١/ اشربي 🍵 يانسون كتييييير عشان تهدي أعصابك
٢/ قللي فترة الموبايل و التاب و الأي باد لابنك و بنتك للحد الأدنى لأنه فعلا بخليهم ينسوا بشكل كبير
٣/ الصراخ رح يوترهم و يعصبك أكتر ف لا هم فهموا و لا انتيِ هديتي
٤/ ما تراجعي آخر اليوم. لأنك أصلا مش رح يكون عندك طاقة تتذكري اسمك
٥/ اشربي 🍵 يانسون
٦/ امنعي الحلويات بعد الساعة ستة مسا
٧/ ماتراجعي معهم بعد طوشة بينك و بين جوزك، علشان اللي ماقدرتي تحكيه لجوزك رح تطلعيه ع الاولاد .. ما إلهم ذنب يا ست الكل
٨/ لو ابنك ماقدر يجاوب على كم سؤال و انتِ بتراجعيله، فهاد مو معناه أبدا إنه رح يطلع فاشل و مجرم و مطلوب أمنيا
٩/ تقبلي فكرة إن فجأة و بلا أي مبرر منطقي طفلك ممكن يفاجئك قبل الامتحان مباشرة ان ٢×٥= ٣٠.. إوعي يغمى عليكي إوعي . ابتسمي بهدوء ، و تمالكي أعصابك، و ياريت لو تحطي إيدك ورا ضهرك تجنبا للكمة مفاجأة على وجهه و احكيله إن دار الإفتاء أعلنت الصبح إن ٥×٢=١٠.
١٠/ اشربي 🍵 يانسون كتييييير
١١/ لو انتبهتي فجأة إن خط طفلك خرابيش جاج
أنقذي ما يمكن إنقاذه بإنك توصيه يعمل مسافة مناسبة بين الكلمات و يكتب على السطر قدر المستطاع علشان نحاول نحول الخط من هيروغليفي لشي شبه اللغة العربية
١٢/ اعملي بلوك لمصدر الكآبة و الضغط و الطاقة السلبية اللي في حياتك حتى لو كانت بنت خالتك أو جارتك طول فترة الامتحانات لأن الموضوع مش ناقص
١٣/ جمعي كل أحذية البيت في مكان بعيد عن قعدتك مع طفلك و انتيِ بتدرسيه
١٤/ ما تضلي تتطلعي على ابنك بتحفز و انتي بتدرسيه لإن طبيعي في الحالة هاي إنه رح ينسى المنهج و أقصى شي ممكن يتذكر ملامح عمتنا الغولة
١٥/ اشربي 🍵 يانسون
١٦/ ما رح ينفع تصحيه الصبح يروح المدرسة يدرس و أول ما يرجع البيت يدرس و يعمل واجبات بشكل متصل و بعدين يجيكي حالة استغراب يإنه ع الساعة عشرة بالليل بتعامل بتناحة !! هو طبيعي و انتيِ أوفر
١٧/ ما في أي وجه علاقة أو ارتباط بين أيام الامتحانات و الكآبة .. اضحكي و ضحكيهم . هونيها تهون
١٨/ و طفلك نازل رايح الامتحان ما تضلي تحكيله بدي الدرجة النهائية ، احكيله اعمل أقصى ما عندك
١٩/ احضنيه و ادعيله قبل ما ينزل، ما في داعي يكون آخر شي يسمعه تهديد ووعيد في حالة الفشل أو نقص الدرجات
٢٠/ لو اليانسون خلص من عندك ، جيبي مره تانيه و اشربي 🍵 يانسون 😂😂😂😂😂😂