفيق احمد قلتلو يجي
سامي: ( صوت مخنوق ) الله يسامحك شو ظلمتيني !
سكر الخط وقفل جوالو وما عاد يرد
مرت الايام وانا مو فاهمه يلي صار معي وليش هيك صار وعملو رفقاتي جمعة بنات
رحت انا وهنيك شفت مرام
رنا: يا عفوووو الله مو طايقتها انا شلون رح ابقى
تسنيم: شو صاير بيناتكن كنتو كتير رفقات
رنا: ولا شي بس اخدت خطيبي مني (ابتسمت)
ومن تسنيم لغدير لسهاد لنور لغفران انتشر الخبر بين رفقاتنا ووصل لمرام انو الكل عرف انها اخدت خطيبي مني
اجتني مرام عالبيت وقالتلي بس تعرفي ليش كنا بالمطعم انا وخطيبك رح تحزني ع غبائك كتييير
مشيت وعم فكر بكلامها … شو قصدهااااا يا الله لازم افهم شوووو قصدهااا
متل العادة كل يوم كنت اطلع اتمشى وابكي وارجع عالبيت نااام
امي: لك بنتي شبك وين صوتك وين شقاوتك لك ارجعي عزبيني وارقصي وانتي عم تجلي وانا عصب لأنه مو وقت رقص وهيك لك ارجعي اسأليني شو حط مكياج وشو البس لك ارجعيلي رنوش اللي كلا مرح
رنا: امي .. انا كتير كنت قول رنا ما بتنكسر رنا ما رح يبكيها حد صح؟
امي: اي
رنا: مو بس انكسرت انا اتفتتت انا صرت اشلااء شرايين قلبي بتحرقني

الجزء الثاني ….

نبضات قلبي بتوجعني تعبت من شوقي الو وانا مو عرفانه ازا بس قلت انو خانني كنت بفكر صح ولا غلط
امي: ليكي امي لو بدو ياكي كان حاول يرجعلك كان عمل اي شي لتضلي معو بس الظاهر هو هيك بدو
رنا: ااااخ يا امي شو تعبت . . تعي قعدي جنبي وغطيني بدي نام بحضنك
غفيت كتير وحسيت براحه من تعب الأيام بس شميت حضن ماما
ومرت ايام وشهور تجوزت رفيقتي سهاد ورحت لأحضر عرسها وكانت عازمه سامي كمان لأنه رفيقها ومتل اخوها وهيك
شفت سامي من بعيد حسيتو نحفان كتير وقلت هالقد البعد عمل فيه بيستاهل مشان يعرف يخونني
خلصنا من الحفلة ورحت ضميت مخدتي وصرت ابكي كتير والكحل يلي بعيوني عبى المخدة ووشي
ليش افترقنا … طيب هو كان يحبني كتير ليش كرهني فجأه يا الله ساعدني لأعرف كلشي وكل الحقيقة
ضليت اكره مرام وحس انها خانتني وهي اعز رفيقة لألي .. لليوم اللي اتصلت فيني سهاد وقالتلي مرام خطبت
وليييي شوووو كيييف وعلاقتها بسامي شووووو !!!
اتصلت ع سامي وما رد
اتصلت كتييير كتيييير
وصرت حاول اعرف كلشي
انا شو بالنسبة الو بعدو بيحبني ولا لا
بيوم كنت اسمع عالراديو
يا طير يا طاير على طراف الدني لو فيك تحكي للحبايب شو بني يا طير
كانت بوقتها الساعة 6 الصبح … دق جوالي من ( رقم خاص )
رديت الا هو سامي بيقلي بعدني بحبك يا رناااا
الوووو الوووو سكر الخط

سهاد: الووو
رنا: هلا سوسو كيفك؟
سهاد: انا بخير وانتي كيفك؟
رنا:الحمد لله شفتي شو صار معي؟
سهاد: خير شو في؟
رنا: اتصل فيني رقم خاص وطلع سامي قلي انو بعدو بيحبني … رح يمر سنه ونص على فراقنا ولسا رقمي عندو وبيقلي بحبك
سهاد: يا الله شو هاااد لازم نعرف شو صارلو هالشب ليش قابل مرام وليش ترك وليش وليش وليش؟؟!!!!

طلعت سمعت امي عم تحكي مع حدا وتحدد موعد وتقلن الله يجيب اللي فيه الخير .. حسيت الموضوع بيتعلق فيني
رنا: مين جاي لعنا امي؟
امي: خطابين لألك ياعمري شب عمرو 29 ومادياتو منيحه واسمراني وشخصية متل ما حكولي
رنا: بس انا مابدي
امي: ما حلوة ارجع بكلمتي خلص انتي شوفيهن ازا ما عجبك بنرفض
سهرت الليل وانا عم فكر وقررت ازا الشب منيح رح اقبل مشان غير حياتي وكنت عرفانه مارح حبو لأنه قلبي معلق بسامي
اجو الجماعة شافوني وعجبتن وطلبوني رسمي ووافقنا
مضت شهرين عالخطبه وانا ماني رضيانه شوفو واطلع معو
لأنه علاقتي فيه كانت مجرد انه اعطي حالي امل اني انسى سامي بس ما قدرت

بيوم اجاني اتصال من رقم مجهول
رنا : الو
مجهولة : الو انسة رنا
رنا : مين معي؟
مجهولة : مو مهم مين معك المهم اسمعيني …
رنا : تفضلي
مجهولة : انا بدي قلك انه سامي ما خانك سامي مريض سرطان اكتر من هيك مابحكي
رنا : الووووو الووووو الوووو وينك انتي جد بتحكي لك الووو

تسكر الخط وتسكرت بوجهي كتير ابواب… من جهة سامي اللي قلبي معلق فيه وصلني خبر انه مريض ومن جهة انه خطيبي رائد ما بطيقو بس ما في مبرر لأتركو

مرت ايام وانا بين اني مصدقة ومو مصدقة
وخطيبي يادوووب كنت احكي معو اتصال وقليل نتقابل
صار خطيبي بدو يحدد موعد زواجنا وانا مو عرفانه اوصل لسامي
لك اااه يا سامي شو اشتقت لحضنك ولمساتك شو اشتقت شم ريحة عطرك يا الله يا سامي شو اشتقت لغيرتك وحبك
تحدد موعد زواجنا انا رائد وعزمت كل رفقاتي كان عرس فخم وبيجنن بس انا ما فكرت ابتسم فيه والكل يشدني لأرقص وانا ما بدي انا زعلانه كتير من غبائي ليش هيك عملت بحالي
اجت مرام قعدت جنبي قالتلي بس شفتينا بالمطعم هو حكالي بدي ياكي بموضوع وتعالي ضروري
كان محتوى الموضوع ( مرام انا من كم يوم فحصت وطلع معي سرطان وبعرف انه رنا كتير متعلقه فيني وبتحبني لهيك لازم ابعد بس ازا صارلي شي خبريها انه انا اختفيت من حياتها لأنه مابدي ياها تتعذب بغيابي وتتعود عليه … انا كتير بحب رنا وما بدي شوفا مجروحه بس والله لازم تتعود غيابي ) ما لحق يخلص كلامو جيتي انتي وشب وقعدتو جنبنا وقتا ازا بتتزكري ابتسم ونزلت دمعتو وانا بكيت لأنه ما بيستاهل منك هيك على كل حال سامي هلأ بالمشفى بين الحياة والموت بس سامحيه هو ما خانك وانا كمان ماخنتك انتي خسرتينا … بكل غباء خسرتينا

صرت فكر شو اعمل يا ربي شو اعمل ما وعيت عحالي الا ماسكة فستان عرسي وبركض والكل لاحقني ولحقتني مرام
مرام : ارجعيييي لك ارجعييي مجنونة لوين رايحه
رنا : لعند حب عمري لعندوووو
وقفتني مرام بالشارع وانا دموعي على خدي وفستان العرس متل الكفن بيخنقني
رنا : احكيلي بأي مشفى هو والا بدور وبفتل كل المستشفيات بفستان العرس
مرام : طيب اسم المشفى ….. بس اهدي انا جاي معك
رحنا انا ومرام عالمشفى
فتت لعندو بفستان العرس كان نايم مسكت ايدو وصارت دمعاتي تنزل على ايدو
صرت قلو اسفه حبيبي ارجعلي يا عمري انا بدي ياك
فتح عيونو وابتسم وقلي بصوت تعبان وحزين لك كتييير اشتقتلك
قلتلو وانا كمااان اشتقتلك ارجعلي ياعمري والله كتير بحبك لك بحبببك بحببببك
غمض عيونو ووقف قلبو ما عاد شفت قدامي وانا ماسكة ايدو وما بدي اتركا
فاتو الدكاترة وحاولو يفيقوه
يتبع…

انا غبت عن الوعي … وبس فتحت عيوني لقيت مرام جنبي بتبكي
رنا : فاق سامي؟
مرام : الله يرحمو
رنا : لا تمزحي معي هو زمان قلي مارح يتركني شلون رااااح لا تمزحي مشان الله
صرت اضرب السرير بإيدي وابكي وبدي انزل رجع سامي يلي ضيعتو بسبب غبائي
اجت الممرضة اعطتني ابرة مهدء وكل ما فيق نفس الشي
نمت بالمشفى اسبوع وبعدها رحت لبيت سامي قابلت امو واختو قعدت معن
رنا : الله يرحمو شو ترك فينا وراااح ترك فينا حب وشوق وكلشي لنتزكر ايامنا معو
ام سامي : بنتي كلنا عهالطريق الله يرحمو والله بعدني مافقت من الصدمة ( تبكي )
اخت سامي : رنا تعالي معي عالغرفة شوي بدي احكيكي بشغله
فتنا انا واخت سامي ( رغد ) عالغرفة وطالعت صندوق صغير مكتوب عليه الى حبيبتي … قالتلي هاد الصندوق وصاني سامي اعطيكي ياه بس يفارق الحياة .. صار وقتو
جمدت بأرضي ونزلت دمعاتي على خدي ..
اخدت الصندوق وسلمت عليهن وطلعت
بالبيت فتحت الصندوق كان فيه ورقة والبوم صور
فتحت الورقة كان مكتوب فيها
( الى رنوشة قلبي .. لا تتعزبي بغيابي انا دعيت كتير نكون سوا بالجنة .. رح نكون احلا عشيقين بالجنة .. لا تنسيني ولا تتزكريني وتبكي حاولي اتزكريني وادعيلي وبس .. انتي بتعرفي اني كتير بحبك بس الله بدو يانا نفترق ودايما نحنا بنحكي الحمد لله ادعيلي حبيبتي )

فتحت البوم الصور لقيت فيه صورنا من اول م تعرفنا لغاية اخر يوم التقينا كان كل مرة نتقابل نتصور سوا
لك اي اي هاي الصورة بوقت كنا نلعب بالتلج ..
لك يا الله هالصورة ونحنا بناكل بوظه ونتمشى كان يوم حلو لأنه بيومها طلب ايدي للخطبه
لك يا الله هالصورة وهو عم يلبسني المحبس

انهرت بالبكا وفقت عضربات الباب ماشفت الا رائد قبالي
رائد : انا عرفت كلشي ومع هيك بقلك بيتك مفتوح تفضلي نكمل زواجنا وننسى الماضي
رنا : اتركني كم يوم كرمال الله تركني
رائد : رح اتركك اسبوع يا بتتصلي فيني مشان جيبك ع بيتي او مشان طلقك بدي قرار نهائي
رنا : حاضر روح هلأ
رائد : ماشي يلا سلام
راح رائد وانا انصدمت من موقفو انه مو مهتم وضليت فكر لأسبوع اتصلت فيه
رنا :الووو
رائد : اهلين
رنا :بدي اجي عبيتنا بس بشرط واااحد
رائد :تفضلي
رنا :ما بدي تسألني شي عن سامي وما بدي يضل الموضوع ببالك
رائد :امرك جهزي حالك مشان اجي اخدك

اجت امي لتودعني لروح لبيتي ضمتني وصارت تبكي وقالتلي يا بنتي مو كلشي بنحبو ممكن نملكو بس اللي بنملكو لازم نحاول نحبو ونحافظ عليه

اجا رائد اخدني وانا قضيت ليلي بكى .. كان لازم سامي يكون مكانو لازم اللي ملك قلبي يملك كلشي فيني ليش هيك يا رب يااارب ارحم سامي واغفرلو يارب يارب
بعد شهرين عرفت اني حامل حبيت اعمل مفاجأه لجوزي لأنه كنت معيشتو بحياة باردة قلت رح غير الحياة شوي كرمال ابني اللي عالطريق واصلا رائد كان شب منيح بس انا نفسيتي انهارت بموت اغلا الناس على قلبي
زينت البيت بالشموع وورد وقالب كيك عليه اسمو واسمي وقلب حب
اجا رائد انبسط كتير من اللي شافو
رائد :ولييي شو هاااد شو صايرلك
رنا :بدي قلك خبر حلو وبعدها نقطع الكيكه سوا بداية جديدة لحياتنا
رائد :تفضلي
رنا :انا حامل
ضمني ولف فيني وفرح كتير وقلي يلا بدي كيك ضويت الضو ومسكت السكين قلتلو كتبت اسمك عالكيكة شوفااا
اتطلع عالكيكه واتطلع فيني نظرة مو مفهومه قلي اي مبينه طيبه بس وينو اسمي؟
قربت لعندو لقلو وين الإسم … ييييي يا الله شوووو انا خبصت ليش هيك صار بس بدي بلش حياة جديدة بفرحة الا تتعكر ؟
طلعت كاتبه على قالب الكيك رنا ♡ سامي
الليل كلو وانا ببكي وبعتذر وهو يقلي الظاهر اني مو ببالك ابدا انا رااااائد جوزك مش ساااامي مش ساااامي لك ماااات مااات مااات استوعبي بقى مااات
سمعت هالحكي انا وغمضت عيوني وعم اتذكر بس قررت انا وسامي شو نسمي ولادنا
رنا :انا رح سمي البنت فاتن
سامي :اي حلو لأنها رح تطلعلك فاااتنه … وانا رح سمي الولد نور .. مشان ينور حياتنا بطلتو ووجودو
رنا :اي اتفقنا هههههه بحبك كتير
سامي :وانا بعشقك

مر شريط زكرياتنا انا وسامي متل الحلم ببالي
رنا :رائد رائد فايق؟
رائد :اي فايق
رنا :طلقني …
رائد :رنا !!!!! شبك؟؟
رنا :مارح اقدر انسى مارح اقدر اكون زوجة الك ما رح اقدر ما حبو .. خلص طلقني طلقني
رائد :اخر قرار؟
رنا :اي
رائد :طيب بكرا بنتفاهم

كان رائد انسان فهمان وواعي ورايق لهيك اي قرار باخدو ما بيجبرني ع غيرو
رحت لعند امي وقلتلها قراري .. بكيت كتير وزعلت بس قالتلي هاي حياتك واهم شي ترتاحي
بعد كم يوم اتصل رائد ليتأكد من قراري وقلتلو انه بدي اتطلق .. نزلنا عالمحكمه واتطلقنا واجا ابني نور عالدنيا وبالفعل نورلي حياتي وعشت الو وبس
انا ما بقدر كون لحد غير سامي رح ابقى عايشة على ذكراه واتأمل صورتو وغفيها بحضني ونااام
رح احكي معو كل يوم وانا بعرف انه سامي بيسمعني ع طول حتى لو مو جنبي
رح ضل حبو لآخر يوم بعمري

#انتهت
– آنِٰـۛـــتِٰـۛৣـــــ໋۠هہؚــــــــت👆🏻🌸🐣

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق