ﻋﺎﻟﻢ_ ﺍﻟﻴﺎﺳﻤﻴﻦ_ ﺏﻗﻠﻢ NS_
@rwayate
ﻗﺼّﺔ ﻭﺍﻗﻌﻴﺔ ؛ ﺟﺮﺕ ﺃﺣﺪﺍﺛﻬﺎ ﻓﻲ ﺯﻣﺎﻥ ﻭ ﻣﻜﺎﻥ ﻣﺎ ..
ﺍﻟﺠﺰﺀ ﺍﻷﻭﻝ : ﺃﺿﻔﺖ ﺍﻟﺴﺎﺩﺱ ….

_____
ﺿﺎﻓﺖ ﻳﺎﺳﻤﻴﻦ ﺁﺧﺮ ﻟﻤﺴﺎﺗﻬﺎ ﻋﻠﻰ ﻣﻜﻴﺎﺟﻬﺎ ﻭ ﺣﻤﻠﺖ ﻋﻄﺮﻫﺎ ﺍﻟﻤﻔﻀﻞ ﻣﻦ
“channel” ؛ ﺑﺨّﺖ ﻣﻨّﻪ ﺑﺨّﺔ ﻋﻠﻰ ﺭﻗﺒﺘﻬﺎ ﻭ ﺑﺨّﺔ ﻋﻠﻰ ﺇﻳﺪﻫﺎ .. ﺣﻄّﺖ
ﺍﻟﻌﻄﺮ ﻋﻠﻰ ﺍﻟﻜﻮﻣﻮﻧﺪﻳﻨﺎ ﻭ ﺻﺎﺭﺕ ﺗﻔﺮﻓﻚ ﺇﻳﺪﻳﻬﺎ ﺍﻟﺘﻨﺘﻴﻦ ﺑﺒﻌﺾ .. ﻭ ﻟﺒﺴﺖ
ﺧﺎﺗﻤﻬﺎ ﺍﻷﻟﻤﺎﺱ ﺍﻟﻠﻲ ﻛﺎﻥ ﻋﻢ ﻳﻠﻤﻊ ﺑﺈﺻﺒﻌﻬﺎ ﻣﺘﻞ ﻣﺎ ﺑﺘﻠﻤﻊ ﺍﻟﻨﺠﻤﺔ
ﺑﺎﻟﺴﻤﺎﺀ ﺍﻟﻤﻌﺘﻤﺔ … ﺃﻟﻘﺖ ﻧﻈﺮﺓ ﻋﺎﻟﺴﺎﻋﺔ ﻭ ﻛﺎﻥ ﺑﻌﺪ ﻓﻲ ﻟﻤﻮﻋﺪ ﺍﻟﺤﻔﻠﺔ
10 ﺩﻗﺎﺋﻖ … ﻧﺰﻟﺖ ﻣﻦ ﻏﺮﻓﺘﻬﺎ ﺑﻬﺪﻭﺀ ﺗﺎﻡ .. ﻃﻠﻌﺖ ﺑﺴﻴﺎﺭﺗﻬﺎ ﻭ ﺳﻜّﺮ
ﺍﻟﺸﻮﻓﻴﺮ ﺍﻟﺒﺎﺏ ﻭ ﻃﻠﻊ ﺑﺴﺮﻋﺔ ﻫﻮ ﺍﻟﺘﺎﻧﻲ ﻭ ﻣﺸﻲ …
_______
ﻛﺮﻳﻢ : ﺃﻫﻼ ﻭ ﺳﻬﻼ ﺍﺳﺘﺎﺫ ﺇﺩﻭﺍﺭﺩ .. ﻧﻮّﺭﺕ ﺍﻟﺤﻔﻠﺔ ..
ﺇﺩﻭﺍﺭﺩ : ﻟﻚ ﺍﻟﺪﻧﻴﺎ ﺑﻌﺪﻫﺎ ﻋﺘﻤﺔ ﻭ ﻇﻼﻡ .. ﻭﻳﻦ ﺷﺎﻳﻒ ﺍﻟﻨﻮﺭ ﻣﺎ
ﺑﻌﺮﻑ !؟ !
ﻛﺮﻳﻢ : ﻋﺘﻤﺔ ؟؟؟ ﻛﻞّ ﻫﺎﻷﺿﻮﺍﺀ ﻭ ﺍﻹﻧﺎﺭﺓ ﻭ ﻋﻢ ﺗﻘﻮﻝ ﻋﺘﻤﺔ ؟؟؟
ﺇﺩﻭﺍﺭﺩ : ﻟﻚ ﻣﺎ ﻓﻲ ﻏﻴﺮ ﻳﺎﺳﻤﻴﻦ ﺭﺡ ﻳﻨﻮّﺭ ﺍﻟﺤﻔﻠﺔ .. ﻫﻲ ﻭ ﺑﺲ !! ﻛﻞ
ﻫﺎﻷﺿﻮﺍﺀ ﻭ ﻻ ﺷﻲ ﻗﺪّﺍﻡ ﺟﻤﺎﻟﻬﺎ ﻭ ﻧﻮﺭ ﺣﻀﻮﺭﻫﺎ ﺑﺎﻟﻤﻜﺎﻥ ﺍﻟﻠﻲ ﺑﺘﻜﻮﻥ
ﻓﻴﻪ !!
ﻛﺮﻳﻢ : ﺍﺳﻤﻊ ؟؟؟ ﻧﺤﻦ ﺑﻤﻜﺎﻥ ﻋﺎﻡ ﻭ ﺑﺤﻔﻠﺔ ﻛﻤﺎﻥ .. ﺍﻗﺴﻢ ﺑﺎﻟﻠﻪ ﻛﻠﻤﺔ
ﺗﺎﻧﻴﺔ ﻋﻦ ﻳﺎﺳﻤﻴﻦ ﺑﺨﻔﻴﻚ ﻋﻦ ﻭﺟﻪ ﺍﻷﺭﺽ ﻳﺎ ﻛﻠﺐ …
ﺣﻜﻰ ﻛﺮﻳﻢ ﻫﺎﻟﻜﻠﻤﺘﻴﻦ ﺑﻤﻨﺘﻬﻰ ﺍﻟﻌﺼﺒﻴﺔ ﻭ ﻣﺸﻲ ﺑﺎﺗﺠﺎﻩ ﺍﻟﻤﺪﺧﻞ ﺍﻟﺮﺋﻴﺴﻲ
ﻟﻠﺼﺎﻟﺔ .. ﺿﻬﺮ ﻟﺒﺮّﺍ ﻭ ﻃﺎﻟﻊ ﺳﻴﺠﺎﺭﺓ ﻭ ﺷﻌّﻠﻬﺎ .. ﻛﺎﻥ ﻛﺘﻴﺮ ﻣﻌﺼّﺐ ﻣﻦ
ﻛﻼﻡ ﺇﺩﻭﺍﺭﺩ .. ﻫﺎﻹﻧﺴﺎﻥ ﻛﺘﻴﺮ ﺣﻘﻮﺩ ﻭ ﻟﻬﻴﻚ ﺧﺎﻳﻒ ﻋﻠﻰ ﻳﺎﺳﻤﻴﻦ ﻣﻨﻪ ..
ﻗﻄﻊ ﺷﺮﻭﺩﻩ ﻭ ﻋﺼﺒﻴﺘﻪ ﻭﺻﻮﻝ ﻳﺎﺳﻤﻴﻦ .. ﻛﺎﻧﺖ ﻋﻢ ﺗﻨﺰﻝ ﻣﻦ ﺍﻟﺴﻴﺎﺭﺓ
ﺑﻬﺪﻭﺀ .. ﺍﻧﺒﻬﺮ ﺑﺲ ﺷﺎﻓﻬﺎ ﺑﺎﻟﻤﻜﻴﺎﺝ ﻭ ﺑﻔﺴﺘﺎﻧﻬﺎ ﺍﻟﺘﺮﻛﻮﺍﺯ ﺍﻟﻠﻲ ﻫﺪﺍﻫﺎ ﻳﺎﻩ
ﻗﺒﻞ ﺑﺄﺳﺒﻮﻉ … ﻃﻮﻟﻪ ﻟﻔﻮﻕ ﺍﻟﺮﻛﺒﺔ … ﺣﻔﺮ … ﻭ ﺿﻬﺮﺍ ﻣﻜﺸﻮﻑ …
ﻛﺎﻥ ﻫﺎﻟﺘﺮﻛﻮﺍﺯ ﻣﺒﻴّﻦ ﺗﻔﺎﺻﻴﻞ ﺟﺴﻤﻬﺎ ﻟﻴﺎﺳﻤﻴﻦ ﺑﻮﺿﻮﺡ … ﺷﻌﺮﻫﺎ ﺍﻟﺬﻫﺒﻲ
ﺍﻟﻤﺠﻌّﺪ ﻟﻮﺣﺪﻩ ﺑﺪّﻭ ﻛﺘﺎﺏ ﺃﻭ ﺭﻭﺍﻳﺔ ﻟﻴﻨﻮﺻﻒ .. ﻃﻮﻟﻬﺎ ﺍﻟﻤﻠﻔﺖ ﻣﺠﻨّﻦ ﻋﻘﻠﻪ
ﻟﻜﺮﻳﻢ .. ﻛﺎﻧﺖ ﻋﻢ ﺗﻤﺸﻲ ﺑﺈﺗّﺰﺍﻥ ﻭ ﺭﺻﺎﻧﺔ ﺑﺎﺗﺠﺎﻫﻪ .. ﻭ ﻫﻮ ﻋﻢ ﻳﺘﺄﻣّﻞ
ﺟﺴﻤﻬﺎ ﻭ ﺟﻤﺎﻟﻬﺎ ﻭ ﺇﺷﺮﺍﻗﺘﻬﺎ .. ﻓﻌﻼً ﺍﻧّﻮ ﻳﺎﺳﻤﻴﻦ ﻭﻗﺖ ﺗﺤﻀﺮ ﺑﻤﻜﺎﻥ
ﺑﺘﻜﻮﻥ ﻫﻲ ﻧﻮﺭ ﻫﺎﻟﻤﻜﺎﻥ …
ﻳﺎﺳﻤﻴﻦ : ﺷﻮ ؟؟؟ ﻟﻴﻪ ﻫﻴﻚ ﻋﻢ ﺗﻄﻠّﻊ ﻓﻴﻨﻲ ؟؟ ﻣﺎ ﻋﺠﺒﺘﻚ ﺻﺢ ؟؟
ﺭﻣﻰ ﻛﺮﻳﻢ ﺍﻟﺴﻴﺠﺎﺭﺓ ﻭ ﻣﺴﻚ ﺇﻳﺪﻫﺎ ﺑﺮﻗّﺔ ﻭ ﺣﻨﺎﻥ .. ﻃﺒﻊ ﺑﻮﺳﺔ ﺧﻔﻴﻔﺔ
ﻋﻠﻴﻬﺎ ﻭ ﺷﺪّﻫﺎ ﺷﻮﻱ ﻟﻌﻨﺪﻩ ..
ﻛﺮﻳﻢ : ﻳﺎﺳﻤﻴﻨﺘﻲ ﺍﻟﻔﻮّﺍﺣﺔ .. ﻧﻮﺭ ﺣﻴﺎﺗﻲ .. ﻣﻠﻜﺔ ﻗﻠﺒﻲ .. ﺣﺎﺟﺔ ﺗﻘﺘﻠﻴﻨﻲ
ﺑﺠﻤﺎﻟﻚ … ﻟﻮ ﻣﺎ ﻫﺎﻟﺤﻔﻠﺔ ﻭ ﺍﻟﻨﺎﺱ ﺍﻟﻠﻲ ﻧﺎﻃﺮﻳﺘﻚ ﺟﻮّﺍ ، ﻣﺎ ﻛﻨﺖ ﺑﺨﻠّﻴﻜﻲ
ﺗﺪﺧﻠﻲ ﻋﺎﻟﺼﺎﻟﺔ ..
ﻳﺎﺳﻤﻴﻦ ‏( ﺑﻬﻤﺲ ‏) : ﻟﻴﻪ ؟
ﺣﻂّ ﺍﺻﺒﻌﻮ ﻋﻠﻰ ﺧﺪﻫﺎ ﻭ ﺻﺎﺭ ﻳﺘﻠﻤّﺴﻪ ﺑﺤﻨﺎﻥ ..
ﻛﺮﻳﻢ : ﻹﻧّﻲ ﺑﻐﺎﺭ ﻋﻠﻴﻜﻲ ﻣﻦ ﻧﺴﻤﺔ ﺍﻟﻬﻮﺍ ﺍﻟﻠﻲ ﺑﺘﻠﻤﺴﻚ .. ﻛﻴﻒ ﺑﺪّﻱ
ﺍﺗﺤﻤّﻞ ﻧﻈﺮﺍﺕ ﺍﻟﻨﺎﺱ ﺇﻟﻚ ؟
ﻗﻄﻊ ﻋﻠﻴﻬﻦ ﻫﺎﻟﺮﻭﻣﺎﻧﺴﻴﺔ ﻛﻠﻬﺎ ﺻﻮﺕ ﻣﺤﻤّﺪ …
ﻣﺤﻤﺪ : ﻋﻔﻮﺍً ﺍﺳﺘﺎﺫ ﻛﺮﻳﻢ … ﺑﺲ ﺻﺎﺭﺕ ﺍﻟﺴﺎﻋﺔ 8 ﻭ ﻧﺺ ﻭ ﺻﺎﺭ ﻭﻗﺖ
ﺗﺘﻔﻀّﻠﻮﺍ ﺍﻧﺖ ﻭ ﺍﻟﺪﻳﻤﻮﺍﺯﻳﻞ ﻳﺎﺳﻤﻴﻦ ..
ﻣﺎ ﺭﺩّ ﻛﺮﻳﻢ ﻋﻠﻴﻪ ﺑﺤﺮﻑ … ﻛﺎﻥ ﻋﻢ ﻳﺘﺄﻣّﻞ ﻋﻴﻮﻧﻬﺎ ﺍﻟﻤﺤﺪّﺩﻳﻦ ﺑﺨﻂّ ﻛﺤﻞ
ﺃﺳﻮﺩ ‏( eyeliner ‏) … ﻭ ﻫﻲ ﻋﻢ ﺗﺘﺄﻣّﻞ ﻋﻴﻮﻧﻪ ﻛﻤﺎﻥ … ﺣﻂّ ﺇﻳﺪﻩ ﻭﺭﺍ
ﻇﻬﺮﻫﺎ ﻭ ﺍﻹﻳﺪ ﺍﻟﺘﺎﻧﻴﺔ ﻣﺪّﻫﺎ ﺑﻤﻌﻨﻰ ﺍﻧﻬﺎ ﺗﻤﺸﻲ …
ﺩﺧﻠﻮﺍ ﻋﻠﻰ ﺍﻟﺼﺎﻟﺔ ﺑﺈﺑﺘﺴﺎﻣﺔ ﻭ ﺗﺮﺣﻴﺐ ﻣﻦ ﺍﻟﺠﻤﻴﻊ … ﺇﺩﻭﺍﺭﺩ ﻛﺎﻥ ﺭﺡ
ﻳﺠﻦّ ﺟﻨﺎﻧﻪ ﻣﻦ ﻫﺎﻟﻤﻨﻈﺮ … ﻛﻴﻒ ﻛﺮﻳﻢ ﺣﺎﻃﺖ ﺇﻳﺪﻩ ﻉ ﺧﺼﺮﻫﺎ ﻭ ﻋﻢ
ﻳﺘﻤﺸﻮﺍ ﺑﺎﻟﺼﺎﻟﺔ ﻭ ﻳﺴﻠﻤﻮﺍ ﻋﻠﻰ ﺍﻟﺤﺎﺿﺮﻳﻦ … ﺍﻟﻐﻴﺮﺓ ﻋﻢ ﺗﺎﻛﻞ ﺟﺴﻤﻪ ﻭ
ﻗﻠﺒﻪ ﺃﻛﻞ … ﺑﻌﺪ ﺷﻮﻱ ﺭﺍﺡ ﻛﺮﻳﻢ ﺑﺪﻭﻥ ﻣﺎ ﺣﺪﺍ ﻳﻨﺘﺒﻪ ﻭ ﻭﻗﻒ ﺧﻠﻒ ﺍﻟﻤﻨﺒﺮ
ﺍﻟﻠﻲ ﻋﻠﻴﻪ ﻣﻴﻜﺮﻭﻓﻮﻥ …
ﻛﺮﻳﻢ : ﻣﺴﺎﻟﺨﻴﺮ ﻳﺎ ﺟﻤﺎﻋﺔ …
ﻓﻮﺭﺍً ﺧﻒّ ﺻﻮﺕ ﺍﻟﻤﻮﺳﻴﻘﻰ .. ﻭ ﺍﻟﻜﻞ ﺍﻟﺘﻔﺖ ﻋﻠﻴﻪ …
ﻛﺮﻳﻢ : ﺃﻭﻻً .. ﺑﺤﺐ ﺍﺗﺸﻜّﺮ ﺍﻟﺠﻤﻴﻊ ﺑﺤﻀﻮﺭﻛﻢ ﻋﻠﻰ ﺍﻟﺤﻔﻠﺔ ..
ﺛﺎﻧﻴﺎً ‏( ﻛﻤّﻞ ﺣﺪﻳﺜﻪ ﻫﻮ ﻭ ﻋﻴﻮﻧﻪ ﻣﺜﺒّﺘﺔ ﺑﻌﻴﻮﻥ ﻳﺎﺳﻤﻴﻦ ‏) .. ﺑﺪّﻱ ﻗﺪّﻡ ﺷﻜﺮ
ﺧﺎﺹ ﻭ ﻋﻠﻰ ﻃﺮﻳﻘﺘﻲ ﺍﻟﺨﺎﺻّﺔ ﺃﻛﻴﺪ ﻟﻠﻤﻬﻨﺪﺳﺔ ﻳﺎﺳﻤﻴﻦ ﺍﻟﻌﺒﺪﺍﻟﻠﻪ ؛ ﺍﻟﻠﻲ
ﻛﺎﻧﺖ ﻣﻬﺘﻤﺔ ﺑﻤﺸﺮﻭﻋﻨﺎ ﻭ ﻫﻲ ﺳﺒﺐ ﻧﺠﺎﺡ ﻫﺎﻟﻤﺸﺮﻭﻉ … ﻟﻬﻴﻚ ﺑﺤﺐ
ﻗﺪّﻣﻠﻬﺎ ﻫﺪﻳﺔ ﻣﻤﻴّﺰﺓ ﻣﺘﻠﻬﺎ ﻭ ﻫﻲ ﻋﺒﺎﺭﺓ ﻋﻦ ﺳﻠﺴﻠﺔ ﻣﻦ ﺍﻟﺬﻫﺐ ﻭ ﺍﻷﻟﻤﺎﺱ
… ﻭ ﺃﻛﻴﺪ ﻫﺎﻟﻬﺪﻳﺔ ﻭ ﻻ ﺷﻲ ﺑﺎﻟﻨﺴﺒﺔ ﻟﻜﻞّ ﺍﻟﻨﺠﺎﺡ ﺍﻟﻠﻲ ﺣﻘّﻘﺘﻪ ﺷﺮﻛﺘﻲ
ﺑﻔﻀﻠﻬﺎ … ﻭ ﻫﻸ ﺑﺪّﻱ ﺃﻃﻠﺐ ﻣﻨّﻚ ﺩﻳﻤﻮﺍﺯﻳﻞ ﻳﺎﺳﻤﻴﻦ ﺗﺘﻔﻀّﻠﻲ ﻟﻌﻨﺪﻱ …
ﻛﺎﻧﺖ ﻳﺎﺳﻤﻴﻦ ﺭﺡ ﺗﻤﻮﺕ ﻣﻦ ﺍﻟﺨﺠﻞ … ﺻﺢ ﻫﻲ ﺇﺟﺘﻤﺎﻋﻴﺔ ﻭ ﺇﻟﻬﺎ ﻫﻴﺒﺘﻬﺎ
ﻭ ﺷﺨﺼﻴﺘﻬﺎ ﺑﺎﻟﻤﺠﺘﻤﻊ ﺑﺲ ﺑﺘﺨﺠﻞ ﻣﻦ ﻫﻴﻚ ﻣﻮﺍﻗﻒ … ﺭﺍﺣﺖ ﻭﻗﻔﺖ ﺟﻨﺐ
ﻛﺮﻳﻢ ﻭ ﺗﺸﻜّﺮﺗﻪ …
ﻳﺎﺳﻤﻴﻦ : ﺷﻜﺮﺍً ﻛﺘﻴﺮ ﺃﺳﺘﺎﺫ ﻛﺮﻳﻢ ﻋﻠﻰ ﺗﻘﺪﻳﺮﻙ ﻟﺸﻐﻠﻲ … ﻭ ﺍﻧﺸﺎﻟﻠﻪ
ﺍﻟﻨﺠﺎﺡ ﺑﻴﺒﻘﻰ ﻣﺮﺍﻓﻖ ﺷﺮﻛﺘﻜﻢ … ﻭ ﺷﻜﺮﺍً ﻟﺤﻀﻮﺭ ﺍﻟﻜﻞّ ﻋﻠﻰ ﺣﻔﻠﺔ ﺇﻓﺘﺘﺎﺡ
ﻫﺎﻟﻤﺸﺮﻭﻉ ﺍﻟﺘﺠﺎﺭﻱ …
ﺧﻠّﺼﺖ ﻳﺎﺳﻤﻴﻦ ﺣﻜﻲ ﺑﺎﻟﻮﻗﺖ ﺍﻟﻠﻲ ﻛﺎﻥ ﻛﺮﻳﻢ ﻣﺠﻬّﺰ ﺍﻟﺴﻠﺴﻠﺔ ﻟﻴﻠﺒﺴﻬﺎ
ﻳﺎﻫﺎ … ﻟﻬﻴﻚ ﻗﺒﻞ ﻣﺎ ﺗﺘﺤﺮّﻙ ﻭ ﺗﻨﺰﻝ ﻋﻦ ﺍﻟﻤﻨﺒﺮ … ﻭﻗﻒ ﻭﺭﺍﻫﺎ ﻭ ﺑﻌّﺪ
ﺷﻌﺮﺍﺗﻬﺎ ﻋﻦ ﺭﻗﺒﺘﻬﺎ …
ﻳﺎﺳﻤﻴﻦ ‏( ﺑﺼﻮﺕ ﺧﻔﻴﻒ ‏) : ﻛﺮﻳﻢ !!!! ﺷﻮ ﻋﻢ ﺗﻌﻤﻞ ؟ !؟ !؟ !؟ ! ﻫﻸ ﻭﻗﺖ
ﺗﻠﺒﺴﻨﻲ ﻳﺎﻩ ؟؟؟ ﻛﻨﺖ ﺃﺟﻠﻬﺎ ﻟﺒﻌﺪﻳﻦ …
ﻛﺮﻳﻢ : ﺑﻌﺪﻳﻦ ﻣﻨﺤﻜﻲ …
ﻟﺒﺴﻬﺎ ﺍﻟﺴﻠﺴﻠﺔ ﺍﻟﺬﻫﺒﻴﺔ ﺍﻟﻠﻲ ﻓﻴﻬﺎ ﺣﺒّﺔ ﻣﻦ ﺍﻷﻟﻤﺎﺱ ﻟﻮﻧﻬﺎ ﺃﺯﺭﻕ ﻭ ﻋﻢ
ﺗﺒﺮﻕ ﺑﺮﻕ … ﺑﻌﺪﻳﻦ ﺧﺮﺟﻮﺍ ﺍﻟﻜﻞ ﻋﻠﻰ ﺍﻟﻤﺪﺧﻞ ﺍﻷﺳﺎﺳﻲ ﻟﻠﻤﺒﻨﻰ ﻭ ﻛﺎﻥ
ﻓﻲ ﺷﺮﻳﻂ ﻟﻮﻥ ﺃﺣﻤﺮ … ﻭﻗﻒ ﺍﻟﻜﻞ ﻭ ﻳﺎﺳﻤﻴﻦ ﻭ ﻛﺮﻳﻢ ﻗﻄﻌﻮﺍ ﺍﻟﺤﺒﻞ
ﺍﻷﺣﻤﺮ … ﻭ ﺻﺎﺭ ﺍﻟﻜﻞّ ﻳﺴﻔّﻖ ﻫﻦّ ﻭ ﻣﺒﺴﻮﻃﻴﻦ ﻭ ﻣﺬﻫﻮﻟﻴﻦ ﻣﻦ ﺟﻤﺎﻝ
ﺍﻟﻤﺒﻨﻰ …
ﺑﻌﺪ ﻣﺎ ﺍﻟﻜﻞّ ﺭﺍﺡ … ﺑﻘﻲ ﻳﺎﺳﻤﻴﻦ ﻭ ﻛﺮﻳﻢ ﻭ ﺇﺩﻭﺍﺭﺩ ﻭﺍﻗﻔﻴﻦ …
ﺇﺩﻭﺍﺭﺩ :

ﻣﺒﺮﻭﻙ ﻳﺎﺳﻤﻴﻦ …
ﻳﺎﺳﻤﻴﻦ : ﺍﻟﻠﻪ ﻳﺒﺎﺭﻙ ﻓﻴﻚ … ﻛﺈﻧّﻚ ﻣﺰﻋﻮﺝ !!!
ﺇﺩﻭﺍﺭﺩ : ﻻ ﺃﺑﺪﺍً … ﻣﻌﻘﻮﻝ ﺇﻧﺰﻋﺞ ﻭ ﺍﻧﺖِ ﻣﻮﺟﻮﺩﺓ !!!
ﺳﻜﺘﻮﺍ ﻫﻦّ ﺍﻟﺘﻼﺗﺔ … ﺑﺲ ﻋﻴﻮﻥ ﻛﺮﻳﻢ ﻋﻢ ﺗﺤﻜﻲ ﻭ ﺗﺤﻜﻲ ﻭ ﺗﺤﻜﻲ …
ﺍﺩﻭﺍﺭﺩ : ﺑﻬﺎﻟﻤﻨﺎﺳﺒﺔ ﺍﻟﺴﻌﻴﺪﺓ .. ﺑﺘﻘﺒﻠﻲ ﻋﺰﻳﻤﺘﻲ ﻋﻠﻰ ﺍﻟﻌﺸﺎﺀ ﺍﺣﺘﻔﺎﻻً
ﺑﻬﺎﻟﻤﻨﺎﺳﺒﺔ ! @rwayate
ﺍﻟﺘﻔﺘﺖ ﻳﺎﺳﻤﻴﻦ ﻋﻠﻰ ﻛﺮﻳﻢ ﻟﺘﻔﻬﻢ ﺷﻮ ﺑﺪﻫﺎ ﺗﻌﻤﻞ ﻣﻦ ﻧﻈﺮﺍﺗﻮ !!! ﻭ ﻃﺒﻌﺎً
ﻋﻴﻮﻥ ﻛﺮﻳﻢ ﻋﻢ ﺗﻘﺪﺡ ﺷﺮﺍﺭﺓ ﻣﻦ ﺍﻟﻌﺼﺒﻴﺔ ﻭ ﺍﻟﻐﻴﺮﺓ …
ﻳﺎﺳﻤﻴﻦ : ﻻ ﺍﺩﻭﺍﺭﺩ ﺍﻋﺬﺭﻧﻲ !! ﺍﻟﺼﺮﺍﺣﺔ ﺍﻟﻴﻮﻡ ﻛﺘﻴﺮ ﺗﻌﺒﺖ ﻭ ﺑﺤﺎﺟﺔ ﻹﺭﺗﺎﺡ
ﻭ ﺍﻟﺴﺎﻋﺔ ﺻﺎﺭﺕ 10 ﻭ ﻧﺺ .. ﻏﻴﺮ ﻣﺮّﺓ … ﻳﻼ ﻧﺮﻭﺡ ﻛﺮﻳﻢ ؟ !؟
ﺍﺩﻭﺍﺭﺩ : ﻃﻴﺐ ﺍﻭﻛﻲ .. ﻋﻠﻰ ﺭﺍﺣﺘﻚ !! ﺗﺼﺒﺤﻮﺍ ﻋﻠﻰ ﺧﻴﺮ …
ﻃﻠﻊ ﺍﺩﻭﺍﺭﺩ ﺑﺴﻴﺎﺭﺗﻪ ﻭ ﻛﺎﻧﺖ ﺍﺟﺮﻭ ﻋﻠﻰ ﺩﻋﺴﺔ ﺍﻟﺒﻨﺰﻳﻦ … ﺑﺜﺎﻧﻴﺔ ﻛﺎﻥ
ﻣﺨﺘﻔﻲ … ﺍﻣﺎ ﻳﺎﺳﻤﻴﻦ ﻭ ﻛﺮﻳﻢ ﺍﺗﻄﻠّﻌﻮﺍ ﺑﺒﻌﺾ ﻟﻠﺤﻈﺎﺕ ﻭ ﺑﻌﺪﻳﻦ ﻃﻠﻌﻮﺍ
ﺑﺎﻟﺴﻴﺎﺭﺓ ﺑﻬﺪﻭﺀ … ﻭ ﺑﻌﺪ ﻣﺪّﺓ ﻣﻦ ﺍﻟﻮﻗﺖ …
ﻛﺮﻳﻢ : ﺑﺘﺤﺒّﻲ ﻭﺻﻠﻚ ﻋﺎﻟﺒﻴﺖ ﺃﻭ ﻧﺮﻭﺡ ﻋﻠﻰ ﺷﻲ ﻣﻜﺎﻥ ؟
ﻳﺎﺳﻤﻴﻦ : ﺧﺪﻧﻲ ﻋﺎﻟﺒﺤﺮ … @rwayate
ﺍﻟﻐﻴﺮﺓ ﺑﺘﺤﻮّﻝ ﺍﻹﻧﺴﺎﻥ ﻟﻜﺘﻠﺔ ﻋﻈﻴﻤﺔ ﻣﻦ ﺍﻟﺼﻤﺖ ﺧﺎﺭﺟﻴﺎً … ﻭ ﻟﻀﺠﻴﺞ ﻭ
ﻧﺎﺭ ﻭ ﺣﺮﻗﺔ ﺩﺍﺧﻠﻴﺎً … ﻏﻴﺮﺓ ﻛﺮﻳﻢ ﻋﻠﻰ ﻳﺎﺳﻤﻴﻦ ﺭﺡ ﺗﺪﺑﺤﻮ ، ﺭﺡ ﺗﺤﺮﻗﻮ ،
ﺭﺡ ﺗﻔﻘﺪﻟﻮ ﻋﻘﻠﻪ … ﻭ ﺑﻴﻦ ﻛﻞ ﻫﺎﻟﻤﺸﺎﻋﺮ ﻭ ﺍﻷﺣﺎﺳﻴﺲ ﺍﻟﻤﻠﺨﺒﻄﺔ ، ﻭﻗّﻒ
ﻛﺮﻳﻢ ﺳﻴﺎﺭﺗﻮ ﻋﻨﺪ ﺍﻟﺸّﺎﻃﺊ ﺗﻤﺎﻣﺎً … ﻭ ﻣﻊ ﻭﻗﻔﺔ ﺍﻟﺴﻴﺎﺭﺓ ، ﻛﺎﻧﺖ
ﻳﺎﺳﻤﻴﻦ ﻋﻢ ﺗﻔﺘﺢ ﺍﻟﺒﺎﺏ ﺣﺘّﻰ ﺗﻨﺰﻝ .. ﺑﺲ ﺇﻳﺪ ﻛﺮﻳﻢ ﻛﺎﻧﺖ ﺃﺳﺮﻉ ﻣﻨﻬﺎ …
ﺷﺪّﻫﺎ ﺑﺴﺮﻋﺔ ﻣﻦ ﺇﻳﺪﻫﺎ ﻭ ﻃﻠﻊ ﻭﺟﻬﻬﺎ ﺑﻮﺟﻬﻪ ﺗﻤﺎﻣﺎً … ﺳﻨﺘﻴﻤﺘﺮ ﻭﺍﺣﺪ
ﻛﺎﻥ ﻓﻲ ﺑﻴﻨﺎﺗﻬﻦ … ﻋﻴﻮﻧﻪ ﻋﻠﻰ ﻋﻴﻮﻧﻬﺎ ﺍﻟﻌﺴﻠﻴﺎﺕ .. ﻭ ﻋﻴﻮﻧﻬﺎ ﻋﻠﻰ
ﻋﻴﻮﻧﻪ ﺍﻟﺨﻀﺮﺍ … ﻣﺎ ﺗﺤﻤّﻞ ﻛﺮﻳﻢ ﻳﻤﻨﻊ ﺣﺎﻟﻪ ﺍﻧّﻮ ﻣﺎ ﻳﻘﻄﻊ ﻫﺎﻟﻤﺴﺎﻓﺔ
ﺍﻟﺒﺴﻴﻄﺔ ﺍﻟﻠﻲ ﺑﻴﻨﺎﺗﻬﻦ ﻭ ﻣﺎ ﻳﻐﺮﻕ ﺑﻌﺎﻟﻢ ﻳﺎﺳﻤﻴﻨﻲّ ﻟﺬﻳﺬ … ﺑﺲ ﻣﺠﺮّﺩ ﻣﺎ
ﺣﺎﻭﻝ ﻳﻘﺮّﺏ ﺍﻛﺘﺮ ، ﻛﺎﻧﺖ ﻳﺎﺳﻤﻴﻦ ﻋﻢ ﺗﺒﺘﻌﺪ ﻫﻲ ﻭ ﻋﻢ ﺗﺮﺟﻒ ﻭ ﻋﻢ ﺗﺘﺼﺒّﺐ
ﻋﺮﻕ …
ﻳﺎﺳﻤﻴﻦ : ﻡ ﻡ ﻣﺎﺍﺍﺍ ﺑﻘﺪﺭ … ﺧﻠﺺ ﻛﺮﻳﻢ … ﺍﻧﺎ ﺗﻌﺒﺎﻧﺔ .. ﺗﻌﺒﺎﻧﺔ ﺗﻌﺒﺎﻧﺔ
ﺗﻌﺒﺎﺍﺍﺍﺍﺍﺍﻧﺔ … @rwayate
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭ ﺳﻜﺮﺕ ﺍﻟﺒﺎﺏ ﺑﻘﻮّﺓ ﻭ ﺻﺎﺭﺕ ﺗﺮﻛﺾ ﻋﻠﻰ ﺍﻟﺮﻣﻞ ﻟﺤﺘّﻰ
ﺣﺴّﺖ ﺟﺴﻤﻬﺎ ﺍﺭﺗﻌﺶ ﻣﻦ ﺍﻟﻤﺎﺀ ﺍﻟﺒﺎﺭﺩﺓ ﻟﻠﺒﺤﺮ … ﻛﺎﻧﺖ ﺑﺤﺎﺟﺔ ﻟﻠﺒﺮﻭﺩﺓ
ﺑﻌﺪ ﻣﺎ ﺍﺭﺗﻔﻌﺖ ﺣﺮﺍﺭﺗﻬﺎ … ﺻﺎﺭﺕ ﺗﺒﻜﻲ ﻭ ﺗﺒﻜﻲ ﻭ ﺗﺒﻜﻲ ﻟﺘﺤﺮّﺭ ﻛﻞ ﺷﻲ
ﻣﺤﺒﻮﺱ ﻭ ﻣﻜﺒﻮﺕ ﺟﻮّﺍﺗﻬﺎ … ﻭ ﻛﺮﻳﻢ ﻋﻢ ﻳﺘﺄﻣّﻠﻬﺎ ﻣﻦ ﺧﻠﻒ ﺯﺟﺎﺝ ﺍﻟﺴﻴﺎﺭﺓ
ﻭ ﻋﻢ ﻳﻔﻜّﺮ ﻓﻴﻬﺎ )))) ﺷﻮ ﺍﻟﻠﻲ ﺗﺎﻋﺒﻚ ﻳﺎﺳﻤﻴﻦ ؟؟؟ ﺷﻮ ﻫﻮ ﺍﻟﻠﻲ ﻣﺎﺧﺪ
ﻋﻘﻠﻚ ﻭ ﻣﺘﻌّﺐ ﻗﻠﺒﻚ ؟؟؟ ﺷﻮ ﺍﻟﻠﻲ ﻣﺨﺒّﻴﻴﺘﻪ ﺟﻮّﺍﺗﻚ ﻭ ﻛﻞّ ﻓﺘﺮﺓ ﺑﺤﻮﻟﻚ
ﻹﻧﺴﺎﻧﺔ ﺿﻌﻴﻔﺔ ﻭ ﻣﻜﺴﻮﺭﺓ ؟؟؟ ﻭﺍﻟﻠﻪ ﻹﺩﻓﻊ ﻛﻞّ ﺛﺮﻭﺗﻲ ﻭ ﺭﻭﺣﻲ ﻛﻤﺎﻥ
ﺑﺲ ﻟﺤﺘّﻰ ﺍﻋﺮﻑ ﻫﺎﻟﺴّﺮّ … ((((
______________

ﺍﻟﺠﺰﺀ ﺍﻟﺜﺎﻧﻲ #ﺑﻘﻠﻢ NS_
@rwayate
ﺩﺍﺧﻞ ﻛﻞّ ﺣﺪﺍ ﻣﻨّﻨﺎ ﺷﺨﺼﻴﺔ ﺗﺎﻧﻴﺔ … ﺷﺨﺼﻴﺔ ﻣﺨﺘﻠﻔﺔ ﻛﺘﻴﻴﻴﻴﻴﺮ ﻋﻦ
ﺷﺨﺼﻴﺘﻨﺎ ﺍﻟﺨﺎﺭﺟﻴﺔ … ﻣﻨﻘﺪﺭ ﻧﺴﻤّﻴﻬﺎ ﺷﺨﺼﻴﺔ ﺳﺮّﻳّﺔ ﺑﺲ ﻫﻲ ﺑﺎﻷﺳﺎﺱ
ﺷﺨﺼﻴﺘﻨﺎ ﺍﻟﺤﻘﻴﻘﻴﺔ … ﺑﺘﻜﻮﻥ ﻫﺎﻟﺸﺨﺼﻴﺔ ﺑﻴﺖ ﻣﻦ ﺍﻷﺳﺮﺍﺭ ﻭ ﻣﻦ
ﺍﻷﺣﺎﺳﻴﺲ ﻭ ﺍﻟﻤﺸﺎﻋﺮ ﺍﻟﻤﺨﺒّﺎﻳﺔ … ﻭ ﻣﺠﻤﻮﻋﺔ ﻣﻦ ﺍﻟﺪﻣﻮﻉ ﺍﻟﻠﻲ ﻣﺎ
ﻣﻨﺴﻤﺢ ﻟﻌﻴﻮﻧﻨﺎ ﺍﻧﻬﺎ ﺗﺬﺭﻓﻬﻦ ﻭﻗﺖ ﻧﻜﻮﻥ ﻻﺑﺴﻴﻦ ﺷﺨﺼﻴﺘﻨﺎ ﺍﻟﺨﺎﺭﺟﻴﺔ …
ﺑﺲ ﻻ ﺑﺪّ ﻣﺎ ﻳﺠﻲ ﻳﻮﻡ ﻭ ﻧﺮﺗﺎﺡ ﻭ ﻧﺒﻘﻰ ﻋﺎﻳﺸﻴﻦ ﺑﺸﺨﺼﻴّﺔ ﻭﺣﺪﺓ ﻣﻦ
ﺍﻟﺪﺍﺧﻞ ﻭ ﺍﻟﺨﺎﺭﺝ …
____ @rwayate
ﺑﻌﺪ ﺭﺑﻊ ﺳﺎﻋﺔ … ﻧﺰﻝ ﻛﺮﻳﻢ ﻣﻦ ﺍﻟﺴﻴﺎﺭﺓ ﻭ ﻭﻗﻒ ﻗﺮﻳﺐ ﻣﻦ ﻳﺎﺳﻤﻴﻦ …
ﻛﺎﻧﺖ ﻻﻓّﺔ ﺇﻳﺪﻳﻬﺎ ﻟﻌﻨﺪ ﺻﺪﺭﻫﺎ ﻭ ﺩﻣﻮﻋﻬﺎ ﻣﺮﺳﻮﻣﻴﻦ ﻋﻠﻰ ﺧﺪﻭﺩﻫﺎ … ﻭ
ﻋﻢ ﺗﺘﺄﻣّﻞ ﺍﻷﻣﻮﺍﺝ ﻭ ﺗﺴﺘﻤﺘﻊ ﺑﺼﻮﺕ ﺍﻟﻤﺎﺀ ﻭ ﺿﺠﻴﺞ ﺍﻟﺒﺤﺮ ﺑﻬﺪﻭﺀ … ﺣﻂّ
ﺇﻳﺪﻩ ﻋﻠﻰ ﻛﺘﻔﻬﺎ ﻭ ﻛﺎﻥ ﻛﺘﻴﺮ ﺑﺎﺭﺩ .. ﺷﻠﺢ ﺟﺎﻛﻴﺘﻪ ﺍﻟﺮﺳﻤﻴﺔ ﻭ ﺣﻄﻬﺎ ﻋﻠﻰ
ﺍﻛﺘﺎﻓﻬﺎ ﻭ ﻭﻗﻒ ﻗﺪّﺍﻣﻬﺎ …
ﻛﺮﻳﻢ : ﻣﺎ ﺑﺪﻙ ﺗﺮﻭﺣﻲ ؟ ﺗﺄﺧﺮ ﺍﻟﻮﻗﺖ !!
ﻳﺎﺳﻤﻴﻦ : ﺍﺫﺍ ﺍﻧﺖ ﺑﺪﻙ ﺗﺮﻭﺡ ، ﺑﺘﻘﺪﺭ ﺗﺮﻭﺡ .. ﺃﻧﺎ ﻣﺮﺗﺎﺣﺔ ﻫﻮﻥ …
ﺭﻓﻌﻠﻬﺎ ﺭﺍﺳﻬﺎ ﻣﻦ ﺫﻗﻨﻬﺎ ﺑﺈﺻﺒﻌﻪ … ﻭ ﺣﻜﻰ ﻣﻌﻬﺎ ﺑﺼﻮﺕ ﻓﻴﻪ ﺻﺪﻯ
ﺍﻟﺤﺐ ﺍﻟﻠﻲ ﺩﺍﺧﻞ ﻗﻠﺒﻪ ﻟﻜﺮﻳﻢ … @rwayate
ﻛﺮﻳﻢ : ﻛﻞّ ﻣﻜﺎﻥ ﺧﺎﻟﻲ ﻣﻦ ﻳﺎﺳﻤﻴﻦ ﻫﻮ ﻗﺒﺮ ﺑﺎﻟﻨﺴﺒﺔ ﻹﻟﻲ … ﻭ ﺑﻬﻴﻚ
ﺣﺎﻟﺔ ﻣﻌﻘﻮﻝ ﺍﺗﺮﻛﻚ ﻭ ﻓﻞّ ؟؟؟ ﻣﺴﺘﺤﻴﻞ !! ﺍﺳﺎﺳﺎً ﺑﺘﺮﻛﻚ ﺇﻟﻚ ﻣﺎ ﺑﺄﺳﺮ ،
ﺑﺲ ﻣﺎ ﺑﺘﺮﻙ ﺩﻣﻮﻋﻚ ﻭ ﺑﺮﻭﺡ .. ﻣﺴﺘﺤﻴﻞ .. ﻭ ﻣﺴﺘﻌﺪّ ﺍﺩﻓﻊ ﻋﻤﺮﻱ ﻛﻠّﻪ
ﺑﺲ ﻣﺎ ﺷﻮﻑ ﺩﻣﻌﺔ ﻋﻠﻰ ﺧﺪّﻙ ﺍﻟﻨﺎﻋﻢ .. ﻋﻢ ﺗﻔﻬﻤﻲ ؟؟؟
ﻳﺎﺳﻤﻴﻦ : ﻛﺮﻳﻢ ؟ ﺑﺘﺮﺟّﺎﻙ ﺧﻠﺺ .. ﻛﻢ ﻣﺮّﺓ ﺇﻟﺘﻠّﻚ ﺍﻧّﻲ ﺃﻧﺎ ﻣﺎ ﺑﻨﻔﻊ ﻟﻠﺤﺐ
.. ﻣﺎ ﺑﻘﺪﺭ ﻛﻮﻥ ﺣﺒﻴﺒﺘﻚ .. ﻟﻴﻴﻴﻴﻪ ﻣﺎﺍﺍﺍ ﻋﻢ ﺗﻔﻬﻢ ﻋﻠﻴّﻴﻴﻴﻲ ؟؟؟ ﻭﺍﻟﻠﻪ
ﺍﻟﻌﻈﻴﻢ ﺗﻌﺒﺎﻧﺔ ﻭ ﻣﺎ ﻧﺎﻗﺼﻨﻲ …
ﻛﺮﻳﻢ : ﻟﻴﻪ ﻣﺎ ﺑﺘﻘﺪﺭﻱ ؟ ﺷﻮ ﺍﻟﺴﺒﺐ ؟ ﻛﻞّ ﻣﺮّﺓ ﺑﺘﻘﻴﻠﻴﻠﻲ ﻫﻴﻚ ﻭ ﺑﺮﺟﻊ
ﺑﻘﻠّﻚ ﻣﺘﻞ ﻛﻞّ ﻣﺮّﺓ … ﻣﺎ ﺭﺡ ﺍﺗﺮﻛﻚ ﺇﻟّﺎ ﻷﻋﺮﻑ ﻟﻴﻪ ﻣﺎ ﺑﻴﻨﻔﻊ ﺗﻜﻮﻧﻲ
ﺣﺒﻴﺒﺘﻲ !! ﻭ ﺑﺮﺟﻊ ﺑﻘﻠّﻚ ﻛﻤﺎﻥ ﺍﻧّﻮ ﻟﻮ ﺷﻮ ﻣﺎ ﻛﺎﻥ ﺍﻟﺴﺒﺐ ﻣﻨﻴﺢ ﺃﻭ ﺳﻲّﺀ ،
ﻣﺎ ﺑﺘﺮﻛﻚ ﻭ ﺭﺡ ﺍﺑﻘﻰ ﺣﺒّﻚ ﺣﺘّﻰ ﺁﺧﺮ ﻧﻔﺲ ﺑﻌﻤﺮﻱ .. ﻭ ﺃﻧﺎ ﻣﺴﺘﻌﺪّ
ﺇﺳﻤﻌﻚ ﻭ ﺍﺳﻤﻊ ﻗﺼﺘﻚ ﻭ ﻫﻤﻮﻣﻚ ..
ﻣﺎ ﻛﺎﻥ ﻓﻲ ﻏﻴﺮ ﺍﻟﺪﻣﻮﻉ ﻗﺎﺩﺭ ﻳﻄﻠﻊ ﻣﻦ ﻳﺎﺳﻤﻴﻦ ﻋﻠﻰ ﻛﻼﻡ ﻛﺮﻳﻢ .. ﺍﻟﻠﻲ
ﺟﻮّﺍﺗﻬﺎ ﺳﺮّ ﻛﺘﻴﺮ ﻛﺒﻴﺮ .. ﻣﺘﻞ ﻣﺎ ﺍﻟﻨّﺎﺭ ﺍﻟﻤﺸﺘﻌﻠﺔ ﺑﺘﺬﻭّﺏ ﺍﻟﺸﻤﻌﺔ …
ﻫﺎﻟﺴﺮ ﻫﻮ ﻧﺎﺭ ﻋﻢ ﺗﺬﻭّﺏ ﻗﻠﺐ ﻳﺎﺳﻤﻴﻦ ﻳﻮﻡ ﺑﻌﺪ ﻳﻮﻡ … ﺑﺲ ﻣﻌﻘﻮﻝ ﻳﺠﻲ
ﺣﺪﺍ ﻳﻜﻮﻥ ﺑﺮﺩ ﻭ ﺳﻼﻡ ﻭ ﻳﻄﻔﻲ ﻫﺎﻟﻨﺎﺭ ﻭ ﻳﻤﻨﻊ ﻗﻠﺐ ﻳﺎﺳﻤﻴﻦ ﻣﻦ
ﺍﻟﺬﻭﺑﺎﻥ ؟ @rwayate
_ ﺑﻌﺪ ﻣﺮﻭﺭ ﺃﺳﺒﻮﻉ _
ﻣﺮﻳﺎﻧﺎ : ﺻﺒﺎﺡ ﺍﻟﺨﻴﺮ ﺇﺩﻭﺍﺭﺩ … ﺷﻮ ﻣﺒﻜّﺮ ﺍﻟﻴﻮﻡ ؟؟؟
ﺇﺩﻭﺍﺭﺩ : ……
ﻣﺮﻳﺎﻧﺎ : ﺷﻮ ﺍﺷﺒﻚ ؟ ﻟﻴﻪ ﻣﻌﺼّﺐ ﻓﻲ ﺷﻲ ؟؟؟
ﺇﺩﻭﺍﺭﺩ : ﻣﺮﻳﺎﻧﺎ ﺍﻟﻠﻪ ﻳﺨﻠﻴﻜﻲ .. ﻭﺍﺻﻠﺔ ﻣﻌﻲ ﻟﻠﺴﻤﺎﺀ .. ﺍﻗﻌﺪﻱ ﻋﻠﻰ
ﻣﻜﺘﺒﻚ ﻭ ﺍﺷﺘﻐﻠﻲ ﻣﻦ ﺗﻢ ﺳﺎﻛﺖ ﻭ ﺍﺗﺮﻛﻴﻨﻲ ﺑﺤﺎﻟﻲ …
ﺣﻄّﺖ ﻣﺮﻳﺎﻧﺎ ﺟﺰﺩﺍﻧﻬﺎ ﻭ ﻣﻔﺎﺗﻴﺤﻬﺎ ﻋﻠﻰ

ﻣﻜﺘﺒﻬﺎ ﻭ ﺭﺍﺣﺖ ﻋﻨﺪ ﺇﺩﻭﺍﺭﺩ …
ﻧﺰﻟﺖ ﺷﻮﻱ ﻟﺼﺎﺭﺕ ﻋﻨﺪ ﻣﺴﺘﻮﺍﻩ ﻭ ﺣﻤﻠﺖ ﻛﺮﺍﻓﺘﻮ ﻭ ﺣﻄﺖ ﻋﻴﻮﻧﻬﺎ ﺑﻌﻴﻮﻧﻪ
..
ﻣﺮﻳﺎﻧﺎ : ﻣﻌﺼّﺐ ﻣﻦ ﺍﻟﻮﺿﻊ ﻣﺘﻠﻲ ﻣﺎ ﻫﻴﻚ ؟؟؟
ﺇﺩﻭﺍﺭﺩ : ﻋﻦ ﺃﻱ ﻭﺿﻊ ﻗﺼﺪﻙ ؟؟؟
ﻣﺮﻳﺎﻧﺎ : ﻗﺼﺪﻱ ﻭﺍﺿﺢ !! ﻭﺿﻊ ﺳﺖّ ﺍﻟﺤﺴﻦ ﻭ ﺍﻟﺠﻤﺎﻝ .. ﺍﻟﻤﻬﻨﺪﺳﺔ
ﻳﺎﺳﻤﻴﻦ ، ﻣﻬﻨﺪﺳﺔ ﺃﻛﺒﺮ ﻭ ﺃﺿﺨﻢ ﺍﻟﻤﺸﺎﺭﻳﻊ ﺑﺎﻟﺒﻠﺪ …
ﺇﺩﻭﺍﺭﺩ : ﻻ ﺣﻮﻝ ﻭ ﻻ ﻗﻮّﺓ ﺇﻻ ﺑﺎﻟﻠﻪ .. ﻣﺮﻳﺎﻧﺎ ﻣﻌﺼّﺐ ﻭ ﻃﺎﻟﻊ ﺧﻠﻘﻲ
ﺭﻭﺣﻲ ﻣﻦ ﺧﻠﻘﺘﻲ ﺍﻓﻬﻤﺘﻲ ؟؟
ﻣﺮﻳﺎﻧﺎ : ﻫﻬﻬﻬﻪ .. ﻋﻠﻰ ﻣﻬﻠﻚ ﺇﺩﻭﺍﺭﺩ ﺑﻴﻚ !! ﻋﻠﻰ ﻣﻬﻠﻚ ﺃﺣﻠﻰ ﻣﺎ ﺍﻟﻐﻴﺮﺓ
ﺗﻘﺘﻠﻚ ..
ﻗﺪﺣﻮﺍ ﻋﻴﻮﻥ ﺇﺩﻭﺍﺭﺩ ﻣﻦ ﺣﻜﻲ ﻣﺮﻳﺎﻧﺎ .. ﺑﺲ ﺣﺎﻭﻝ ﻳﻀﺒﻂ ﺃﻋﺼﺎﺑﻪ ﻭ ﻳﺮﺟﻊ
ﻟﻸﻓﻜﺎﺭ ﺍﻟﻠﻲ ﻛﺎﻧﺖ ﻋﻢ ﺗﺪﻭﺭ ﺑﺮﺍﺳﻪ … ﻭ ﻣﺮﻳﺎﻧﺎ ﺭﺟﻌﺖ ﻋﻠﻰ ﻣﻜﺘﺒﻬﺎ ﻭ
ﺷﺮﺩﺕ ﺑﺈﺩﻭﺍﺭﺩ ﻭ ﺗﻔﺎﺻﻴﻠﻪ ﺍﻟﺤﻠﻮﺓ …….. ﺇﺩﻭﺍﺭﺩ ﻭ ﻣﺮﻳﺎﻧﺎ ﺯﻣﻼﺀ ﻋﻤﻞ
ﺑﺎﻟﺸﺮﻛﺔ ﻋﻨﺪ ﺍﻟﺴﻴﺪ ﻛﺮﻳﻢ ﻭ ﺍﻟﺤﺐ ﺩﻕّ ﻋﻠﻰ ﻗﻠﺒﻬﺎ ﻟﻤﺮﻳﺎﻧﺎ ﻣﻦ ﻭﻗﺖ ﻣﺎ
ﺻﺎﺭﺕ ﺗﺸﺘﻐﻞ ﻫﻲ ﻭ ﺇﺩﻭﺍﺭﺩ ﺑﻨﻔﺲ ﺍﻟﻔﺮﻉ …. ﺑﺲ ﺇﺩﻭﺍﺭﺩ ﻋﻘﻠﻪ ﻭ ﻋﻴﻮﻧﻪ
ﻭ ﻗﻠﺒﻪ ﻭ ﺣﻮﺍﺳﻪ ﺑﻤﻜﺎﻥ ﺗﺎﻧﻲ … ﻣﻜﺎﻥ ﺑﺎﺭﺩ … ﻣﻜﺎﻥ ﻣﺎ ﻓﻴﻪ ﻧﺎﺭ ﺍﻟﻐﻴﺮﺓ
ﻭ ﻻ ﺣﺮﺍﺭﺓ ﺍﻟﻐﻴﺮﺓ … ﺑﺲ ﻭﻳﻦ ﻫﺎﻟﻤﻜﺎﻥ ؟ ﻣﺎ ﺣﺪﺍ ﻏﻴﺮ ﺇﺩﻭﺍﺭﺩ ﺑﻴﻌﺮﻓﻪ
…
ﻫﺎﻟﻴﻮﻡ ﻛﺎﻥ ﻛﺘﻴﺮ ﻫﺎﺩﺉ … ﺑﺲ ﺟﻮّﺍﺕ ﻛﻞّ ﺷﺨﺺ ﻓﻲ ﺿﺠّﺔ ﻭ ﺃﻓﻜﺎﺭ ﻭ
ﻣﺸﺎﻋﺮ ﻋﻢ ﺗﺘﻌﺎﺭﻙ ﻭ ﺗﺼﺮﺥ ﻣﻦ ﻛﻞ ﺟﻬﺔ … ﺑﺲ ﻟﻸﺳﻒ ﻟﻮ ﺷﻮ ﻣﺎ ﻛﺎﻥ
ﻓﻲ ﺟﻮﺍﺗﻨﺎ … ﻟﻐﺔ ﺍﻟﻌﻴﻮﻥ ﻟﻐﺔ ﺳﻬﻠﺔ ﻛﺘﻴﺮ ﻟﻠﻨﺎﺱ ﺣﺘﻰ ﻳﻌﺮﻓﻮﺍ ﺷﻮ ﻋﻢ
ﻧﺤﺲّ ﻭ ﻛﻴﻒ ﺣﺎﻟﺘﻨﺎ ﺍﻟﻨﻔﺴﻴﺔ … ﻫﺎﻟﻠﻐﺔ ﺩﺍﺭﺳﻬﺎ ﻛﺮﻳﻢ ﺑﺎﻣﺘﻴﺎﺯ .. ﺧﺎﺻّﺔً
ﻭﻗﺖ ﺗﻜﻮﻥ ﻳﺎﺳﻤﻴﻦ ﻗﺪّﺍﻡ ﻋﻴﻮﻧﻪ …
ﻛﺮﻳﻢ : ﺷﻮ ﺍﺷﺒﻚ ﺣﺒﻴﺒﺘﻲ ؟ ﺣﺎﺳّﻚ ﺗﻌﺒﺎﻧﺔ !!
ﻳﺎﺳﻤﻴﻦ : ﺗﻌﺒﺎﻧﺔ ﻣﻦ ﺍﻟﺸﻐﻞ ﻣﺶ ﺍﻛﺘﺮ !!
ﻛﺮﻳﻢ : ﺳﻼﻣﺔ ﻗﻠﺒﻚ ﻣﻦ ﺍﻟﺘﻌﺐ … ﺧﻠﺺ ﺍﺗﺮﻛﻲ ﺍﻟﻠﻲ ﺑﺈﻳﺪﻙ ﻭ ﺭﻭﺣﻲ
ﻋﺎﻟﺒﻴﺖ ﺍﺭﺗﺎﺣﻲ ﻭ ﺃﻧﺎ ﺑﻌﻤﻞ ﺍﻹﺟﺘﻤﺎﻉ ﻋﻨﻚ …
ﻳﺎﺳﻤﻴﻦ : ﺍﻟﻠﻪ ﻳﺴﻠﻤﻚ … ﺍﻟﺼﺮﺍﺣﺔ ﺃﻧﺎ ﻣﻘﺮّﺭﺓ ﺑﺲ ﺿﻴﻒ ﻟﻤﺴﺎﺗﻲ
ﺍﻷﺧﻴﺮﺓ ﻋﻠﻰ ﺧﺮﻳﻄﺔ ﺍﻟﻤﺸﺮﻭﻉ ﺍﻟﻠﻲ ﻃﻠﺒﺘﺎ ﻣﻨﻲ ، ﻭ ﺑﺲ ﺧﻠّﺺ ﺍﻟﺨﺮﻳﻄﺔ
ﺑﺪﻱ ﻣﻨﻚ ﺗﻮﺍﻓﻘﻠﻲ ﻋﻠﻰ ﺇﺟﺎﺯﺓ ﻟﻤﺪّﺓ ﺷﻬﺮ … ﺃﻧﺎ ﻛﺘﻴﺮ ﺑﺤﺎﺟﺔ ﺭﺍﺣﺔ ﻭ
ﻫﺪﻭﺀ ﻭ ﻃﻤﺄﻧﻴﻨﺔ …
ﻛﺮﻳﻢ : ﺷﻬﺮ ؟؟؟ ﺑﺪﻙ ﺗﺒﻌﺪﻱ ﻋﻨﻲ ﺷﻬﺮ ؟ ﻭ ﻭﻳﻦ ﺑﺪﻙ ﺗﻘﻀﻲ ﻫﺎﻟﺸﻬﺮ ؟
ﺑﺎﻟﺒﻴﺖ ﺃﻭ ﺑﺸﻲ ﻣﻜﺎﻥ ؟؟؟
ﻳﺎﺳﻤﻴﻦ : ﻣﺎ ﺑﻌﺮﻑ .. ﺑﻌﺪﻧﻲ ﻣﺎ ﻓﻜﺮﺕ ﻣﻨﻴﺢ … ﺑﺲ ﻓﻜﺮ ﻭ ﻗﺮﺭ ﺑﺨﺒﺮﻙ
…
ﺗﺮﻙ ﻛﺮﻳﻢ ﺍﻟﻘﻠﻢ ﺍﻟﻠﻲ ﺑﺈﻳﺪﻩ ﺑﻘﻮّﺓ ﻭ ﻗﻔﻞ ﺑﺎﺏ ﺍﻟﻤﻜﺘﺐ ﺑﺎﻟﻤﻔﺘﺎﺡ … ﻣﺴﻚ
ﺇﻳﺪ ﻳﺎﺳﻤﻴﻦ ﻭ ﺳﻨﺪﻫﺎ ﻋﺎﻟﺤﻴﻂ .. ﺃﻧﻔﻪ ﻋﻠﻰ ﺃﻧﻔﻬﺎ … ﻭ ﺃﻧﻔﺎﺳﻬﻢ ﻣﺘﺴﺎﺭﻋﺔ
ﻣﺘﻞ ﺩﻗﺎﺕ ﻗﻠﻮﺑﻬﻢ .. ﻧﻈﺮﺍﺕ ﻗﻮﻳﺔ ﻣﺘﺒﺎﺩﻟﺔ ﻣﻨﻬﺎ ﻭ ﻣﻨﻪ …
ﻛﺮﻳﻢ ‏( ﺑﻬﻤﺲ ‏) : ﻳﺎﺳﻤﻴﻴﻴﻴﻦ … ‏( ﻏﻤّﺾ ﻋﻴﻮﻧﻪ ﻟﻠﺤﻈﺎﺕ ﻭ ﻓﺘﺢ ‏) …
ﺍﻧﺘﻲ ﺭﺡ ﺗﺠﻨّﻨﻴﻨﻲ … ‏( ﺻﺎﺭ ﻳﻠﻌﺐ ﺑﺨﺼﻼﺕ ﺷﻌﺮﻫﺎ ‏) … ﺍﻧﺘﻲ ﺇﻟﻲ ﻭ
ﺑﺲ .. ﺍﻧﺘﻲ ﻣِﻠﻜﻲ ﺃﻧﺎ … ﺑﺲ !!!؟؟؟
ﻳﺎﺳﻤﻴﻦ : ﺑﺲ ﺷﻮ ؟ ! @rwayate
ﻛﺮﻳﻢ : ﺑﺲ ﻣﺎ ﺑﻌﺮﻑ ﺷﻮ ﺑﺼﻴﺮ ﻣﻌﻚ .. ﺃﻭﻗﺎﺕ ﺑﺸﻮﻑ ﺣﺒﻚ ﺇﻟﻲ ، ﻋﻢ
ﻳﺒﺮﻕ ﺑﻌﻴﻮﻧﻚ ﻭ ﺑﺤﺲّ ﻓﻴﻪ ﻭ ﺑﻠﻤﺴﻪ .. ﻭ ﻓﺠﺄﺓ ﻫﺎﻟﺒﺮﻳﻖ ﺑﻴﺨﺘﻔﻲ ﻣﻦ
ﻋﻴﻮﻧﻚ ﻭ ﺑﺼﻴﺮ ﺷﻮﻑ ﺑﻌﻴﻮﻧﻚ ﺷﻲ ﻣﺶ ﻣﻔﻬﻮﻡ ﻭ ﺑﺤﺲّ ﺍﻧﻚ ﻣﺎ ﺑﺘﺤﺒﻴﻨﻲ !!
ﻳﺎﺳﻤﻴﻦ ؟؟ ﺍﻧﺘﻲ ﺑﺘﺤﺒّﻲ ﺣﺪﺍ ﻏﻴﺮﻱ ؟؟؟؟
ﺻﺎﺭﺕ ﻳﺎﺳﻤﻴﻦ ﺗﺘﺄﻣﻞ ﻋﻴﻮﻧﻪ ﻟﻜﺮﻳﻢ .. ﻣﺎ ﺑﺘﻌﺮﻑ ﺷﻮ ﺑﺪﻫﺎ ﺗﺠﺎﻭﺑﻪ !! ﻣﺎ
ﺑﺘﻘﺪﺭ ﺗﺤﻜﻴﻠﻪ ﺍﻟﺤﻘﻴﻘﺔ ﺍﻟﻠﻲ ﺟﻮﺍﺗﻬﺎ … ﻫﺎﻟﺤﻘﻴﻘﺔ ﻫﻲ ﺑﻌﺪﻫﺎ ﻣﺎ
ﺍﺳﺘﺒﻮﻋﺒﺘﻬﺎ ، ﻓﻜﻴﻒ ﺑﺪﻫﺎ ﺗﺤﻜﻴﻠﻪ ﻳﺎﻫﺎ ؟ … ﺍﻛﺘﻔﺖ ﺑﺎﻟﺼﻤﺖ ﻭ ﺑﺘﺄﻣّﻞ
ﻋﻴﻮﻧﻪ ﺍﻟﻠﻲ ﺑﺘﻌﺸﻘﻬﻦ ﻭ ﺍﻟﻠﻲ ﺑﺘﻤﻮﺕ ﺃﻟﻒ ﻣﻮﺗﺔ ﺣﺘﻰ ﻳﻀﻠﻮﺍ ﻣﻌﻬﺎ ﻭﻳﻦ ﻣﺎ
ﺗﺮﻭﺡ … ﺍﻧﻘﻄﻊ ﺣﺒﻞ ﺃﻓﻜﺎﺭﻫﺎ ﻭ ﺷﺮﻳﻂ ﺗﺄﻣﻼﺗﻬﺎ ﺑﺒﻮﺳﺔ ﻣﻦ ﻛﺮﻳﻢ ﺍﻟﻠﻲ
ﻃﺒﻌﻬﺎ ﺑﺨﻔﺔ ﻋﻠﻰ ﺷﻔﺎﻓﻬﺎ ﺍﻟﻨﺎﻋﻤﻴﻦ … ﺑﺲ ﻳﺎﺳﻤﻴﻦ ﻫﺎﻟﻮﺿﻊ ﻣﺎ ﺑﺘﺘﺤﻤﻠﻪ
… ﺍﻟﻠﻲ ﺟﻮﺍﺗﻬﺎ ﻣﺎ ﺑﻴﺴﻤﺤﻠﻬﺎ ﺗﻘﺪﺭ ﺗﺘﻘﺒّﻞ ﻫﻴﻚ ﺭﻭﻣﺎﻧﺴﻴﺔ ﻭ ﻫﻴﻚ ﺃﺟﻮﺍﺀ
… ﺑﻌّﺪﺗﻪ ﻋﻨﻬﺎ ﺑﺎﻟﻘﻮﺓ ﻭ ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ ﻣﻦ ﻣﻜﺘﺒﻪ ﺑﺴﺮﻋﺔ ﻭ
ﻋﺼﺒﻴﺔ … ﻭﻗﺖ ﻃﻠﻌﺖ ﻣﻦ ﻋﻨﺪﻩ ﺑﻬﺎﻟﻄﺮﻳﻘﺔ ، ﻛﺎﻥ ﻭﺍﻗﻒ ﺍﺩﻭﺍﺭﺩ ﺟﻨﺐ
ﺍﻟﺒﺎﺏ ﻭ ﺷﺎﻓﻬﺎ ﻭ ﻃﺎﺭ ﻋﻘﻠﻪ ﻣﻦ ﺗﺼﺮﻓﻬﺎ … ﻭ ﺻﺎﺭ ﻳﻘﻮﻝ ﺑﻴﻨﻪ ﻭ ﺑﻴﻦ
ﺣﺎﻟﻪ ‏( ﺑﺸﻮ ﻣﺰﻋﻠﻚ ﺍﻟﺤﻴﻮﺍﻥ ‏) !!!!! ﺳﺄﻝ ﺣﺎﻟﻪ ﻫﺎﻟﺴﺆﺍﻝ ﻫﻮ ﻭ ﻭﺍﻗﻒ ﻋﻢ
ﻳﺘﺄﻣﻞ ﻣﺸﻴﺘﻬﺎ ﺍﻟﺴﺮﻳﻌﺔ ﻭ ﻋﻢ ﻳﺴﻤﻊ ﺻﻮﺕ ﺣﺬﺍﺋﻬﺎ ﺍﻟﻠﻲ ﻋﻢ ﻳﺮﻥّ ﺭﻥّ
ﺑﺎﻟﺸﺮﻛﺔ … @rwayate
ﺭﺍﺣﺖ ﻳﺎﺳﻤﻴﻦ ﻋﻠﻰ ﺑﻴﺘﻬﺎ ﻭ ﻫﻲ ﺑﺤﺎﻟﺔ ﺍﻧﻬﻴﺎﺭ ﻋﺼﺒﻲ ﺣﺎﺩّ … ﺿﺒّﺖ ﺷﻮﻳﺔ
ﺗﻴﺎﺏ ﻭ ﻣﻠﻔﺎﺕ ﻭ ﺍﻟﻜﻮﻣﺒﻴﻮﺗﺮ ﻭ ﺣﻄﺘﻦ ﺑﺸﻨﻄﺔ ﺳﻔﺮ ﻭ ﻃﻠﻌﺖ ﻣﻦ ﺍﻟﺒﻴﺖ ..
ﺣﻄﺖ ﺍﻟﺸﻨﻄﺔ ﺑﺎﻟﺴﻴﺎﺭﺓ ﻭ ﺭﺍﺣﺖ ﻋﻠﻰ ﺍﻟﻤﻄﺎﺭ …
ﻳﺎﺳﻤﻴﻦ : ﻣﺮﺣﺒﺎ .. ﺑﺪﻱ ﺍﺣﺠﺰ ﻋﻠﻰ ﺃﻭﻝ ﻃﻴﺎﺭﺓ ﻣﺘﺠﻬﺔ ﻋﻠﻰ ﻓﺮﻧﺴﺎ ﺍﻟﻴﻮﻡ
…
” ﺃﺣﻴﺎﻧﺎً ﺍﻹﻧﺴﺎﻥ ﺑﻴﺤﺘﺎﺝ ﻟﻤﻜﺎﻥ ﻣﺎ ﺑﻴﻌﺮﻑ ﻓﻴﻪ ﺣﺪﺍ … ﻟﻤﻜﺎﻥ ﻓﻴﻪ ﻫﺪﻭﺀ
… ﻓﻴﻪ ﺭﺍﺣﺔ … ﻣﻜﺎﻥ ﺑﻴﻘﺪﺭ ﻳﺘﺼﺮّﻑ ﻓﻴﻪ ﻟﻲ ﺑﺪّﻭ ﻳﺎﻩ ﻣﻦ ﺩﻭﻥ ﺃﻱ ﺍﻧﺘﻘﺎﺩ
ﺍﻭ ﻣﻼﺣﻈﺎﺕ ﺍﻭ ﻗﻴﻮﺩ … ﺑﻴﺤﺘﺎﺝ ﻟﺨﻠﻮﺓ ﺑﻴﻨﻪ ﻭ ﺑﻴﻦ ﺃﺳﺮﺍﺭﻩ … ﺧﻠﻮﺓ ﺑﻴﻨﻪ
ﻭ ﺑﻴﻦ ﺣﺎﻟﻪ ﺣﺘﻰ ﻳﻔﻜﺮ ﺑﻌﻤﻖ ﻭ ﺣﺘﻰ ﻳﻘﺪﺭ ﻳﺨﺰّﻥ ﻃﺎﻗﺔ ﺟﺪﻳﺪﺓ ﻟﻴﻘﺪﺭ
ﻳﺴﺘﻤﺮّ ﺑﺎﻟﺤﻴﺎﺓ ”
__ @rwayate
ﺷﺎﻓﻬﺎ ﻣﻦ ﺑﻌﻴﺪ ﻗﺎﻋﺪﺓ ﺑﺼﺎﻟﺔ ﺍﻹﻧﺘﻈﺎﺭ ……. ﻋﻢ ﺗﻨﺘﻈﺮ ﻧﺪﺍﺀ ﻟﺮﻛّﺎﺏ
ﺍﻟﻄﻴﺎﺭﺓ ﺍﻟﻔﺮﻧﺴﻴﺔ … ﻛﺎﻧﺖ ﻗﺎﻋﺪﺓ ﻋﻠﻰ ﻣﻘﻌﺪ ﻭ ﻣﺴﺘﺮﺧﻴﺔ … ﺳﺎﻧﺪﺓ
ﺭﺍﺳﻬﺎ ﻋﻠﻰ ﺿﻬﺮ ﺍﻟﻤﻘﻌﺪ ﻭ ﻣﻐﻤﻀﺔ ﻋﻴﻮﻧﻬﺎ … ﻛﺎﻧﺖ ﻋﻢ ﺗﺘﺬﻛّﺮ ﺑﻮﺳﺔ
ﻛﺮﻳﻢ … ﻭ ﺍﻟﺸﻌﻮﺭ ﺍﻟﻠﻲ ﺷﻌﺮﺕ ﻓﻴﻪ ﻟﺤﻈﺘﻬﺎ … ﻛﺎﻧﺖ ﻣﺒﺴﻮﻃﺔ ﻭ ﺣﺰﻳﻨﺔ
ﺑﻨﻔﺲ ﺍﻟﻮﻗﺖ …….. ﻗﺮّﺏ ﻣﻨﻬﺎ ﻟﺤﺘﻰ ﺻﺎﺭﺕ ﻗﺪﺍﻣﻪ … ﻋﻴﻮﻧﻬﺎ ﻗﺪﺍﻣﻪ
ﻣﺒﺎﺷﺮﺓً …. ﺣﻤﻞ ﺗﻠﻔﻮﻧﻪ ﻭ ﻓﺘﺢ ﻋﻠﻰ ﺻﻮﺭﺓ ﻣﺤﺘﻔﻆ ﻓﻴﻬﺎ ﻣﻦ ﺯﻣﺎﺍﺍﺍﺍﺍﻥ
… ﺣﻂ ﺍﻟﺘﻠﻔﻮﻥ ﻓﻮﻕ ﻋﻴﻮﻧﻬﺎ … ﻭ ﻗﺎﻟﻬﺎ ‏( ﻳﺎﺳﻤﻴﻦ ؟ ‏) …. ﻓﺘﺤﺖ
ﻋﻴﻮﻧﻬﺎ ﻭ ﺷﺎﻓﺖ ﺻﻮﺭﺓ ﻗﺪﺍﻡ ﻋﻴﻮﻧﻬﺎ ……

ﺍﻟﺠﺰﺀ ﺍﻟﺜﺎﻟﺚ # ﺑﻘﻠﻢ NS_
@rwayate
” ﺃﺳﺮﺍﺭﻧﺎ ﺑﺎﻟﺤﻴﺎﺓ … ﻣﻨﺨﺎﻑ ﻋﻠﻴﻬﻦ ﻛﺘﻴﻴﻴﻴﻴﺮ …

ﻣﻨﺘﺮﻛﻦ ﺑﻘﻠﺒﻨﺎ ﻭ ﻣﻨﺴﻜّﺮ
ﻋﻠﻴﻬﻦ ﻣﺘﻞ ﻛﺈﻧّﻬﻢ ﺃﻃﻔﺎﻝ ﺻﻐﺎﺭ ﻭ ﻋﻢ ﻧﻬﺘﻢ ﻓﻴﻬﻦ ﺣﺘﻰ ﻣﺎ ﻳﺘﻌﺮﺿﻮﺍ ﻷﻱ
ﺃﺫﻳﺔ … ﻣﻨﻬﺘﻢ ﻛﺘﻴﺮ ﻭ ﻣﻨﻜﻮﻥ ﺣﺬِﺭﻳﻦ ﻟﺤﺘﻰ ﻣﺎ ﺣﺪﺍ ﻳﻌﺮﻓﻬﻢ ﻭ ﻳﻌﺮﻑ
ﻧﻘﻄﺔ ﺿﻌﻔﻨﺎ ﻣﻦ ﺧﻼﻝ ﻫﺎﻷﺳﺮﺍﺭ … ﺍﻟﺴﺮ ﻫﻮ ﻋﺒﺎﺭﺓ ﻋﻦ ﻣﻮﺿﻮﻉ ﻣﻬﻢ
ﺟﺪﺍً ﻣﺎ ﺣﺪﺍ ﺑﻴﻌﺮﻓﻪ ﻏﻴﺮ ﺷﺨﺼﻴﻦ ﺍﺛﻨﻴﻦ … ﺑﺲ ﺍﺫﺍ ﺍﺗﺠﺎﻭﺯ ﻫﺎﻟﻤﻮﺿﻮﻉ ﻋﻦ
ﺍﻟﺸﺨﺼﻴﻦ ﻳﻌﻨﻲ ﻫﺎﻟﺴﺮّ ﺍﻧﻔﻀﺢ … ﻭ ﻣﺎ ﻋﺎﺩﺕ ﺃﻫﻤّﻴﺘﻪ ﻛﺒﻴﺮﺓ ﻣﺘﻞ ﻣﺎ
ﻛﺎﻧﺖ … ” @rwayate
ﻛﺮﻳﻢ : ﺃﻟﻮ .. ﺍﻳﻪ ﺳﻌﻴﺪ .. ﺷﻮ ﺻﺎﺭ ﻣﻌﻚ ؟؟ … ﺗﻤﺎﻡ … ﻧﺎﻃﺮ ﺗﺮﺩّﻟﻲ
ﺧﺒﺮ … ﺑﺎﻱ …
ﻣﺤﻤﺪ : ﺷﻮ ﻛﺮﻳﻢ ؟ ﻓﻲ ﺃﺧﺒﺎﺭ ﺟﺪﻳﺪﺓ ﻋﻦ ﻳﺎﺳﻤﻴﻦ ؟؟؟
ﻛﺮﻳﻢ : ﺍﻭﻭﻭﻭﻓﻔﻔﻒ … ﻻ ﻣﺎ ﻓﻲ ﺷﻲ ﺟﺪﻳﺪ … ﻣﻦ ﺃﺳﺒﻮﻉ ﻟﻠﻴﻮﻡ ﻣﺎ
ﺻﺎﺭ ﺃﻱ ﺷﻲ ﺟﺪﻳﺪ ﻳﻄﻤّﻨّﻲ ﻋﻠﻴﻬﺎ … ﺑﺲ ﺃﻧﺎ ﻣﺄﻛّﺪ ﺍﻧﻬﺎ ﺑﺨﻄﺮ … ﻗﻠﺒﻲ
ﻫﻴﻚ ﻋﻢ ﻳﻘﻮﻝ …
ﻣﺤﻤﺪ : ﺧﻠﻴﻨﺎ ﻧﻨﺘﻈﺮ ﺍﻟﻤﺤﻘّﻖ ﺳﻌﻴﺪ … ﻫﻮ ﺃﻛﻴﺪ ﺭﺡ ﻳﺴﺎﻋﺪﻧﺎ ﻧﻌﺮﻑ ﻛﻞ
ﺷﻲ … ﺃﻧﺎ ﺭﺡ ﺍﻋﻤﻞ ﺟﻮﻟﺔ ﻋﻠﻰ ﻛﻞ ﺍﻟﻠﻲ ﺑﺎﻟﺸﺮﻛﺔ ﻭ ﺍﺳﻤﻊ ﺃﺣﺎﺩﻳﺜﻬﻦ
… ﺑﻠﻜﻲ ﺣﺪﺍ ﺑﻴﻌﺮﻑ ﺷﻲ ﻭ ﻣﺨﺒﻴﻪ ﻋﻠﻴﻨﺎ …
ﻛﺮﻳﻢ : ﻛﺘﻴﺮ ﻣﻨﻴﺢ … ﺧﻠّﺺ ﺟﻮﻟﺘﻚ ﻭ ﺍﺭﺟﻊ ﻟﻌﻨﺪﻱ …
__ ﺑﻌﺪ ﻣﺮﻭﺭ ﺳﺎﻋﺘﻴﻦ __
ﻣﺮﻳﺎﻧﺎ : ﺍﺩﻭﺍﺭﺩ ؟؟؟؟ ﻫﻴﻴﻲ ﺍﺩﻭﺍﺍﺍﺍﺍﺍﺭﺩ ؟؟؟
ﺍﺩﻭﺍﺭﺩ : ﻟﻚ ﺍﻳﻴﻴﻴﻪ .. ﺷﻮ ﻓﻲ ؟ @rwayate
ﻣﺮﻳﺎﻧﺎ : ﻟﻴﻪ ﻫﻴﻚ ﻣﻌﺼﺐ ؟ ﺍﻧﺖ ﻭﺿﻌﻚ ﻣﺶ ﻣﻌﺎﺟﺒﻨﻲ ﻫﺎﻟﻴﻮﻣﻴﻦ !! ﺻﺎﻳﺮ
ﻣﻌﻚ ﺷﻲ ؟؟؟
ﺍﺩﻭﺍﺭﺩ : ﻋﻢ ﻓﻜﺮ ﺑﻴﺎﺳﻤﻴﻦ ؟ !! ﻭﻳﻦ ﻣﻤﻜﻦ ﺗﻜﻮﻥ ؟؟ ﻛﻴﻒ ﻫﻴﻚ ﺍﺧﺘﻔﺖ
ﺑﺪﻭﻥ ﻣﺎ ﺗﺘﺮﻙ ﻭﺭﺍﻫﺎ ﺃﺛﺮ ﺻﻐﻴﺮ ﻳﻮﺻﻠﻨﺎ ﻟﻌﻨﺪﻫﺎ !!!!
ﻣﺮﻳﺎﻧﺎ : ﺍﻧﺖ ﻣﻦ ﻳﻮﻡ ﻳﻮﻣﻚ ، ﺷﻐﻠﻚ ﺍﻟﺸﺎﻏﻞ ﻫﻮ ﻳﺎﺳﻤﻴﻦ .. ﺍﻳﻪ ﺣﻞّ ﻋﻨّﺎ
ﻳﺎﺍﺍﺍﻩ …
ﺳﻤﻊ ﻣﺤﻤﺪ ﻫﺎﻟﺤﺪﻳﺚ ﻭ ﺭﺍﺡ ﺑﺪﻭﻥ ﻣﺎ ﻳﺪﺧﻞ ﻋﻨﺪ ﻣﺮﻳﺎﻧﺎ ﻭ ﺍﺩﻭﺍﺭﺩ … ﻭ
ﻓﻮﺭﺍً ﺭﺍﺡ ﻋﻤﻜﺘﺐ ﻛﺮﻳﻢ ﻭ ﻛﺎﻥ ﺍﻟﻤﺤﻘّﻖ ﺳﻌﻴﺪ ﻋﻨﺪﻩ …
ﻣﺤﻤﺪ : ﻣﺴﺎﻟﺨﻴﺮ …
ﻛﺮﻳﻢ : ﻓﻮﺕ ﻣﺤﻤﺪ … ﻋﻢ ﻧﺤﺎﻭﻝ ﺃﻧﺎ ﻭ ﺳﻌﻴﺪ ﻧﻮﺻﻞ ﻟﻄﺮﻑ ﺍﻟﺨﻴﻂ …
ﻣﺤﻤﺪ : ﺑﺸﻜﻞ ﻋﺎﻡ ﺍﻟﻜﻞّ ﺑﺎﻟﺸﺮﻛﺔ ﻋﻢ ﻳﺤﻜﻲ ﻋﻦ ﺍﺧﺘﻔﺎﺀ ﻳﺎﺳﻤﻴﻦ … ﻳﻌﻨﻲ
ﺍﺧﺘﻔﺎﺀ ﻳﺎﺳﻤﻴﻦ ﺣﺪﻳﺚ ﺍﻟﺴﺎﻋﺔ …
ﺳﻌﻴﺪ : ﻛﺮﻳﻢ ! ﺍﻧﺖ ﻣﻦ ﺣﻮﺍﻟﻲ ﺍﻟﺴﺎﻋﺘﻴﻦ ﺧﺒّﺮﺗﻨﻲ … ﻭ ﻓﺘﺤﺖ ﻣﺤﻀﺮ
ﺑﺨﺼﻮﺹ ﻳﺎﺳﻤﻴﻦ … ﻭ ﺍﻟﺒﺤﺚ ﻭ ﺍﻟﺘﺤﻘﻴﻖ ﺑﻬﺎﻟﻤﻮﺿﻮﻉ ﺑﻠّﺶ ﻣﻦ ﻫﺎﻟﻠﺤﻈﺔ
ﻫﻲ … ﺑﺪّﻱ ﻣﻨّﻚ ﻛﻞ ﺍﻟﻤﻌﻠﻮﻣﺎﺕ ﺍﻟﻜﺒﻴﺮﺓ ﻭ ﺍﻟﺼﻐﻴﺮﺓ ﻋﻦ ﻳﺎﺳﻤﻴﻦ … ﻭ
ﺧﺎﺻﺔ ﺍﻟﻤﻘﺮّﺑﻴﻦ ﻣﻨﻬﺎ … @rwayate
ﻛﺮﻳﻢ : ﻫﻲ ﻣﻬﻨﺪﺳﺔ ﻫﻮﻥ ﺑﺎﻟﺸﺮﻛﺔ … ﻭ ﻋﻨﺪﻫﺎ ﺑﻴﺖ ﺑﻌﻴﺪ ﺷﻮﻱ ﻣﻦ
ﻫﻮﻥ .. ﺑﺲ ﻋﺎﻳﺸﺔ ﻟﻮﺣﺪﻫﺎ ﺑﺎﻟﺒﻴﺖ … ﻣﺎ ﻋﻨﺪﻫﺎ ﺍﻫﻞ ﻭ ﻻ ﺣﺪﺍ … ﻭ
ﺍﻟﺼﺮﺍﺣﺔ ﻓﻲ ﺑﻴﻨﻲ ﻭ ﺑﻴﻨﻬﺎ ﻋﻼﻗﺔ ﺣﺐ ﻣﻦ ﺣﻮﺍﻟﻲ ﺍﻟﺴﻨﺔ … ﻭ ﻣﺎ ﻓﻲ
ﺣﺪﺍ ﻣﻘﺮﺏ ﻣﻨﻬﺎ ﻏﻴﺮﻱ ﺃﻧﺎ …
ﺑﻘﻴﻮﺍ ﻣﺤﻤﺪ ﻭ ﺳﻌﻴﺪ ﻭ ﻛﺮﻳﻢ ﻳﺤﻘﻘﻮﺍ ﻣﻊ ﺑﻌﺾ ﻭ ﻳﻔﺼﻠﻮﺍ ﻭ ﻳﺸﺮﺣﻮﺍ ﻛﻞ
ﺷﻲ ﻟﻮﻗﺖ ﻣﺎ ﺻﺎﺭﺕ ﺍﻟﺴﺎﻋﺔ ٧ ﺍﻟﻤﺴﺎﺀ … ﻭ ﺭﺡ ﻳﺒﺪﺃ ﺍﻟﺒﺤﺚ ﺑﺸﻜﻞ
ﻣﻜﺜّﻒ ﺑﻜﻞ ﺍﻟﺒﻠﺪ ﻟﻴﻮﺻﻠﻮﺍ ﻟﻴﺎﺳﻤﻴﻦ …
ﺗﺎﻧﻲ ﻳﻮﻡ ﻣﻦ ﺍﻟﺴﺎﻋﺔ ﺳﺒﻌﺔ ﺍﻟﺼﺒﺢ ﻛﺎﻧﻮﺍ ﻛﺮﻳﻢ ﻭ ﺳﻌﻴﺪ ﻭ ﻣﺤﻤﺪ ﻃﺎﺑﻌﻴﻦ
ﺻﻮﺭ ﻳﺎﺳﻤﻴﻦ ﻭ ﻋﻢ ﻳﻨﺸﺮﻭﻫﻦ ﺑﻜﻞّ ﻣﻜﺎﻥ ﻭ ﺑﻜﻞّ ﺯﺍﻭﻳﺔ ﻋﺴﻰ ﻭ ﻟﻌﻞّ ﺣﺪﺍ
ﻟﻤﺤﻬﺎ ﺃﻭ ﺑﻴﻌﺮﻑ ﻋﻨﻬﺎ ﺷﻲ … ﻛﺮﻳﻢ ﻛﺎﻥ ﻣﻊ ﻛﻞّ ﺧﻄﻮﺓ ﺑﻴﺨﻄﻴﻬﺎ ﺑﻴﺤﺲّ
ﺑﺸﻲ ﻏﺮﻳﺐ ﺟﻮﺍﺗﻪ … ﺷﻌﻮﺭ ﻋﻢ ﻳﻘﻠّﻪ ﺍﻧﻪ ﻳﺎﺳﻤﻴﻦ ﻣﺶ ﻣﻨﻴﺤﺔ … ﻭ
ﻫﺎﻟﺸﻲ ﻛﺎﻥ ﻳﺄﺛﺮ ﻋﻠﻴﻪ ﻭ ﻳﺰﻳﺪ ﻣﻦ ﺗﻌﺒﻪ ﻭ ﻗﻠﻘﻪ … ﻋﻠﻰ ﺍﻟﺴﺎﻋﺔ ١٢
ﺍﻟﻀﻬﺮ ﺭﻥ ﺗﻠﻔﻮﻥ ﺳﻌﻴﺪ …
ﺳﻌﻴﺪ : ﺃﻟﻮ ؟؟؟
ﺟﻬﺎﺩ : ﺍﻳﻪ ﺳﻴﺪﻱ … ﻣﻌﻚ ﺟﻬﺎﺩ ﺭﺋﻴﺲ ﺍﻟﺠﻬﺎﺯ ﺍﻷﻣﻨﻲ ﻟﻠﻤﻄﺎﺭ …
ﻭﺻﻠﻨﻲ ﺗﺒﻠﻴﻎ ﻣﻦ ﺣﻀﺮﺗﻚ ﻟﻤﻌﺮﻓﺔ ﺃﻱ ﻣﻌﻠﻮﻣﺔ ﻋﻦ ﻳﺎﺳﻤﻴﻦ ﺍﻟﻌﺒﺪﻟﻠﻪ …
ﺳﻌﻴﺪ : ﺻﺢ .. ﺑﺲ ﺧﻴﺮ ؟ ﻋﻨﺪﻙ ﻣﻌﻠﻮﻣﺎﺕ ؟
ﺟﻬﺎﺩ : ﺍﻳﻪ ﻳﻤﻜﻦ ﺃﻧﺎ ﻭﺻﻠﻚ ﻟﻄﺮﻑ ﺍﻟﺨﻴﻂ … ﺍﺗﻔﻀّﻞ ﻋﻠﻰ ﻣﻜﺘﺒﻲ ﺑﺎﻟﻤﻄﺎﺭ
ﻭ ﻣﻨﺤﻜﻲ …
ﻛﺮﻳﻢ : ﺧﻴﺮ ﺳﻌﻴﺪ ؟ ﻓﻲ ﺷﻲ ﺧﺒﺮ ﻋﻦ ﻳﺎﺳﻤﻴﻦ ؟؟؟؟؟
ﺳﻌﻴﺪ : ﻣﺎ ﺑﻌﺮﻑ .. ﻳﻤﻜﻦ ﻭﺻﻠﻨﺎ ﻟﻄﺮﻑ ﺍﻟﺨﻴﻂ … ﺧﻠﻴﻨﺎ ﻧﺮﻭﺡ ﻋﺎﻟﻤﻄﺎﺭ
ﻭ ﻫﻨﺎﻙ ﻣﻨﻌﺮﻑ …
ﺭﺍﺣﻮﺍ ﻋﻠﻰ ﺍﻟﻤﻄﺎﺭ ﻭ ﻛﺮﻳﻢ ﺑﺤﺎﻟﺔ ﺗﻮﺗّﺮ ﻭ ﻣﻌﺼﺐ ﻛﺘﻴﺮ … ﺣﺎﺳﺲ ﺣﺎﻟﻪ
ﺳﺒﺐ ﺑﺈﺧﺘﻔﺎﺀ ﻳﺎﺳﻤﻴﻦ … ﺧﺎﺻﺔ ﺍﻧﻮ ﺁﺧﺮ ﻣﺮﺓ ﺷﺎﻓﻬﺎ ﺻﺎﺭ ﺷﻲ ﻫﻲ ﻣﺎ
ﺑﺘﺤﺒّﻪ ﻭ ﻓﻮﻕ ﻫﻴﻚ ﻃﻠﻌﺖ ﻣﻦ ﻋﻨﺪﻩ ﻣﻌﺼﺒﺔ … ﺗﻔﻜﻴﺮﻩ ﻣﺸﻮّﺵ … ﻋﻘﻠﻪ
ﻣﺨﺮﺑﻂ … ﺃﻓﻜﺎﺭ ﺳﻠﺒﻴﺔ ﻣﺴﻴﻄﺮﺓ ﻋﻠﻴﻪ … ﺣﺎﺳﺲ ﺣﺎﻟﻪ ﺭﺡ ﻳﺼﻴﺮ ﻣﺠﻨﻮﻥ
… ﻃﻠﻊ ﻣﻦ ﺃﻓﻜﺎﺭﻩ ﻭﻗﺖ ﺍﻧﺘﺒﻪ ﺍﻧّﻪ ﺍﻟﺮﺋﻴﺲ ﺟﻬﺎﺩ ﻋﻢ ﻳﺴﻠّﻢ ﻋﻠﻴﻪ …
ﺟﻬﺎﺩ : ﺍﻫﻼ ﻭ ﺳﻬﻼ … ﺍﺗﻔﻀﻠﻮﺍ @rwayate
ﺳﻌﻴﺪ : ﺑﻌﺮﻓﻚ ﻋﻠﻰ ﺍﻟﺴﻴﺪ ﻛﺮﻳﻢ ﺧﻴﺮﺍﻟﻠﻪ … ﺑﻜﻮﻥ ﺻﺎﺣﺐ ﺍﻟﺸﺮﻛﺔ ﺍﻟﻠﻲ
ﺑﺘﺸﺘﻐﻞ ﻓﻴﻬﺎ ﻳﺎﺳﻤﻴﻦ … ﻭ ﻫﻮ ﺍﻟﻠﻲ ﺑﻠﻎ ﻋﻦ ﺍﺧﺘﻔﺎﺀﻫﺎ … ﻭ ﺍﻷﺥ ﻣﺤﻤﺪ
ﺑﻜﻮﻥ ﺻﺪﻳﻖ ﻛﺮﻳﻢ ﻭ ﺯﻣﻴﻞ ﻳﺎﺳﻤﻴﻦ ..
ﺟﻬﺎﺩ : ﺍﺗﺸﺮﻓﺖ ﺑﻤﻌﺮﻓﺘﻜﻦ … ﺭﺡ ﺍﺩﺧﻞ ﺑﺎﻟﻤﻮﺿﻮﻉ ﻣﺒﺎﺷﺮﺓً … ﺑﺲ
ﻋﻨﺪﻱ ﺳﺆﺍﻝ !؟ !؟ ! ﻣﻦ ﺃﻳﻤﺘﻰ ﻳﺎﺳﻤﻴﻦ ﻣﻔﻘﻮﺩﺓ ؟
ﻛﺮﻳﻢ : ﺣﻮﺍﻟﻲ ﺍﻷﺳﺒﻮﻉ !!! ﻟﻴﻪ ؟؟؟
ﺟﻬﺎﺩ : ﻣﻦ ٨ ﺃﻳﺎﻡ ؛ ﺣﺠﺰﺕ ﻋﺎﻟﻄﻴﺎﺭﺓ ﺍﻟﻔﺮﻧﺴﻴﺔ ﺑﺲ ﺍﻟﻠﻲ ﺧﻼﻧﻲ ﺍﺗﺼﻞ
ﻓﻴﻜﻦ ﻫﻮ ﺇﻧﻬﺎ ﻣﺎ ﺳﺎﻓﺮﺕ … ﻭ ﻧﻄﺮﺕ ﺧﺒﺮ ﺳﻌﻴﺪ ﻗﺒﻞ ﻭ ﺷﻮﻑ ﻫﻮ ﺷﻮ
ﺭﺃﻳﻪ ﺑﺎﻟﻤﻮﺿﻮﻉ !!!
ﺳﻌﻴﺪ : ﺷﻮ ﺻﺎﺭ ﺣﺘﻰ ﻣﺎ ﺳﺎﻓﺮﺕ ؟؟؟ ﺷﻮ ﺍﻟﻠﻲ ﺻﺎﺭ ﻭ ﻣﻨﻌﻬﺎ
ﺗﺴﺎﻓﺮ ؟ !؟ !
ﻛﺮﻳﻢ : ﺃﻧﺎ ﺣﺎﺳﺲ ﻓﻲ ﺷﻲ ﻣﺶ ﻣﻨﻴﺢ ﻋﻢ ﻳﺼﻴﺮ … ﺣﺎﺳﺲ ﺍﻧﻮ ﻳﺎﺳﻤﻴﻦ
ﺑﺨﻄﺮ ﻭ ﺃﻧﺎ ﻗﺎﻋﺪ ﻫﻮﻥ … ﺳﻌﻴﺪ ﺑﺪﻙ ﺗﻼﻗﻴﻬﺎ … ﺑﻌﻄﻴﻚ ﻛﻞ ﺷﻲ ﺑﻤﻠﻜﻪ
ﺑﺲ ﺑﺪﻱ ﻳﺎﺳﻤﻴﻦ …
ﺳﻌﻴﺪ : ﻛﺮﻳﻢ ! ﺇﻫﺪﻯ ﻭ ﻃﻮّﻝ ﺑﺎﻟﻚ … ﻣﺶ ﻫﻴﻚ ﺍﻷﻣﻮﺭ ﺑﺘﻨﺤﻞّ !! ﺑﻌﺪﻧﺎ
ﺑﺄﻭﻝ ﺍﻟﻤﺘﺎﻫﺔ … ﻫﻸ ﺃﻋﻄﻴﻨﻲ ﺭﻗﻢ ﻳﺎﺳﻤﻴﻦ ؛ ﺧﻠﻴﻨﻲ ﺇﺑﻌﺘﻪ ﻟﻠﺸﺒﺎﺏ
ﺑﺎﻟﻤﺮﻛﺰ ﻳﺸﻮﻓﻮﻟﻲ ﻛﻞ ﺍﻷﺗﺼﺎﻻﺕ ﺍﻟﻠﻲ ﺍﺗﻠﻘﺘﻬﺎ ﻭ ﺍﻟﻠﻲ ﻫﻲ ﺍﺗﺼﻠﺘﻬﺎ
ﺑﻬﺎﻟﻴﻮﻡ ﻟﻨﺸﻮﻑ ﺷﻮ ﺑﻴﻄﻠﻊ ﻣﻌﻨﺎ …
ﺟﻬﺎﺩ : ﻋﻔﻮﺍً ﻋﻠﻰ ﺳﺆﺍﻟﻲ !! ﺑﺲ ﻟﻴﻪ ﺍﻟﺴﻴﺪ ﻛﺮﻳﻢ ﻣﻨﻔﻌﻞ ﻫﻴﻚ ؟

ﻣﺤﻤﺪ : ﻛﺮﻳﻢ ﻭ ﻳﺎﺳﻤﻴﻦ ﺑﺤﺒّﻮﺍ ﺑﻌﺾ .. ﻟﻬﻴﻚ ﻫﻮ ﻣﻨﻔﻌﻞ ﺯﻳﺎﺩﺓ …
ﺟﻬﺎﺩ : ﻋﻠﻰ ﻛﻠّﺎً ﻣﺎ ﺗﻘﻠﻖ ﺇﺳﺘﺎﺫ ﻛﺮﻳﻢ .. ﻛﻞ ﺷﻲ ﺑﻴﻨﺤﻞّ ﺑﺲ ﺑﺪّﻭ ﺻﺒﺮ ﻭ
ﺗﺮﻭّﻱ … ﻳﻌﻨﻲ ﺑﺪﻙ ﺗﻜﻮﻥ ﻫﺎﺩﺉ ﻭ ﻣﺎ ﺑﺪﻙ ﺗﻨﻔﻌﻞ … ﻻﺯﻡ ﺗﺪﻭّﺭ ﻋﻠﻴﻬﺎ ﻭ
ﻳﻜﻮﻥ ﻋﻘﻠﻚ ﻣﻔﺘﻮﺡ ﻋﺎﻷﺧﻴﺮ …
ﻛﺮﻳﻢ : ﻋﻘﻠﻲ ﻣﺶ ﻣﻌﻲ ﻳﺎ ﺟﻤﺎﻋﺔ … ﺑﻌﺘﺬﺭ ﻣﻨﻜﻢ .. ﺑﺲ ﺃﻧﺎ ﺗﻌﺒﺎﻥ ﻛﺘﻴﺮ
…
ﺳﻌﻴﺪ : ﺧﻠﺺ ﺇﻣﺸﻲ ﺧﻠﻴﻨﺎ ﻧﺮﻭﺡ ﻋﺎﻟﻤﺮﻛﺰ ﻭ ﺃﻧﺎ ﻭ ﺍﻧﺖ ﻣﻨﻌﻤﻞ ﻛﺸﻒ ﻋﻠﻰ
ﺭﻗﻢ ﻳﺎﺳﻤﻴﻦ ….. ﺟﻬﺎﺩ ! ﺷﻜﺮﺍً ﻋﻠﻰ ﻫﺎﻟﻤﻌﻠﻮﻣﺔ ﺍﻟﻠﻲ ﺃﻋﻄﻴﺘﻨﺎ ﻫﻲ …
ﻳﻤﻜﻦ ﻫﺎﻟﻤﻌﻠﻮﻣﺔ ﺗﻜﺸﻔﻠﻨﺎ ﻛﺘﻴﺮ ﺃﻣﻮﺭ ﻣﺨﺒﺎﻳﺔ … ﻭ ﺧﻠﻴﻨﺎ ﻋﻠﻰ ﺗﻮﺍﺻﻞ
ﻹﻧﻲ ﻳﻤﻜﻦ ﺇﺣﺘﺎﺟﻚ …
ﺟﻬﺎﺩ : ﺍﻭﻛﻲ ﺍﻫﻼ ﻭ ﺳﻬﻼ ﺷﺮﻓﺘﻮﺍ !!
ﺭﺍﺣﻮﺍ ﻛﺮﻳﻢ ﻭ ﺍﻟﻤﺤﻘﻖ ﺳﻌﻴﺪ ﻣﻦ ﺍﻟﻤﻄﺎﺭ ﻋﻠﻰ ﺍﻟﻤﺮﻛﺰ ﺍﻟﺠﻨﺎﺋﻲ ، ﻭ ﻣﺤﻤﺪ
ﺭﺍﺡ ﻋﻠﻰ ﺍﻟﺸﺮﻛﺔ … ﺩﺧﻠﻮﺍ ﻋﻠﻰ ﺍﻟﻤﻜﺘﺐ ﻭ ﻛﺮﻳﻢ ﻣﺘﺸﻨّﺞ .. ﺧﺎﻳﻒ ﻣﻦ
ﺍﻟﻠﻲ ﻋﻢ ﻳﺼﻴﺮ … ﻭ ﻫﺎﻟﺨﻮﻑ ﻣﺘﻠﺒﺴﻪ ﻟﺒﺲ ﻹﻧﻪ ﺧﺎﻳﻒ ﻳﺨﺴﺮﻫﺎ …
ﺧﺎﻳﻒ ﻣﺎ ﻋﺎﺩ ﻳﺸﻮﻓﻬﺎ .. ﺧﺎﻳﻒ ﺣﺐ ﺣﻴﺎﺗﻪ ﻳﻀﻴﻊ ﻣﻦ ﺑﻴﻦ ﺇﻳﺪﻳﻪ …
ﺳﻌﻴﺪ : ﻳﻼ ﻛﺮﻳﻢ ﺷﻮ ﺭﻗﻢ ﻳﺎﺳﻤﻴﻦ ؟
ﺃﻋﻄﺎﻩ ﺭﻗﻤﻬﺎ ﻭ ﻗﻌﺪ ﻋﻠﻰ ﺍﻟﻜﺮﺳﻲ ﻫﻮ ﻭ ﻣﻮﺗّﺮ ……

ﺍﻟﺠﺰﺀ ﺍﻟﺮﺍﺑﻊ #ﺑﻘﻠﻢ NS_
@rwayate
ﺃﻋﻄﺎﻩ ﺭﻗﻤﻬﺎ ﻭ ﻗﻌﺪ ﻋﻠﻰ ﺍﻟﻜﺮﺳﻲ ﻫﻮ ﻭ ﻣﻮﺗّﺮ …. ﺑﻌﺪ ٣ ﺩﻗﺎﺋﻖ …
ﺳﻌﻴﺪ : ﺧﻼﻝ ﻫﺎﻷﺳﺒﻮﻉ ﻣﺎ ﻓﻲ ﺃﻱ ﺍﺗﺼﺎﻻﺕ ﺍﻭ ﺭﺳﺎﺋﻞ … ﻳﻌﻨﻲ ﻣﻦ
ﻭﻗﺘﻬﺎ ﺗﻠﻔﻮﻧﻬﺎ ﻣﻐﻠﻖ …
ﻛﺮﻳﻢ : ﺍﻳﻪ ﺻﺢ ﻧﺴﻴﺖ ﺧﺒﺮﻙ ﺍﻧﻲ ﻣﻦ ﻳﻮﻣﻬﺎ ﻋﻢ ﺣﺎﻭﻝ ﺍﺗﺼﻞ ﻓﻴﻬﺎ ﻭ ﻋﻢ
ﻳﻌﻄﻴﻨﻲ ﻣﻐﻠﻖ … ﻃﻴﺐ ﻣﺎ ﻃﻠﻊ ﻋﻨﺪﻙ ﻣﻴﻦ ﺣﻜﺖ ﺁﺧﺮ ﺷﻲ ؟؟؟
ﺳﻌﻴﺪ : ﻻ … ﺁﺧﺮ ﻣﻜﺎﻟﻤﺔ ﻛﺎﻧﺖ ﻣﻌﻚ ، ﻗﺒﻞ ﺑﻠﻴﻠﺔ ﻣﻦ ﺍﺧﺘﻔﺎﺀﻫﺎ …
ﻛﺮﻳﻢ : ﺍﻭﻭﻭﻭﻭﻓﻔﻒ … ﻣﺎ ﻗﺎﺩﺭ ﺇﻫﺪﻯ ﻭ ﺇﺭﺗﺎﺡ … ﻓﻲ ﺷﻲ ﻋﻢ ﻳﺼﻴﺮ
ﻋﻠﻰ ﻳﺎﺳﻤﻴﻦ … ﺇﺣﺴﺎﺳﻲ ﻛﺘﻴﺮ ﻗﻮﻱ ﺍﻧﻬﺎ ﺑﺨﻄﺮ ﻭ ﺑﺤﺎﺟﺘﻲ …
ﺳﻌﻴﺪ : ﻛﺮﻳﻢ ﺑﺪﻙ ﺗﻄﻮّﻝ ﺑﺎﻟﻚ .. ﻣﺶ ﺑﻴﻮﻡ ﻭ ﻻ ﺑﻴﻮﻣﻴﻦ ﺭﺡ ﻧﻼﻗﻴﻬﺎ …
ﻳﻤﻜﻦ ﺍﺳﺒﻮﻉ .. ﻳﻤﻜﻦ ﺷﻬﺮ .. ﻳﻤﻜﻦ ﺷﻬﺮﻳﻦ .. ﺳﻨﺔ .. ﺳﻨﺘﻴﻦ … ﺑﺲ
ﺭﺡ ﻧﻼﻗﻴﻬﺎ … ﻭ ﻗﺪ ﻣﺎ ﻛﺎﻧﺖ ﻫﺎﻟﻔﺘﺮﺓ ﺑﺪﻙ ﺗﻜﻮﻥ ﻫﺎﺩﺉ … ﺑﻌﺮﻑ ﺍﻧﻮ
ﻣﺶ ﺑﺈﻳﺪﻙ ﻭ ﻹﻧﻚ ﺑﺘﺤﺒﻬﺎ ﺧﺎﻳﻒ ﻋﻠﻴﻬﺎ … ﺑﺲ ﺍﺫﺍ ﻓﻜّﺮﻧﺎ ﺑﻬﺪﻭﺀ ﺭﺡ ﻧﻮﺻﻞ
ﻟﻜﻞّ ﺍﻟﺤﻘﻴﻘﺔ ﺍﻟﻠﻲ ﺭﺡ ﺗﻮﺻﻠﻨﺎ ﻟﻴﺎﺳﻤﻴﻦ …
ﻛﺮﻳﻢ : ﻃﻴﺐ ﺍﻭﻋﺪﻧﻲ ﺍﻧﻚ ﺑﺄﺳﺮﻉ ﻭﻗﺖ ﺭﺡ ﺗﻼﻗﻴﻬﺎ …
ﺳﻌﻴﺪ : ﻭﻋﺪ ﻛﺮﻳﻢ .. ﻭﻋﺪ ﻻﻗﻴﻬﺎ ﻭ ﺭﺟﻌﻬﺎ ﻟﻘﻠﺒﻚ ﺑﺨﻴﺮ …
ﻛﺮﻳﻢ : ﻃﻴﺐ ﻭ ﻫﻸ ﺷﻮ ﺍﻟﻌﻤﻞ ؟ ﻣﺎ ﺍﺳﺘﻔﺪﻧﺎ ﺑﺸﻲ ﻣﻦ ﺭﻗﻤﻬﺎ …
ﺳﻌﻴﺪ : ﻳﻴﻴﻲ ﻟﻚ ﻛﻴﻒ ﻧﺴﻴﺖ ﺃﻧﺎ ؟؟؟ ﻗﻮﻡ ﺑﺴﺮﻋﺔ ﺧﻠﻴﻨﺎ ﻧﺮﺟﻊ ﻧﺮﻭﺡ
ﻋﺎﻟﻤﻄﺎﺭ … ﻓﻲ ﺷﻲ ﻛﺘﻴﺮ ﻣﻬﻢ ﻻﺯﻡ ﺃﻋﻤﻠﻪ …
___ @rwayate
” ﺣﺒّﻴﺘﻚ ﻛﺘﻴﻴﻴﻴﺮ … ﺣﺒّﻴﺘﻚ ﻣﻦ ﻛﻞ ﻗﻠﺒﻲ ﻳﺎ ﻛﻠﺐ ﻳﺎ ﺧﻨﺰﻳﺮ … ﺣﺒّﻴﺘﻚ ﺣﺐ
ﻃﺎﻫﺮ ﻭ ﺷﺮﻳﻒ ﻭ ﻧﻘﻲ … ﺣﺒّﻴﺘﻚ ﻣﻦ ﺃﻧﺎ ﻭ ﺻﻐﻴﺮﺓ ﻭ ﺍﺗﺤﺪّﻳﺖ ﺃﻫﻠﻲ
ﻛﺮﻣﺎﻟﻚ … ﺣﺒّﻴﺘﻚ ﻭ ﻣﺎ ﻛﻨﺖ ﺑﻌﺮﻑ ﺍﻧّﻚ ﺑﻼ ﺷﺮﻑ ﻭ ﺑﻼ ﺿﻤﻴﺮ ﻭ ﺑﻼ ﻗﻠﺐ
ﻭ ﺑﻼ ﺃﺧﻼﻕ … ﺣﺒّﻴﺘﻚ ﻋﻠﻰ ﺃﺳﺎﺱ ﺍﻧّﻚ ﺍﻧﺴﺎﻥ ، ﺑﺲ ﻃﻠﻌﺖ ﺣﻴﻮﺍﻥ …
ﻣﺨﺎﺩﻉ … ﻣﺮﻳﺾ ﻧﻔﺴﻲ … ﺍﻟﻠﻪ ﻻ ﻳﻬﻨّﻴﻚ ﺑﺤﻴﺎﺗﻚ … ﺍﻟﻠﻪ ﻻ
ﻳﻮﻓﻘﻘﻘﻘﻘﻜﻜﻜﻜﻜﻚ … ﺍﻟﻠﻪ ﻻ ﻳﺴﺎﺍﺍﺍﺍﻣﺤﺤﺤﺤﺤﻜﻚﻛﻜﻚ … ﺍﺍﺍﺍﺍﺍﺍﺍﺧﺨﺨﺨﺨﺦ …
ﻳﺎ ﺍﻣﻴﻴﻴﻴﻴﻲ … ﺑﺪﻱ ﺍﻣّﻴﻴﻴﻴﻴﻲ ”
ﻛﻼﻡ ﻋﻢ ﻳﻄﻠﻊ ﻣﻦ ﻗﻠﺐ ﻋﻢ ﻳﺤﺘﺮﻕ ﻣﺘﻠﻮ ﻣﺘﻞ ﺍﻟﺠﻤﺮ … ﻛﻼﻡ ﻋﻢ ﻳﻄﻠﻊ
ﺑﺼﻮﺕ ﻓﻴﻪ ﺭﺟﻔﺔ ﻭ ﺑﺤّﺔ ﻭﺟﻊ … ﻛﻼﻡ ﻣﻤﺰﻭﺝ ﻣﻊ ﺩﻣﻮﻉ ﻭ ﺻﺮﺍﺥ ﻭ ﺃﻧﻴﻦ
…
ﻣﺠﻬﻮﻝ : ﻳﺎ ﺭﻭﺣﻲ ﺍﻧﺘﻲ … ﻳﺎ ﻋﻤﺮﻱ ﺍﻧﺘﻲ … ﻟﻴﻪ ﻋﻢ ﺗﺒﻜﻲ ؟؟؟
ﻳﺎﺳﻤﻴﻦ : ﺍﻟﻠﻪ ﻳﺎﺍﺍﺍﺍﺍﺧﺨﺨﺨﺨﺪﺩﺩﺩﺩﻛﻜﻜﻜﻚ … ﺷﻮ ﺑﺪﻙ ﻣﻨﻴﻴﻴﻴﻲ ؟؟؟
ﻣﺠﻬﻮﻝ : ﺃﻧﺎ ؟؟؟ ﻳﺎ ﻗﻠﺒﻲ ﺍﻧﺘﻲ … ﻣﺎ ﺑﺪﻱ ﻣﻨﻚ ﺷﻲ … ﺑﺪﻱ ﻳﺎﻛﻲ ﺇﻟﻲ
ﻭ ﺑﺲ … ﻣﺎ ﺑﺪﻱ ﺃﻛﺘﺮ ﻣﻦ ﻫﻴﻚ …
ﻳﺎﺳﻤﻴﻦ : ﻓﺸﺮﺕ ﻳﺎ ﻛﻠﺐ ﻳﺎ ﻭﺍﻃﻲ … ﻣﺎ ﺗﺤﻠﻢ ﻟﻮ ﺩﻗﻴﻘﺔ ﻭﺣﺪﺓ ﺍﻧﻲ ﻛﻮﻥ
ﺇﻟﻚ … ﺍﺻﻼً ﺍﺫﺍ ﻛﺎﻥ ﺑﺪﻱ ﻳﺎﻙ ، ﻛﻴﻒ ﺑﺪﻱ ﻋﻴﺶ ﻣﻊ ﻭﺍﺣﺪ ﻣﺠﻨﻮﻥ ؟ ﻣﻊ
ﻭﺍﺣﺪ ﺣﻘﻴﺮ ﻣﺘﻠﻚ …
ﺣﻤﻞ ﻛﺮﺳﻲ ﻭ ﺣﻄﻬﺎ ﻗﺪّﺍﻡ ﻳﺎﺳﻤﻴﻦ … ﻗﻌﺪ ﻋﻠﻴﻬﺎ ﻭ ﻗﺮّﺏ ﺷﻮﻱ ﻟﻌﻨﺪ
ﻭﺟﻬﻬﺎ … @rwayate
ﻳﺎﺳﻤﻴﻦ ‏( ﺑﻌﺼﺒﻴﺔ ‏) : ﺍﻧﻘﺒﺮ ﻣﻦ ﻫﻮﻭﻭﻭﻥ … ﺍﺑﻌﺪ ﻋﻨﻴﻴﻴﻲ …
ﻣﺠﻬﻮﻝ : ﺑﺪّﻙ ﺗﻜﻮﻧﻲ ﺭﺍﻳﻘﺔ ﻳﺎ ﺣﻠﻮﺓ … ﻭ ﺇﻟّﺎ ﺑﺪّﻙ ﺗﺨﻠﻴﻨﻲ ﺍﻗﻔﻞ ﺗﻤﻚ …
ﻳﺎﺳﻤﻴﻦ : ﻗﻮﻡ ﻣﻦ ﻫﻮﻥ ﻭ ﺑﻔﻜّﺮ ﺍﻧﻲ ﺭﻭﻕ ﺍﻫﺪﻯ ﻭ ﺍﺫﺍ ﻣﺎ ﻗﻤﺖ ﺭﺡ ﺿﻞ
ﺍﺻﺮﺥ ﻟﺤﺘّﻰ ﻛﻞ ﺍﻟﺪﻧﻴﺎ ﺗﺴﻤﻌﻨﻲ …
ﻗﺮّﺏ ﻣﻨﻬﺎ ﺃﻛﺘﺮ ﻭ ﺣﻂّ ﺍﺻﺒﻌﻪ ﻋﻠﻰ ﺷﻔﺎﻓﻬﺎ … ﻓﺘﻠﺖ ﻳﺎﺳﻤﻴﻦ ﻭﺟﻬﻬﺎ
ﻟﻠﺠﻬﺔ ﺍﻟﺘﺎﻧﻴﺔ …
ﻣﺠﻬﻮﻝ : ﻳﺎ ﺍﻟﻠﻪ ﻫﺎﻟﺸﻔﺎﻑ ﺷﻮ ﺣﻠﻮﻳﻴﻴﻴﻴﻦ … ﺷﻮ ﻛﻨﺖ ﺍﺗﻤﻨﻰ ﻗﺮّﺏ ﻣﻨﻚ
ﻭ ﻣﻨﻬﻢ ﻳﺎ ﻳﺎﺳﻤﻴﻦ …
ﻳﺎﺳﻤﻴﻦ : ﺷﻴﻞ ﺇﻳﺪﻙ ﻋﻨّﻲ ﺃﺣﻠﻰ ﻣﺎ ﻣﻮﺗﻚ …
ﻣﺠﻬﻮﻝ : ﻫﻬﻬﻬﻬﻬﻬﻬﻪ … ﻳﺎ ﺍﻟﻠﻪ ﺷﻮ ﻣﻬﻀﻮﻭﻭﻭﻭﻣﺔ … ﻫﻬﻬﻬﻬﻪ .. ﺍﺥ
ﻳﺎ ﺑﻄﻨﻲ … ﻋﻨﺠﺪ ﺿﺤﻜﺘﻴﻨﻲ … ﻛﻴﻒ ﺑﺪﻙ ﺗﻤﻮﺗﻴﻨﻲ ﻭ ﺇﺟﺮﻳﻜﻲ ﻭ ﺍﻳﺪﻳﻜﻲ
ﻣﺮﺑﻮﻃﻴﻦ ؟؟؟؟
ﻳﺎﺳﻤﻴﻦ : ﻃﻴﺐ ﻣﻴﻦ ﺍﻧﺖ ؟؟؟ ﻓﺮﺟﻴﻨﻲ ﻋﻠﻰ ﻭﺟﻬﻬﻚ … ﻟﻴﻪ ﻣﻐﻄﻴﻪ ؟؟؟
ﺑﺪﻱ ﺍﻋﺮﻑ ﻣﻴﻦ ﺍﻧﺖ ..
ﻣﺠﻬﻮﻝ : ﻣﺎ ﻓﻲ ﺩﺍﻋﻲ ﺗﻌﺮﻓﻴﻨﻲ … ﻣﻴﻦ ﻣﺎ ﻛﻨﺖ ﺍﻧﺎ ﻛﻮﻥ … ﺍﻟﻤﻬﻢ ﺍﻧﻚ
ﻋﻨﺪﻱ ﻭ ﻣﻌﻲ ﻣﺶ ﻣﻊ ﻛﺮﻳﻢ ﺍﻟﻜﻠﺐ …
ﻳﺎﺳﻤﻴﻦ : ﻛﺮﻳﻢ ؟ ﻟﻴﻪ ﺍﻧﺖ ﺑﺘﻌﺮﻑ ﻛﺮﻳﻢ ؟؟؟
ﻣﺠﻬﻮﻝ : ﺍﻧﺎ ﺍﻟﻠﻲ ﺑﻌﺮﻓﻪ ﻟﻠﻮﺍﻃﻲ … ﺍﻧﺖ ﻫﻮﻥ ﺑﺴﺒﺒﻪ …
ﻳﺎﺳﻤﻴﻦ : ﺷﻮﻭﻭﻭﻭﻭ ؟؟؟؟ ﺑﺴﺒﺐ ﻣﻴﻴﻴﻴﻴﻦ ؟ ﺑﺴﺒﺐ ﻛﺮﻳﻢ ؟؟؟
ﻣﺠﻬﻮﻝ : ﺍﻳﻪ ﺑﺴﺒﺒﻪ .. ﻫﻮ ﺍﻟﺴﺒﺐ .. ﻫﻮ ﻗﺮﻳﺐ ﻣﻨﻚ ﻭ ﺃﻧﺎ ﻻ .. ﺑﺲ
ﻳﻜﻮﻥ ﻋﻨﺪﻱ ﺷﻲ ﺷﻐﻠﺔ ﺑﺎﻟﺸﺮﻛﺔ ﻋﻨﺪﻛﻦ ﻭ ﺷﻮﻓﻚ ﻣﻌﻪ ، ﻛﺎﻥ ﺍﻟﺪﻡ ﻳﻄﻠﻊ
ﻟﺮﺍﺳﻲ … ﻭ ﻣﺮﺓ ﺷﻔﺘﻪ ﻗﺮﻳﺐ ﻛﺘﻴﺮ ﻣﻦ ﺷﻔﺎﻓﻚ … ﻭﻗﺘﻬﺎ ﻗﺮﺭﺕ ﺟﻴﺒﻚ
ﻟﻌﻨﺪﻱ …
ﻳﺎﺳﻤﻴﻦ : ﻭ ﻛﻴﻒ ﻫﻴﻚ ؟ ﺍﻧﻮ ﺍﻧﺖ ﺑﺘﺨﺘﺎﺭ ﺑﻨﺖ ﻭ ﺑﺘﺤﺒﻬﺎ ﻭ ﺑﺘﺠﻴﺒﺎ ﻟﻌﻨﺪﻙ
ﺑﺪﻭﻥ ﻣﺎ ﺗﺴﺄﻟﻬﺎ ﺃﻭ ﺗﺎﺧﺪ ﻣﻮﺍﻓﻘﺘﻬﺎ ؟ ﺍﻟﻌﻤﻰ ﺑﻘﻠﺒﻚ ﺷﻮ ﺍﻧﻚ ﻭﺍﻃﻲ …
ﻣﻴﻦ ﻣﻔﻜﺮ ﺣﺎﻟﻚ ؟ ﻛﺮﻳﻢ ﻣﺎ ﺭﺡ ﻳﺘﺮﻛﻨﻲ ﻭ ﻫﻮ ﺍﻛﻴﺪ ﻋﻢ ﻳﺪﻭّﺭ ﻋﻠﻴﻲ ﻭ ﺭﺡ
ﻳﻼﻗﻴﻨﻲ ﻭ ﺭﻭﺡ ﻣﻌﻪ …
ﻣﺴﻜﻬﺎ ﻟﻴﺎﺳﻤﻴﻦ ﻣﻦ ﺧﻨﺎﻗﻬﺎ ﻭ ﺻﺎﺭ ﻳﺤﻜﻲ ﻣﻦ ﺑﻴﻦ ﺃﺳﻨﺎﻧﻪ ﺑﻌﺼﺒﻴﺔ : ﺍﻧﺘﻲ
ﺇﻟﻲ ﻭ ﺑﺲ … ﻭ ﺍﺳﻢ ﻛﺮﻳﻢ ﻣﻤﻨﻮﻉ ﺗﺠﻴﺒﻴﻪ ﻋﻠﻰ ﻟﺴﺎﻧﻚ ﻭ ﺇﻻ ﺑﻤﻮﺗﻚ ﺍﻧﺘﻲ
ﻭ ﻳﺎﻩ ..

ﻭ ﻫﺎﻟﻤﻜﺎﻥ ﺻﻌﺐ ﻛﺘﻴﺮ ﺣﺪﺍ ﻳﻌﺮﻓﻪ … ﻭ ﺍﺫﺍ ﻋﺮﻑ ﻣﻜﺎﻧﻚ ﺭﺡ
ﺍﻗﺘﻠﻪ ﻫﻮﻥ … ﻗﺪّﺍﻡ ﻋﻴﻮﻧﻚ …
ﺗﺮﻛﻬﺎ ﻟﻴﺎﺳﻤﻴﻦ ﻭ ﻫﻲ ﻋﻢ ﺗﺴﻌﻞ ﻭ ﺗﺎﺧﺪ ﻧﻔﺲ … ﻛﺎﻧﺖ ﺭﺡ ﺗﻤﻮﺕ ﻣﻦ
ﻛﺘﺮ ﻣﺎ ﺷﺪّ ﺇﻳﺪﻳﻪ ﻋﻠﻰ ﺧﻨﺎﻗﻬﺎ … ﻭ ﺻﺎﺭﺕ ﺗﺒﻜﻲ ﻭ ﺗﺪﻋﻲ ﺍﻟﻠﻪ ﺍﻧﻮ ﺣﺪﺍ
ﻳﺨﻠﺼﻬﺎ ﻣﻦ ﻫﺎﻟﻤﺠﻨﻮﻥ …
______
‏( ﻓﻲ ﺍﻟﻤﻄﺎﺭ ‏) :
ﺳﻌﻴﺪ : ﻛﻴﻔﻚ ﺟﻬﺎﺩ ؟
ﺟﻬﺎﺩ : ﺍﻟﺤﻤﺪﻟﻠﻪ .. ﺧﻴﺮ ﻣﺒﻴﻦ ﺭﺟﻌﺘﻮﺍ ؟ ﺻﺎﺭ ﻣﻌﻜﻦ ﺷﻲ ﺟﺪﻳﺪ ؟؟؟
ﺳﻌﻴﺪ : ﺑﺪﻱ ﺳﺠﻞ ﺍﻟﻜﺎﻣﻴﺮﺍﺕ ﻣﻦ ٨ ﺃﻳﺎﻡ ﻟﻠﻴﻮﻡ …
ﺟﻬﺎﺩ : ﺧﻴﺮ ﻓﻲ ﺷﻲ ؟ ﻟﺸﻮ ﺑﺪﻙ ﻳﺎﻩ ؟؟؟
ﺳﻌﻴﺪ : ﺑﺪﻱ ﺷﻮﻑ ﻣﻦ ﺧﻼﻝ ﺍﻟﻜﺎﻣﻴﺮﺍﺕ ﺗﺤﺮﻛﺎﺕ ﻳﺎﺳﻤﻴﻦ ﺩﺍﺧﻞ ﺍﻟﻤﻄﺎﺭ ﻭ
ﺷﻮ ﺻﺎﺭ ﻟﺤﺘﻰ ﻣﺎ ﺳﺎﻓﺮﺕ … ﻫﺎﻟﺸﻲ ﻫﻮ ﺍﻟﻠﻲ ﺭﺡ ﻳﻮﺻﻠﻨﺎ ﻟﻠﺤﻘﻴﻘﺔ …
ﻛﺮﻳﻢ : ﺍﻳﻪ ﻭﺍﻟﻠﻪ ﻣﻌﻚ ﺣﻖ … ﺑﺴﺮﻋﺔ ﺳﻴﺪ ﺟﻬﺎﺩ ﻟﻮ ﺳﻤﺤﺖ …
ﺟﻬﺎﺩ : ﺻﺢ .. ﺍﻧﺎ ﻧﺎﺳﻲ ﻫﺎﻟﻤﻮﺿﻮﻉ ﻛﻠﻴﺎً … ﺧﻠﻮﻧﺎ ﻧﺮﻭﺡ ﻋﻠﻰ ﻏﺮﻓﺔ
ﺍﻟﻜﺎﻣﻴﺮﺍﺕ ﻭ ﻫﻨﺎﻙ ﻣﻨﺸﻮﻑ ﻛﻞ ﺷﻲ …
________
ﺑﻌﺪ ﻣﺮﻭﺭ ﺣﻮﺍﻟﻲ ﺍﻟﻨﺼﻒ ﺳﺎﻋﺔ ﻣﻦ ﺍﻟﺼﻤﺖ … ﺧﻄﺮ ﻋﻠﻰ ﺑﺎﻝ ﻳﺎﺳﻤﻴﻦ
ﺳﺆﺍﻝ ﺗﺴﺄﻟﻪ ﻟﻠﺸﺨﺺ ﺍﻟﻠﻲ ﺧﺎﻃﻔﻬﺎ …
ﻳﺎﺳﻤﻴﻦ : ﻓﻲ ﻣﻮﺿﻮﻉ ﺑﺪﻱ ﺍﺣﻜﻴﻪ ﻣﻌﻚ … ﻛﺎﻡ ﺭﺍﻳﺢ ﻋﻦ ﺑﺎﻟﻲ ﻛﻠﻴﺎً ﻭ
ﻫﻸ ﺍﺗﺬﻛﺮﺗﻪ …
ﻣﺠﻬﻮﻝ : ﺧﻴﺮ ؟؟؟ ﺍﺗﻔﻀﻠﻲ ﺍﺣﻜﻲ … ﻋﻢ ﺑﺴﻤﻌﻚ …
ﻳﺎﺳﻤﻴﻦ : ﺍﻟﺼﻮﺭﺓ ﺍﻟﻠﻲ ﻓﺮﺟﻴﺘﻨﻲ ﻋﻠﻴﻬﺎ .. ﻣﻦ ﻭﻳﻦ ﺍﺣﺼﻠﺖ ﻋﻠﻴﻬﺎ ؟؟؟ ﻭ
ﻟﻴﻪ ﻣﻮﺟﻮﺩﺓ ﻣﻌﻚ ؟؟؟

ﺍﻟﺠﺰﺀ ﺍﻟﺨﺎﻣﺲ # ﺑﻘﻠﻢ NS_
@rwayate
ﻣﺠﻬﻮﻝ : ﻫﺎﻟﻤﻮﺿﻮﻉ ﺑﺎﻟﺬﺍﺕ ﻣﻤﻨﻮﻉ ﺗﺤﻜﻲ ﻓﻴﻪ … ﺍﺫﺍ ﻋﻨﺪﻙ ﺷﻲ ﻏﻴﺮﻩ
ﺍﺣﻜﻲ .. ﻣﺎ ﻋﻨﺪﻙ ﺍﺳﻜﺘﻲ …
ﻳﺎﺳﻤﻴﻦ : ﻟﻚ ﺍﻧﻘﺒﺮ ﻓﻜﻨﻲ … ﻓﻜّﻠّﻲ ﺇﻳﺪﻳّﻲ … ﺑﺪﻱ ﺭﻭﺡ ﻣﻦ ﻫﻮﻭﻭﻭﻭﻧﻨﻦ
.. ﺍﻟﻠﻪ ﻻ ﻳﻮﻓﻘﻚ … ﻳﺎ ﺭﺑﺒﺒﺒﺒﻴﻴﻴﻴﻴﻴﻲ …
ﻣﺠﻬﻮﻝ : ﻟﻴﻪ ﺍﺟﻴﺘﻲ ﻣﻌﻲ ﻟﻬﻮﻥ ؟؟؟
ﻳﺎﺳﻤﻴﻦ : ﻟﻴﺶ ﺃﻧﺎ ﺑﻌﺮﻑ ﻛﻴﻒ ﺍﺟﻴﺖ ﻟﻬﻮﻥ ؟؟؟ ﺻﺤﻴﺖ ﻟﻘﻴﺖ ﺣﺎﻟﻲ ﻋﻠﻰ
ﻫﺎﻟﻜﺮﺳﻲ ﻭ ﺇﻳﺪﻳﻲ ﻣﺮﺑﻮﻃﻴﻦ …
ﻣﺠﻬﻮﻝ : ﺃﻧﺎ ﺭﺍﻳﺢ … ﻭ ﺑﺮﺟﻊ ﺑﻌﺪﻳﻦ … ﺑﺲ ﺭﺡ ﺳﻜّﺮ ﺗﻤّﻚ ﻗﺒﻞ ﻣﺎ ﺭﻭﺡ
ﻹﻧﻚ ﻣﺎ ﺭﺡ ﺗﻘﻌﺪﻱ ﻋﺎﻗﻠﺔ …
” ﻟﻢ ﺃﻋﺮﻑ ﺃﻥ ﺣﺒّﻚَ ﺧﻄﻴﺌﺔً … ﺧﻄﻴﺌﺔً ﺳﺄﺩﻓﻊ ﺛﻤﻨﻬﺎ ﻟﻸﺑﺪ … ﺧﻄﻴﺌﺔً
ﺳﺘﺮﺍﻓﻘﻨﻲ ﺣﺘﻰ ﺑﻌﺪ ﺍﻧﻘﻄﺎﻋﻲ ﻋﻦ ﺍﻟﺪﻧﻴﺎ … ﺣﺒﻚَ ﻳﻌﺬّﺑﻨﻲ ﻭ ﻳﻘﺘﻠﻨﻲ ﻭ
ﻳﺆﻟﻤﻨﻲ ﻓﻲ ﻛﻞ ﻟﺤﻈﺔ .. ﺛﺎﻧﻴﺔ .. ﺩﻗﻴﻘﺔ .. ﺳﺎﻋﺔ .. ﻳﻮﻡ .. ﺷﻬﺮ ..
ﺳﻨﺔ .. ”
__________
ﺑﻌﺪ ٣ ﺳﺎﻋﺎﺕ ﻣﻦ ﺍﻟﺒﺤﺚ ﺑﺴﺠﻼﺕ ﺍﻟﻜﺎﻣﻴﺮﺍﺕ ﺑﺎﻟﻤﻄﺎﺭ … ﻛﺎﻥ ﻛﺮﻳﻢ
ﻣﻌﺼّﺐ ﻋﺎﻵﺧﺮ …
ﻛﺮﻳﻢ : ﻭ ﺑﻌﺪﻳﻦ ﺳﻌﻴﺪ ؟؟؟ ﺃﻧﺎ ﻣﺎ ﻋﺎﺩ ﻗﺎﺩﺭ ﺍﺗﺤﻤّﻞ !!! ﺃﻋﺼﺎﺑﻲ ﻋﻢ ﺗﺘﺤﻜﻢ
ﻓﻴﻨﻲ …
ﺳﻌﻴﺪ : ﻭﺍﻟﻠﻪ ﻫﻴﺪﺍ ﺷﻐﻞ ﺑﺎﻟﻨﺴﺒﺔ ﻹﻟﻲ … ﻳﻌﻨﻲ ﻣﺎ ﺑﻨﻔﻌﻞ ﻭ ﺑﺘﺤﻤﻞ …
ﺑﺪﻙ ﺗﻄﻮﻝ ﺑﺎﻟﻚ ﺷﻮﻱ … ﺭﺡ ﺍﻃﻠﺐ ﻣﻨﻚ ﻃﻠﺐ … ﺭﻭﺡ ﻭ ﺑﺤﻜﻴﻚ ﺍﺫﺍ ﺻﺎﺭ
ﺍﻱ ﺷﻲ ﺟﺪﻳﺪ …
ﻛﺮﻳﻢ : ﻣﺴﺘﺤﻴﻞ ﺭﻭﺡ … ﺭﺡ ﺍﺿﻬﺮ ﺷﻮﻱ ﺩﺧّﻦ ﺳﻴﺠﺎﺭﺓ ﻭ ﺍﺭﺟﻊ …
ﺳﻌﻴﺪ : ﺍﻭﻛﻲ ﺗﻤﺎﻡ ..
ﺿﻬﺮ ﻛﺮﻳﻢ ﻭ ﺑﻘﻲ ﺳﻌﻴﺪ ﻭ ﺟﻬﺎﺩ ﺑﺎﻟﻐﺮﻓﺔ …
ﺟﻬﺎﺩ : ﻟﺤﻈﺔ ﻟﺤﻈﺔ .. ﻭﻗﻒ ﻫﺎﻟﻔﻴﺪﻳﻮ …
ﺳﻌﻴﺪ : ﺧﻴﺮ ﺷﻮ ﻓﻲ ؟؟؟
ﺟﻬﺎﺩ : ﺗﻌﺎ ﺷﻮﻑ …..
ﻗﺮّﺏ ﺳﻌﻴﺪ ﻭ ﺻﺎﺭ ﻳﺸﻮﻑ ﺍﻟﻔﻴﺪﻳﻮ ﻣﻊ ﺟﻬﺎﺩ … ‏( ﺷﻲ ﻃﻮﻳﻞ ﻭ ﺿﻌﻴﻒ
… ﻻﺑﺲ ﺑﻨﻄﻠﻮﻥ ﺟﻴﻨﺰ ﻭ ﺑﻠﻮﺯﺓ ﻟﻮﻥ ﺃﺳﻮﺩ ﻭ ﺿﻬﺮﻭﺍ ﻟﻠﻜﺎﻣﻴﺮﺍ ﻣﺎ ﻣﺒﻴﻦ
ﻭﺟﻪ … ﻗﺮّﺏ ﻋﻠﻰ ﻭﺣﺪﺓ ﻧﺎﻳﻤﺔ ﻛﺎﻧﺖ ﺑﺼﺎﻟﺔ ﺍﻹﻧﺘﻈﺎﺭ ﻭ ﻓﻴّﻘﻬﺎ ﻣﻦ ﺍﻟﻨﻮﻡ ﻭ
ﻓﺮﺟﺎﻫﺎ ﻋﻠﻰ ﺷﻲ ﺑﺘﻠﻔﻮﻧﻪ … ﺑﻴﺤﻜﻮﺍ ﺷﻮﻱ ﻣﻊ ﺑﻌﺾ … ﺑﻌﺪﻳﻦ ﺑﻴﻤﺴﻚ
ﺇﻳﺪﻫﺎ ﻭ ﺑﻴﻤﺸﻮﺍ ﻣﻊ ﺑﻌﺾ … ‏)
ﺳﻌﻴﺪ : ﺍﻓﻔﻔﻔﻒ .. ﺍﻟﻠﻪ ﻳﻠﻌﻨﻮ .. ﺑﻴﻌﺮﻑ ﻣﻜﺎﻥ ﺍﻟﻜﺎﻣﻴﺮﺍﺕ ﻣﻨﻴﺢ … ﻣﺎ
ﺃﻋﻄﻰ ﻭﺟﻬﻪ ﺃﺑﺪﺍً ﻷﻱ ﻛﺎﻣﻴﺮﺍ ﻣﻦ ﺍﻟﻜﺎﻣﻴﺮﺍﺕ … ﻛﻴﻒ ﻫﻴﻚ ؟؟
ﺩﺧﻞ ﻛﺮﻳﻢ … ﻭ ﺷﺎﻑ ﺳﻌﻴﺪ ﻭ ﺟﻬﺎﺩ ﻣﻨﺴﺠﻤﻴﻦ ﻣﻨﻴﺢ ﺑﺎﻟﻔﻴﺪﻳﻮ …
ﻛﺮﻳﻢ : ﺷﻮ ﺻﺎﺭ ﻣﻌﻜﻦ ؟
ﺳﻌﻴﺪ : ﺍﻧﺖ ﺑﺘﻌﺮﻑ ﻳﺎﺳﻤﻴﻦ … ﺗﻌﺎ ﺷﻮﻑ ﺍﺫﺍ ﻫﻲ …
ﻗﺮّﺏ ﻛﺮﻳﻢ ﻋﺎﻟﻜﻤﺒﻴﻮﺗﺮ … ﻭ ﺻﺎﺭ ﻳﺸﻮﻑ ﺍﻟﻔﻴﺪﻳﻮ …
ﻛﺮﻳﻢ : ﻟﻚ ﺍﻳﻪ ﺍﻳﻪ ﺍﻳﻪ .. ﻫﻲ ﻳﺎﺳﻤﻴﻦ .. ﺑﺲ !! ﻣﻴﻦ ﻫﺎﻟﺸﺨﺺ ﺍﻟﻠﻲ
ﺭﺍﺣﺖ ﻣﻌﻪ ؟؟؟
ﺳﻌﻴﺪ : ﻫﻴﺪﺍ ﺍﻟﻠﻲ ﺑﺪﻧﺎ ﻧﻌﺮﻓﻪ … ﻫﺎﻟﺸﺨﺺ ﻣﺶ ﺳﻬﻞ … ﺑﻴﻌﺮﻑ ﻣﻜﺎﻥ
ﺍﻟﻜﺎﻣﻴﺮﺍﺕ ﻣﻨﻴﺢ … ﻻﺣﻆ ﺍﻧﻮ ﻣﺎ ﻣﺒﻴﻦ ﻭﺟﻬﻪ ﺃﺑﺪﺍً … ﻋﺎﺭﻑ ﺣﺎﻟﻪ ﺷﻮ ﻋﻢ
ﻳﺸﺘﻐﻞ …
ﻛﺮﻳﻢ : ﺷﻮ ﻳﻌﻨﻲ ؟؟؟ ﻭﻳﻦ ﻳﺎﺳﻤﻴﻦ ﻫﻸ ؟؟؟ ﺍﻛﻴﺪ ﻣﺶ ﻣﻌﻪ ﺻﺢ ؟؟
ﺟﻬﺎﺩ : ﺍﺳﺘﺎﺫ ﻛﺮﻳﻢ .. ﻟﻮ ﺳﻤﺤﺖ ؛ ﺍﻧﺎ ﻣﺘﺤﻤﻠﻚ ﻣﻦ ﺍﻻﻭﻝ ﻭ ﺑﺤﺘﺮﻡ ﺧﻮﻓﻚ
ﻋﻠﻰ ﻳﺎﺳﻤﻴﻦ … ﺑﺲ ﻫﻴﻚ ﺷﻐﻞ ﺑﺪﻭ ﺗﺪﻗﻴﻖ ﻭ ﺗﺮﻛﻴﺰ ﻭ ﻋﻘﻼﻧﻴﺔ .. ﺍﺫﺍ ﻣﺎ
ﺑﺪﻙ ﺗﻜﻮﻥ ﺭﺍﻳﻖ ﺑﺘﺘﺮﻛﻨﺎ ﻧﺸﺘﻐﻞ ﺷﻐﻠﻨﺎ ﻭ ﺣﻀﺮﺗﻚ ﺑﺘﺮﻭﺡ ﻋﻠﻰ ﺑﻴﺘﻚ …
ﻛﺮﻳﻢ : ﻣﺎﺷﻲ .. ﺧﻠﺺ ﺭﺡ ﺍﻫﺪﻯ .. ﻭ ﻫﻸ ﺷﻮ ﺍﻟﻌﻤﻞ ؟؟؟
ﺳﻌﻴﺪ : ﻛﺮﻳﻢ ﺍﺭﺟﻊ ﺍﺣﻀﺮ ﺍﻟﻔﻴﺪﻳﻮ ﻣﻨﻴﺢ … ﺣﺎﻭﻝ ﺗﺸﻮﻓﻪ ﻣﻨﻴﺢ ﻟﻬﺎﻟﺸﺨﺺ
… ﺑﻠﻜﻲ ﺑﺘﻌﺮﻓﻪ ……… ﻭ ﺍﻧﺖ ﺟﻬﺎﺩ ﺍﻧﺴﺨﻠﻲ ﺍﻟﻔﻴﺪﻳﻮ ﻋﻠﻰ cd ﻓﻮﺭﺍً
…
___________
ﺑﻌﺪ ﻣﺮﻭﺭ ﻳﻮﻣﻴﻦ …
ﻣﺠﻬﻮﻝ : ﺻﺒﺎﺡ ﺍﻟﺨﻴﺮ ﺣﺒﻴﺒﺘﻲ … ﻛﻴﻔﻚ ﺍﻟﻴﻮﻡ ؟؟؟
ﻳﺎﺳﻤﻴﻦ : …..
ﻣﺠﻬﻮﻝ : ﺍﻭﻭﻭﻭﻩ .. ﻧﺴﻴﺖ ﺍﻧﻚ ﻣﺎ ﻓﻴﻜﻲ ﺗﺤﻜﻲ …
ﻓﻚّ ﺍﻟﺮﺑﻄﺔ ﺍﻟﻤﺮﺑﻮﻃﺔ ﻋﻠﻰ ﺗﻤّﻬﺎ ﻟﻴﺎﺳﻤﻴﻦ …
ﻳﺎﺳﻤﻴﻦ : ﻣﺎ ﺑﺪﻙ ﺗﺘﺮﻛﻨﻲ ﺑﺤﺎﻟﻲ ؟؟ ﺍﺗﺮﻛﻨﻲ ﻭ ﺧﻠﺼﻨﻲ … ﺣﻞ ﻋﻨﻲ ..
ﻣﺠﻬﻮﻝ : ﺍﺳﺘﺼﺒﺤﻲ ﻳﺎ ﺣﻠﻮﺓ … ﻣﺰﺍﺟﻲ ﺭﺍﻳﻖ ﻛﺘﻴﺮ ﻭ ﻣﺶ ﺣﺎﺑﺐ ﻳﺘﻌﻜﺮ
…
ﻳﺎﺳﻤﻴﻦ : ﻃﻴﺐ .. ﺃﻧﺎ ﻣﻌﺶ ﺭﺡ ﺍﺣﻜﻲ ﻭ ﻻ ﺭﺩ ﻋﻠﻴﻚ ﻭ ﺍﺗﻄﻠﻊ ﻓﻴﻚ ﺍﺫﺍ ﻣﺎ
ﺑﺘﺤﻜﻴﻠﻲ ﻣﻴﻦ ﺍﻧﺖ ﻭ ﺷﻮ ﺑﺪﻙ ﻣﻨﻲ ﻭ ﻛﻴﻒ ﻭﺻﻠﺘﻚ ﺍﻟﺼﻮﺭﺓ ﻭ ﻣﻦ ﻭﻳﻦ
ﺟﺒﺘﻬﺎ … ﻭ ﺍﺫﺍ ﻣﺎ ﺣﻜﻴﺘﻠﻲ ، ﻟﻮ ﺑﺪﻙ ﺗﻘﺘﻠﻨﻲ ﺣﺘﻰ ﺍﺣﻜﻲ ﻣﺎ ﺭﺡ ﺍﺣﻜﻲ
…
ﻣﺠﻬﻮﻝ : ﻻ ﺇﻟﻪ ﺇﻻ ﺍﻟﻠﻪ … ﺑﺘﻌﺮﻓﻲ ﻟﻴﻪ ﻣﺒﺴﻮﻁ ﻭ ﻣﺰﺍﺟﻲ ﺭﺍﻳﻖ ؟؟؟
ﻛﺮﻳﻢ ﺗﺒﻌﻚ ﺭﺡ ﻳﺼﻴﺮ ﻣﺠﻨﻮﻥ ﻋﻠﻰ ﻓﺮﺍﻗﻚ .. ﻫﻬﻬﻬﻬﻬﻬﻪ .. ﻳﺎ ﺍﻟﻠﻪ ﺷﻮ
ﻣﺒﺴﻮﻁ … ﻛﺘﻴﺮ ﻣﺒﺴﻮﻁ ﺍﻧﻮ ﻋﻢ ﻳﺘﻌﺬﺏ ﻣﺘﻞ ﻣﺎ ﻛﻨﺖ ﻋﻢ ﺑﺘﻌﺬﺏ …
ﻳﺎﺳﻤﻴﻦ : …….
ﻣﺠﻬﻮﻝ : ﺷﻮ ﻣﺎ ﺑﺪﻙ ﺗﺤﻜﻲ ﺷﻲ ؟؟؟
ﻳﺎﺳﻤﻴﻦ : …….
ﻣﺠﻬﻮﻝ : ﻃﻴﺐ … ﺭﺡ

ﺍﺣﻜﻴﻠﻚ ﻛﻞ ﺷﻲ … ﺑﺲ ﺷﻮ ﺍﻟﻤﻘﺎﺑﻞ ؟؟؟
ﻳﺎﺳﻤﻴﻦ : ﻣﺎ ﻓﻲ ﻣﻘﺎﺑﻞ … ﺍﻧﺖ ﺧﻄﻔﺘﻨﻲ ﻭ ﺃﻧﺎ ﻣﻦ ﺣﻘﻲ ﺍﻧﻲ ﺍﻋﺮﻑ
ﺳﺒﺐ ﺧﻄﻔﻚ ﺇﻟﻲ … ﻟﻬﻴﻚ ﻣﺎ ﻓﻲ ﻣﻘﺎﺑﻞ …
ﻗﺮّﺏ ﻣﻨﻬﺎ ﻭ ﺻﺎﺭ ﻳﺒﻌﺪ ﺷﻌﺮﺍﺗﻬﺎ ﻋﻦ ﻋﻴﻮﻧﻬﺎ …
ﻣﺠﻬﻮﻝ : ﻣﺎ ﺗﺨﺎﻓﻲ ﻣﻨﻲ … ﺍﻧﺎ ﻣﺴﺘﺤﻴﻞ ﺍﺫﻳﻜﻲ … ﺍﻧﺘﻲ ﻗﻠﺒﻲ ﻭ
ﺭﻭﺣﻲ ﻭ ﻣﺴﺘﺤﻴﻞ ﺍﻋﻤﻠﻚ ﺷﻲ ﻣﺶ ﻣﻨﻴﺢ … ﺃﺳﺎﺳﺎ ﺭﺑّﻄﺘﻚ ﻏﺼﺐ ﻋﻨﻲ
ﻭﺍﻟﻠﻪ … ﺑﺲ ﻓﺘﺮﺓ ﻗﺼﻴﺮﺓ ﺣﺘﻰ ﺗﺘﻌﻮﺩﻱ ﻋﻠﻴﻲ ﻭ ﺗﺤﺒﻴﻨﻲ ﻭ ﺑﻔﻜﻚ …
ﻳﺎﺳﻤﻴﻦ : ﺻﻮﺗﻚ ﻣﺶ ﻏﺮﻳﺐ ﻋﻨﻲ … ﺣﺎﺳﻲ ﺍﻧﻲ ﺑﻌﺮﻓﻚ …
ﻣﺠﻬﻮﻝ : ﻣﺰﺑﻮﻁ … ﺍﻧﺘﻲ ﺑﺘﻌﺮﻓﻴﻨﻲ ﻛﺘﻴﺮ ﻣﻨﻴﺢ … ﺑﺲ ﻛﻞ ﻫﺎﻟﻤﻌﺮﻓﺔ ﻣﺎ
ﺍﻗﺪﺭﺗﻲ ﺗﺤﺴّﻲ ﺍﻧﻲ ﺑﺤﺒﻚ ﻭ ﺑﻤﻮﺕ ﻋﻠﻴﻜﻲ …
ﻳﺎﺳﻤﻴﻦ : ﻭﺍﻟﻠﻪ ﻣﺎ ﻋﺎﺩ ﻓﻴﻨﻲ ﺍﺗﺤﻤّﻞ .. ﺧﻠﺺ ﺑﺪﻙ ﺗﺤﻜﻲ ﺍﻫﻼ ﻭ ﺳﻬﻼ ﻣﺎ
ﺑﺪﻙ ﺗﺤﻜﻲ ﺗﺼﻄﻔﻞ … ﺃﻧﺎ ﺗﻌﺒﺎﻧﺔ ﻛﺘﻴﺮ … ﻣﺎ ﺗﺴﻤﻌﻨﻲ ﺻﻮﺗﻚ ﺇﻻ ﺍﺫﺍ
ﻗﺮﺭﺕ ﺗﺤﻜﻴﻠﻲ ﺍﻟﺤﻘﻴﻘﺔ …
ﺑﻌّﺪ ﻋﻨﻬﺎ ﺷﻮﻱ … ﻭ ﺻﺎﺭ ﻳﺘﺄﻣﻠﻬﺎ … ﻭ ﻫﻲ ﻋﻴﻮﻧﻬﺎ ﻣﺪﻣﻌﻴﻦ ﻭ ﺣﺎﺳﺔ
ﻗﻠﺒﻬﺎ ﺭﺡ ﻳﻮﻗﻒ ﻣﻦ ﺍﻟﺨﻮﻑ … ﻣﺎ ﻗﺪﺭ ﻳﺸﻮﻑ ﺩﻣﻮﻋﻬﺎ … ﻫﻮ ﺃﺿﻌﻒ
ﻣﻦ ﺍﻧﻮ ﻳﺸﻮﻓﻬﺎ ﻋﻢ ﺗﺒﻜﻲ … ﻟﻬﻴﻚ ﻭ ﺑﺪﻭﻥ ﺗﺮﺩّﺩ ﺳﺤﺐ ﺍﻟﻘﻨﺎﻉ ﻋﻦ ﻭﺟﻬﻪ
…. ﺍﺗﻔﺎﺟﺄﺕ ﻳﺎﺳﻤﻴﻦ ﻛﺘﻴﺮ ﻭﻗﺖ ﺷﺎﻓﺘﻪ ﻭ ﻋﺮﻓﺘﻪ … ﻣﺎ ﻛﺎﻧﺖ ﺑﺘﺘﻮﻗّﻊ
ﻧﻬﺎﺋﻴﺎً ﻳﻜﻮﻥ ﻫﺎﻟﺸﺨﺺ ﻫﻮ ﺍﻟﻠﻲ ﺧﺎﻃﻔﻬﺎ ﻭ ﻣﻌﻪ ﺻﻮّﺭ ﻣﻬﻤّﺔ …
ﻳﺎﺳﻤﻴﻦ : ﺇﺩﻭﺍﺍﺍﺍﺍﺍﺍﺍﺍﺭﺭﺭﺭﺭﺭﺭﺭﺩﺩﺩﺩﺩﺩﺩ !!!!!!!!
ﺇﺩﻭﺍﺭﺩ : ﺍﻳﻪ ﻳﺎﺳﻤﻴﻦ … ﻟﻴﻪ ﺍﺗﻔﺎﺟﺌﺘﻲ ؟؟؟
ﻳﺎﺳﻤﻴﻦ : ﻣﺎ ﻋﻢ ﺻﺪّﻕ !!!!!! ﻣﻌﻘﻮﻝ ﺍﻧﺖ ﻳﻄﻠﻊ ﻣﻨﻚ ﻛﻞ ﻫﺎﻟﺸﻲ ؟؟؟؟؟؟
ﺇﺩﻭﺍﺭﺩ : ﺣﺒّﻲ ﻹﻟﻚ ﺣﻮّﻟﻨﻲ ﻹﻧﺴﺎﻥ ﻣﺠﻨﻮﻥ … ﺃﻧﺎ ﻣﺠﻨﻮﻥ ﻓﻴﻜﻲ ﻳﺎﺳﻤﻴﻦ
…
ﻳﺎﺳﻤﻴﻦ : ﺇﺩﻭﺍﺭﺩ ﻓﻜّﻨﻲ … ﻓﻜّﻨﻲ ﻭ ﺍﺗﺮﻛﻨﻲ ﺭﻭﺡ … ﺃﻧﺎ ﺑﺪّﻱ ﺭﻭﺡ ﻣﻦ
ﻫﻮﻥ … ﺍﺗﺮﻛﻨﻲ ﻭ ﻣﺎ ﺑﺨﺒﺮ ﺣﺪﺍ ﻋﻦ ﻛﻞ ﺷﻲ ﺻﺎﺭ …
ﺇﺩﻭﺍﺭﺩ : ﺍﻧﺘﻲ ﻫﻮﻥ ﺭﺡ ﺗﻌﻴﺸﻲ ﺑﻘﻴﺔ ﻋﻤﺮﻙ … ﻣﺎ ﺭﺡ ﺗﺮﻭﺣﻲ ﻋﻠﻰ ﻣﻜﺎﻥ
… ﺑﺲ ﺗﺼﻴﺮﻱ ﺗﺤﺒﻴﻨﻲ ﻭ ﺗﻮﺍﻓﻘﻲ ﻧﺘﺰﻭﺝ ﺑﺘﺮﻛﻚ ﺗﺮﻭﺣﻲ ﻭﻳﻦ ﻣﺎ ﺑﺪﻙ …
ﻳﺎﺳﻤﻴﻦ : ﻟﻚ ﺍﻟﻠﻪ ﻳﻠﻌﻨﻚ … ﺍﻟﻠﻪ ﻳﻠﻌﻨﻚ ﻳﺎ ﺣﻘﻴﺮ ﻳﺎ ﺗﺎﻓﻪ … ﺍﻧﺖ ﻣﺮﻳﺾ
ﻧﻔﺴﻲ …
ﺇﺩﻭﺍﺭﺩ : ﺣﺒﻴﺒﺘﻲ … ﺧﻠﺺ ﻣﺎ ﻓﻲ ﺩﺍﻋﻲ ﺗﻌﺼﺒﻲ … ﻫﻲ ﻓﺘﺮﺓ ﻭ ﺑﺘﻤﺮّ ﻭ
ﺑﻌﺪﻳﻦ ﻛﻞ ﺷﻲ ﺭﺡ ﻳﻌﺠﺒﻚ ﻭ ﺃﻧﺎ ﻣﺄﻛﺪ ﺍﻧّﻚ ﺭﺡ ﺗﺤﺒﻴﻨﻲ …
ﻳﺎﺳﻤﻴﻦ : ﺑﺪﻱ ﺍﺷﺮﺏ … ﻭ ﺑﺪﻱ ﺷﻲ ﺁﻛﻠﻪ … ﻛﺘﻴﺮ ﺗﻌﺒﺎﻧﺔ ﻭ ﺑﺤﺎﺟﺔ ﺁﻛﻞ
ﻭ ﺍﺷﺮﺏ …
ﺇﺩﻭﺍﺭﺩ : ﺍﻟﺤﻤﺪﻟﻠﻪ ﺍﻟﻠﻲ ﻭﺍﻓﻘﺘﻲ ﺗﺎﻛﻠﻲ ﻭ ﺗﺸﺮﺑﻲ … ﺭﺡ ﺍﻧﺰﻝ ﺣﻀﺮﻟﻚ
ﺃﻃﻴﺐ ﺷﻮﺭﺑﺔ … ﻳﺎ ﻋﻤﺮﻱ ﺍﻧﺘﻲ …
_____________
” ﻳﺎﺳﻤﻴﻨﺘﻲ … ﻳﺎ ﻭﺭﺩﺗﻲ ﺍﻟﺠﻤﻴﻠﺔ … ﻳﺎ ﻋﻄﺮﻱ ﺍﻟﻤﻔﻀﻞ … ﻳﺎ ﺭﺑﻴﻊ
ﻗﻠﺒﻲ … ﺍﻧﺖِ ﺍﺑﺘﺴﺎﻣﺘﻲ ﻭ ﺳﻌﺎﺩﺗﻲ ﻭ ﻓﺮﺣﺘﻲ … ﺃﻳﻦ ﺃﻧﺖِ ؟؟ ﺗﻌﺎﻟﻲ ..
ﺗﻌﺎﻟﻲ .. ﺗﻌﺎﻟﻲ ﻛﻲ ﺃﺳﺘﻮﻃﻦ ﻓﻲ ﻗﻠﺒﻚِ … ﺗﻌﺎﻟﻲ ﻛﻲ ﺃﻗﻴﻢُ ﻓﻲ ﺣﻀﻨﻚِ
… ﺗﻌﺎﻟﻲ ﻭ ﺍﻏﻤﺮﻳﻨﻲ ﺑﻴﻦ ﺫﺭﺍﻋﻴﻚِ … ﻳﺎﺳﻤﻴﻦ … ﺃﻳﻦ ﺫﻫﺒﺘﻲ ﻳﺎ
ﺣﻠﻮﺗﻲ ؟؟ ﻓﺬﻫﺎﺑُﻚِ ﺳﻠﺐ ﻣﻨﻲ ﻗﻠﺒﻲ ﻭ ﻋﻘﻠﻲ ﻭ ﺭﻭﺣﻲ ﻭ ﺭﺍﺣﺘﻲ …
ﻋﻮﺩﻱ ﻛﻲ ﺃﺑﺤُﺮُ ﻓﻲ ﻋﻴﻨﺎﻙِ … ﻋﻮﺩﻱ ﻛﻲ ﺃﻏﺮﻕُ ﺑﻚِ … ﻋﻮﺩﻱ ﻓﻮﻃﻨﻲ ﻭ
ﻣﻮﻃﻨﻲ ﻭ ﺃﻭﻃﺎﻧﻲ ﺑﻴﻦ ﺫﺭﺍﻋﻴﻚِ … ﻋﻮﺩﻱ ﻓﺎﻟﻌﺎﻟﻢ ﻛﻠّﻪ ﻻ ﻳﻌﻮّﺽ ﻋﻦ
ﻭﺟﻮﺩﻙِ ﻭ ﺣﻀﻮﺭﻙِ … ﻋﻮﺩﻱ ﻓﻌﺎﻟﻤﻲ ﻟﻴﺲ ﺇﻟّﺎ … ﻋﺎﻟَﻢ ﺍﻟﻴﺎﺳﻤﻴﻦ ”
ﺍﻟﺤﺐ … ﺣﺮﻓﻴﻦ ﻣﻦ ﺍﻷﺣﺮﻑ ﺍﻷﺑﺠﺪﻳﺔ … ﺑﺲ ﻣﺎ ﺑﻴﻘﺪﺭﻭﺍ ﺑﻘﻴﺔ ﺍﻷﺣﺮﻑ
ﺇﻧﻬﻢ ﻳﻮﺻﻔﻮﻩ ﻟﻠﺤﺐ … ﺧﺎﺻّﺔً ﺍﺫﺍ ﻛﺎﻥ ﻓﻲ ﻓﺮﺍﻕ ﻭ ﻋﺬﺍﺏ ﺑﻴﻦ ﺍﻟﺤﺒﻴﺒﻴﻦ
… ﺣﺎﻟﺔ ﻛﺮﻳﻢ ﻻ ﺗﻮﺻﻒ … ﻣﻦ ﻭﻗﺖ ﻣﺎ ﺷﺎﻑ ﺍﻟﻔﻴﺪﻳﻮ ﻭ ﻫﻮ ﻣﺨﺮﺑﻂ
ﻋﺎﻵﺧﺮ … ﺣﺎﻟﺔ ﻣﻦ ﺍﻟﻬﺪﻭﺀ ﻭ ﺍﻟﺠﻤﻮﺩ ﻭ ﺍﻟﺼﻤﺖ ﺍﺣﺘﻠّﺘﻪ … ﻣﺎ ﻗﺎﺩﺭ ﻳﻌﻤﻞ
ﺷﻲ … ﻣﺎ ﻓﻲ ﺷﻲ ﻗﺎﺩﺭ ﻳﻮﺻﻠﻪ ﻟﻌﻨﺪ ﻳﺎﺳﻤﻴﻦ … ﺣﺘﻰ ﺍﻟﺸﺨﺺ ﺍﻟﻠﻲ
ﺑﺎﻟﻔﻴﺪﻳﻮ ﻣﺎ ﺑﻴﻌﺮﻓﻪ … ﺭﺟﻊ ﻣﻦ ﺍﻟﻤﻄﺎﺭ ﻭ ﺍﺗﺤﻤﻢ ﻭ ﻗﻌﺪ ﺑﺮﺍ ﻋﻠﻰ ﺑﻠﻜﻮﻥ
ﻏﺮﻓﺘﻪ … ﻋﻢ ﻳﺘﺄﻣﻞ ﺍﻟﻨﺠﻮﻡ ﻭ ﺍﻟﻠﻴﻞ ﻭ ﻳﺘﺬﻛﺮ ﻳﺎﺳﻤﻴﻦ ﻭ ﻛﻞ ﺷﻲ ﺻﺎﺭ
ﺑﻴﻨﻪ ﻭ ﺑﻴﻦ ﻳﺎﺳﻤﻴﻦ … ﻭ ﻫﻮ ﻭ ﻗﺎﻋﺪ ﻭﺻﻠﺘﻪ ﺭﺳﺎﻟﺔ …..

ﺍﻟﺠﺰﺀ ﺍﻟﺴﺎﺩﺱ #ﺑﻘﻠﻢ NS_
@rwayate
ﻫﻮ ﻭ ﻗﺎﻋﺪ ﻋﻢ ﻳﺘﺄﻣﻞ ﺍﻟﻠﻴﻞ ﻭ ﺗﻔﺎﺻﻴﻠﻪ ، ﻗﻄﻊ ﻋﻠﻴﻪ ﺻﻮﺕ ﺭﺳﺎﻟﺔ ﻭﺻﻠﺖ
ﻋﻠﻰ ﺗﻠﻔﻮﻧﻪ … ﺣﻤﻞ ﺍﻟﺘﻠﻔﻮﻥ ﻭ ﺻﺎﺭ ﻳﻘﺮﺋﻬﺎ ﺑﻬﺪﻭﺀ …
‏( ﻣﺮﺣﺒﺎ ﺃﺧﻲ … ﺃﻧﺎ ﺷﺨﺺ ﻣﺎ ﺑﺘﻌﺮﻓﻨﻲ … ﺑﺲ ﺷﻔﺖ ﻳﺎﺳﻤﻴﻦ ﻭ
ﺃﻋﻄﺘﻨﻲ ﺭﻗﻤﻚ ﺣﺘﻰ ﺗﺘﻮﺍﺻﻞ ﻣﻌﻲ ﻭ ﺧﺒﺮﻙ ﻋﻦ ﻣﻜﺎﻧﻬﺎ … ﻋﻔﻮﺍ ﻋﻠﻰ
ﺍﺯﻋﺎﺟﻚ ﺑﻬﺎﻟﻮﻗﺖ ﺍﻟﻤﺘﺄﺧﺮ … ‏)
ﻛﺎﻥ ﺑﺪﻭ ﻳﺘﺼﻞ ﺑﺼﺎﺣﺐ ﺍﻟﺮﺳﺎﻟﺔ … ﺑﺲ ﺍﺗﺬﻛﺮ ﻛﻼﻡ ﺳﻌﻴﺪ ﺍﻧﻮ ﻻﺯﻡ ﻳﻜﻮﻥ
ﻫﺎﺩﺉ ﻭ ﻳﺸﺘﻐﻞ ﺑﻌﻘﻠﻪ … ﻟﻬﻴﻚ ﺍﺗﺼﻞ ﺑﺴﻌﻴﺪ ﻭ ﺧﺒﺮﻩ ﻋﻦ ﺍﻟﺮﺳﺎﻟﺔ …
ﺑﻌﺪﻳﻦ ﻟﺒﺲ ﺗﻴﺎﺑﻪ ﻭ ﺭﺍﺡ ﻓﻮﺭﺍً ﻋﻠﻰ ﺍﻟﻤﺮﻛﺰ ﺍﻟﺠﻨﺎﺋﻲ ﻭ ﺩﺧﻞ ﻣﺘﻞ ﺍﻟﻤﺠﻨﻮﻥ
ﻋﻠﻰ ﻣﻜﺘﺐ ﺳﻌﻴﺪ …
ﻛﺮﻳﻢ : ﺳﻌﻴﺪ ﺧﺪﻧﻲ ﻋﻨﺪ ﻳﺎﺳﻤﻴﻦ ﺑﺴﺮﻋﺔ …
ﺳﻌﻴﺪ : ﺇﻫﺪﻯ ﻛﺮﻳﻢ … ﺇﺣﺘﻤﺎﻝ ﻳﻜﻮﻥ ﻓﺦّ ﺇﻟﻚ … ﺑﻠﻜﻲ ﺍﻟﻠﻲ ﺧﺎﻃﻒ
ﻳﺎﺳﻤﻴﻦ ﺣﺪﺍ ﺑﻴﻜﺮﻫﻚ ﻭ ﺑﺪﻭ ﻳﺌﺬﻳﻚ ﻭ ﺍﺧﺘﺎﺭ ﻳﺎﺳﻤﻴﻦ ﻟﻴﺴﺘﺨﺪﻣﻬﺎ ﻭﺳﻴﻠﺔ
ﻟﻴﻮﺻﻠّﻚ … ﻟﻬﻴﻚ ﺇﻫﺪﻯ ﻭ ﻃﻮّﻝ ﺑﺎﻟﻚ … ﺃﻋﻄﻴﻨﻲ ﺍﻟﺮﻗﻢ ﺍﻟﻠﻲ ﻭﺻﻠﺘﻚ ﻣﻨﻪ
ﺍﻟﺮﺳﺎﻟﺔ ﻭ ﺍﻗﻌﺪ ﺍﺭﺗﺎﺡ ﺷﻮﻱ ﻟﺤﺘﻰ ﺁﺧﺪﻙ ﻋﻨﺪ ﻳﺎﺳﻤﻴﻦ …
ﺃﺧﺪ ﺳﻌﻴﺪ ﺍﻟﺮﻗﻢ ﻭ ﺍﺗﺼﻞ ﻓﻴﻪ …
ﻣﺠﻬﻮﻝ : ﺃﻟﻮ ؟؟
ﺳﻌﻴﺪ : ﺃﻟﻮ ؟ ﺣﻀﺮﺗﻚ ﺑﻌﺘﻠﻲ ﺭﺳﺎﻟﺔ ﻭ ﺍﻧﻚ ﺷﻔﺖ ﻳﺎﺳﻤﻴﻦ …
ﻣﺠﻬﻮﻝ : ﺣﻀﺮﺗﻚ ﺍﻻﺳﺘﺎﺫ ﻛﺮﻳﻢ ؟؟
ﺳﻌﻴﺪ : ﺍﻳﻪ ﺃﻧﺎ ﻛﺮﻳﻢ .. ﻭﻳﻦ ﺷﻔﺖ ﻳﺎﺳﻤﻴﻦ ؟؟
ﻣﺠﻬﻮﻝ : ﺃﻧﺎ ﻳﺎ ﺃﺧﻲ ﺑﺸﺘﻐﻞ ﻧﺎﻃﻮﺭ ﺑﻘﺼﺮ ﻛﺒﻴﺮ … ﻭ ﻣﻦ ﺷﻲ ﺳﺎﻋﺘﻴﻦ
ﺃﻭ ﺃﻛﺘﺮ ﺷﻮﻱ ﺳﻤﻌﺖ ﺻﻮﺕ ﺑﻨﺖ .. ﺍﻟﺘﻔﺘﺖ ﺣﺘﻰ ﺷﻮﻑ ﻣﺼﺪﺭ ﺍﻟﺼﻮﺕ ،
ﺷﻔﺖ ﺑﻨﺖ ﻭﺍﻗﻔﺔ ﻋﻠﻰ ﺷﺒﺎﻙ ﺍﻟﻘﺼﺮ ﺍﻟﻠﻲ ﺟﻨﺐ ﺍﺍﻗﺼﺮ ﺍﻟﻠﻲ ﺑﺸﺘﻐﻞ ﻓﻴﻪ ﻭ
ﺻﺎﺭﺕ ﺗﺘﺮﺟﺎﻧﻲ ﺳﺎﻋﺪﻫﺎ ﻭ ﺍﻧﻮ ﻓﻲ ﻭﺍﺣﺪ ﺧﺎﻃﻔﻬﺎ … ﺑﻌﺪﻳﻦ ﻓﺘﺤﺖ
ﺍﻟﺸﺒﺎﻙ ﺃﻛﺘﺮ ﻭ ﺭﻣﺖ ﻭﺭﻗﺔ ﻭ ﻗﺎﻟﺘﻠﻲ ﻟﻮ ﺳﻤﺤﺖ ﺳﺎﻋﺪﻧﻲ ﻭ ﺍﻋﻤﻞ ﻣﺘﻞ ﻣﺎ
ﻛﺘﺒﺘﻠﻚ ﺑﺎﻟﻮﺭﻗﺔ … ﻭ ﺃﻧﺎ ﺑﺼﺮﺍﺣﺔ ﺻﺪﻗﺘﻬﺎ ﻹﻧﻬﺎ ﻛﺎﻧﺖ ﻋﻢ ﺗﺒﻜﻲ ﻭ ﺻﻮﺗﻬﺎ
ﻭﺍﺿﺢ ﺍﻧﻮ ﻓﻴﻪ ﺧﻮﻑ … ﻭ ﻭﻗﺖ ﺭﻣ

ﺖ ﺍﻟﻮﺭﻗﺔ ﻓﻮﺭﺍً ﺳﻜّﺮﺕ ﺍﻟﺸﺒﺎﻙ … ﻭ
ﺃﻧﺎ ﺑﺼﺮﺍﺣﺔ ﺍﺗﺮﺩﺩﺕ ﺍﻧﻲ ﺟﻴﺐ ﺍﻟﻮﺭﻗﺔ … ﺑﺲ ﻗﻠﺒﻲ ﺣﺮﻗﻨﻲ ﻋﻠﻴﻬﺎ ﻭ ﺭﺣﺖ
ﻓﺘّﺸﺖ ﻋﺎﻟﻮﺭﻗﺔ … ﻭ ﻛﺎﺗﺒﺘﻠﻲ ﺭﻗﻤﻚ ﻭ ﺍﺳﻤﻚ ﻭ ﺍﻧﻲ ﺍﻋﻄﻴﻚ ﺍﻟﻌﻨﻮﺍﻥ ﺣﺘﻰ
ﺗﺴﺎﻋﺪﻫﺎ …
ﺳﻌﻴﺪ : ﺑﺄﻱ ﻣﻨﻄﻘﺔ ﺍﻧﺖ ؟؟؟
ﻣﺠﻬﻮﻝ : ﻣﻦ ﻣﻨﻄﻘﺔ ﺍﺳﻤﻬﺎ ﺍﻟﻌﻨﺪﻟﻴﺐ …
ﺳﻌﻴﺪ : ﺍﻓﻔﻔﻔﻒ … ﻛﺘﻴﺮ ﺑﻌﻴﺪﺓ ﻣﻦ ﻫﻮﻥ !!!! ﻋﻠﻰ ﻛﻞٍ ﺃﻧﺎ ﺭﺡ ﺇﺑﻌﺖ ﻭﺍﺣﺪ
ﻣﻦ ﺭﺟﺎﻟﻲ ﻳﺠﻴﺒﻚ ﻟﻌﻨﺪﻱ ﻭ ﺑﺘﺠﻴﺐ ﺍﻟﻮﺭﻗﺔ ﻣﻌﻚ …
ﻣﺠﻬﻮﻝ : ﺑﺲ ﻣﺎ ﻓﻴﻨﻲ ﺍﺗﺮﻙ ﺍﻟﺒﻴﺖ ﺍﻟﻠﻲ ﺑﺸﺘﻐﻞ ﻓﻴﻪ ﻣﻦ ﺩﻭﻥ ﺣﺮﺍﺳﺔ …
ﺳﻌﻴﺪ : ﺃﻧﺎ ﺑﺪﺑّﺮ ﺍﻟﻤﻮﺿﻮﻉ … ﺍﻟﻤﻬﻢ ﺑﻌﺪ ﺳﺎﻋﺘﻴﻦ ﺑﺪﻙ ﺗﻜﻮﻥ ﻣﺰﺭﻭﻉ
ﻗﺪّﺍﻣﻲ … ﺍﺑﻌﺘﻠﻲ ﻋﻨﻮﺍﻥ ﺍﻟﺒﻴﺖ ﺍﻟﻠﻲ ﺑﺘﺸﺘﻐﻞ ﻓﻴﻪ ﺑﺮﺳﺎﻟﺔ … ﺑﺴﺮﻋﺔ …
ﻣﺠﻬﻮﻝ : ﺣﺎﺿﺮ ﻳﺎ ﺑﻴﻚ ……..
ﻛﺮﻳﻢ : ﻣﺎ ﺑﻌﺮﻑ … ﺣﺎﺳﺲ ﺍﻧﻮ ﻋﻢ ﻳﻜﺰﺏ … ﺍﻧﺖ ﺷﻮ ﺭﺃﻳﻚ ؟؟؟
ﺳﻌﻴﺪ : ﻭ ﺃﻧﺎ ﻛﻤﺎﻥ ﺣﺎﺳﺲ ﻫﻴﻚ … ﻣﺎ ﺑﻌﺮﻑ … ﻟﻴﺠﻲ ﻣﻨﺸﻮﻑ ….
ﺍﻧﺖ ﺑﺘﻌﺮﻑ ﺧﻂ ﻳﺎﺳﻤﻴﻦ ؟؟؟ ﻹﻧﻪ ﺑﻠﻜﻲ ﺍﻟﻠﻲ ﺧﺎﻃﻔﻴﻦ ﻳﺎﺳﻤﻴﻦ ﻋﻢ ﻳﺤﺎﻭﻟﻮﺍ
ﻳﻮﺻﻠﻮﻟﻚ … ﻭ ﺑﻜﻮﻧﻮﺍ ﻫﻦّ ﻛﺎﺗﺒﻴﻦ ﻫﺎﻟﻮﺭﻗﺔ …
ﻛﺮﻳﻢ : ﺍﻳﻪ ﺑﻌﺮﻑ ﺧﻄﻬﺎ ﺃﻛﻴﺪ …
__________
ﻧﺎﻳﻢ ﻋﻠﻰ ﺍﻷﺭﺽ ﻭ ﻓﺎﻗﺪ ﻧﺺ ﻭﻋﻴﻪ ﻭ ﻳﺎﺳﻤﻴﻦ ﺟﻨﺒﻪ ﻋﻢ ﺗﺒﻜﻲ ﻭ ﻋﻢ ﺗﺤﺎﻭﻝ
ﻳﺎﺳﻤﻴﻦ : ﻳﺎ ﺭﺑﻲ ﺃﻧﺎ ﺷﻮ ﺍﻋﻤﻠﺖ ؟ ﺍﻟﻠﻪ ﻻ ﻳﻮﻓﻘﻚ … ﺇﺩﻭﺍﺭﺩ ﻗﻮﻡ ﻗﻮﻡ ..
ﺇﺩﻭﺍﺭﺩ ﻋﻢ ﺗﺴﻤﻌﻨﻲ ؟؟؟
ﻓﺘّﺢ ﻋﻴﻮﻧﻪ ﻭ ﺷﺎﻑ ﻳﺎﺳﻤﻴﻦ ﻓﻮﻕ ﺭﺍﺳﻪ … ﺑﺲ ﺍﻟﺪﻧﻴﺎ ﻋﻢ ﺗﺪﻭﺭ ﻓﻴﻪ …
ﺇﺩﻭﺍﺭﺩ : ﻱ ﻱ ﻱ ﺍ ﺱ ﻣﻴﻴﻴﻴﻦ
ﻳﺎﺳﻤﻴﻦ ‏( ﺗﺒﻜﻲ ‏) : ﻳﺎ ﺍﻟﻠﻪ … ﺇﺩﻭﺍﺭﺩ ﻗﻮﻡ … ﻗﻮﻡ ﺧﻠﻴﻨﺎ ﻧﺮﻭﺡ ﻣﻦ
ﻫﻮﻥ ﺍﻟﻠﻪ ﻳﺨﻠﻴﻚ … ﺭﺟﻌﻨﻲ ﻉ ﺑﻴﺘﻲ ﻭ ﻣﺎ ﺑﺤﻜﻲ ﻟﺤﺪﺍ ﻋﻦ ﺍﻟﻠﻲ ﺻﺎﺭ ﻭﻋﺪ
…
ﺇﺩﻭﺍﺭﺩ : ﻡ ﻡ ﻣﺎﺍﺍﺍ ﻓﻲ ﺕ ﺕ ﺕ ﺭﺟﻌﻲ … ﻝ ﻝ ﻹﻧﻚ ﺭﺡ …….. ﺭﺡ ﺕ
ﺕ ﺭﺟﻌﻲ ﻋﻨﺪ ﻛﺮﻳﻢ …
ﻳﺎﺳﻤﻴﻦ : ﻳﺎ ﺭﺑﻲ ﺳﺎﻋﺪﻧﻴﻴﻴﻲ … ﺷﻮ ﺑﺪﻙ ﻓﻴﻨﻲ … ﻣﺎﺍﺍﺍﺍ ﺑﺪﻱ ﻳﺎﻙ ﻭ ﻻ
ﺑﺪﻱ ﻛﺮﻳﻢ ﻭ ﻻ ﺑﺪﻱ ﺣﺪﺍﺍﺍﺍﺍﺍ … ﺍﺗﺮﻛﻮﻧﻲ ﺑﺤﺎﺍﺍﺍﻟﻴﻴﻴﻴﻲ ….
ﻭﻗﻔﺖ ﻳﺎﺳﻤﻴﻦ ﻫﻲ ﻭ ﻋﻢ ﺗﺒﻜﻲ ﻭ ﻧﺰﻟﺖ ﻋﻠﻰ ﺍﻟﺪﺭﺝ ﺑﺴﺮﻋﺔ ﻭ ﺻﺎﺭﺕ
ﺗﺤﺎﻭﻝ ﺗﻔﺘﺢ ﺍﻟﺒﺎﺏ .. ﺑﺲ ﻣﻘﻔﻮﻝ … ﺻﺎﺭﺕ ﺗﺨﺒﻂ ﻋﺎﻟﺒﺎﺏ ﺑﻠﻜﻲ ﺣﺪﺍ
ﺑﻴﺴﻤﻌﻬﺎ ﻭ ﺑﻴﺨﻠﺼﻬﺎ ﻣﻦ ﻫﺎﻟﻜﺎﺑﻮﺱ ﺍﻟﻠﻲ ﺭﺡ ﻳﻘﻀﻲ ﻋﻠﻴﻬﺎ … ﻧﺰﻝ
ﺇﺩﻭﺍﺭﺩ ﻭ ﺷﺎﻓﻬﺎ ﻛﻴﻒ ﻣﻨﻔﻌﻠﺔ ﻭ ﻋﻢ ﺗﺒﻜﻲ …
ﺇﺩﻭﺍﺭﺩ : ﻳﺎﺳﻤﻴﻦ … ﺣﺒﻴﺘﻲ ﺗﻌﻲ ﺭﻭﻗﻲ ﻭ ﺇﻫﺪﻱ ﺧﻠﺺ …
ﻳﺎﺳﻤﻴﻦ : ﻣﺎﺍﺍﺍﺍ ﺑﺒﺒﺒﺒﺪﺩﺩﺩﺩﻳﻴﻴﻴﻲﻱ ﺇﻫﺪﻯ … ﻣﺎ ﺗﻘﺮﺭﺭﺭﺏ ﺧﻠﻴﻚ ﺑﻌﻴﺪ …
ﺭﻭﺡ ﻣﻦ ﻫﻮﻥ ﺇﺩﻭﺍﺭﺩ …
ﺇﺩﻭﺍﺭﺩ : ﻃﻴﺐ ﺧﻠﻴﻨﺎ ﻧﻄﻠﻊ ﻟﻔﻮﻕ ﻭ ﻧﻘﻌﺪ ﻭ ﻧﺤﻜﻲ ﻛﻞ ﺷﻲ ﺑﻬﺪﻭﺀ … ﺍﺫﺍ
ﺑﻘﻴﺘﻲ ﻫﻴﻚ ﻣﺎ ﺭﺡ ﺗﻨﺤﻞّ ﺍﻷﻣﻮﺭ …
ﻃﻠﻌﻮﺍ ﻟﻔﻮﻕ ﻭ ﻳﺎﺳﻤﻴﻦ ﻛﺘﻴﻴﻴﻴﻴﻴﻴﺮ ﺗﻌﺒﺎﻧﺔ … ﺗﻌﺒﺎﻧﺔ ﻣﻦ ﺍﻟﻤﺎﺿﻲ …
ﺗﻌﺒﺎﻧﺔ ﻣﻦ ﺍﻟﺤﺎﺿﺮ … ﺗﻌﺒﺎﻧﺔ ﻭ ﺧﺎﻳﻔﺔ ﻣﻦ ﺍﻟﻠﻲ ﺟﺎﻳﻲ ﺑﺎﻟﻤﺴﺘﻘﺒﻞ ……
ﻗﻌﺪﺕ ﻳﺎﺳﻤﻴﻦ ﻋﻠﻰ ﺍﻟﻜﻨﺒﺎﻳﺔ ﻭ ﺇﺩﻭﺍﺭﺩ ﻋﻠﻰ ﺍﻟﻜﻨﺒﺎﻳﺔ ﺍﻟﻠﻲ ﻣﻘﺎﺑﻴﻠﻬﺎ …
ﻳﺎﺳﻤﻴﻦ : ﺍﻳﻪ ؟ ﺍﺣﻜﻲ ﻳﻼ …
ﺇﺩﻭﺍﺭﺩ : ﺑﺸﻮ ﺿﺮﺑﺘﻴﻨﻲ ؟؟؟ ﻭ ﻛﻴﻒ ﺍﻗﺪﺭﺗﻲ ﺗﻔﻜّﻲ ﺃﻳﺪﻳﻜﻲ ؟؟؟
ﻳﺎﺳﻤﻴﻦ : ﺟﻤّﻌﺖ ﻛﻞ ﺍﻟﻘﻮﺓ ﺍﻟﻠﻲ ﺑﻤﻠﻜﻬﺎ ﺑﺈﻳﺪﻳﻲ ﻭ ﺻﺮﺕ ﺷﺪّ ﻛﺘﻴﺮ ﻟﺤﺘّﻰ
ﺍﻗﺪﺭﺕ ﻓﻜّﻴﺖ ﺍﻟﺤﺒﻞ … ﻭ ﻃﻠﺒﺖ ﻣﻨﻚ ﺗﺠﺒﻠﻲ ﻣﺎﻱ ﻭ ﺷﻲ ﺁﻛﻠﻪ … ﺑﺲ
ﺍﻧﺖ ﻧﺰﻟﺖ ﻋﺎﻟﻤﻄﺒﺦ ، ﻓﻜﻴﺖ ﺇﺟﺮﻳّﻲ ﻭ ﻗﻤﺖ ﻭ ﺻﺮﺕ ﻓﺘّﺶ ﻋﻠﻰ ﺷﻲ ﺇﻗﺪﺭ
ﺍﺿﺮﺑﻚ ﻓﻴﻪ ﺑﺲ ﻣﺎ ﻳﻜﻮﻥ ﻣﺆﺫﻱ ﺃﻭ ﺷﻲ ﺯﺟﺎﺝ ﺣﺘﻰ ﻣﺎ ﺍﺭﺗﻜﺐ ﺷﻲ ﺟﺮﻳﻤﺔ
ﻓﻴﻚ … ﻭ ﻃﻠﻊ ﺑﻮﺟﻬﻬﻲ ﻣﺰﻫﺮﻳﺔ ﺻﻐﻴﺮﺓ ﺧﺸﺐ ﺑﺲ ﺗﻘﻴﻠﺔ ﺷﻮﻱ ….
ﺣﻤﻠﺘﻬﺎ ﻭ ﺍﺗﺨﺒﻴﺖ ﻭﺭﺍ ﺍﻟﺤﻴﻂ ﺍﻟﻠﻲ ﺟﻨﺐ ﺍﻟﺪﺭﺝ … ﻭ ﺑﺲ ﺍﻧﺖ ﺍﻃﻠﻌﺖ ﻭ
ﻣﺸﻴﺖ ﺷﻮﻱ … ﺿﺮﺑﺘﻚ ﻓﻴﻬﺎ ﻋﻠﻰ ﺭﺍﺳﻚ ﻭ ﻓﻮﺭﺍً ﺍﻧﺖَ ﻓﻘﺪﺕ ﻭﻋﻴﻚ …
ﺇﺩﻭﺍﺭﺩ : ﻣﺎ ﺇﺷﺒﻚ ﺷﻲ ﻳﺎﺳﻤﻴﻦ … ﺑﺘﻌﺮﻓﻲ ﺗﺘﺼﺮﻓﻲ …
ﻳﺎﺳﻤﻴﻦ : ﺍﺣﻜﻴﻠﻲ ﻣﻦ ﻭﻳﻦ ﺟﺒﺖ ﺍﻟﺼﻮﺭﺓ … ﻳﻠّﺎ …
ﺇﺩﻭﺍﺭﺩ : ﺑﺲ ﺍﻭﻋﺪﻳﻨﻲ ﺗﺒﻘﻲ ﺭﺍﻳﻘﺔ ﻭ ﺗﻜﻮﻧﻲ ﻫﺎﺩﺋﺔ …
ﻳﺎﺳﻤﻴﻦ : ﺍﺣﻜﻲ ﻟﺸﻮﻑ …
ﺇﺩﻭﺍﺭﺩ : ﺃﻧﺎ ﺑﻌﺮﻓﻚ ﻭ ﺑﺤﺒﻚ ﻣﻦ ﻭﻗﺖ ﺍﻟﻠﻲ ﻛﻨﺘﻲ ﻣﺘﺰﻭﺟﺔ …
ﻳﺎﺳﻤﻴﻦ : ﺷﻮﻭﻭﻭﻭ ؟؟؟؟ ﺷﻮ ﻋﻢ ﺗﺨﺒّﺺ ؟؟؟
ﺇﺩﻭﺍﺭﺩ : ﻳﺎﺳﻤﻴﻦ !! ﺃﻧﺎ ﻣﺎ ﻋﻢ ﺧﺒّﺺ … ﺃﻧﺎ ﺑﺤﺒّﻚ ﻣﻦ ﻭﻗﺖ ﺍﻟﻠﻲ ﻛﻨﺘﻲ
ﺯﻭﺟﺔ ﻋﻤﺎﺩ … ﺑﺲ ﻋﻤﺎﺩ ﺣﺪﺍ ﻣﺎ ﺑﻴﺴﺘﺎﻫﻠﻚ … ﻭ ﺍﻟﻠﻲ ﻋﻤﻠﻪ ﻓﻴﻜﻲ
…….
ﻗﺎﻃﻌﺘﻪ ﻳﺎﺳﻤﻴﻦ : ﺍﺧﺮﺱ … ﺍﺧﺮﺱ ﻭ ﻣﺎ ﻋﺎﺩ ﺗﺤﻜﻲ … ﺇﺩﻭﺍﺭﺩ ﺧﻠﺼﻨﻲ
ﻣﻨﻚ … ﺧﻠﺼﻨﻲ ﻣﻨﻚ ﻭ ﻣﻦ ﺟﻨﻮﻧﻚ … ﺣﻞ ﻋﻨﻲ … ﺃﻗﺴﻢ ﺑﺎﻟﻠﻪ ﺍﺫﺍ ﻣﺎ
ﺑﺘﺘﺮﻛﻨﻲ ﺑﺤﺎﻟﻲ ﺭﺡ ﺍﻧﺘﺤﺮ ﻭ ﺍﻗﺘﻞ ﺣﺎﻟﻲ …
ﺇﺩﻭﺍﺭﺩ : ﻳﺎﺳﻤﻴﻦ ﻃﻮﻟﻲ ﺑﺎﻟﻚ … ﺑﻌﺮﻑ ﺍﻧﻚ ﺑﻌﺪﻙ ﻣﺎ ﺍﻃﻠﻌﺘﻲ ﻣﻦ ﺣﺎﻟﺘﻚ
ﺍﻟﻨﻔﺴﻴﺔ ﺑﺴﺒﺐ ﺍﻟﻠﻲ ﻋﻤﻠﻪ ﻋﻤﺎﺩ … ﻭ ﺃﻧﺎ ﺑﺤﺒﻚ ﻭ ﺟﺒﺘﻚ ﻟﻌﻨﺪﻱ ﺣﺘﻰ
ﻧﺴّﻴﻜﻲ ﻛﻞ ﺷﻲ ﺻﺎﺭ ﻣﻌﻚ ﻭ ﻧﺴّﻴﻜﻲ ﻋﻤﺎﺩ …
ﻳﺎﺳﻤﻴﻦ : ﻟﻚ ﺍﻧﺖ ﺷﻮﻭﻭﻭﻭﻭﻭ ؟؟؟؟
ﻭﻗﻔﺖ ﻳﺎﺳﻤﻴﻦ ﻭ ﺻﺎﺭﺕ ﺗﺼﺮّﺥ ﻭ ﺗﻜﺴّﺮ ﻛﻞ ﺷﻲ ﻣﻮﺟﻮﺩ ﻗﺪّﺍﻣﻬﺎ ……

# ﻋﺎﻟﻢ_ ﺍﻟﻴﺎﺳﻤﻴﻦ_ ﺑﻘﻠﻢ NS_
@rwayate
ﺍﻟﺠﺰﺀ ﺍﻟﺴﺎﺑﻊ : ﺍﻧﺘﻬﺖ …
ﻭﻗﻔﺖ ﻳﺎﺳﻤﻴﻦ ﻭ ﺻﺎﺭﺕ ﺗﺼﺮّﺥ ﻭ ﺗﻜﺴّﺮ ﻛﻞ ﺷﻲ ﻣﻮﺟﻮﺩ ﻗﺪّﺍﻣﻬﺎ …..
ﺇﺩﻭﺍﺭﺩ : ﻳﺎﺳﻤﻴﻴﻴﻴﻴﻴﻴﻴﻴﻴﻲﻳﻴﻨﻨﻨﻨﻨﻨﻨﻨﻨﻨﻦ
__________
ﺑﻌﺪ ﻃﻮﻝ ﺍﻧﺘﻈﺎﺭ … ﺇﺟﻰ ﺍﻟﺸﺨﺺ ﺍﻟﻠﻲ ﺑﻌﺖ ﺭﺳﺎﻟﺔ ﻟﻜﺮﻳﻢ ﻣﻊ ٢ ﻣﻦ
ﻋﻨﺎﺻﺮ ﺍﻟﺸﺮﻃﺔ ﺍﻟﻠﻲ ﺑﻌﺘﻬﻢ ﺳﻌﻴﺪ …
ﻛﺮﻳﻢ : ﻣﺮﺣﺒﺎ .. ﺃﻧﺎ ﻛﺮﻳﻢ ﺧﻴﺮﺍﻟﻠﻪ ﺍﻟﻠﻲ ﻗﺎﻟﺘﻠﻚ ﻳﺎﺳﻤﻴﻦ ﺗﺘﻮﺍﺻﻞ ﻣﻌﻲ …
ﺳﻌﻴﺪ : ﺃﻧﺎ ﺍﻟﻤﺤﻘﻖ ﺳﻌﻴﺪ ﻧﻤﺮ … ﺍﺗﻔﻀّﻞ ﻣﺎ ﺗﺨﺎﻑ … ﺷﻮ ﺍﺳﻤﻚ ؟؟
ﻣﺤﻤﻮﺩ : ﺍﺳﻤﻲ ﻣﺤﻤﻮﺩ … ﻟﻴﻪ ﺟﺒﺘﻮﻧﻲ ﻟﻬﻮﻥ ؟؟
ﺳﻌﻴﺪ : ﺳﻴّﺪ ﻣﺤﻤﻮﺩ .. ﺃﻧﺎ ﻣﺤﻘﻖ ﻭ ﻣﺴﺘﻠﻢ ﻛﻞ ﺷﻲ ﺑﺨﺼﻮﺹ ﻋﻤﻠﻴﺔ
ﺇﺧﺘﻄﺎﻑ ﺍﻟﻤﻬﻨﺪﺳﺔ ﻳﺎﺳﻤﻴﻦ … ﻭ ﺃﻧﺎ ﺍﻟﻠﻲ ﺣﻜﻴﺖ ﻣﻌﻚ ﻋﺎﻟﺘﻠﻴﻔﻮﻥ ….. ﻭ
ﺍﻧﺖ ﻫﻮﻥ ﻟﺘﺤﻜﻴﻠﻨﺎ ﻭ ﺗﻮﺿﺤﻠﻨﺎ ﺃﻛﺘﺮ ﺷﻮ ﺻﺎﺭ ﺑﻴﻨﻚ ﻭ ﺑﻴﻦ ﻳﺎﺳﻤﻴﻦ … ﻭ
ﻟﻨﺸﻮﻑ ﺍﻟﻮﺭﻗﺔ ﺍﻟﻠﻲ ﻛﺘﺒﺘﻬﺎ ﻳﺎﺳﻤﻴﻦ …
ﻣﺤﻤﻮﺩ : ﺳﻴﺪﻱ ﺍﻟﻠﻲ ﺣﻜﻴﺘﻠﻚ ﻳﺎﻩ ﻋﺎﻟﺘﻠﻴﻔﻮﻥ ﻫﻮ ﺍﻟﻠﻲ ﺻﺎﺭ .. ﻻ ﺯﺩﺕ ﻭ ﻻ
ﻧﻘّﺼﺖ .. ﻭ ﻫﻲ ﺍﻟﻮﺭﻗﺔ ﺍﺗﻔﻀّﻞ …
ﺃﺧﺪﻫﺎ ﻛﺮﻳﻢ ﻣﻦ ﺇﻳﺪﻩ ﺑﺴﺮﻋﺔ ﻭ ﻓﺘﺤﻬﺎ ﻭ ﻛﺎﻥ ﻋﻢ ﻳﺮﺟﻒ ﻣﻦ ﺷﺪّﺓ ﺍﻟﻌﺼﺒﻴﺔ
…
ﻛﺮﻳﻢ : ﻣﺰﺑﻮﻁ … ﻫﺎﻟﺨﻂ ﻫﻮ ﺧﻂ ﻳﺎﺳﻤﻴﻦ … ﻗﻮﻡ ﺑﺴﺮﻋﺔ ﺧﻠﻴﻨﺎ ﻧﺮﻭﺡ
…
ﺳﻌﻴﺪ : ﺇﻫﺪﻯ ﻛﺮﻳﻢ …… ﺳﻴﺪ ﻣﺤﻤﻮﺩ ! ﺑﺪﻱ ﺗﺸﺮﺣﻠﻲ ﻛﻴﻒ ﺟﺒﺖ
ﺍﻟﻮﺭﻗﺔ … ﻣﻦ ﻭﻳﻦ ﺩﺧﻠﺖ ﻭ ﻣﻦ ﻭﻳﻦ ﻃﻠﻌﺖ ؟ ﻭ ﺣﺪﺍ ﺷﺎﻓﻚ ؟ ﻭ ﻓﻲ
ﺣﺮﺍﺱ ﻟﻠﺒﻴﺖ ﺍﻟﻠﻲ ﻳﺎﺳﻤﻴﻦ ﻣﻮﺟﻮﺩﺓ ﻓﻴﻪ ؟؟؟
ﻣﺤﻤﻮﺩ : ﺩﺧﻠﺖ ﻣﻦ ﺍﻟﺒﻮﺍﺑﺔ ﺍﻟﺮﺋﻴﺴﻴﺔ … ﻛﺎﻧﺖ ﻣﻔﺘﻮﺣﺔ … ﻣﺸﻴﺖ ﻟﺘﺤﺖ
ﺍﻟﺸﺒﺎﻙ ﺍﻟﻠﻲ ﻛﺎﻧﺖ ﻭﺍﻗﻔﺔ ﻋﻠﻴﻪ ﻳﺎﺳﻤﻴﻦ ﻭ ﻛﺎﻧﺖ ﺍﻟﻮﺭﻗﺔ ﻋﺎﻷﺭﺽ ، ﺃﺧﺪﺕ
ﺍﻟﻮﺭﻗﺔ ﺑﺴﺮﻋﺔ ﻭ ﻃﻠﻌﺖ ﻣﻦ ﺍﻟﺒﻮﺍﺑﺔ … ﻭ ﻣﺎ ﻓﻲ ﺣﺮﺍﺱ ﻭ ﻻ ﺷﻲ …
ﻫﺎﻟﺒﻴﺖ ﻣﻦ ﺯﻣﺎﻥ ﻣﻬﺠﻮﺭ … ﻛﻞ ﻣﺪﺓ ﺑﻴﺠﻲ ﺻﺎﺣﺐ ﺍﻟﺒﻴﺖ ﻋﻠﻴﻪ ﺣﻮﺍﻟﻲ
ﺍﻟﺴﺎﻋﺔ ﺃﻭ ﺃﻗﻞ ﻭ ﺑﻌﺪﻳﻦ ﺑﻐﻴﺐ ..
ﺳﻌﻴﺪ : ﻃﻴﺐ ﺍﻧﺘﻈﺮﻧﺎ ﺷﻮﻱ ﺑﺮﺍ ﻟﻮ ﺳﻤﺤﺖ …
ﺿﻬﺮ ﻣﺤﻤﻮﺩ ﻣﻊ ﺍﻟﻌﻨﺎﺻﺮ ﻭ ﺑﻘﻴﻮﺍ ﻛﺮﻳﻢ ﻭ ﺳﻌﻴﺪ …
ﻛﺮﻳﻢ : ﺷﻮ ؟
ﺳﻌﻴﺪ : ﻣﺎ ﺑﻌﺮﻑ .. ﺣﺎﺳﺴﻨﻲ ﻗﻠﺒﻲ ﺍﻧّﻮ ﻋﻢ ﻳﻜﺰّﺏ ﻋﻠﻴﻨﺎ … ﺑﻠﻜﻲ
ﻳﺎﺳﻤﻴﻦ ﻛﺎﺗﺒﺔ ﻫﺎﻟﻮﺭﻗﺔ ﺑﺎﻟﻐﺼﺐ …
ﻛﺮﻳﻢ : ﺧﻠﻴﻨﺎ ﻧﺮﻭﺡ … ﻛﻮﻥ ﺃﻧﺎ ﻣﻊ ﻳﺎﺳﻤﻴﻦ ﺃﺣﺴﻦ ﻣﺎ ﺗﻜﻮﻥ ﻟﻮﺣﺪﻫﺎ ﻭ
ﺣﺪﺍ ﻋﻢ ﻳﺌﺬﻳﻬﺎ ﺃﻭ ﻳﻠﻤﺴﻬﺎ …
ﺳﻌﻴﺪ : ﻃﻴﺐ ﺭﺡ ﻧﺮﻭﺡ … ﺍﺗﺼﻞ ﺑﻤﺤﻤﺪ ﻭ ﺃﻋﻄﻴﻪ ﺍﻟﻌﻨﻮﺍﻥ ﻛﺮﻣﺎﻝ ﺍﺫﺍ ﺻﺎﺭ

ﻣﺎ ﺻﺎﺭ ﻳﻜﻮﻥ ﺑﻴﻌﺮﻑ ﺍﻟﻤﻜﺎﻥ …… ﺭﺡ ﻧﺮﻭﺡ ﺳﻴﺎﺭﺗﻴﻦ … ﺳﻴﺎﺭﺓ ﺍﻧﺎ ﻭ
ﻳﺎﻙ ﻭ ﻣﺤﻤﻮﺩ … ﻭ ﺳﻴﺎﺭﺓ ﺗﺎﻧﻴﺔ ﺑﺘﻠﺤﻘﻨﺎ ﺑﺪﻭﻥ ﻋﻠﻢ ﻣﺤﻤﻮﺩ … ﻫﻴﻚ
ﺃﺿﻤﻦ …
ﻛﺮﻳﻢ : ﺃﻭﻛﻲ ﻳﻼ ﻧﺮﻭﺡ …
ﺳﻌﻴﺪ : ﻟﺤﻈﺔ … ﺍﺗﺼﻞ ﺑﻤﺤﻤﺪ ﻗﺒﻞ ﻣﺎ ﺗﻀﻬﺮ ﻣﻦ ﻫﻮﻥ ﻭ ﻳﺴﻤﻌﻚ ﻣﺤﻤﻮﺩ
…
ﺍﺗﺼﻞ ﻛﺮﻳﻢ ﺑﻤﺤﻤﺪ … ﻫﻮ ﻛﺎﻥ ﻣﺴﺘﻠﻢ ﻛﻞ ﺷﻲ ﻣﺤﻞ ﻛﺮﻳﻢ ﺑﺎﻟﺸﺮﻛﺔ …
ﺧﺒﺮﻩ ﻋﻦ ﻳﻠﻲ ﺻﺎﺭ ﻭ ﻋﻦ ﺍﻟﻌﻨﻮﺍﻥ … ﺑﺲ ﻗﺒﻞ ﻣﺎ ﻳﺴﻜّﺮ ﻛﺮﻳﻢ ﺍﻟﺨﻂّ
ﻗﺎﻃﻌﻪ ﻣﺤﻤﺪ …
ﻣﺤﻤﺪ : ﻛﺮﻳﻢ ﻛﺮﻳﻢ .. ﻟﺤﻈﺔ … ﻓﻲ ﺷﻲ ﺑﺪﻱ ﺧﺒﺮﻙ ﻳﺎﻩ ..
ﻛﺮﻳﻢ : ﺧﻴﺮ ؟؟؟ ﺷﻮ ﺑﺪﻙ ﺗﺨﺒﺮﻧﻲ ؟ ﺑﺴﺮﻋﺔ …
ﻣﺤﻤﺪ : ﺇﺩﻭﺍﺭﺩ ﺃﻭﻝ ﻣﺒﺎﺭﺡ ﺍﺟﻰ ﻋﺎﻟﺸﺮﻛﺔ ﺷﻲ ﺳﺎﻋﺘﻴﻦ ﻭ ﺭﺍﺡ … ﻭ ﺍﻟﻴﻮﻡ
ﻣﺎ ﺍﺟﻰ …….
ﻛﺮﻳﻢ : ﺍﻳﻪ ﺷﻮ ﻳﻌﻨﻲ ؟؟؟ ﻫﺎﻹﻧﺴﺎﻥ ﺑﻌﺪﻩ ﺑﺎﻟﺸﺮﻛﺔ ﻹﻧﻪ ﻳﺎﺳﻤﻴﻦ ﺑﺘﺸﻔﻖ
ﻋﻠﻴﻪ … ﻭ ﺍﺫﺍ ﻣﺎ ﺍﺟﻰ ﻋﺎﻟﺸﺮﻛﺔ ﺑﻜﻮﻥ ﺃﺣﺴﻦ … ﻳﻼ ﺑﺎﻱ …
_______
” ﺍﻟﻮﻗﺖ ﻓﻌﻼً ﺍﻧّﻮ ﻣﺘﻞ ﺍﻟﺴﻴﻒ … ﺍﺫﺍ ﻣﺎ ﻗﻄﻌﻨﺎﻩ ﺑﺎﻟﻮﻗﺖ ﺍﻟﻤﻨﺎﺳﺐ
ﺑﻴﻘﻄﻌﻨﺎ … ﺑﻴﻘﻄﻊ ﻓﺮﺣﺘﻨﺎ … ﺑﻴﻘﻄﻊ ﺳﻌﺎﺩﺗﻨﺎ … ﺑﻴﻘﻄﻊ ﺷﻐﻼﺕ
ﻛﺘﻴﻴﻴﻴﻴﻴﺮ .. ﺑﺲ ﻓﻲ ﺷﻲ ﻭﺍﺣﺪ ﻣﺎ ﺑﻴﻘﺪﺭ ﻋﻠﻴﻪ ﺍﻟﻮﻗﺖ … ﻭﺍﺣﺪ ﺑﺲ …
ﺫﻛﺮﻳﺎﺕ ﺍﻟﻤﺎﺿﻲ … ﺫﻛﺮﻳﺎﺕ ﺍﻟﻤﺎﺿﻲ ﺑﺘﺘﺮﺳّﺦ ﻓﻴﻨﺎ ﻭ ﺑﺬﺍﻛﺮﺗﻨﺎ ﺃﻛﺘﺮ ﻣﻊ
ﻣﺮﻭﺭ ﺍﻟﻮﻗﺖ …. ﺧﺎﺻﺔ ﺍﺫﺍ ﻛﺎﻧﺖ ﻫﺎﻟﺬﻛﺮﻳﺎﺕ ﻣﺰﺧﺮﻓﺔ ﺑﺎﻟﻮﺟﻊ ﻭ ﺍﻟﺪﻣﻮﻉ ﻭ
ﺍﻟﻘﻬﺮ ﻭ ﺍﻟﺘﻌﺐ ﻭ ﺍﻟﺤﺰﻥ … ”
______
ﺍﻟﺴﺎﻋﺔ ٢ ﺑﻌﺪ ﻧﺺ ﻟﻴﻞ … ﺍﻟﻌﺘﻤﺔ ﺑﻜﻞّ ﻣﻜﺎﻥ … ﻧﺰﻟﻮﺍ ﺳﻌﻴﺪ ﻭ ﻣﺤﻤﻮﺩ ﻭ
ﻛﺮﻳﻢ ﻣﻦ ﺍﻟﺴﻴﺎﺭﺓ ﺟﻨﺐ ﺍﻟﺒﻴﺖ ﺍﻟﻠﻲ ﺑﻴﺤﺮﺳﻪ ﻣﺤﻤﻮﺩ ….
ﻣﺤﻤﻮﺩ : ﺳﻴﺪﻱ ﻫﺎﻟﺒﻴﺖ ﺃﻧﺎ ﺑﺤﺮﺳﻪ … ‏( ﺃﺷﺎﺭ ﺑﺈﺻﺒﻌﻪ ‏) ﻭ ﻫﻴﺪﺍﻙ ﺍﻟﺒﻴﺖ
ﺍﻟﻠﻲ ﻣﻮﺟﻮﺩﺓ ﻓﻴﻪ ﻳﺎﺳﻤﻴﻦ …
ﺳﻌﻴﺪ : ﻭﻳﻦ ﺍﻟﻤﺤﺮﺱ ؟؟ ﺑﺪﻱ ﺍﺣﻜﻲ ﻣﻊ ﺍﻟﻌﻨﺎﺻﺮ ﺍﻟﻠﻲ ﻋﻢ ﻳﺤﺮﺳﻮﺍ ﻣﻜﺎﻧﻚ
…
ﺩﺧﻠﻮﺍ ﻋﻠﻰ ﺍﻟﻤﺤﺮﺱ ﻭ ﻛﺎﻧﻮﺍ ﻋﻨﺎﺻﺮ ﺳﻌﻴﺪ ﻭﺍﻗﻔﻴﻦ …
ﺳﻌﻴﺪ : ﻛﻴﻔﻜﻦ ﺷﺒﺎﺏ ؟؟؟ ﺭﺍﻗﺒﺘﻮﺍ ﺍﻟﺒﻴﺖ ﻣﻨﻴﺢ ؟؟؟
ﺍﻟﻌﻨﺼﺮ ١ : ﺳﻴﺪﻱ ﻣﻦ ﺣﻮﺍﻟﻲ ﺍﻟﺴﺎﻋﺘﻴﻦ ﺍﺳﻤﻌﻨﺎ ﺻﻮﺕ ﺻﺮﺍﺥ ﻟﻤﺪﺓ ﺣﻮﺍﻟﻲ
ﺍﻟﺨﻤﺲ ﺩﻗﺎﺋﻖ … ﻭ ﻣﺎ ﻋﺎﺩ ﺍﺳﻤﻌﻨﺎ ﺷﻲ … ﺑﺲ ﺑﻘﻴﻨﺎ ﻭﺍﻗﻔﻴﻦ ﻋﻢ ﻧﺮﺍﻗﺐ
…. ﻭ ﻣﻦ ﻧﺺّ ﺳﺎﻋﺔ ﻃﻠﻌﻮﺍ ﺷﺨﺼﻴﻦ ﺑﺴﻴﺎﺭﺓ ﻭ ﺭﺍﺣﻮﺍ … ﺑﺲ ﻣﺎ ﺍﻗﺪﺭﻧﺎ
ﻧﺸﻮﻑ ﻭﺟﻮﻫﻬﻦ ﻣﻦ ﺍﻟﻌﺘﻤﺔ …
ﻗﺮّﺏ ﻛﺮﻳﻢ ﻣﻦ ﺍﻟﻌﻨﺼﺮ ١ ﻭ ﻛﻤﺸﻮﺍ ﺑﻜﻨﺰﺗﻮ ﻣﻦ ﻓﻮﻕ ﻭ ﺧﺒﻄﻪ ﺑﺎﻟﺤﻴﻂ ﻭ
ﺻﺎﺭ ﻳﺼﺮﺥ ﻋﻠﻴﻪ …
ﻛﺮﻳﻢ : ﻟﻚ ﺍﻟﻠﻪ ﻳﻠﻌﻨﻚ … ﻟﻮﻳﻦ ﺭﺍﺍﺍﺍﺣﺤﺤﻮﻭﻭﺍﺍﺍﺍ ؟؟؟ ﻟﻮﻳﻴﻴﻴﻴﻨﻨﻨﻨﻦ ؟؟؟
ﻟﻴﻴﻴﻴﻴﻴﻴﻪ ﻣﺎﺍﺍﺍﺍﺍ ﺍﻟﺤﻘﺘﻪ ؟؟؟
ﻓﻮﺭﺍً ﺍﺗﺪﺧﻞ ﺳﻌﻴﺪ ﻭ ﺑﻌﺪ ﻛﺮﻳﻢ ﻋﻦ ﺍﻟﻌﻨﺼﺮ ١ …
ﺳﻌﻴﺪ : ﻛﺮﺭﺭﻳﻴﻴﻴﻤﻤﻤﻢ … ﻣﺎ ﺑﺼﻴﺮ ﻫﻴﻜﻜﻜﻚ … ﺍﻫﺪﻯ ﺷﻮ
ﺻﺮﻟﻠﻠﻠﻜﻜﻜﻚ ؟؟؟
ﻭﻗﻒ ﻛﺮﻳﻢ ﻫﻮ ﻭ ﻣﻌﺼﺐ ﻭ ﺻﺎﺭ ﻳﺎﺧﺪ ﻧﻔﺲ …
ﺳﻌﻴﺪ : ﻛﻴﻒ ﺑﺘﺘﺮﻛﻮﻩ ﻳﺮﻭﺡ ؟ ﻃﻴﺐ ﻟﻴﺶ ﻣﺎ ﺧﺒﺮﺗﻮﻧﻲ ؟؟؟ ﻟﻴﺶ ﻣﺎ
ﺍﺗﺼﻠﺘﻮﺍ ؟؟
ﺍﻟﻌﻨﺼﺮ ٢ : ﺳﻴﺪﻱ ﺍﺗﺼﻠﻨﺎ ﻓﻴﻚ ﻣﺮﺗﻴﻦ ﺑﺲ ﺍﻧﺖ ﻣﺎ ﺭﺩﻳﺖ ..
ﻛﺮﻳﻢ : ﺳﻌﻴﺪ … ﺍﻧﺎ ﺭﺡ ﺍﺩﺧﻞ ﻋﺎﻟﺒﻴﺖ …

ﺍﻟﺠﺰﺀ ﺍﻟﺜﺎﻣﻦ :
@rwayate
ﺭﻛﺾ ﻛﺮﻳﻢ ﻭ ﺩﺧﻞ ﻣﻦ ﺑﻮﺍﺑﺔ ﺍﻟﻘﺼﺮ ﺍﻟﻠﻲ ﻛﺎﻧﺖ ﻓﻴﻪ ﻳﺎﺳﻤﻴﻦ ﻭ ﺳﻌﻴﺪ ﻭﺭﺍﻩ
ﻭ ﻧﺰﻟﻮﺍ ﺍﻟﻌﻨﺎﺻﺮ ﺍﻟﻠﻲ ﻛﺎﻧﻮﺍ ﺑﺘﺎﻧﻲ ﺳﻴﺎﺭﺓ ﻭ ﻛﺎﻧﻮﺍ ﻣﻌﻬﻢ ﻛﻤﺎﻥ … ﻭﺻﻞ
ﻛﺮﻳﻢ ﻋﻠﻰ ﺑﺎﺏ ﺍﻟﺒﻴﺖ ﻭ ﻭﻗﻒ ﻣﺼﺪﻭﻡ ….
ﺳﻌﻴﺪ : ﺷﻮ ﻓﻲ ﻛﺮﻳﻢ ﻟﻴﻪ ﻭﻗﻔﺖ ؟؟؟ ……….
ﻻﺣﻆ ﺳﻌﻴﺪ ﺍﻧﻮ ﻋﻴﻮﻥ ﻛﺮﻳﻢ ﻋﻠﻰ ﺍﻷﺭﺽ … ﻭﺟّﻪ ﺳﻌﻴﺪ ﺍﻟﻀﻮ ﺍﻟﻠﻲ ﺑﺈﻳﺪﻩ
ﻋﻠﻰ ﺍﻷﺭﺽ ﻭ ﺷﺎﻑ ﻧﻘﻂ ﺩﻡ ………. ﻛﺮﻳﻢ ؟؟؟ ﺧﻠﻴﻨﺎ ﻧﺪﺧﻞ ﺍﻟﺒﺎﺏ
ﻣﻔﺘﻮﺡ ﻛﻤﺎﻥ …
ﺩﺧﻠﻮﺍ ﺍﻟﻌﻨﺎﺻﺮ ﻗﺒﻞ ﻭ ﺩﺧﻠﻮﺍ ﺳﻌﻴﺪ ﻭ ﻛﺮﻳﻢ ﻭﺭﺍﻫﻢ ….. ﺑﺲ ﻛﺮﻳﻢ ﺑﻘﻲ
ﻣﺎﺷﻲ ﻣﻊ ﻧﻘﻂ ﺍﻟﺪﻡ …. ﻃﻠﻊ ﻟﻔﻮﻕ ﻭ ﺷﺎﻑ ﺩﻡ ﺍﻛﺘﺮ ﻭ ﺯﺟﺎﺝ ﻣﻜﺴّﺮ ﻭ
ﺍﻟﻜﺮﺳﻲ ﺍﻟﻠﻲ ﻛﺎﻧﺖ ﻳﺎﺳﻤﻴﻦ ﻣﺮﺑّﻄﺔ ﻋﻠﻴﻬﺎ …
ﻛﺮﻳﻢ ‏( ﺑﻬﻤﺲ ‏) : ﻳﺎﺳﻤﻴﻦ ؟ ﻳﺎﺳﻤﻴﻦ ؟ ﺃﻧﺎ ﺇﺟﻴﺖ ﻭﻳﻨﻚ ؟ ﺃﻧﺎ ﻫﻮﻥ
ﺣﺒﻴﺒﺘﻲ …
ﺳﻌﻴﺪ : ﻛﺮﻳﻢ ؟ ﺍﻫﺪﻯ ﻳﺎ ﺭﺟﻞ … ﻃﻮﻝ ﺑﺎﻟﻚ … ﻋﻢ ﻧﻘﺮّﺏ ﻣﻦ ﺍﻟﺤﻘﻴﻘﺔ
ﺷﻮﻱ ﺷﻮﻱ …
ﺍﻟﺘﻔﺖ ﻛﺮﻳﻢ ﻟﻌﻨﺪ ﺳﻌﻴﺪ ….
ﻛﺮﻳﻢ : ﺳﻌﻴﺪ ﺷﻮﻑ … ﻳﺎﺳﻤﻴﻦ ﻛﺎﻧﺖ ﻫﻮﻥ … ﻣﻌﻘﻮﻝ ﻫﺎﻟﺪﻡ ﻛﻠّﻪ
ﺩﻣﻬﺎ ؟؟؟
_________
ﺇﺩﻭﺍﺭﺩ : ﻣﺮﺣﺒﺎ … ﻟﻮ ﺳﻤﺤﺘﻲ ﺗﺴﺎﻋﺪﻳﻨﻲ ﺑﺴﺮﻋﺔ … ﻣﺮﺗﻲ ﺑﺎﻟﺴﻴﺎﺭﺓ ﻭ
ﻋﻢ ﺗﻨﺰﻑ ﻛﺘﻴﺮ … ﺑﺴﺮﻋﺔ ﺳﺎﻋﺪﻳﻨﻲ ….
ﺭﻛﻀﻮﺍ ﺍﻟﻤﻤﺮﺿﻴﻦ ﻟﻴﺴﻌﻔﻮﺍ ﻳﺎﺳﻤﻴﻦ ﺍﻟﻠﻲ ﺇﻳﺪﻳﻬﺎ ﺍﻟﺘﻨﺘﻴﻦ ﻋﻢ ﻳﻨﺰﻓﻮﺍ ﻛﺘﻴﺮ
ﻣﻦ ﻛﺘﺮ ﻣﺎ ﻣﺸﻄّﺒﻴﻦ ……. ﻓﻮﺭﺍً ﺩﺧّﻠﻮﻫﺎ ﻋﻞ

_________
ﺇﺩﻭﺍﺭﺩ : ﻣﺮﺣﺒﺎ … ﻟﻮ ﺳﻤﺤﺘﻲ ﺗﺴﺎﻋﺪﻳﻨﻲ ﺑﺴﺮﻋﺔ … ﻣﺮﺗﻲ ﺑﺎﻟﺴﻴﺎﺭﺓ ﻭ
ﻋﻢ ﺗﻨﺰﻑ ﻛﺘﻴﺮ … ﺑﺴﺮﻋﺔ ﺳﺎﻋﺪﻳﻨﻲ ….
ﺭﻛﻀﻮﺍ ﺍﻟﻤﻤﺮﺿﻴﻦ ﻟﻴﺴﻌﻔﻮﺍ ﻳﺎﺳﻤﻴﻦ ﺍﻟﻠﻲ ﺇﻳﺪﻳﻬﺎ ﺍﻟﺘﻨﺘﻴﻦ ﻋﻢ ﻳﻨﺰﻓﻮﺍ ﻛﺘﻴﺮ
ﻣﻦ ﻛﺘﺮ ﻣﺎ ﻣﺸﻄّﺒﻴﻦ ……. ﻓﻮﺭﺍً ﺩﺧّﻠﻮﻫﺎ ﻋﻠﻰ ﻏﺮﻓﺔ ﺍﻟﻌﻤﻠﻴﺎﺕ ….
ﻭﻗﻒ ﺇﺩﻭﺍﺭﺩ ﻗﺪّﺍﻡ ﺑﺎﺏ ﻏﺮﻓﺔ ﺍﻟﻌﻤﻠﻴﺎﺕ ﻫﻮ ﻭ ﺧﺎﻳﻒ ﻭ ﻣﻮﺗّﺮ … ﺧﺎﻳﻒ
ﻳﺼﻴﺮ ﺷﻲ ﻋﻠﻰ ﻳﺎﺳﻤﻴﻦ … ﺑﻌﺪ ﺷﻮﻱ ﺿﻬﺮﺕ ﻣﻤﺮﺿﺔ ﻣﻦ ﻏﺮﻓﺔ
ﺍﻟﻌﻤﻠﻴﺎﺕ ﻭ ﻓﻮﺭﺍً ﻭﻗّﻔﻬﺎ ﺇﺩﻭﺍﺭﺩ …
ﺇﺩﻭﺍﺭﺩ : ﻟﺤﻈﺔ ﻟﺤﻈﺔ ﻟﺤﻈﺔ … ﺧﻴﺮ ؟؟؟ ﻃﻤﻨﻴﻨﻲ ؟؟؟؟ ﻛﻴﻔﻬﺎ ﻣﺮﺗﻲ ؟؟؟
ﺍﻟﻤﻤﺮﺿﺔ : ﺧﺴﺮﺕ ﻛﺘﻴﺮ ﺩﻡ ﻭ ﺑﺤﺎﺟﺔ ﻣﺎﺳﺔ ﻟﺪﻡّ … ﺍﻧﺸﺎﻟﻠﻪ ﻧﻘﺪﺭ ﻧﻠﺤﻘﻬﺎ
…
ﺣﻜﺖ ﻫﺎﻟﺠﻤﻠﺔ ﻭ ﻣﺸﻴﺖ ﺑﺴﺮﻋﺔ … ﻭ ﺇﺩﻭﺍﺭﺩ ﻭﺍﻗﻒ ﻣﺼﺪﻭﻡ …
_________
” ﻣﻊ ﺧَﺴﺎﺭﺗﻲ ﻟﻚَ … ﺧَﺴﺮﺕُ ﺍﻟﻜﺜﻴﺮ … ﺧﺴﺮﺕُ ﺭﺍﺣﺘﻲ … ﺧﺴﺮﺕُ
ﺳﻌﺎﺩﺗﻲ … ﺧﺴﺮﺕُ ﺭﺍﺣﺔ ﺑﺎﻟﻲ … ﺧﺴﺮﺕُ ﺍﺳﺘﻤﺘﺎﻋﻲ ﺑﺎﻟﻠﺤﻈﺎﺕ
ﺍﻟﺴﻌﻴﺪﺓ … ﺃﺩﻋﻮ ﺍﻟﻠﻪ ﺃﻥ ﻳﺼﻴﺒُﻚَ ﺃﺿﻌﺎﻑ ﻣﺎ ﺃﺻﺎﺑﻨﻲ ”
_________
ﺳﻌﻴﺪ : ﻛﺮﻳﻢ ؟؟؟ ﻣﺎ ﺗﻠﻤﺲ ﺷﻲ ﺃﺑﺪﺍً … ﺣﻄﻴﺖ ﻛﺎﻣﻴﺮﺍ ﺻﻐﻴﺮﺓ ﻫﻮﻥ
ﻣﺤﻞ ﻣﺎ ﻛﺎﻧﺖ ﻳﺎﺳﻤﻴﻦ ﻣﺮﺑّﻄﺔ … ﻭ ﻛﺎﻣﻴﺮﺍ ﺗﺎﻧﻴﺔ ﺑﻐﺮﻓﺔ ﺍﻟﻨﻮﻡ …
ﺑﺲ ﺳﻌﻴﺪ ﻗﺎﻝ ‏( ﻏﺮﻓﺔ ﺍﻟﻨﻮﻡ ‏) ﺍﻟﺘﻔﺖ ﻛﺮﻳﻢ ﺑﺴﺮﻋﺔ ﻟﻌﻨﺪ ﺳﻌﻴﺪ …
ﻛﺮﻳﻢ : ﻟﻴﻪ ﻳﻌﻨﻲ ﺑﻐﺮﻓﺔ ﺍﻟﻨﻮﻡ ؟؟؟ ﺷﻮ ﺑﺪّﻭ ﻳﺪﺧّﻠﻬﻢ ﻋﻠﻰ ﻏﺮﻓﺔ ﺍﻟﻨﻮﻡ ؟
ﻣﺸﻲ ﻛﺮﻳﻢ ﻭ ﺻﺎﺭ ﻳﺪﺧﻞ ﺍﻟﻐﺮﻑ ، ﻏﺮﻓﺔ ﻏﺮﻓﺔ … ﺩﺧﻞ ﻭ ﻭﻗﻒ ﻭ ﺻﺎﺭ
ﻳﺘﺄﻣّﻞ ﺍﻟﺘﺨﺖ …
ﺳﻌﻴﺪ : ﺷﻮ ؟ ﺇﺷﺒﻚ ﺷﻲ ؟؟
ﻛﺮﻳﻢ : ﻛﻨﺖ ﺑﺪّﻱ ﻃﻤّﻦ ﻗﻠﺒﻲ ﻭ ﻣﺸﻲ ﺍﻟﺤﺎﻝ …
ﺳﻌﻴﺪ : ﻛﺮﻳﻢ ! ﻣﺶ ﺍﻟﻈﺎﻫﺮ ﺍﻧﻮ ﺩﺍﺧﻠﻴﻦ ﻟﻬﻮﻥ … ﺍﻟﻐﺮﻓﺔ ﻣﺮﺗﺒﺔ ﻛﺘﻴﺮ ﻭ
ﻣﺎ ﻓﻴﻬﺎ ﺷﻲ ﻣﺶ ﻣﺰﺑﻮﻁ …… ﻳﻼ ﻛﺮﻳﻢ ، ﺻﺎﺭ ﻻﺯﻡ ﻧﺮﻭﺡ ﻣﻦ ﻫﻮﻥ ﻗﺒﻞ
ﻣﺎ ﻳﺮﺟﻌﻮﺍ …
ﺗﺮﻛﻮﺍ ﺍﻟﺒﻴﺖ ﻣﺘﻞ ﻣﺎ ﻫﻮ ﻭ ﻣﺎ ﻟﻤﺴﻮﺍ ﺃﻱ ﻏﺮﺽ ﻭ ﺗﺮﻛﻮﺍ ﺍﻟﺒﺎﺏ ﻣﻔﺘﻮﺡ ﻣﺘﻞ
ﻣﺎ ﻛﺎﻥ … ﻭ ﺑﻘﻲ ﻋﻨﺼﺮﻳﻦ ﻣﻊ ﻣﺤﻤﻮﺩ ﺣﺘﻰ ﻳﺮﺍﻗﺒﻮﻩ ﻭ ﻳﺮﺍﻗﺒﻮﺍ ﺍﻟﻘﺼﺮ
ﺍﻟﻠﻲ ﻓﻴﻪ ﻳﺎﺳﻤﻴﻦ …
___________
ﺇﺩﻭﺍﺭﺩ : ﻳﺎﺳﻤﻴﻦ ؟؟؟ ﺣﺒﻴﺒﺘﻲ ؟؟ ﻋﻢ ﺗﺴﻤﻌﻴﻨﻲ ؟؟؟ ﻳﺎﺳﻤﻴﻦ ؟؟؟ ﻓﺘﺤﻲ
ﻋﻴﻮﻧﻚ ﺣﺒﻴﺒﺘﻲ …
ﻛﻞ ﺍﻟﺘﻌﺐ ﻭ ﺍﻟﻮﺟﻊ ﻭ ﺍﻟﻀﻐﻂ ﺍﻟﻠﻲ ﻋﺎﺷﻴﺘﻪ ﻳﺎﺳﻤﻴﻦ ، ﺍﺗﺠﻤّﻊ ﺗﺤﺖ ﻋﻴﻮﻧﻬﺎ
… ﺍﻟﻠﻲ ﺑﺸﻮﻑ ﻭﺟﻬﻬﺎ ﺑﻴﻌﺮﻑ ﺗﻠﻘﺎﺋﻴﺎً ﺍﻧﻮ ﻫﺎﻟﻤﺨﻠﻮﻗﺔ ﺑﻤﻌﺮﻛﺔ ﻗﻮﻳﺔ ﻣﻊ
ﺍﻟﺤﻴﺎﺓ … ﺑﺲ ﺭﻏﻢ ﺍﻟﺘﻌﺐ ﺍﻟﻤﺘﺠﻤﻊ ﺗﺤﺖ ﻋﻴﻮﻧﻬﺎ ، ﻣﺒﻴّﻦ ﺟﻤﺎﻟﻬﺎ ﻟﻴﺎﺳﻤﻴﻦ
ﻭ ﻭﺍﺿﺢ ﻭﺿﻮﺡ ﺍﻟﺸﻤﺲ … ﻫﺎﻟﺠﻤﺎﻝ ﺍﻟﻠﻲ ﺍﻟﻠﻪ ﻣﻌﻄﻴﻬﺎ ﻳﺎﻩ ، ﻫﻮ ﺍﻟﻠﻲ
ﺣﻮّﻝ ﺇﺩﻭﺍﺭﺩ ﻹﻧﺴﺎﻥ ﻣﺠﻨﻮﻥ … ﻣﻦ ﺃﻭﻝ ﻣﺮﺓ ﺷﺎﻓﻬﺎ ﺍﻧﺴﺤﺮ ﻓﻴﻬﺎ ……
ﻫﻮ ﻭ ﻗﺎﻋﺪ ﻋﻢ ﻳﺘﺄﻣﻠﻬﺎ ﺩﺧﻠﺖ ﺍﻟﻤﻤﺮﺿﺔ …
ﺍﻟﻤﻤﺮﺿﺔ : ﻟﻮ ﺳﻤﺤﺖ ﻣﻤﻜﻦ ﻧﺤﻜﻲ ﺷﻮﻱ ﺑﺮّﺍ ؟؟؟
ﻭﻗﻔﻮﺍ ﻋﻠﻰ ﺑﺎﺏ ﺍﻟﻐﺮﻓﺔ .. ﻭ ﺇﺩﻭﺍﺭﺩ ﻋﻴﻮﻧﻪ ﻋﻠﻰ ﻳﺎﺳﻤﻴﻦ ﻣﻦ ﺍﻟﺰﺟﺎﺝ ﺍﻟﻠﻲ
ﻋﻠﻰ ﺍﻟﺒﺎﺏ …
ﺍﻟﻤﻤﺮﺿﺔ : ﺣﺼﺮﺗﻚ ﺯﻭﺝ ﺍﻟﻤﺪﺍﻡ ﺍﻟﻴﺎﺳﻤﻴﻦ ﺻﺢ ؟
ﺇﺩﻭﺍﺭﺩ ‏( ﺑﺘﻮﺗّﺮ ‏) : ﺇ ﺇ ﺇﻳﻪ ﺻﺢ …
ﺍﻟﻤﻤﺮﺿﺔ : ﺷﻮ ﺻﺎﻳﺮ ﻣﻌﻬﺎ ﺍﻟﻤﺪﺍﻡ ؟؟؟ ﻫﻲ ﺃﻭﻝ ﻣﺮﺓ ﺑﻴﺠﻲ ﻟﻌﻨّﺎ ﺣﺎﻟﺔ
ﻣﺘﻞ ﺣﺎﻟﺘﻬﺎ … ﻳﻌﻨﻲ ﻃﺮﻳﻘﺔ ﻣﺤﺎﻭﻟﺘﻬﺎ ﻟﻺﻧﺘﺤﺎﺭ ﻭﺍﺿﺤﺔ ﺍﻧﻬﺎ ﻃﺮﻳﻘﺔ
ﻛﺘﻴﻴﻴﻴﻴﻴﺮ ﺑﺸﻌﺔ ﻭ ﺑﺼﺮﺍﺣﺔ ﻓﻲ ﻋﻼﻣﺎﺕ ﺇﺳﺘﻔﻬﺎﻡ ؟ !؟ !؟ !؟ !
ﺇﺩﻭﺍﺭﺩ : ﻫﻲ ﻛﺘﻴﺮ ﻣﻌﻠّﻘﺔ ﺑﻮﺍﻟﺪﻫﺎ … ﻭ ﻣﻦ ﻓﺘﺮﺓ ﺻﻐﻴﺮﺓ ﺗﻮﻓّﻰ ﻋﻤّﻲ
ﺍﻟﻠﻲ ﻫﻮ ﻭﺍﻟﺪﻫﺎ ﻟﻴﺎﺳﻤﻴﻦ … ﻭ ﻣﻦ ﻭﻗﺘﻬﺎ ﻭ ﻫﻲ ﺑﺤﺎﻟﺔ ﻧﻔﺴﻴﺔ ﻋﺼﻴﺒﺔ
…
ﺷﺎﻓﺖ ﺍﻟﻤﻤﺮﺿﺔ ﻋﻼﻣﺎﺕ ﺍﻟﺤﻴﺮﺓ ﻭ ﺍﻟﺨﻮﻑ ﻭ ﺍﻟﺘﻮﺗّﺮ ﻋﻠﻰ ﻭﺟﻪ ﻭ ﻋﻴﻮﻥ
ﺇﺩﻭﺍﺭﺩ … ﺑﺲ ﻣﺎ ﻛﺘﻴﺮ ﺍﻫﺘﻤﺖ ﻟﻠﻤﻮﺿﻮﻉ ﻭ ﺍﻋﺘﺒﺮﺕ ﺍﻧﻪ ﺯﻟﻤﻲ ﻭ ﺧﺎﻳﻒ
ﻋﻠﻰ ﺯﻭﺟﺘﻪ …
ﺇﺩﻭﺍﺭﺩ : ﻋﻔﻮﺍً … ﺑﺲ ﻛﻴﻒ ﺣﺎﻟﺘﻬﺎ ﻫﻸ ؟؟؟ ﻭ ﺃﻳﻤﺘﻰ ﻓﻴﻨﻲ ﺧﺮّﺟﻬﺎ ﻣﻦ
ﻫﻮﻥ ؟ ﻹﻧﻬﺎ ﻣﺎ ﺑﺘﺤﺐّ ﺍﻟﻤﺴﺘﺸﻔﻰ ﺃﺑﺪﺍً …
ﺍﻟﻤﻤﺮﺿﺔ : ﻫﻸ ﻭﺿﻌﻬﺎ ﻣﺴﺘﻘﺮّ ﺷﻮﻱ … ﺑﺲ ﺍﻟﻈﺎﻫﺮ ﺍﻧﻬﺎ ﺗﻌﺒﺎﻧﺔ ﻛﺘﻴﺮ
ﻟﻬﻴﻚ ﺑﻌﺪﻫﺎ ﻧﺎﻳﻤﺔ … ﻭ ﺍﻟﺪﻛﺘﻮﺭ ﻫﻮ ﺍﻟﻠﻲ ﺑﻴﻘﺮّﺭ ﺃﻳﻤﺘﻰ ﻓﻴﻚ ﺗﺨﺮّﺟﻬﺎ …
ﺑﺲ ﻣﺎ ﺑﻌﺘﻘﺪ ﻳﺨﺮﺟﻮﻫﺎ ﻗﺒﻞ ٣ ﺃﻳﺎﻡ …
ﺭﺍﺣﺖ ﺍﻟﻤﻤﺮﺿﺔ ﻭ ﺑﻘﻲ ﺇﺩﻭﺍﺭﺩ ﻭﺍﻗﻒ ﻣﺎ ﺑﻴﻌﺮﻑ ﺷﻮ ﺑﺪﻭ ﻳﻌﻤﻞ … ﻣﺎ
ﻛﺎﻥ ﺣﺎﺳﺐ ﺣﺴﺎﺏ ﻟﻬﻴﻚ ﺷﻲ ﺍﻧﻮ ﻳﺼﻴﺮ … ﺣﻤﻞ ﺗﻠﻔﻮﻧﻪ ﻟﺪﻗﺎﻳﻖ ﻭ ﻛﺘﺐ
ﺭﻗﻢ ﺷﺨﺺ … ﻣﺘﺮﺩﺩ ﺇﺫﺍ ﺑﻴﺘّﺼﻞ ﺃﻭ ﻻ …
__________

ﺍﻟﺠﺰﺀ ﺍﻟﺘﺎﺳﻊ :
@rwayate
ﺑﻌﺪ ﻣﺮﻭﺭ ﻟﻴﻠﺔ ﻣﻦ ﺃﺻﻌﺐ ﺍﻟﻠﻴﺎﻟﻲ ﺑﺤﻴﺎﺓ ﻛﺮﻳﻢ … ﺭﺟﻊ ﻋﺎﻟﺒﻴﺖ ﻭ ﻣﺶ
ﺣﺎﺳﺲ ﺑﺸﻲ ﻣﻦ ﺍﻟﺘﻌﺐ … ﺭﻣﻰ ﺣﺎﻟﻪ ﻋﻠﻰ ﺍﻟﺘﺨﺖ ﻭ ﻧﺎﻡ …… ﺗﺎﻧﻲ
ﻳﻮﻡ ، ﺍﻟﺼﺒﺢ ﺑﻜﻴﺮ … ﺻﺤﻲ ﻛﺮﻳﻢ ، ﺟﻬﺰ ﺣﺎﻟﻪ ﻭ ﺭﺍﺡ ﻋﻠﻰ ﺍﻟﺸﺮﻛﺔ ﺑﻌﺪ
ﻓﺘﺮﺓ ﻏﻴﺎﺏ ﻋﻨﻬﺎ … ﺩﺧﻞ ﻋﻠﻰ ﻣﻜﺘﺒﻪ ﻭ ﺭﺍﺳﻪ ﻣﻘﻔﻮﻝ ﻋﺎﻵﺧﺮ … ﺑﻌﺪ
ﺷﻮﻱ ﺑﻴﺪﺧﻞ ﻣﺤﻤﺪ ﻟﻌﻨﺪﻩ …
ﻣﺤﻤﺪ : ﺻﺒﺎﺡ ﺍﻟﺨﻴﺮ ﺍﺳﺘﺎﺫ ﻛﺮﻳﻢ … ﻧﻮّﺭﺕ ﺍﻟﺸﺮﻛﺔ …
ﻛﺮﻳﻢ ‏( ﺑﻌﺼﺒﻴﺔ ‏) : ﺍﺑﻌﺘﻠﻲ ﺇﺩﻭﺍﺭﺩ ﻟﻌﻨﺪﻱ ﺑﺴﺮﻋﺔ …
______
” ﻳﺤﺪﺙ ﻛﺜﻴﺮﺍً ﺃﻥ ﺗﻜﻮﻥ ﻓﻲ ﺃﻣﺎﻛﻦ ﻋﺎﻣّﺔ … ﻫﻨﺎﻙ ﻣﻦ ﻳﻀﺤﻚ .. ﻫﻨﺎﻙ
ﻣﻦ ﻳﺒﻜﻲ … ﻫﻨﺎﻙ ﻣﻦ ﻳﺼﺮﺥ … ﻫﻨﺎﻙ ﺍﻟﻜﺜﻴﺮ ﻣﻦ ﺍﻟﻨﺎﺱ … ﻟﻜﻨّﻚَ ﻟﻦ
ﺗﺮﻯ ﺃﺣﺪ ﻳﺸﺒﻪ ﺫﻟﻚ ﺍﻟﻐﺎﺋﺐ … ﺍﻟﻐﺎﺋﺐ ﻋﻨﻚَ ﻭ ﺍﻟﺤﺎﺿﺮ ﺑﻚَ …
ﻭ ﻳﺤﺪﺙ ﺃﻳﻀﺎً ؛ ﺃﻥ ﺗﻜﻮﻥ ﻭﺳﻂ ﺣﺸﺪٍ ﻛﺒﻴﺮ ﻣﻦ ﺍﻟﻔﺮﺡ ﻭ ﺩﺍﺧﻠﻚ ﻳﺒﻜﻲ ﻭ
ﻳﺘﺄﻟﻢ ﻭ ﻳﺤﺘﺮﻕ ﻋﻠﻰ ﺫﻟﻚ ﺍﻟﻐﺎﺋﺐ … ﻭ ﻳﻜﻮﻥ ﺫﻟﻚ ﺍﻟﻐﺎﺋﺐ ﻻ ﻳﻌﻮّﺽ ﻣﻜﺎﻧﻪ
ﺁﻻﻑ ﺍﻷﺷﺨﺎﺹ …
ﻓﻼ ﺳﻌﺎﺩﺓً ﺗﺄﺗﻲ ﻣﻦ ﺑﻌﺪﻩ …
ﻭ ﻻ ﻓﺮﺡٌ ﻳﺄﺗﻲ ﻛﻔﺮﺣِﻚَ ﺑﻘﺮﺑﻪ …
ﻓﺎﻟﺸﻮﻕ ﻳﻘﺘﻞ ﻓﻴﻚ ﺍﻟﺴﻌﺎﺩﺓ ﻭ ﺍﻟﻔﺮﺡ …
ﻳﻜﻮﻥ ﻣﺘﻐﻠﻐﻞ ﻓﻲ ﻗﻠﺒﻚَ … ﻣﺘﻐﻠﻐﻞ ﺣﺪّ ﺍﻟﺒﻜﺎﺀ … ﺣﺪّ ﺍﻹﻧﻬﻴﺎﺭ … ”
_______
ﺩﺧﻞ ﺇﺩﻭﺍﺭﺩ ﻋﻠﻰ ﻣﻜﺘﺐ ﻛﺮﻳﻢ ﺑﻬﺪﻭﺀ …
ﺇﺩﻭﺍﺭﺩ : ﺻﺒﺎﺡ ﺍﻟﺨﻴﺮ ﺍﺳﺘﺎﺫ ﻛﺮﻳﻢ …
ﻣﺪّ ﺇﻳﺪﻩ ﺇﺩﻭﺍﺭﺩ ﺣﺘﻰ ﻳﺴﻠﻢ ﻋﻠﻰ ﻛﺮﻳﻢ … ﻟﻒّ ﻛﺮﻳﻢ ﻛﺮﺳﺘﻪ ﻭ ﺃﻋﻄﻰ
ﺿﻬﺮﻩ ﻹﺩﻭﺍﺭﺩ …
ﻛﺮﻳﻢ : ﺇﻟﻚ ﺗﻘﺮﻳﺒﺎً ﻳﻮﻣﻴﻦ ﻣﺎ ﺍﺟﻴﺖ ﻋﺎﻟﺸﻐﻞ !!! ﺷﻮ ﺍﻟﺴﺒﺐ ؟؟؟ ﺑﺮّﺭﻟﻲ
ﻟﺸﻮﻑ …
ﺇﺩﻭﺍﺭﺩ : ﻛﻨﺖ ﺗﻌﺒﺎﻥ ﻭ ﻣﺎ ﺍﻗﺪﺭﺕ ﺍﺟﻲ ﻋﺎﻟﺸﺮﻛﺔ !!!
ﻛﺮﻳﻢ : ﻭ ﻟﻴﻪ ﻣﺎ ﺍﺗﺼﻠﺖ ﻭ ﺧﺒﺮﺕ ؟؟؟
ﺇﺩﻭﺍﺭﺩ : ﺭﺍﺡ ﻋﻦ ﺑﺎﻟﻲ … ﺍﻟﻤﺮﺓ ﺍﻟﺠﺎﻱ ﺑﺘﺼﻞ ﻭ ﺑﺨﺒّﺮ …
ﻟﻒّ ﻛﺮﻳﻢ ﻛﺮﺳﺘﻪ ﻭ ﺍﺗﻄﻠّﻊ ﺑﺈﺩﻭﺍﺭﺩ ﻣﻨﻴﺢ ….
ﻛﺮﻳﻢ : ﻣﻦ ﺍﻵﺧﺮ ﺇﺩﻭﺍﺭﺩ … ﻳﺎﺳﻤﻴﻦ ﻭﻳﻦ ؟؟ ﺇﻟﻚ ﻋﻼﻗﺔ ﺑﺨﻄﻒ
ﻳﺎﺳﻤﻴﻦ ؟؟؟
ﺍﻧﺨﻄﻒ ﻟﻮﻥ ﻭﺟﻬﻪ ﻹﺩﻭﺍﺭﺩ ﻣﻦ ﺳﺆﺍﻝ ﻛﺮﻳﻢ … ﺑﻠﻊ ﺑﺮﻳﻘﻪ ﻭ ﺭﺩ ﻋﻠﻴﻪ ….
ﺇﺩﻭﺍﺭﺩ : ﻭ ﺃﻧﺎ ﺵ ﺵ ﺵ ﺷﻮ ﺑﻌﺮﻓﻨﻲ ﻭﻳﻨﻬﺎ ؟؟؟ ﻣﺎ ﺃﻧﺎ ﺗﻌﺒﺎﻥ ﻭ ﻣﺮﻳﺾ
ﻋﻠﻰ ﻏﻴﺎﺑﻬﺎ …
ﻛﺮﻳﻢ : ﻟﻴﻚ ﺇﺩﻭﺍﺭﺩ … ﺃﻗﺴﻢ ﺑﺎﻟﻠﻪ ﺍﻟﻌﻈﻴﻢ … ﺇﺫﺍ ﺑﻌﺮﻑ ﺍﻧّﻮ ﺇﻟﻚ ﻋﻼﻗﺔ
ﺑﺨﻄﻒ ﻳﺎﺳﻤﻴﻦ ، ﺭﺡ ﺇﻗﺘﻠﻚ ﻭ ﺃﺷﺮﺏ ﻣﻦ ﺩﻣّﻚ ﻋﻢ ﺗﻔﻬﻢ ؟؟؟؟ ﻭ ﻣﻦ ﻫﻮﻥ
ﻟﺸﻬﺮﻳﻦ ﻣﻤﻨﻮﻉ ﺗﻐﻴﺐ ﻋﻦ ﺍﻟﺸﻐﻞ … ﻛﻞ ﻳﻮﻡ ﺑﺪﻙ ﺗﺪﺍﻭﻡ ﻣﻦ ﺍﻟﺼﺒﺢ
ﻟﻠﻤﺴﺎﺀ … ﻭ ﻣﻤﻨﻮﻉ ﺗﺎﺧﺪ ﺇﺟﺎﺯﺍﺕ ﻣﻔﻬﻮﻡ ؟؟؟ ﺍﻧﻘﻠﻊ ﻣﻦ ﺧﻠﻘﺘﻲ …
ﻃﻠﻊ ﺇﺩﻭﺍﺭﺩ ﻣﻦ ﻋﻨﺪﻩ ﻭ ﻫﻮ ﻋﻢ ﻳﺮﺟﻒ ﻣﻦ ﺧﻮﻓﻪ … ﻣﺎ ﺑﺪّﻭ ﺣﻈﺎ ﻳﺸﻚّ
ﻓﻴﻪ …. ﺭﺍﺡ ﻋﻠﻰ ﻣﻜﺘﺒﻪ ﻭ ﻗﻌﺪ ﻭ ﺻﺎﺭ ﻳﻔﻜّﺮ ﺑﻴﺎﺳﻤﻴﻦ … ﺣﻤﻞ ﺍﻟﺘﻠﻔﻮﻥ ﻭ
ﺍﺗﺼﻞ ﺑﺮﻗﻢ ﻏﺮﻳﺐ ….
________
” ﻻ ﺃﻋﻠﻢ ﺇﻥ ﻛﺎﻧﺖ ﺣﺎﻟﺘﻲ ﺍﻵﻥ ﺩﺭﺟﺔ ﻣﻦ ﺩﺭﺟﺎﺕ ﺍﻟﻤﻮﺕ … ﺃﻡ ﺃﻧﻲ ﺩﺧﻠﺖ
ﻓﻲ ﺣﺎﻟﺔ ﺍﻟﻤﻮﺕ ﺣﻘﺎً …
ﺃﺫﻛﺮ ﻳﻮﻡ ﻛﻨﺖُ ﺻﻐﻴﺮﺓ … ﺫﻫﺒﺖُ ﻷﺯﻭﺭ ﺟﺪّﺗﻲ … ﻳﻮﻣﻬﺎ ﺃﻃﻌﻤﺘﻨﻲ ﻭ
ﺳﻘﺘﻨﻲ ﻭ ﻻﻋﺒﺘﻨﻲ …
ﻭ ﺣﻴﻦ ﺍﺳﺘﻌﺪﺩﺕُ ﻟﻠﺮﺣﻴﻞ … ﻭﻗﻔﺖُ ﺑﺮﻫﺔً … ﺳﺄﻟﺖُ ﺟﺪّﺗﻲ ﻋﻦ ﺳﺒﺐ
ﺷﻴﺐ ﺷﻌﺮﻫﺎ … ﻭ ﻋﻦ ﻛﺜﺮﺓ ﺍﻟﺘﺠﺎﻋﻴﺪ ﻓﻲ ﻭﺟﻬﻬﺎ …
ﺗﻨﻔّﺴﺖ ﺑﻌﻤﻖٍ ﻭ ﻗﺎﻟﺖ ﻟﻲ ‏( ﻳﺎ ﺑﻨﻴّﺘﻲ … ﺍﻟﺸﻴﺐ ﻫﻮ ﺍﻟﺮﻣﺎﺩ ﺍﻟﺬﻱ ﺧﻠَّﻔَﺘْﻪُ
ﻧﺎﺭ ﺍﻟﺤﺐّ .. ﻭ ﻧﺎﺭ ﺍﻟﺤﻨﻴﻦ .. ﻭ ﻧﺎﺭ ﺍﻟﻔﺮﺍﻕ …. ﻭ ﺃﻣّﺎ ﺍﻟﺘﺠﺎﻋﻴﺪ ﺍﻟﻤﻨﺤﻮﺗﺔ
ﻋﻠﻰ ﻭﺟﻬﻲ .. ﻓﻬﻲ ﺗﺸﻘّﻘﺎﺕ .. ﺷﻘّﻬﺎ ﺍﻟﻜﺘﻤﺎﻥ .. ﻓﻜﻞّ ﻣﺎ ﻛﻨﺖ ﺃﻛﺘﻤﻪ
ﺩﺍﺧﻠﻲ … ﻛﺎﻥ ﻭﺟﻬﻲ ﻳﺰﺩﺍﺩ ﺗﺸﻘّﻘﺎً … ﻟﻬﺬﺍ ﻳﺎ ﺑُﻨﻴّﺘﻲ ؛ ﻻ ﺗﺴﻤﺤﻲ ﻟﻠﺤﺐّ
ﺃﻥ ﻳﻤﺮّ ﻋﻠﻰ ﻗﻠﺒﻚ .. ﻓﺴﺘﺼﺒﺤﻴﻦ ﺫﺍﺕ ﺷﻌﺮٍ ﻳﻐﺰﻭﻩ ﺍﻟﺮﻣﺎﺩ … ﻭ ﺫﺍﺕ
ﻭﺟﻪٍ ﻣﻠﻲﺀٍ ﺑﺎﻟﺘﺸﻘّﻘﺎﺕ … ‏) …
ﺃﻻ ﻟﻴﺘﻨﻲ ﺳﻤﻌﺖُ ﻛﻼﻣُﻚِ ﻳﺎ ﺟﺪّﺗﻲ … ”
________
ﻋﻤﺎﺩ : ﻳﺎﺳﻤﻴﻦ ؟ ﺍﺭﺟﻌﻴﻠﻲ … ﺃﻧﺎ ﺑﻌﺘﺬﺭ ﻭﺍﻟﻠﻪ … ﻣﺎ ﻛﻨﺖ ﻣﻘﺪّﺭ ﺍﻟﻨﻌﻤﺔ
ﺍﻟﻠﻲ ﻛﻨﺖ ﺑﻤﻠﻜﻬﺎ ….
ﻳﺎﺳﻤﻴﻦ : ﺍﻣﻤﻤﻤﻤﻤﻤﻤﻤﻤﻤﻤﻤﻢﻣﻤﻢ ….
ﻋﻤﺎﺩ : ﻳﺎﺳﻤﻴﻦ … ﺑﺤﺒّﻚ ﺣﺒﻴﺒﺘﻲ … ﻭﺍﻟﻠﻪ ﺍﻟﻌﻈﻴﻢ ﻧﺪﻣﺎﻥ ﻛﺘﻴﺮ ﻭﺍﻟﻠﻪ …
ﻳﺎﺳﻤﻴﻦ : ﺭ ﺭ ﺭ ﻭﻭﻭﻭﺡ ﻣﻦ …………. ﻩ ﻩ ﻫﻮﻭﻭﻭﻥ … ﺏ ﺏ
ﺑﻜﺮﻫﻚ ……. ﺍﻝ ﻝ ﻝ ﺍﻟﻠﻪ ﻳﻠﻊ …………
ﻋﻤﺎﺩ : ﻳﺎﺳﻤﻴﻴﻴﻴﻴﻴﻴﻨﻨﻨﻦﻧﻨﻦ ﺭﺩﻱ ﻋﻠﻴّﻲ ﻳﺎﺳﻤﻴﻴﻴﻴﻴﻴﻴﻴﻴﻴﻲﻳﻴﻨﻨﻨﻨﻨﻨﻨﻨﻦ …….

ﺍﻟﺠﺰﺀ ﺍﻟﻌﺎﺷﺮ :
@rwayate
_______
ﻋﻤﺎﺩ : ﻳﺎﺳﻤﻴﻦ ؟ ﺍﺭﺟﻌﻴﻠﻲ … ﺃﻧﺎ ﺑﻌﺘﺬﺭ ﻭﺍﻟﻠﻪ … ﻣﺎ ﻛﻨﺖ ﻣﻘﺪّﺭ ﺍﻟﻨﻌﻤﺔ
ﺍﻟﻠﻲ ﻛﻨﺖ ﺑﻤﻠﻜﻬﺎ ….
ﻳﺎﺳﻤﻴﻦ : ﺍﻣﻤﻤﻤﻤﻤﻤﻤﻤﻤﻤﻤﻤﻢﻣﻤﻢ ….
ﻋﻤﺎﺩ : ﻳﺎﺳﻤﻴﻦ … ﺑﺤﺒّﻚ ﺣﺒﻴﺒﺘﻲ … ﻭﺍﻟﻠﻪ ﺍﻟﻌﻈﻴﻢ ﻧﺪﻣﺎﻥ ﻛﺘﻴﺮ ﻭﺍﻟﻠﻪ …
ﻳﺎﺳﻤﻴﻦ : ﺭ ﺭ ﺭ ﻭﻭﻭﻭﺡ ﻣﻦ …………. ﻩ ﻩ ﻫﻮﻭﻭﻭﻥ … ﺏ ﺏ
ﺑﻜﺮﻫﻚ ……. ﺍﻝ ﻝ ﻝ ﺍﻟﻠﻪ ﻳﻠﻊ …………
ﻋﻤﺎﺩ : ﻳﺎﺳﻤﻴﻴﻴﻴﻴﻴﻴﻨﻨﻨﻦﻧﻨﻦ ﺭﺩﻱ ﻋﻠﻴّﻲ ﻳﺎﺳﻤﻴﻴﻴﻴﻴﻴﻴﻴﻴﻴﻲﻳﻴﻨﻨﻨﻨﻨﻨﻨﻨﻦ …….
__________
ﻳﺎﺳﻤﻴﻦ : ﺏ ﺏ ﺑﻜﺮﻫﻜﻜﻜﻚ …. ﺁﺍﺍﺍﺍﺍﺍﺍﺍﻩ … ﻛﺮﻳﻴﻴﻴﻴﻴﻤﻤﻤﻤﻢ …
ﺻﺤﻴﺖ ﻳﺎﺳﻤﻴﻦ ﺑﻌﺪ ﻣﺎ ﻧﺎﻣﺖ ﺳﺎﻋﺎﺕ ﻃﻮﻳﻠﺔ … ﺻﺤﻴﺖ ﻳﺎﺳﻤﻴﻦ ﻣﻦ
ﻛﺎﺑﻮﺱ ﻛﺎﻧﺖ ﻋﻢ ﺗﺸﻮﻓﻪ ﻫﻲ ﻭ ﻧﺎﻳﻤﺔ … ﺑﺲ ﺍﻟﻜﺎﺑﻮﺱ ﺍﻟﺤﻘﻴﻘﻲ ﻫﻮ
ﻋﻤﺎﺩ ……. ﺍﺟﺖ ﺍﻟﻤﻤﺮﺿﺔ ﻋﻠﻰ ﺻﻮﺕ ﺻﺮﺍﺧﻬﺎ …
ﺍﻟﻤﻤﺮﺿﺔ : ﺍﻫﺪﻱ ﺣﺒﻴﺒﺘﻲ ﺍﻫﺪﻱ …
ﻓﺘﺤﺖ ﻳﺎﺳﻤﻴﻦ ﻋﻴﻮﻧﻬﺎ ﺷﻮﻱ ﺷﻮﻱ … ﺻﺎﺭﺕ ﺗﺘﻠﻔﺖ ﺣﻮﻟﻴﻬﺎ ﻛﺈﻧﻬﺎ ﻣﺶ
ﻣﺴﺘﻮﻋﺒﺔ ﺣﺎﻟﻬﺎ ﻫﻲ ﻭﻳﻦ ..
ﻳﺎﺳﻤﻴﻦ : ﺃﻧﺎ ﻭﻳﻦ ؟؟؟ ﻣﻴﻦ ﺍﻧﺘﻲ ؟
ﺍﻟﻤﻤﺮﺿﺔ : ﺍﻧﺘﻲ ﺑﺎﻟﻤﺴﺘﺸﻔﻰ ﺣﺒﻴﺒﺘﻲ … ﻭ ﺃﻧﺎ ﻣﻤﺮﺿﺔ ﻫﻮﻥ … ﻟﺤﻈﺔ
ﺍﺧﺘﻚ ﺑﺮّﺍ ﺭﺡ ﺍﺿﻬﺮ ﺧﺒﺮﻫﺎ ﺍﻧﻚ ﺍﺻﺤﻴﺘﻲ …
ﻳﺎﺳﻤﻴﻦ : ﻟﺤﻈﺔ ﺷﻮﻱ … ﺍﺧﺘﻲ ؟؟؟ ﻣﻴﻦ ﻗﻠﻚ ﺍﻧﻮ ﻋﻨﺪﻱ ﺍﺧﺖ ؟؟؟؟
ﺍﻟﻤﻤﺮﺿﺔ : ﺯﻭﺟﻚ ﻫﻮ ﺍﻟﻠﻲ ﺧﺒﺮﻧﻲ … ﺍﺟﺖ ﺗﺒﻘﻰ ﺟﻨﺒﻚ ﻭ ﺯﻭﺟﻚ ﺭﺍﺡ ﻣﺎ
ﺑﻌﺮﻑ ﻟﻮﻳﻦ !!!
ﻫﻮﻥ ﻳﺎﺳﻤﻴﻦ ﺿﺎﻋﺖ … ﻣﺎ ﻋﺎﺭﻓﺔ ﺣﺎﻟﻬﺎ ﺷﻮ ﺑﺪﻫﺎ ﺗﺤﻜﻲ … ﻣﻴﻦ
ﺯﻭﺟﻬﺎ ؟ ﻭ ﻣﻴﻦ ﺍﺧﺘﻬﺎ ؟؟؟
ﺍﻟﻤﻤﺮﺿﺔ : ﺷﻮ ؟ ﻭﻳﻦ ﺷﺮﺩﺗﻲ ؟؟؟ ﺭﺡ ﻧﺎﺩﻳﻠﻬﺎ ﺍﻭﻛﻲ ؟؟؟
ﻳﺎﺳﻤﻴﻦ : ﺑﺲ ﺃﻧﺎ ﻭﺣﻴﺪﺓ ﺃﻫﻠﻲ ﻭ ﻣﺎ ﻋﻨﺪﻱ ﺍﺧﺖ !!!
ﺍﻟﻤﻤﺮﺿﺔ : ﻛﻴﻒ ﻫﻴﻚ ؟؟ ﺷﻮ ﺯﻭﺟﻚ ﻣﺠﻨﻮﻥ ؟؟ ﻫﻮ ﻋﺮﻓﻨﻲ ﻋﻠﻴﻬﺎ ﻗﺒﻞ ﻣﺎ
ﻳﺮﻭﺡ …
ﻳﺎﺳﻤﻴﻦ : ﻃﻴﺐ ﺷﻮ ﺍﺳﻤﻬﺎ ؟؟؟
ﺍﻟﻤﻤﺮﺿﺔ : ﻣﺮﻳﺎﻧﺎ !
ﻳﺎﺳﻤﻴﻦ : ﺷﻮﻭﻭﻭ ؟؟؟ ﻣﺮﻳﺎﻧﺎﺍﺍﺍﺍﺍ ؟؟؟
_________
ﺳﻌﻴﺪ ﻭ ﻛﺮﻳﻢ … ﻣﺎ ﺧﻠّﻮﺍ ﺷﻲ ﻣﺎ ﻓﻜﺮﻭﺍ ﻓﻴﻪ ﺣﺘﻰ ﻳﻌﺮﻓﻮﺍ ﻭﻳﻦ ﻣﻜﺎﻥ
ﻳﺎﺳﻤﻴﻦ … ﻭ ﻛﺮﻳﻢ ﻛﻞ ﻣﺎ ﻋﺼﺒﻴﺘﻪ ﻋﻢ ﺗﺰﻳﺪ … ﺑﺼﻴﺮ ﻳﺘﺨﻴّﻞ ﺣﺪﺍ ﻋﻢ
ﻳﻠﻤﺴﻬﺎ ﻟﻴﺎﺳﻤﻴﻦ ﺃﻭ ﻋﻢ ﻳﺌﺬﻳﻬﺎ ﺃﻭ ﻋﻢ ﻳﻌﺬﺑﻬﺎ ﺃﻭ ﻳﺒﻜﻴﻬﺎ … ﻫﺎﻷﻓﻜﺎﺭ ﻭ
ﺍﻟﺨﻴﺎﻻﺕ ﻭ ﺍﻷﻭﻫﺎﻡ ﻋﻢ ﺗﺒﻘﻰ ﻣﺮﺍﻓﻘﻴﺘﻪ ﻟﻴﻞ ﻧﻬﺎﺭ …
ﻛﺮﻳﻢ : ﺃﻧﺎ ﻣﺎ ﺑﻌﺮﻑ ﻟﻴﻪ ﺷﺎﻛﻚ ﺍﻧﻮ ﺇﺩﻭﺍﺭﺩ ﺑﻴﻌﺮﻑ ﻭﻳﻦ ﻳﺎﺳﻤﻴﻦ !!
ﺳﻌﻴﺪ : ﻣﻴﻦ ﺇﺩﻭﺍﺭﺩ ؟؟؟
ﻛﺮﻳﻢ : ﻣﻬﻨﺪﺱ ﻋﻨﺪﻱ ﺑﺎﻟﺸﺮﻛﺔ … ﺃﻧﺎ ﻣﺎ ﺑﺤﺒﻪ ﺃﺑﺪﺍً … ﻹﻧﻪ ﻣﻌﺠﺐ
ﺑﻴﺎﺳﻤﻴﻦ … ﻣﻊ ﺍﻧﻮ ﺑﻴﻌﺮﻑ ﺍﻧﻮ ﺍﻧﺎ ﻭ ﻳﺎﺳﻤﻴﻦ ﻣﻦ ﺣﺐ ﺑﻌﺾ … ﺑﺲ
ﻛﺘﻴﺮ ﻛﺎﻥ ﻳﺴﺘﻔﺰﻧﻲ ﺑﺎﻟﻜﻼﻡ ﻋﻦ ﻳﺎﺳﻤﻴﻦ … ﻣﺒﺎﺭﺡ ﻭ ﺍﻟﻠﻲ

ﻗﺒﻠﻪ ﻣﺎ ﺍﺟﻰ
ﻋﻠﻰ ﺍﻟﺪﻭﺍﻡ … ﻟﻬﻴﻚ ﺍﻧﺎ ﺣﺎﺳﺲ ﺍﻧﻮ ﺇﻟﻮ ﻋﻼﻗﺔ ﺑﺨﻄﻒ ﻳﺎﺳﻤﻴﻦ …
ﺳﻌﻴﺪ : ﻛﻞ ﺷﻲ ﻭﺍﺭﺩ ﻛﺮﻳﻢ … ﺧﻠﻴﻨﺎ ﻧﺮﻭﺡ ﻋﺎﻟﻤﺮﻛﺰ ﻟﻨﺸﻮﻑ ﻫﺎﻹﺩﻭﺍﺭﺩ
ﻛﻴﻒ ﻭﺿﻌﻪ ﻭ ﻣﻴﻦ ﺑﻴﻜﻮﻥ ﻭ ﻛﻞ ﺗﻔﺎﺻﻴﻠﻪ …
__________
” ﻟﻮ ﺍﻟﺪﻣﻮﻉ ﺍﻟﻠﻲ ﻧﺰﻟﺖ ﻣﻦ ﻋﻴﻮﻧﻲ ﺑﻴﻄﻠﻊ ﻣﻜﺎﻧﻬﺎ ﺯﻫﻮﺭ … ﺑﻴﻜﻮﻥ
ﻭﺟﻬﻬﻲ ﺃﻛﺒﺮ ﺣﺪﻳﻘﺔ ﺯﻫﻮﺭ ﺑﺎﻟﻌﺎﻟﻢ … ﺑﻌﺘﺮﻑ ﺍﻧﻲ ﺍﻧﺴﺎﻧﺔ ﺣﺴﺎﺳﺔ …
ﺑﺒﻜﻲ ﺍﺫﺍ ﻛﻨﺖ ﻣﺒﺴﻮﻃﺔ … ﺯﻋﻼﻧﺔ … ﺗﻌﺒﺎﻧﺔ … ﻣﺮﺗﺎﺣﺔ … ﻣﻦ ﻛﻞ
ﺷﻲ ﺑﺒﻜﻲ … ﺑﺘﻌﺮﻓﻮﺍ ﻟﻴﻪ ﻋﻢ ﺑﺤﻜﻲ ﻋﻦ ﺍﻟﺪﻣﻮﻉ ؟؟؟ ﻹﻧﻪ ﺍﻟﺪﻣﻮﻉ ﺑﺘﺸﺒﻪ
ﻋﻤﺎﺩ ﻛﺘﻴﺮ …
ﺍﻟﺪﻣﻮﻉ ﻣﺎﻟﺤﺔ ﻭ ﺑﺘﺤﺮﻕ …
ﻭ ﻋﻤﺎﺩ ﺣﺮﻕ ﻛﻴﺎﻧﻲ ﻭ ﺣﻴﺎﺗﻲ ﻛﻠﻬﺎ ؛ ﻳﻌﻨﻲ ﻫﻮ ﻣﺎﻟﺢ ﻣﺘﻞ ﺍﻟﺪﻣﻮﻉ …
ﺍﻟﺪﻣﻮﻉ ﻋﺒﺎﺭﺓ ﻋﻦ ﻭﺟﻊ ﻣﺆﻗﺖ ﺟﻮﺍﺗﻨﺎ ﺑﺲ ﺑﻴﺘﺤﻮّﻝ ﻟﺴﺎﺋﻞ ﻭ ﺑﻴﻮﻗﻊ ﻣﻦ
ﺍﻟﻌﻴﻮﻥ ﻭ ﺑﺄﻗﻞ ﻣﻦ ﺩﻗﻴﻘﺔ ﺑﻴﺨﺘﻔﻲ ﻭ ﺑﻴﺮﻭﺡ … ﻭ ﺑﻴﺮﻳّﺤﻨﺎ …
ﻭ ﻋﻤﺎﺩ ﻛﻤﺎﻥ ﻫﻮ ﻋﺒﺎﺭﺓ ﻋﻦ ﻭﺟﻊ … ﺑﺲ ﻭﺟﻊ ﻣﺰﻣﻦ … ﺣﺎﻭﻟﺖ ﻛﺘﻴﺮ
ﺍﻧﻲ ﺣﻮّﻝ ﻫﺎﻟﻮﺟﻊ ﺍﻟﻤﺰﻣﻦ ﻟﺴﺎﺋﻞ ﺣﺘﻰ ﻳﻮﻗﻊ ﻣﻦ ﻋﻴﻮﻧﻲ ﻭ ﻳﺨﺘﻔﻲ ﻭ
ﻳﺮﻭﺡ … ﺑﺲ ﻛﻨﺖ ﺑﻜﻞّ ﻣﺮّﺓ ﺇﻓﺸﻞ … ﻋﻢ ﺣﻮّﻝ ﻫﺎﻟﻮﺟﻊ ﻟﺴﺎﺋﻞ ﻭ ﻋﻢ
ﻳﻮﻗﻊ ﻣﻦ ﻋﻴﻮﻧﻲ … ﺑﺲ ﻣﺎﺍﺍﺍﺍ ﻋﻢ ﺑﺮﺗﺎﺍﺍﺍﺍﺡ … ”
__________
ﻳﺎﺳﻤﻴﻦ : ﻣﺮﻳﺎﻧﺎ ؟ ﺍﻧﺘﻲ ﺷﻮ ﺟﺎﺑﻚ ﻟﻬﻮﻥ ؟؟؟
ﻣﺮﻳﺎﻧﺎ : ﻳﺎﺳﻤﻴﻦ ؟ ﺍﺳﻤﻌﻴﻨﻲ ! ﺃﻧﺎ ﻫﻮﻥ ﺣﺘﻰ ﺳﺎﻋﺪﻙ … ﻭﺍﻟﻠﻪ ﺑﺪﻱ
ﺳﺎﻋﺪﻙ … ﺑﺲ ﺍﺗﺤﻤّﻠﻲ ﺷﻮﻱ ﺍﻭﻛﻲ ؟؟
ﻳﺎﺳﻤﻴﻦ : ﺷﻮ ﺑﺪﻱ ﺍﺗﺤﻤﻞ ﻹﺗﺤﻤﻞ ؟؟؟
ﻣﺮﻳﺎﻧﺎ : ﺑﺪﻱ ﻣﻨﻚ ﺗﺎﻛﻠﻲ ﻣﻨﻴﺢ ﻭ ﺗﺮﺟﻌﻲ ﻣﻨﻴﺤﺔ ﺣﺘﻰ ﻫﺮﺑﻚ ﻣﻦ ﻫﻮﻥ …
ﻳﺎﺳﻤﻴﻦ : ﻭ ﻟﻴﺶ ﺑﺪﻙ ﺗﻬﺮﺑﻴﻨﻲ ؟؟؟ ﻛﻞ ﻋﻤﺮﻙ ﻣﺎ ﺑﺘﺤﺒﻴﻨﻲ ﻭ ﺑﺘﻐﺎﺭﻱ
ﻣﻨﻲ ﻭ ﻣﻦ ﺷﻐﻠﻲ ﻭ ﻣﺸﺎﺭﻳﻌﻲ ! ﻫﻸ ﺻﺎﺭ ﺑﺪﻙ ﺗﺴﺎﻋﺪﻳﻨﻲ ؟؟؟
ﻣﺮﻳﺎﻧﺎ : ﻳﺎﺳﻤﻴﻦ ! ﺍﻗﺴﻤﻠﻚ ﺑﺎﻟﻠﻪ ﺍﻧﻲ ﺑﺪﻱ ﺳﺎﻋﺪﻙ … ﻭﺍﻟﻠﻪ ﺍﻧﻲ ﺧﺎﻳﻔﺔ
ﻋﻠﻴﻜﻲ ﻣﻦ ﺇﺩﻭﺍﺭﺩ … ﻫﺎﻟﺸﺨﺺ ﻣﺠﻨﻮﻥ … ﺍﻧﺎ ﻛﻨﺖ ﺣﺒﻪ ﺑﺲ ﻫﻸ ﻻ …
ﻹﻧﻪ ﺷﺨﺺ ﻣﺮﻳﺾ ﻧﻔﺴﻴﺎً ﻭ ﺑﻴﺨﻮّﻑ … ﻟﻬﻴﻚ ﺣﺒﻴﺖ ﺳﺎﻋﺪﻙ …
ﻳﺎﺳﻤﻴﻦ : ﻭ ﻛﻴﻒ ﺍﻋﺮﻓﺘﻲ ﺍﻧﻲ ﻫﻮﻥ ؟؟؟
ﻣﺮﻳﺎﻧﺎ : ﻫﻮ ﺑﻴﻌﺮﻑ ﺍﻧﻲ ﺑﺤﺒﻪ … ﻟﻬﻴﻚ ﻭﻗﺖ ﺟﺎﺑﻚ ﻋﺎﻟﻤﺴﺘﺸﻔﻰ ﻛﺎﻥ
ﺧﺎﻳﻒ ﻳﺘﻮﺭّﻁ ﻓﻴﻜﻲ ﺍﻛﺘﺮ … ﻭ ﺍﻟﻤﻤﺮﺿﺔ ﺷﻜّﺖ ﻓﻴﻪ ﺷﻮﻱ ﻟﻬﻴﻚ ﺍﺗﺼﻞ
ﻓﻴﻨﻲ ﻭ ﻃﻠﺐ ﻣﺴﺎﻋﺪﺗﻲ … ﻣﺎ ﻛﺎﻥ ﻋﻨﺪﻩ ﺧﻴﺎﺭﺍﺕ ﺗﺎﻧﻴﺔ ﻏﻴﺮﻱ … ﻭ ﺃﻧﺎ
ﻭﺍﻓﻘﺖ ﺣﺘﻰ ﺳﺎﻋﺪﻙ ﻭﺍﻟﻠﻪ ﻣﺶ ﺣﺘﻰ ﺳﺎﻋﺪﻩ ﻫﻮ …
ﻳﺎﺳﻤﻴﻦ : ﻭ ﻛﻴﻒ ﺑﺪﻙ ﺗﺴﺎﻋﺪﻳﻨﻲ ؟؟؟
ﻣﺮﻳﺎﻧﺎ : ﻫﻮ ﺭﺡ ﻳﺠﻲ ﻋﺎﻟﺴﺎﻋﺔ ٦ ﺍﻟﻤﺴﺎﺀ … ﺃﻭﻝ ﻣﺎ ﻳﻮﺻﻞ ﺍﻧﺘﻲ ﺑﺪﻙ
ﺗﺤﺎﻭﻟﻲ ﺗﻠﻬﻴﻪ … ﻭ ﺍﻧﺎ ﺭﺡ ﺍﺿﻬﺮ ﻟﺒﺮّﺍ ﺍﺣﻜﻲ ﻣﻊ ﺍﻻﺳﺘﺎﺫ ﻛﺮﻳﻢ … ﻭ ﺑﻘﻠّﻪ
ﻳﺠﻲ ﻫﻮ ﻭ ﺍﻟﺸﺮﻃﺔ … ﻹﻧﻪ ﻭﻗﺖ ﺍﺧﺘﻔﻴﺘﻲ ﺧﺎﻑ ﻛﺮﻳﻢ ﻋﻠﻴﻜﻲ ﻭ ﺧﺒﺮ
ﺍﻟﺸﺮﻃﺔ ﻭ ﻣﻦ ﻭﻗﺘﻬﺎ ﻋﻢ ﻳﻔﺘﺸﻮﺍ ﻋﻠﻴﻜﻲ … ﻭ ﺍﺫﺍ ﺧﺒﺮﺕ ﻛﺮﻳﻢ ﻫﻸ ﺍﻧﻚ
ﻫﻮﻥ ﺭﺡ ﻳﺠﻲ ﻓﻮﺭﺍً … ﺑﺲ ﺃﻧﺎ ﺑﺪﻱ ﻳﻜﻮﻥ ﺇﺩﻭﺍﺭﺩ ﻫﻮﻥ ﺣﺘﻰ ﺍﻟﺸﺮﻃﺔ
ﺗﻠﻘﻲ ﺍﻟﻘﺒﺾ ﻋﻠﻴﻪ …
ﻳﺎﺳﻤﻴﻦ : ﺷﻜﺮﺍً ﻛﺘﻴﺮ ﻣﺮﻳﺎﻧﺎ … ﻋﻨﺠﺪ ﺑﺘﺸﻜّﺮﻙ …

ﺍﻟﺠﺰﺀ ﺍﻟﺤﺎﺩﻱ ﻋﺸﺮ :
@rwayate
ﺩﺧﺎﻥ ﺍﻟﺴﻴﺠﺎﺭﺓ ﻋﻢ ﻳﻄﻠﻊ ﻣﻦ ﻛﺮﻳﻢ ﺑﺼﻌﻮﺑﺔ … ﻳﺎﺳﻤﻴﻦ ﻫﻲ ﺍﻟﻬﻮﺍ ﺍﻟﻠﻲ
ﺑﻴﺘﻨﻔّﺴﻪ … ﻟﻬﻴﻚ ﻫﻮ ﻣﺨﻨﻮﻕ ﻣﻦ ﻳﻮﻡ ﺍﻟﻠﻲ ﺻﺎﺭﺕ ﺑﻌﻴﺪﺓ ﻋﻨﻪ … ﻛﺎﻥ
ﻛﻞ ﻳﻮﻡ ﺍﻟﺼﺒﺢ ﺑﺲ ﻳﺸﻮﻓﻬﺎ ﻳﻌﺒّﻲ ﻃﺎﻗﺔ ﻭ ﻳﺼﻴﺮ ﻛﻠﻪ ﻧﺸﺎﻁ ﻭ ﺣﻴﻮﻳﺔ …
ﻭ ﺑﺎﻟﻠﻴﻞ ﺑﺲ ﻳﺮﺟﻊ ﻣﻦ ﺍﻟﺸﺮﻛﺔ ﺗﻘﻞّ ﻃﺎﻗﺘﻪ ﻭ ﻧﺸﺎﻃﻪ ﻭ ﺣﻴﻮﻳﺘﻪ … ﻳﻌﻨﻲ
ﻳﺎﺳﻤﻴﻦ ﻣﺼﺪﺭ ﺍﻟﺤﻴﺎﺓ ﻟﻜﺮﻳﻢ …. ﺑﺲ ﻫﻮ ﺍﻟﻴﻮﻡ ﺑﻼ ﻃﺎﻗﺔ ﻭ ﻻ ﻧﺸﺎﻁ ﻭ ﻻ
ﺣﻴﻮﻳﺔ … ﻣﻦ ﻳﻮﻡ ﺍﻟﻠﻲ ﺍﺧﺘﻔﺖ ﻓﻴﻪ … ﺍﺧﺘﻔﻰ ﻣﻌﻬﺎ ﻛﻞ ﺍﻟﻔﺮﺡ ﻭ
ﺍﻟﺴﻌﺎﺩﺓ ﻭ ﺍﻟﻨﺸﺎﻁ ﻭ ﻛﻞ ﺷﻲ ﻣﻨﻴﺢ ﻭ ﺣﻠﻮ … ﻫﻮ ﻭ ﻏﺮﻗﺎﻥ ﺑﻌﺎﻟﻢ
ﺍﻟﻴﺎﺳﻤﻴﻦ … ﺑﻴﻨﺎﺩﻳﻠﻪ ﺳﻌﻴﺪ ..
ﺳﻌﻴﺪ : ﻛﺮﻳﻢ ؟؟؟ ﺗﻠﻔﻮﻧﻚ ﻋﻢ ﻳﺮﻥّ !!!
ﺩﺧﻞ ﻛﺮﻳﻢ ﻭ ﺷﺎﻑ ﺍﻧﻮ ﺍﻟﻤﺘﺼﻞ ﻫﻲ ﻣﺮﻳﺎﻧﺎ …
ﻛﺮﻳﻢ : ﺃﻟﻮ ﻣﺮﻳﺎﻧﺎ ؟؟؟؟
ﻣﺮﻳﺎﻧﺎ : ﻛﻴﻔﻚ ﻛﺮﻳﻢ ﺑﻴﻚ ؟؟؟ ﻟﻴﻚ ﻣﺎ ﻓﻲ ﻭﻗﺖ ﻟﻠﺤﻜﻲ … ﺍﻧﺎ ﺑﻤﺴﺘﺸﻔﻰ
ﺇﺳﻤﻬﺎ ﺍﻟﺼﺤﺔ ﻭ ﺍﻟﻌﺎﻓﻴﺔ ﺑﻤﻨﻄﻘﺔ ﺍﻟﻌﻨﺪﻟﻴﺐ … ﻳﺎﺳﻤﻴﻦ ﻫﻮﻥ ﻭ ﺍﻟﻠﻲ
ﺧﺎﻃﻔﻬﺎ ﻛﻤﺎﻥ ﻫﻮﻥ ﻭ ﺍﻟﻠﻲ ﻋﻮ ﺇﺩﻭﺍﺭﺩ … ﺣﺎﻭﻝ ﺑﺄﺳﺮﻉ ﻭﻗﺖ ﻣﻤﻜﻦ ﺗﻮﺻﻞ
ﻗﺒﻞ ﻣﺎ ﻳﺮﻭﺡ … ﻳﺎﺳﻤﻴﻦ ﺣﺎﻟﺘﻬﺎ ﻣﺶ ﺯﻳﺎﺩﺓ ﻛﺘﻴﺮ ﻭ ﺑﺤﺎﺟﺘﻚ … ﺑﺎﻱ …
ﺳﻜّﺮﺕ ﺍﻟﺨﻂ … ﻭ ﻛﺮﻳﻢ ﻣﺶ ﻋﺎﺭﻑ ﺷﻮ ﻧﻮﻉ ﺍﻟﻤﺸﺎﻋﺮ ﻭ ﺍﻷﺣﺎﺳﻴﺲ ﺍﻟﻠﻲ
ﺍﺟﺘﺎﺣﺘﻪ …
ﺳﻌﻴﺪ : ﺷﻮ ﻓﻲ ؟؟؟
ﻛﺮﻳﻢ : ﻳﺎﺳﻤﻴﻦ ﺑﻤﺴﺘﺸﻔﻰ ﺍﻟﺼﺤﺔ ﻭ ﺍﻟﻌﺎﻓﻴﺔ ﺑﻤﻨﻄﻘﺔ ﺍﻟﻌﻨﺪﻟﻴﺐ ﺑﺴﺮﻋﺔ
ﺳﻌﻴﺪ ﺧﻠﻴﻨﺎ ﻧﺮﻭﺡ ﺑﺴﺮﻋﺔ ….
________
ﺩﺧﻠﺖ ﻣﺮﻳﺎﻧﺎ ﻫﻲ ﻭ ﺧﺎﻳﻔﺔ ﻋﻠﻰ ﻏﺮﻓﺔ ﻳﺎﺳﻤﻴﻦ … ﻛﺎﻥ ﺇﺩﻭﺍﺭﺩ ﻗﺎﻋﺪ
ﻋﺎﻟﻜﺮﺳﻲ ﺍﻟﻠﻲ ﺟﻨﺐ ﺗﺨﺖ ﻳﺎﺳﻤﻴﻦ ﺗﻤﺎﻣﺎً …
ﻳﺎﺳﻤﻴﻦ : ﺭﻭﺣﻲ ﻣﻦ ﻫﻮﻥ … ﺍﻃﻠﻌﺘﻲ ﺃﺣﻘﺮ ﻣﻨﻪ … ﻛﻴﻒ ﻣﺨﺒﻴﺔ
ﻫﺎﻟﻤﻮﺿﻮﻉ ﻋﻦ ﺍﻟﻜﻞ ؟؟؟ ﻛﻴﻒ ﺗﺎﺭﻛﺘﻨﻲ ﻣﻌﻪ ؟؟ ﻟﻴﻪ ﻣﺎ ﺧﺒﺮﺗﻲ ﻛﺮﻳﻢ ؟؟
ﻣﺮﻳﺎﻧﺎ : ﻳﺎﺳﻤﻴﻦ ﺣﻠّﻲ ﻋﻨّﻲ … ﺃﻧﺎ ﺗﻌﺒﺎﻧﺔ ﻭ ﺑﺪﻱ ﺇﺭﺗﺎﺡ … ﺇﻟﻲ ﻣﻦ ﺃﻱ
ﺳﺎﻋﺔ ﻭﺍﻗﻔﺔ ﻋﻠﻰ ﺇﺟﺮﻳﻲ ﻛﺮﻣﺎﻝ ﺣﻀﺮﺓ ﺟﻨﺎﺑﻚ …….. ﺇﺩﻭﺍﺭﺩ ! ﺃﻧﺎ
ﺭﻳﺤﺔ ﻧﺎﻡ ﺷﻲ ﺳﺎﻋﺔ ﻭ ﺑﺪﻝ ﺗﻴﺎﺑﻲ ﻭ ﺑﺮﺟﻊ ﻋﺎﻟﺴﺎﻋﺔ ١٠ ﺑﺎﻟﻠﻴﻞ …
ﺇﺩﻭﺍﺭﺩ : ﺍﻭﻛﻲ … ﻣﺎ ﺗﺘﺄﺧﺮﻱ … ﻧﺎﻃﺮﻙ …
ﻫﻲ ﻭ ﻣﺮﻳﺎﻧﺎ ﻃﺎﻟﻌﺔ ﻣﻦ ﺍﻟﻐﺮﻓﺔ ﻏﻤﺰﺗﻬﺎ ﻟﻴﺎﺳﻤﻴﻦ ﻭ ﻋﻤﻠﺘﻠﻬﺎ ﺑﺈﻳﺪﻫﺎ
… ﻓﺮﺣﺖ ﻳﺎﺳﻤﻴﻦ ﻛﺘﻴﺮ … ﺻﺎﺭ ﻗﻠﺒﻬﺎ ﻳﺪﻕ ﺑﺴﺮﻋﺔ ﻭ ﻳﻐﻠﻲ ﻏﻠﻲ ﺍﻧﻮ
ﺭﺡ ﺗﺸﻮﻑ ﻛﺮﻳﻢ … ﻭ ﺑﻨﻔﺲ ﺍﻟﻮﻗﺖ ﺧﺎﻳﻔﺔ ﻳﺼﻴﺮ ﺷﻲ ﻣﺶ ﻣﻨﻴﺢ ﻭ ﻣﺎ
ﺗﺰﺑﻂ ﺍﻧﻬﺎ ﺗﺨﻠﺺ ﻣﻦ ﺍﻟﻤﺠﻨﻮﻥ ﺇﺩﻭﺍﺭﺩ …
ﻳﺎﺳﻤﻴﻦ : ﻟﻮﻳﻦ ﺭﺡ ﺗﺎﺧﺪﻧﻲ ﺑﻌﺪ ﻣﺎ ﺍﻃﻠﻊ ﻣﻦ ﻫﻮﻥ ؟؟؟
ﺇﺩﻭﺍﺭﺩ : ﻣﺤﻞ ﻣﺎ ﺑﺪﻙ ﺑﺎﺧﺪﻙ … ﻟﻮ ﺑﺪﻙ ﺗﺮﻭﺣﻲ ﻋﻠﻰ ﺁﺧﺮ ﺍﻟﺪﻧﻴﺎ ﺑﺎﺧﺪﻙ
…
ﻳﺎﺳﻤﻴﻦ : ﺭﺟّﻌﻨﻲ ﻋﻠﻰ ﺑﻴﺘﻲ ﻭ ﺷﻐﻠﻲ ﻭ ﺣﻴﺎﺗﻲ ﺍﻟﻠﻲ ﻛﻨﺖ ﻋﺎﻳﺸﻴﺘﻬﺎ …
ﺷﻮ ﺑﺪﻙ ﻓﻴﻨﻲ ؟؟؟ ﺃﻧﺎ ﻧﺎﻗﺼﻨﻲ ﺗﻌﺐ ﺣﺘﻰ ﺗﺰﻳﺪ ﻋﻠﻴﻲ ؟؟؟ ﻭﺍﻟﻠﻪ ﺍﻟﻠﻲ
ﻓﻴﻨﻲ ﻣﻜﻔﻴﻨﻲ …
ﻻ ﺇﺭﺍﺩﻳﺎً ﻧﺰﻟﻮﺍ ﺩﻣﻮﻋﻬﺎ ﻟﻴﺎﺳﻤﻴﻦ … ﺻﺎﺭﺕ ﺗﺒﻜﻲ ﺑﺲ ﻋﺎﻟﺴﻜﺖ …
ﺍﺧﺘﺎﺭﺕ ﻳﺎﺳﻤﻴﻦ ﺍﻟﻨﻮﻉ ﺍﻷﺻﻌﺐ ﻭﺍﻷﻭﺟﻊ ﻣﻦ ﺃﻧﻮﺍﻉ ﺍﻟﺒﻜﺎﺀ … ﻋﻢ ﺗﺒﻜﻲ ﻭ
ﺗﺸﺪّ ﻉ ﺣﺎﻟﻬﺎ ﻭ ﻋﻢ ﺗﺼﺮﺥ ﺑﻘﻠﺒﻬﺎ ﻭ ﺗﺘﻮﺟﻊ ﺑﺲ ﻫﺎﺩﺋﺔ ﻛﺘﻴﺮ ﻣﻦ ﺑﺮّﺍ ﻭ ﻣﺎ
ﻓﻲ ﻏﻴﺮ ﺩﻣﻮﻉ ﻋﻢ ﺗﻨﻬﻤﺮ ﻋﻠﻰ ﺧﺪﻭﺩﻫﺎ …
ﺑﻌﺪ ﻣﺮﻭﺭ ﻭﻗﺖ ﻣﺎ ﺑﺘﻌﺮﻑ ﻗﺪّﻳﻪ … ﺻﺤﻴﺖ ﻳﺎﺳﻤﻴﻦ ﻋﻢ ﺇﻳﺪ ﻋﻢ ﺗﻠﻤﺲ
ﺧﺪّﻫﺎ ﺑﺤﻨﺎﻥ … ﺑﺲ ﻗﺒﻞ ﻣﺎ ﺗﻔﺘﺢ ﻋﻴﻮﻧﻬﺎ … ﻗﻠﺒﻬﺎ ﻋﺮﻑ ﺍﻧﻮ ﻫﺎﻟﺤﻨﺎﻥ
ﻣﺶ ﺣﻨﺎﻥ ﻛﺮﻳﻢ … ﻓﺘﺤﺖ ﻋﻴﻮﻧﻬﺎ ﺑﺴﺮﻋﺔ … ﻭ ﻛﺎﻥ ﺇﺩﻭﺍﺭﺩ ﻓﻮﻕ ﺭﺍﺳﻬﺎ
ﻭ ﻋﻢ ﻳﻠﻤﺴﻬﺎ ﺑﺤﻨﺎﻥ ﻭ ﺭﻗﺔ … ﻛﺎﻥ ﻏﺮﻗﺎﻥ ﺑﺠﻤﺎﻟﻬﺎ ﻫﻲ ﻭ ﻧﺎﻳﻤﺔ …
ﺻﺮﺧﺖ ﻳﺎﺳﻤﻴﻦ ﺻﻮﺕ ﻗﻮﻱ ﺑﺎﻟﻮﻗﺖ ﺍﻟﻠﻲ ﺍﻧﻔﺘﺢ ﺍﻟﺒﺎﺏ …
ﺳﻌﻴﺪ : ﺳﻠّﻢ ﺣﺎﻟﻚ ﺑﺴﺮﻋﺔ !!!!!!
ﺍﺗﻔﺎﺟﺊ ﺇﺩﻭﺍﺭﺩ ﻭ ﺑﺴﺮﻋﺔ ﻭﺟّﻪ ﻣﺴﺪّﺳﻪ ﺑﻮﺟﻪ ﻛﺮﻳﻢ …
ﻛﺮﻳﻢ : ﺍﻟﻠﻪ ﻳﻠﻌﻨﻚ ﻳﺎ ﺣﻘﻴﺮ ﻳﺎ ﺗﺎﻓﻪ …
ﻳﺎﺳﻤﻴﻦ : ﻛﺮﻳﻴﻴﻴﻴﻴﻤﻤﻤﻤﻤﻤﻢ …
ﻛﺮﻳﻢ : ﻳﺎﺳﻤﻴﻴﻴﻴﻴﻴﻴﻴﻴﻨﻦﻧﻨﻨﻦ …..
ﺣﻂّ ﺇﻳﺪﻩ ﺇﺩﻭﺍﺭﺩ ﻋﺎﻟﺰﻧﺎﺩ ﻭ ﺃﻃﻠﻖ ﺃﻭﻝ ﺭﺻﺎﺻﺔ … ﻭ ﻭﺟّﻪ ﺍﻟﻤﺴﺪّﺱ ﻟﻤﻜﺎﻥ
ﺗﺎﻧﻲ ﻭ ﺃﻃﻠﻖ ﺗﺎﻧﻲ ﺭﺻﺎﺻﺔ ….. ﻭ ﺻﺮﺍﺥ ﻳﺎﺳﻤﻴﻦ ﻭ ﺑﻜﺎﺋﻬﺎ ﻋﻢ ﻳﺰﻳﺪ ﻭ
ﻳﺰﻳﺪ ﻭ ﻳﺰﻳﺪ …………..
____________
” ﻭ ﻻ ﻣﺮّﺓ ﺭﺡ ﺗﻜﻮﻥ ﺍﻟﺤﻴﺎﺓ ﺳﻬﻠﺔ ﻭ ﺑﺴﻴﻄﺔ …
ﻣﺎ ﺗﺨﺎﻑ ..
ﺑﺎﻟﻨﻬﺎﻳﺔ ﺭﺡ ﺗﻮﺻﻞ ﻟﻬﺪﻓﻚ …
ﺑﺲ ﺑﺎﻷﻭﻝ ﻫﺎﻟﺤﻴﺎﺓ ﺭﺡ ﺗﺒﻜّﻴﻚ … ﺭﺡ ﺗﺠﺮﺣﻚ ﻛﺘﻴﺮ …
ﺭﺡ ﺗﺨﻠّﻴﻚ ﺗﺮﻛﻌﻼ …
ﺑﺲ ﺷﻮﻱ ﺷﻮﻱ … ﺍﻟﺤﻴﺎﺓ ﺑﺘﺼﻴﺮ ﺗﻘﻮّﻳﻚ …
ﺑﺲ ﺑﺘﻜﻮﻥ ﺍﻧﺖ ﺃﻋﻄﻴﺘﻬﺎ ﻣﻦ ﻗﻠﺒﻚ ﻟﺤﺘّﻰ ﻫﻲ ﺗﺮﺟﻊ ﺗﻌﻄﻴﻚ …
ﻛﻞ ﺭﺑﺢ ﻣﻘﺎﺑﻴﻠﻪ ﻓﻲ ﺧﺴﺎﺭﺓ … ﺑﺲ ﺍﻟﺨﺴﺎﺭﺓ ﺑﺘﻘﺘﻞ ﻓﻴﻚ ﺇﺷﻴﺎ ﻛﺘﻴﺮ … ﻭ
ﻭﻗﺖ ﻳﺠﻲ ﻭﻗﺖ ﺗﺮﺑﺢ … ﺑﺘﻼﻗﻲ ﺍﻧﻮ ﻓﺮﺣﺘﻚ ﺑﺎﻟﺮﺑﺢ ﻣﺶ ﻛﺎﻣﻠﺔ …
ﺑﺘﻼﻗﻲ ﺍﻧﻮ ﻓﺮﺣﺘﻚ ﺍﻧﻘﺘﻠﺖ ﻣﻊ ﺍﻹﺷﻴﺎ ﺍﻟﻠﻲ ﺍﻧﺘﻘﻠﺖ ﻣﻊ ﺍﻟﺨﺴﺎﺭﺓ ……….
”
______________

ﺍﻟﺠﺰﺀ ﺍﻟﺜﺎﻧﻲ ﻋﺸﺮ :
@rwayate
” ﻧﺤﻦ ﻭ ﻣﻊ ﺍﻟﻠﻲ ﻣﻨﺤﺒّﻦ … ﻣﻨﺤﺲّ ﺍﻧﻮ ﻣﺎ ﻓﻲ ﺷﻲ ﺍﺳﻤﻪ ﻫﻤﻮﻡ … ﻣﺎ
ﻓﻲ ﺷﻲ ﺍﺳﻤﻪ ﻭﺟﻊ … ﻣﺎ ﻓﻲ ﺷﻲ ﺍﺳﻤﻪ ﺑﻜﺎﺀ …
ﻣﻨﺤﺲّ ﺍﻧﻮ ﺑﺤﻴﺎﺗﻨﺎ ﻛﻠﻬﺎ ﻣﺎ ﺻﺎﺭ ﻣﻌﻨﺎ ﺷﻲ ﺑﻴﺰﻋّﻞ … ﻭ ﻣﺎ ﺻﺎﺭ ﻣﻌﻨﺎ
ﻣﻮﺍﻗﻒ ﻭﺟّﻌﺖ ﻗﻠﻮﺑﻨﺎ …
ﻣﻨﺤﺲّ ﺑﻘﺮﺑﻬﻢ ﺑﺎﻟﺤﻴﺎﺓ … ﺑﺎﻟﺤﻴﻮﻳﺔ … ﺣﺘﻰ ﺍﻟﺴﻌﺎﺩﺓ ﺑﺘﻜﻮﻥ ﻏﺎﻣﺮﺗﻨﺎ …
ﺍﻟﺤﺐ ﺣﺮﻓﻴﻦ … ﺑﺲ ﻣﺎ ﺣﺪﺍ ﺑﻴﻘﺪﺭ ﻳﻮﺻﻒ ﻫﺎﻟﺤﺮﻓﻴﻦ ﻟﻮ ﺍﺳﺘﺨﺪﻡ ﻛﻞ
ﺃﺣﺮﻑ ﻭ ﻟﻐﺎﺕ ﺍﻟﻌﺎﻟﻢ … ”
_ ﺑﻌﺪ ﻣﺮﻭﺭ ٧ ﺃﻳﺎﻡ _
ﻓﺘّﺢ ﻋﻴﻮﻧﻪ ﺑﻌﺪ ﻏﻴﺒﻮﺑﺔ ﻟﻤﺪّﺓ ﺃﺳﺒﻮﻉ … ﺣﺲّ ﺑﻮﺟﻊ ﺑﺼﺪﺭﻩ … ﻓﻮﺭﺍً ﺍﺗﺬﻛّﺮ
ﺷﻮ ﺻﺎﺭ ﻗﺒﻞ ﻫﺎﻟﻐﻴﺒﻮﺑﺔ …
))))))) ﻭﺟّﻪ ﺇﺩﻭﺍﺭﺩ ﻣﺴﺪّﺳﻪ ﻋﻠﻰ ﻛﺮﻳﻢ ﺣﺘﻰ ﻳﻘﻮّﺻﻪ … ﺑﺲ ﺳﻌﻴﺪ ﻛﺎﻥ
ﺃﺳﺮﻉ ﻣﻨّﻪ ﻭ ﻭﻗﻒ ﻗﺪّﺍﻡ ﻛﺮﻳﻢ ﻭ ﺻﺎﺑﺘﻪ ﺍﻟﺮﺻﺎﺻﺔ ﻟﺴﻌﻴﺪ …………
ﺑﻴﺘﺬﻛّﺮ ﻭﻗﺖ ﺩﺧﻠﺖ ﺍﻟﺮﺻﺎﺻﺔ ﻛﻴﻒ ﺇﺩﻭﺍﺭﺩ ﺷﺎﻑ ﻛﺮﻳﻢ ﻋﺎﻳﺶ ﻭ ﺭﺡ ﻳﺎﺧﺪ
ﻳﺎﺳﻤﻴﻦ ﻭ ﺗﺼﻴﺮ ﺇﻟﻮ …….. ﻭ ﺍﺗﺬﻛّﺮ ﻛﻴﻒ ﺇﺩﻭﺍﺭﺩ ﺣﻂّ ﺍﻟﻤﺴﺪّﺱ ﻋﻠﻰ
ﺭﺍﺳﻪ ﻭ ﺃﻃﻠﻖ ﺍﻟﺮﺻﺎﺻﺔ ﺍﻟﺘﺎﻧﻴﺔ ﺑﺪﻭﻥ ﺗﺮﺩﺩ …….. ﻭ ﺁﺧﺮ ﺷﻲ ﺑﻴﺘﺬﻛّﺮﻩ
ﻫﻮ ﺻﺮﺍﺥ ﻳﺎﺳﻤﻴﻦ ﻣﻦ ﺻﺪﻣﺘﻬﺎ ﺑﺈﺩﻭﺍﺭﺩ … ﻭ ﺯﺍﺩ ﺻﺮﺍﺧﻬﺎ ﻭﻗﺖ ﺣﻀﻨﻬﺎ
ﻛﺮﻳﻢ ……. (((((((
ﺍﻟﻤﻤﺮﺿﺔ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﺳﻌﻴﺪ … ﺍﻧﺸﺎﻟﻠﻪ ﺗﻜﻮﻥ ﺻﺮﺕ ﺃﺣﺴﻦ
…
ﺳﻌﻴﺪ ‏( ﺑﺼﻮﺕ ﺧﻔﻴﻒ ﻛﺘﻴﺮ ‏) : ﺍﻟﺢ …. ﻣﺪ …. ﻟﻠﻪ ….
ﺿﻬﺮﺕ ﺍﻟﻤﻤﺮﺿﺔ ﺑﺎﻟﻮﻗﺖ ﺍﻟﻠﻲ ﻭﺻﻞ ﻛﺮﻳﻢ ….
ﻛﺮﻳﻢ : ﻃﻤﻨﻴﻨﻲ !!!
ﺍﻟﻤﻤﺮﺿﺔ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻪ … ﺻﺤﻲ ﻣﻦ ﺍﻟﻐﻴﺒﻮﺑﺔ ﻗﺒﻞ ﺷﻮﻱ …
ﺭﺡ ﻧﺎﺩﻱ ﻟﻠﺪﻛﺘﻮﺭ ﻳﺠﻲ ﻳﺸﻮﻓﻪ …
ﻛﺮﻳﻢ : ﻃﻴﺐ ﺑﻘﺪﺭ ﺇﺩﺧﻞ ؟؟؟
ﺍﻟﻤﻤﺮﺿﺔ : ﻃﺒﻌﺎً … ﺑﺲ ﻣﺎ ﺗﺤﻜﻲ ﻣﻌﻪ ﻛﺘﻴﺮ …
ﺩﺧﻞ ﻛﺮﻳﻢ ﻋﻨﺪ ﺳﻌﻴﺪ ……..
ﻛﺮﻳﻢ : ﺍﻟﺤﻤﺪﻟﻠﻪ ﻋﺎﻟﺴﻼﻣﺔ ﺳﻌﻴﺪ …
ﺳﻌﻴﺪ : ﺍﻟﻞ ……… ﻩ ﺍﻟﻠﻪ ﻳﺴﻞ ……. ﻣﻚ …. ﻛﻲ …..ﻑ
ﻳﺎﺱ …. ﻣﻴﻦ ؟؟
ﻛﺮﻳﻢ : ﺍﻟﺤﻤﺪﻟﻠﻪ ﻳﺎﺳﻤﻴﻦ ﻣﻨﻴﺤﺔ … ﺇﺟﻴﺖ ﺣﺘﻰ ﺁﺧﺪﻫﺎ … ﺻﺎﺭﺕ ﻣﻨﻴﺤﺔ ﻭ
ﺑﺘﻘﺪﺭ ﺗﻄﻠﻊ ﻣﻦ ﻫﻮﻥ … ﺃﻧﺎ ﺭﺡ ﺇﺗﺮﻛﻚ ﺗﺮﺗﺎﺡ ﻫﻸ … ﺑﺲ ﺗﻼﻗﻲ ﺣﺎﻟﻚ
ﻣﻨﻴﺢ ﻭ ﺻﺮﺕ ﻗﺎﺩﺭ ﺗﺤﻜﻲ ﺍﺗﺼﻞ ﻓﻴﻨﻲ … ﺗﻠﻔﻮﻧﻚ ﻣﻊ ﺍﻟﻤﻤﺮﺿﺔ ﺍﻟﻠﻲ
ﻛﺎﻧﺖ ﻫﻮﻥ ﻣﻦ ﺷﻮﻱ … ﻳﻼ ﺑﺎﻱ …
ﺭﺍﺡ ﻋﻠﻰ ﻏﺮﻓﺔ ﻳﺎﺳﻤﻴﻦ …. ﺷﺎﻓﻬﺎ ﻗﺎﻋﺪﺓ ﻋﻠﻰ ﺍﻟﺘﺨﺖ ﻧﺎﻃﺮﻳﺘﻪ ﻳﺠﻲ
ﻳﺎﺧﺪﻫﺎ …. ﻭﻗﻔﺖ ﻳﺎﺳﻤﻴﻦ ﻭ ﻋﻴﻮﻧﻬﺎ ﻋﻠﻴﻪ ﻟﺤﺘﻰ ﺻﺎﺭ ﻗﺪّﺍﻣﻬﺎ ﻣﺒﺎﺷﺮﺓً
….
ﻛﺮﻳﻢ ‏( ﺑﻬﻤﺲ ‏) : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﺣﺒﻴﺒﺘﻲ …. ﺍﺷﺘﻘﺘﻠﻚ
ﻛﺘﻴﻴﻴﻴﻴﻴﻴﻴﻴﻴﻴﺮﺭﺭﺭﺭﺭﺭﺭﺭﺭﺭﺭﺭﺭﺭ ……
ﻷﻭّﻝ ﻣﺮّﺓ ﻳﺎﺳﻤﻴﻦ ﺑﺘﻠﻒّ ﺇﻳﺪﻳﻬﺎ ﻭﺭﺍ ﺿﻬﺮﻩ ﻭ ﺑﺘﺸﺪّ ﻋﻠﻴﻪ …. ﻛﺎﻧﺖ
ﻣﺸﺘﺎﺗﻘﻠﻪ ﻛﺘﻴﺮ … ﺑﺤﺎﺟﺘﻪ ﻛﺘﻴﺮ … ﻛﺎﻧﺖ ﺣﺎﺳّﺔ ﺑﺎﻟﻨﻘﺺ ﻋﻠﻰ ﻓﺮﺍﻗﻪ ﻭ
ﺑﻌﺪﻩ ﻋﻨﻬﺎ ….
ﻳﺎﺳﻤﻴﻦ : ﻛﺮﻳﻢ ﺧﻠﻴﻨﺎ ﻧﺮﻭﺡ ﻣﻦ ﻫﻮﻥ ….
ﺿﻬﺮﻭﺍ ﻣﻦ ﺍﻟﻤﺴﺘﺸﻔﻰ ﻭ ﻃﻠﻌﻮﺍ ﺑﺎﻟﺴﻴﺎﺭﺓ ….
ﻛﺮﻳﻢ : ﻟﻮﻳﻦ ﺑﺘﺤﺒﻲ ﺗﺮﻭﺣﻲ ؟
ﻳﺎﺳﻤﻴﻦ : ﺑﺘﺬﻛّﺮ ﺃﻭﻝ ﺃﻳﺎﻣﻲ ﻣﻌﻚ … ﻋﺮﺿﺖ ﻋﻠﻴّﻲ ﺭﺣﻠﺔ ﺑﺎﻟﻴﺨﺖ ﺍﻟﺨﺎﺹ
ﺍﻟﻠﻲ ﺇﻟﻚ … ﻭ ﺃﻧﺎ ﺭﻓﻀﺖ ﻭﻗﺘﻬﺎ … ﺑﺲ ﺑﻌﺘﻘﺪ ﻫﻸ ﺍﻧّﻲ ﺑﺤﺎﺟﺔ ﻛﺘﻴﺮ
ﻟﻬﻴﻚ ﺭﺣﻠﺔ ﻣﻌﻚ ….
ﻣﺴﻚ ﺇﻳﺪﻫﺎ ﻭ ﺑﺎﺳﻬﺎ … ﻭ ﻣﺸﻴﻮﺍ ﺑﺎﻟﺴﻴﺎﺭﺓ ﺳﻮﺍ …
________
” ﺃﻧﺎ ﻓﺘﺎﺓ ﻻ ﺗﺤﺐّ ﺍﻟﻤﻮﺳﻴﻘﻰ ﻭ ﺍﻟﻄﺮﺏ ….
ﻟﻜﻨّﻨﻲ ﺣﻴﻨﻤﺎ ﺳﻤﻌﺖُ ﺻﻮﺗَﻪُ ﺍﻧﻄﺮﺑﺖْ ﺃُﺫُﻧﺎﻱ …. ﺣﻴﻨﻬﺎ ﺃﺻﺒﺤﺖُ ﺃﺣﺐُّ
ﺍﻟﻤﻮﺳﻴﻘﻰ …. ﻟﻜﻦ ﻟﻴﺲ ﺃﻳّﺔُ ﻣﻮﺳﻴﻘﻰ …. ﻓﻘﻂ ﺗﻠﻚ ﺍﻟﻤﻮﺳﻴﻘﻰ ﺍﻟﺮﻧّﺎﻧﺔ
ﺍﻟﺘﻲ ﺃﺳﻤﻌﻬﺎ ﺣﻴﻦ ﻳﺘﻜﻠّﻢ …. ﺣﻴﻦ ﺃﺳﻤﻊ ﺻﻮﺗﻪ ﺍﻟﻌﺬﺏ …
ﻭ ﻣﻦ ﺍﻷﺷﻴﺎﺀ ﺍﻟﺘﻲ ﻻ ﺃﺣﺒّﻬﺎ ﻫﻲ ﺍﻟﻤﺪﻳﻨﺔ ﻭ ﺿﺠﻴﺠﻬﺎ …
ﻟﻜﻦ ﺣﻴﻦ ﺃﺣﺎﻃﺘﻨﻲ ﺫﺭﺍﻋَﻴْﻚَ … ﻭ ﺍﺣﺘﻮﺍﻧﻲ ﺣﻀﻨﻚَ ﺍﻟﺪﺍﻓﺊ … ﺃﺻﺒﺤﺖ
ﺃﻋﺸﻖ ﺍﻟﻤﺪﻳﻨﺔ … ﻟﻜﻦ ﻟﻴﺲ ﺃﻳّﺔُ ﻣﺪﻳﻨﺔً … ﻓﻘﻂ ﺗﻠﻚ ﺍﻟﻤﺪﻳﻨﺔ ، ﺍﻟﺘﻲ
ﺃﺭﺿُﻬﺎ ﺣﻀﻨﻚَ .. ﻭ ﺳﻤﺎﺀﻫﺎ ﻋﻴﻨﻴﻚَ .. ﻭ ﺃﺳﻮﺍﺭِﻫﺎ ﺫﺭﺍﻋﻴْﻚَ .. ﻭ ﺳﻜﺎﻧﻬﺎ
ﻗﻠﺒُﻚَ .. ﻭ ﺿﺠﻴﺠﻬﺎ ﻧَﺒﻀﻲ ﻭ ﻧَﺒﻀُﻚَ .. ”
________
ﺷﻮ ﺣﻠﻮ ﺍﻟﺒﺤﺮ … ﻣﺎ ﻓﻲ ﺇﻧﺴﺎﻥ ﻣﺎ ﺑﻴﺤﺐّ ﺍﻟﺒﺤﺮ … ﺍﻟﺒﺤﺮ ﻫﻮ ﻧﻌﻤﺔ
ﺍﻟﻠﻪ ﺃﻋﻄﺎﻫﺎ ﻟﺠﻤﻴﻊ ﺍﻟﻜﺎﺋﻨﺎﺕ … ﺃﻋﻄﺎﻧﺎ ﻳﺎﻫﺎ ﻹﻧﻬﺎ ﻣﺼﺪﺭ ﺭﺍﺣﺔ … ﺻﻮﺕ
ﺍﻷﻣﻮﺍﺝ ﺑﻴﺒﻌﺖ ﻟﻘﻠﻮﺑﻨﺎ ﺍﻟﺮﺍﺣﺔ … ﻭ ﻟﻮﻥ ﺍﻟﻤﺎﻱ ﺍﻷﺯﺭﻕ ﺑﻴﺒﻌﺖ ﻟﻘﻠﻮﺑﻨﺎ
ﺍﻟﺮﺍﺣﺔ … ﻛﻞّ ﻫﺎﻟﺮﺍﺣﺔ ﺍﻟﻨﻔﺴﻴﺔ ﺍﻟﻠﻲ ﻣﻦ ﺍﻟﺒﺤﺮ ﻣﺎ ﺑﺘﺴﺎﻭﻱ ﺍﻟﺮﺍﺣﺔ
ﺍﻟﻨﻔﺴﻴﺔ ﺍﻟﻠﻲ ﻣﻨﺸﻌﺮ ﻓﻴﻬﺎ ﺑﻮﺟﻮﺩ ﺍﻟﻨﺎﺱ ﺍﻟﻠﻲ ﻣﻨﺤﺒّﻦ ….
ﻛﺎﻧﺖ ﻳﺎﺳﻤﻴﻦ ﻭﺍﻗﻔﺔ ﻋﻢ ﺗﺘﺄﻣﻞ ﺍﻟﺒﺤﺮ ﻣﻦ ﺍﻟﻴﺨﺖ ﺍﻟﻠﻲ ﻋﻢ ﻳﻤﺸﻲ ﺑﻬﺪﻭﺀ
ﺑﻮﺳﻂ ﺍﻟﺒﺤﺮ … ﻭ ﺍﻟﻨﺴﻤﺔ ﺍﻟﺪﺍﻓﺌﺔ ﺳﻤﺤﺖ ﻟﺸﻌﺮ ﻳﺎﺳﻤﻴﻦ ﻳﺘﺤﺮّﺭ ﻭ ﻳﺘﻄﺎﻳﺮ
ﺑِﺤﺮﻳّﺔ … ﻭ ﺃﺷﻌﺔ ﺍﻟﺸﻤﺲ ﺳﺎﻃﻌﺔ ﻋﻠﻴﻬﺎ ﺑﺎﻟﻜﺎﻣﻞ ﻭ ﺃﻋﻄﺘﻬﺎ ﺟﻤﺎﻝ ﺃﻛﺘﺮ
ﺧﺎﺻّﺔً ﺍﻧّﻮ ﻋﻴﻮﻧﻬﺎ ﻟﻴﺎﺳﻤﻴﻦ ﻟﻮﻥ ﺃﺧﻀﺮ ﻓﺎﺗﺢ ﻭ ﺷﻌﺮﻫﺎ ﺃﺷﻘﺮ ﻣﺬﻫّﺐ
…… ﺇﺟﻰ ﻛﺮﻳﻢ ﻋﺎﻟﻬﺪﻯ ﻣﻦ ﻭﺭﺍﻫﺎ ﻭ ﺣﺎﻭﻃﻬﺎ ﺑﺈﻳﺪﻳﻪ ﻭ ﺭﺍﺳﻪ ﻋﻠﻰ
ﻛﺘﻔﻬﺎ …
ﺷﻢّ ﻋﻄﺮﻫﺎ ﻭ ﻫﻤﺲ : ﻳﺎ ﺍﻟﻠﻠﻠﻠﻠﻠﻪ ﺷﻮ ﺍﺷﺘﻘﺖ ﻟﻬﺎﻱ ﺍﻟﺮﺍﺋﺤﺔ … ﻛﻨﺖ
ﺷﻤّﻬﺎ ﻭﻳﻦ ﻣﺎ ﺭﻭﺡ … ﺑﺲ ﻭﻗﺖ ﺷﻤﻬﺎ ﻋﻠﻴﻜﻲ ﺑﺤﺴّﻬﺎ ﻏﻴﺮ …
ﻳﺎﺳﻤﻴﻦ : ﺑﺪﻱ ﺇﺳﺄﻟﻚ ﺳﺆﺍﻝ ﻭ ﺑﺪﻱ ﺗﺠﺎﻭﺑﻨﻲ ﻋﻠﻴﻪ ﺑﻤﺎ ﺍﻧّﻚ ﺟﻨﺐ ﺃﺫﻧﻲ
… ﻫﻴﻚ ﺑﺴﻤﻌﻚ ﺃﻛﺘﺮ ﻭ ﺃﺣﺴﻦ …
ﺷﻮ ﺑﺘﺘﻮﻗّﻊ ﻳﻜﻮﻥ ﺍﻟﺴﺮ ﺍﻟﻠﻲ ﺑﻘﻠﺒﻲ ؟؟؟ ﺟﺎﻭﺑﻨﻲ ﺑﺼﺮﺍﺣﺔ ﻭ ﻭﻋﺪ ﻣﺎ ﺇﺯﻋﻞ
…
ﺍﻧﺼﺪﻡ ﻛﺮﻳﻢ ﻣﻦ ﺳﺆﺍﻟﻬﺎ … ﻛﺎﻥ ﺑﺪﻭ ﻳﺒﻌﺪ ﻋﻨﻬﺎ … ﺑﺲ ﺷﺪّﺗﻪ ﺑﺈﻳﺪﻳﻪ
ﺍﻟﻠﻲ ﻣﺤﺎﻭﻃﻴﻨﻬﺎ ﻣﻦ ﺧﺼﺮﻫﺎ …
ﻳﺎﺳﻤﻴﻦ : ﻣﺎ ﺭﺡ ﺍﺗﺮﻛﻚ ﺣﺘﻰ ﺗﺼﺎﺭﺣﻨﻲ …
ﻛﺮﻳﻢ : ﻳﺎﺳﻤﻴﻦ ! ﺍﻟﺪﻛﺘﻮﺭ ﻗﺎﻝ ﺍﻧﻮ ﻻﺯﻣﻚ ﺭﺍﺣﺔ ﻧﻔﺴﻴﺔ ﻫﺎﻟﻔﺘﺮﺓ … ﺧﻠﺺ
ﺃﺟﻠﻲ ﻛﻞ ﺍﻟﺤﻜﻲ ﻟﺒﻌﺪﻳﻦ …..

ﺍﻟﺠﺰﺀ ﺍﻷﺧﻴﺮ :
@rwayate
ﻳﺎﺳﻤﻴﻦ : ﺃﻧﺎ ﻃﻠﺒﺖ ﻣﻨﻚ ﻧﺠﻲ ﻟﻬﻮﻥ ﺣﺘﻰ ﺃﻧﺎ ﻭ ﻳﺎﻙ ﻧﺤﻜﻲ ﻛﻞ ﺷﻲ ﺟﻮﺍﺗﻨﺎ
…
ﻛﺮﻳﻢ : ﻃﻴﺐ … ﺃﻧﺎ ﺑﻌﺘﻘﺪ ﺍﻧّﻮ ……. !!!!!!
ﻳﺎﺳﻤﻴﻦ : ﺍﻧﻮ ﺷﻮ ﻛﺮﻳﻢ ؟ ﺍﺣﻜﻲ ….
ﻛﺮﻳﻢ : ﺑﺤﺲّ ﺍﻧﻚ ﻣﺘﻌﺮﺿﺔ ﻟﺘﺤﺮّﺵ ﺟﻨﺴﻲ !!!
ﻏﻤّﻀﺖ ﻋﻴﻮﻧﻬﺎ ﻳﺎﺳﻤﻴﻦ … ﻭ ﺗﺮﻛﺘﻪ ﻭ ﻗﻌﺪﺕ ﻋﻠﻰ ﺍﻟﻤﻘﻌﺪ ﺍﻟﻜﺒﻴﺮ ﺍﻟﻠﻲ
ﻭﺭﺍﻫﺎ …
ﻳﺎﺳﻤﻴﻦ : ﺗﻌﺎ ﻛﺮﻳﻢ … ﺗﻌﺎ ﺍﻗﻌﺪ ﺟﻨﺒﻲ … ﺑﺪﻱ ﺍﺣﻜﻴﻠﻚ ﻗﺼﺘﻲ … ﺳﺮّﻱ
… ﻭﺟﻌﻲ … ﺃﻟﻤﻲ … ﻛﻞ ﺷﻲ …
ﻗﻌﺪ ﻛﺮﻳﻢ ﺟﻨﺒﻬﺎ … ﻣﺴﻚ ﺇﻳﺪﻫﺎ … ﻭ ﺻﺎﺭ ﻳﻠﻌﺐ ﺑﺨﺼﻼﺕ ﺷﻌﺮﻫﺎ …
ﺃﺧﺪﺕ ﻳﺎﺳﻤﻴﻦ ﻧﻔﺲ ﻋﻤﻴﻖ ﻭ ﺻﺎﺭﺕ ﺗﺤﻜﻲ ….
____
))))))))) ﻳﻮﻡ ﺍﻟﻠﻲ ﺍﺗﺨﺮّﺟﺖ ﻓﻴﻪ ﻣﻦ ﺍﻟﺒﻜﺎﻟﻮﺭﻳﺎ … ﻭﺻﻠﻨﻲ ﻋﻠﻰ ﺑﻴﺘﻲ
ﺑﺎﻗﺔ ﻭﺭﻭﺩ ﻛﺒﻴﺮﺓ ﻛﺘﻴﺮ … ﺃﻫﻠﻲ ﻭﻗﺘﻬﺎ ﻣﺎ ﻋﺠﺒﻬﻢ ﻫﺎﻟﺸﻲ ﺑﺲ ﺍﻧﻮ ﻣﺎ
ﻣﻨﻌﺮﻑ ﻣﻴﻦ ﺍﻟﻠﻲ ﺑﻌﺘﻬﻦ … ﻓﺘﺤﺖ ﺍﻟﻈﺮﻑ ﺍﻟﻠﻲ ﻛﺎﻥ ﻣﻮﺟﻮﺩ ﺑﺎﻟﺒﺎﻗﺔ …
ﻓﺘﺤﺖ ﺍﻟﻮﺭﻗﺔ ﻭ ﻟﻘﻴﺖ ﺭﺳﺎﻟﺔ ﺻﻐﻴﺮﺓ … ‏( ﺃﻟﻒ ﻣﺒﺮﻭﻙ ﺍﻟﻨﺠﺎﺡ …
ﺑﺘﻤﻨﺎﻟﻚ ﺍﻟﺘﻮﻓﻴﻖ … ﺭﻗﻤﻲ ﻣﻮﺟﻮﺩ ﻋﻠﻰ ﺍﻟﻮﺭﻗﺔ ﻣﻦ ﺍﻟﺨﻠﻒ … ﺑﺘﻤﻨﻰ
ﺗﺘﺼﻠﻲ ﻓﻴﻨﻲ …… ﻋﻤﺎﺩ ‏) … ﻭﻗﺘﻬﺎ ﺣﺴّﻴﺖ ﻷﻭﻝ ﻣﺮّﺓ ﻗﻠﺒﻲ ﺑﻴﻨﺒﺾ
ﻧﺒﻀﺎﺕ ﺍﻟﺤﺐ … ﺍﺗﺼﻠﺖ ﻓﻴﻪ ﻭ ﺍﺗﺸﻜﺮﺗﻪ ﻋﻠﻰ ﺍﻟﻮﺭﺩ … ﻭ ﺻﺮﻧﺎ ﻛﻞ ﻳﻮﻡ
ﻧﺤﻜﻲ ﻣﻊ ﺑﻌﺾ … ﺍﺗﻌﺮﻓﻨﺎ ﻋﻠﻰ ﺑﻌﺾ ﻭ ﺻﺮﻧﺎ ﺃﺻﺪﻗﺎﺀ … ﺑﻴﻮﻡ ﻣﻦ
ﺍﻷﻳﺎﻡ ﺩﻕّ ﺑﺎﺏ ﺑﻴﺖ ﺃﻫﻠﻲ ﺍﻟﻤﺴﺎﺀ … ﻓﺘﺢ ﺑﺎﺑﺎ ﺍﻟﺒﺎﺏ ﻭ ﺩﺧﻞ ﻣﻨﻪ ﻋﻤﺎﺩ
… ﺍﻧﺼﺪﻣﺖ ﻛﺘﻴﺮ ﺑﻮﺟﻮﺩﻩ ﺑﺒﻴﺘﻨﺎ … ﻭﻗﺘﻬﺎ ﻃﻠﺐ ﺇﻳﺪﻱ ﻣﻦ ﺃﻫﻠﻲ … ﺑﺲ
ﺃﻫﻠﻲ ﺭﻓﻀﻮﺍ ﻳﺰﻭﺟﻮﻧﻲ ﻹﻧﻬﻢ ﺣﺎﺑّﻴﻦ ﺍﻧﻲ ﻛﻤّﻞ ﺩﺭﺍﺳﺘﻲ … ﺑﻌﺪ ﻣﺎ ﺭﻓﻀﻮﺍ
ﺃﻫﻠﻲ ﻧﺘﺰﻭﺝ ﺻﺮﻧﺎ ﻧﺤﺐ ﺑﻌﺾ ﻛﺘﻴﺮ … ﻓﻴﻚ ﺗﻘﻮﻝ ﻭﺻﻠﻨﺎ ﺑﺎﻟﺤﺐ ﻟﻤﺮﺣﻠﺔ
ﺍﻟﻌﺸﻖ … ﺻﺮﻧﺎ ﻧﻠﺘﻘﻲ ﻛﻞ ﻳﻮﻡ ﺑﻤﻜﺎﻥ … ﻭﻗﺘﻬﺎ ﻃﻠﺐ ﻣﻨﻲ ﻧﻬﺮﺏ ﺳﻮﺍ
ﺑﺲ ﺃﻧﺎ ﻗﻠﺘﻠﻮ ﺍﻧﻲ ﺭﺡ ﺟﺮﺏ ﺇﻗﻨﻊ ﺃﻫﻠﻲ … ﻳﻮﻣﻬﺎ ﺍﻋﻤﻠﺖ ﻣﺸﻜﻠﺔ ﻛﺒﻴﺮﺓ
ﺑﺎﻟﺒﻴﺖ ﻛﺮﻣﺎﻟﻪ … ﻭ ﺍﻧﻮ ﺑﺪﻱ ﻳﺎﻩ ﻭ ﺍﺫﺍ ﻣﺎ ﺯﻭﺟﻮﻧﺎ ﺭﺡ ﻧﻬﺮﺏ … ﺍﻟﻤﻬﻢ
ﻭﺍﻓﻘﻮﺍ ﺃﻫﻠﻲ ﻧﺘﺰﻭﺝ ﺑﺲ ﺑﺈﻛﺮﺍﻩ … ﻣﺎ ﺑﻌﺮﻑ ﻟﻴﻪ ﻣﺎ ﻛﺎﻧﻮﺍ ﺣﺎﺑّﻴﻨﻪ …..
ﺍﺗﺰﻭّﺟﻨﺎ ﻭ ﺍﻋﻤﻠﻨﺎ ﻋﺮﺱ ﻭ ﻗﻌّﺪﻧﻲ ﺑﻘﺼﺮ ﻛﺒﻴﺮ ﻛﺘﻴﻴﻴﻴﻴﺮﺭﺭﺭ … ﻛﺎﻥ ﻛﺘﻴﺮ
ﻳﺤﺒﻨﻲ ﻭ ﻳﺪﻟﻠﻨﻲ ﻭ ﻣﺎ ﺑﺘﺰﻛّﺮ ﺷﻲ ﻳﻮﻡ ﻧﻤﺖ ﺯﻋﻼﻧﺔ ﺑﺴﺒﺒﻪ … ﺑﺲ ﻛﺎﻥ
ﻛﺘﻴﺮ ﻳﺼﻮّﺭﻧﻲ … ﺷﻮ ﻣﺎ ﺇﻟﺒﺲ ﻳﺼﻮّﺭﻧﻲ … ﺣﺘﻰ ﻟﻮ ﻛﻨﺖ ﻻﺑﺴﺔ ﺗﻴﺎﺑﻲ
ﺍﻟﺪﺍﺧﻠﻴﺔ ﻭ ﻗﺎﻋﺪﻳﻦ ﻣﻊ ﺑﻌﺾ ﺃﻧﺎ ﻭ ﻳﺎﻩ ﻳﺼﻮّﺭﻧﻲ … ﻭ ﻛﺎﻥ ﻛﺘﻴﺮ ﻳﺤﺐ ﺍﻧﻲ
ﺇﻟﺒﺲ ﻗﺼﻴﺮ ﻛﺘﻴﺮ ﺣﺘﻰ ﻟﻮ ﺑﺪﻱ ﺍﺿﻬﺮ ﻭ ﺭﻭﺡ ﻭ ﺍﺟﻲ … ﻛﻨﺖ ﺇﺳﺘﻐﺮﺏ
ﻛﺘﻴﺮ ﻣﻦ ﻫﺎﻟﺤﺮﻛﺎﺕ … ﺑﺲ ﻛﻨﺖ ﻗﻮﻝ ﺍﻧّﻮ ﻳﻤﻜﻦ ﻣﻦ ﺟﻤﺎﻟﻲ ﺑﺪّﻭ ﻳﺸﻮﻑ
ﺣﺎﻟﻪ ﻓﻴﻨﻲ ….. ﺑﻴﻮﻡ ﻣﻦ ﺍﻷﻳﺎﻡ ، ﻛﺎﻥ ﻣﺮﻳﺾ ﻛﺘﻴﺮ ﻭ ﻋﻠﻴﻪ ﺣﺮﺍﺭﺓ ﻭ ﺻﺎﺭ
ﻳﻬﻠﻮِﺱ … ﺗﻠﻔﻮﻧﻪ ﻣﺎ ﻛﺎﻥ ﻋﻢ ﻳﻬﺪﻯ ﻣﻦ ﺍﻹﺗﺼﺎﻻﺕ ﻭ ﺍﻟﺮﺳﺎﺋﻞ ﻭ ﺍﻟﻮﺍﺗﺲ
ﺃﺏ … ﻓﻀﻮﻟﻲ ﺩﻓﻌﻨﻲ ﺍﻧّﻲ ﺍﻓﺘﺤﻠﻪ ﺗﻠﻔﻮﻧﻪ … ﺑﺲ ﻳﺎ ﺭﻳﺘﻨﻲ ﻣﺎ ﻓﺘﺤﺘﻪ
… ﺃﻭ ﻻ ﺍﻟﺤﻤﺪﻟﻠﻪ ﺍﻟﻠﻲ ﻓﺘﺤﺘﻪ … ﺷﻔﺖ ﻛّﺮﻭﺏ ﻋﺎﻟﻮﺍﺗﺲ ﺃﺏ ﻋﻨﻮﺍﻧﻪ
ﻣﺮﺗﻲ ﺍﻟﺤﻠﻮﺓ ﻳﺎﺳﻤﻴﻦ … ﺩﺧﻠﺖ ﻋﻠﻴﻪ ﻭ ﻟﻘﻴﺖ ﺻﻮّﺭﻱ ﺍﻟﻠﻲ ﻣﺼﻮّﺭﻧﻲ ﻫﻦّ
… ﻃﻠﻊ ﺯﻭﺟﻲ ﺗﺎﺟﺮ ﻏﻨﻲ ﺑﺴﺒﺐ ﺍﻟﺼﻮﺭ ﺍﻟﻠﻲ ﺑﻴﺒﻌﺘﻬﺎ ﻷﻛﺒﺮ ﺍﻟﺘﺠﺎﺭ ﻭ
ﺭﺟﺎﻝ ﺍﻷﻋﻤﺎﻝ … ﺻﺮﺕ ﺷﻮﻑ ﺍﻟﺤﻜﻲ ﻭ ﺍﻟﺼﻮﺭ ﺗﺒﻌﻲ ﻭ ﺃﻧﺎ ﺣﺎﺳّﺔ ﻗﻠﺒﻲ
ﺭﺡ ﻳﻮﻗﻒ … ﺣﺎﺳّﺔ ﺣﺎﻟﻲ ﻋﻢ ﺑﺨﺘﻨﻖ … ﺩﻗﻴﺖ ﻷﻫﻠﻲ ﻭ ﺟﻨﻮﺍ ﻭﻗﺖ
ﺧﺒﺮﺗﻬﻦ … ﻭﻗﺘﻬﺎ ﺃﺧﻲ ﺍﺟﻰ ﻣﺘﻞ ﺍﻟﻤﺠﻨﻮﻥ ﻭ ﺻﺎﺭ ﻳﻀﺮﺑﻪ ﻭ ﻳﺴﺒّﻪ ﻟﻌﻤﺎﺩ
… ﻭ ﻋﻤﺎﺩ ﻣﺎ ﺑﻴﻌﺮﻑ ﺷﻲ ﻭ ﻻ ﺣﺎﺳﺲ ﺑﺸﻲ ﻣﻦ ﺍﻟﺤﺮﺍﺭﺓ … ﺃﺧﻲ ﺃﺧﺪ
ﺍﻟﺘﻠﻔﻮﻥ ﻭ ﺃﺧﺪﻧﻲ ﻭ ﺭﺣﻨﺎ ﻓﻮﺭﺍً ﻋﻠﻰ ﺍﻟﺸﺮﻃﺔ ﻭ ﺍﺷﺘﻜﻴﻨﺎ ﻋﻠﻴﻪ … ﺃﺧﺪﻭﻩ ﻭ
ﺣﺒﺴﻮﻩ ﻛﻢ ﻳﻮﻡ … ﺁﺧﺮ ﻣﺮﺓ ﺷﻔﺘﻪ ﻳﻮﻡ ﺍﻟﻠﻲ ﺣﻜﻤﻮﺍ ﻋﻠﻴﻪ ﺑﺎﻟﻤﺤﻜﻤﺔ ١٠
ﺳﻨﻴﻦ ﺳﺠﻦ … ﻣﻦ ﻭﻗﺘﻬﺎ ﻣﺎ ﻋﺎﺩ ﺷﻔﺘﻪ … ﻭ ﻻ ﺍﺳﻤﻌﺖ ﻋﻨﻪ ﺷﻲ ﻭ ﻻ
ﺑﺪﻱ ﺍﺳﻤﻊ … ﺑﻌﺪ ﻫﻴﻚ ﺣﺒﺴﺖ ﺣﺎﻟﻲ ﺑﺎﻟﺒﻴﺖ ﺣﻮﺍﻟﻲ ﺍﻟﺴﻨﺘﻴﻦ ﻭ ﻧﺺ …
ﻛﻨﺖ ﻛﺘﻴﺮ ﻣﻜﺌﺒﺔ ﻭ ﺗﻌﺒﺎﻧﺔ ﻭ ﻣﺎ ﻗﺎﺩﺭﺓ ﺷﻮﻑ ﻣﺨﻠﻮﻕ … ﻣﻊ ﻫﻴﻚ ﻣﺎ
ﺍﺳﻠﻤﺖ ﻣﻦ ﺍﻟﻤﺠﺘﻤﻊ ﺍﻟﻠﻲ ﺍﺗﻬﻤﻨﻲ ﺍﻧﻲ ﺍﻧﺎ ﺍﻟﻤﺬﻧﺒﺔ ﻭ ﻋﻤﺎﺩ ﺍﻟﻤﻈﻠﻮﻡ … ﻭ
ﺃﻫﻠﻲ ﻣﺎ ﺗﺮﻛﻮﻧﻲ ﺑﺤﺎﻟﻲ ﻭ ﻛﺎﻧﻮﺍ ﻳﺴﻤﻌﻮﻧﻲ ﺣﻜﻲ ﻛﺘﻴﺮ … ﻋﺎﻧﻴﺖ
ﻛﺘﻴﻴﻴﻴﻴﺮ ﺑﻬﺎﻟﺴﻨﺘﻴﻦ ﻭ ﻧﺺ … ﻭﻗﺘﻬﺎ ﻗﺮﺭﺕ ﺍﻫﺮﺏ ﻣﻦ ﺑﻴﺖ ﺍﻫﻠﻲ ﻭ ﺍﺗﺮﻙ
ﻛﻠﻠﻠﻠﻠﻞ ﺷﻲ ﻋﻨﺪﻥ … ﺫﻛﺮﻳﺎﺗﻲ … ﺯﻭﺍﺟﻲ … ﻋﻤﺎﺩ … ﺍﻟﺼﻮﺭ … ﻛﻞ
ﺷﻲ ﻛﻞ ﺷﻲ …….
ﻫﺮﺑﺖ … ﺣﺘﻰ ﻭﺭﺍﻳﻲ ﻣﺎ ﺣﺒﻴﺖ ﺍﺗﻄﻠّﻊ … ﺧﻔﺖ ﺍﺫﺍ ﺍﺗﻄﻠّﻌﺖ ﻭﺭﺍﻳﻲ ؛
ﺷﻲ ﻣﻦ ﺍﻟﻠﻲ ﺗﺮﻛﺘﻪ ﻳﺸﺪّ ﻗﻠﺒﻲ ﻭ ﻳﺮﺟّﻌﻨﻲ … ﺑﺲ ﺍﻟﺴﺒﺐ ﺍﻟﺮﺋﻴﺴﻲ
ﻟﻬﺮﻭﺑﻲ ﻛﺎﻥ ﺍﻟﻨﺎﺱ … ﻛﺎﻧﺖ ﺻﻮﺭﻱ ﻋﻠﻰ ﻛﻞ ﺍﻟﺘﻠﻔﻮﻧﺎﺕ … ﺷﺎﻓﻨﻲ ﻟﻲ
ﺑﻴﺴﻮﻯ ﻭ ﺍﻟﻠﻲ ﻣﺎ ﺑﻴﺴﻮﻯ … ﻛﻨﺖ ﻛﻞّ ﻣﺎ ﺷﻮﻑ ﺣﺪﺍ ﻋﻢ ﻳﺘﻄﻠّﻊ ﻋﻠﻴﻲ
ﺣﺴّﻪ ﺷﺎﻳﻒ ﺻﻮﺭﻱ ﻭ ﺑﻴﻌﺮﻑ ﻗﺼﺘﻲ ﻟﻬﻴﻚ ﺣﺒﻴﺖ ﺃﻫﺮﺏ ﻋﻠﻰ ﺑﻠﺪ ﺟﺪﻳﺪ ﻣﺎ
ﺑﻌﺮﻑ ﺣﺪﺍ ﻓﻴﻪ … ﻳﻮﻡ ﺍﻟﻠﻲ ﻫﺮﺑﺖ ﻗﻔﻠﺖ ﻗﻠﺒﻲ ﺑﻤﻔﺘﺎﺡ ﻭ ﺭﻣﻴﺘﻪ … ﻭ
ﻓﺘﺤﺖ ﻋﻘﻠﻲ ﻣﻨﻴﺢ ﻣﻨﻴﺢ ﻣﻨﻴﺢ ﺣﺘﻰ ﺍﻗﺪﺭ ﺃﻭﻗﻒ ﻣﻦ ﺟﺪﻳﺪ ﻭ ﺇﺑﺪﺃ ﺣﻴﺎﺓ
ﺟﺪﻳﺪﺓ …. ﻭﻗﺖ ﻃﻠﻌﺖ ﺍﻟﻄﻴﺎﺭﺓ ﻣﻦ ﺑﻠﺪﻱ ﺑﻜﻴﺖ … ﺑﻜﻴﺖ ﻛﺘﻴﻴﻴﻴﻴﻴﺮ
ﺑﺘﻌﺮﻑ ﻟﻴﻪ ؟؟؟ ﻹﻧّﻲ ﻛﻨﺖ ﺣﺎﺑّﺔ ﺩﻣﻮﻋﻲ ﻳﺨﻠﺼﻮﺍ ﻗﺒﻞ ﻣﺎ ﺃﻭﺻﻞ ﻋﻠﻰ
ﺣﻴﺎﺗﻲ ﺍﻟﺠﺪﻳﺪﺓ … ﻣﺎ ﻛﺎﻥ ﺑﺪﻱ ﺩﻣﻮﻉ ﻭ ﺑﻜﺎﺀ ﻫﻮﻥ … ﻛﺎﻥ ﺑﺪﻱ ﻋﻴﺶ
ﺑﺴﻌﺎﺩﺓ ﻭ ﺣﺮﻳﺔ ﻭ ﺑﺬﺍﻛﺮﺓ ﺟﺪﻳﺪﺓ …. ﺃﻭﻝ ﻣﺎ ﺍﺟﻴﺖ ﻟﻬﻮﻥ ﻋﻠﻰ ﻫﺎﻟﺒﻠﺪ
… ﻣﺎ ﻛﻨﺖ ﺑﻌﺮﻑ ﺷﻲ … ﻛﻨﺖ ﻣﺤﺘﺎﺭﺓ ﻭﻳﻦ ﺑﺪﻱ ﺍﺷﺘﻐﻞ … ﻭﻗﺘﻬﺎ
ﺍﻟﻘﺪﺭ ﻭ ﺍﻟﺤﺐ ﻣﺸﻴﻮﺍ ﻣﻌﻲ ﻭ ﺃﺧﺪﻭﻧﻲ ﻋﻠﻰ ﺷﺮﻛﺔ ﻛﺮﻳﻢ ﺧﻴﺮﺍﻟﻠﻪ …
ﻗﺪﺭﻱ ﻛﺎﻥ ﻣﺨﺒﻴﻠﻲ ﺍﻟﺤﺐ ﻭ ﺍﻟﻌﺬﺍﺏ ﺑﻨﻔﺲ ﺍﻟﻮﻗﺖ … ﺍﺗﻌﺬﺑﺖ ﻛﺘﻴﺮ ﻭﻗﺖ
ﺍﻋﺘﺮﻓﺘﻠﻲ ﺑﺤﺒﻚ ﺇﻟﻲ … ﻛﻨﺖ ﺧﺎﻳﻔﺔ ﻣﻨﻚ … ﻛﻨﺖ ﺧﺎﻑ ﻭﻗﺖ ﺗﻠﻤﺲ ﺇﻳﺪﻱ
… ﻛﻨﺖ ﺧﺎﻑ ﻭﻗﺖ ﻧﻜﻮﻥ ﻣﻊ ﺑﻌﺾ … ﺑﺲ ﺑﻌﺪﻳﻦ ﺻﺮﺕ ﺇﺭﺗﺤﻠﻚ ﺷﻮﻱ
ﺷﻮﻱ … ﻛﻨﺖ ﺣﺎﻭﻝ ﻛﺘﻴﺮ ﻣﺎ ﺇﺳﻤﺢ ﻟﻠﻤﺎﺿﻲ ﻳﺪﻣّﺮ ﺍﻟﺤﺎﺿﺮ ﻭ ﻻ ﻳﺠﻲ ﻋﻠﻰ

ﺣﻴﺎﺗﻲ ﺍﻟﺠﺪﻳﺪﺓ … ﺑﺲ ﻗﺪ ﻣﺎ ﺣﺎﻭﻟﺖ … ﺍﻟﺬﺍﻛﺮﺓ ﺑﺘﻬﺰﻣﻚ ﺍﻧﺖ ﻭ ﻗﻠﺒﻚ
… ﺍﻟﺬﺍﻛﺮﺓ ﺑﺘﺼﻴﺮ ﺗﺮﺍﻓﻘﻚ ﻟﻴﻞ ﻭ ﻧﻬﺎﺭ … ﺑﺘﺨﻠﻴﻚ ﺗﺘﺬﻛﺮ ﻛﻞ ﺷﻲ ﻋﺸﺘﻪ
ﺑﺎﻟﻤﺎﺿﻲ .. ﺣﺘﻰ ﺃﺩﻕ ﺍﻟﺘﻔﺎﺻﻴﻞ ﺑﺘﺬﻛﺮﻙ ﻓﻴﻬﺎ … ﻭ ﺑﺘﺪﻣﺮﻙ ﺷﻮﻱ ﺷﻮﻱ
… ﻛﻨﺖ ﺃﻭﻗﺎﺕ ﺭﻣّﻢ ﺣﺎﻟﻲ ﻭ ﺍﺭﺟﻊ ﺃﻭﻗﻒ ﻣﻦ ﺟﺪﻳﺪ … ﻟﻮﻗﺖ ﻣﺎ ﻗﺮﺭﺕ
ﺍﻫﺮﺏ ﻣﻦ ﺟﺪﻳﺪ … ﻟﺤﻈﺘﻬﺎ ﺍﻋﺮﻓﺖ ﺍﻧﻲ ﻭﻳﻦ ﻣﺎ ﺗﺮﻛﺘﻪ ﻟﻠﻤﺎﺿﻲ ﺭﺡ ﻳﺒﻘﻰ
ﻣﻼﺣﻘﻨﻲ … ﻃﻠﻌﻠﻲ ﺇﺩﻭﺍﺭﺩ ﻭ ﻛﺎﻥ ﻓﻲ ﺻﻮﺭ ﻛﺘﻴﺮ ﺇﻟﻲ ﻣﻮﺟﻮﺩﺓ ﻣﻌﻪ ﻭﻗﺖ
ﺷﻔﺖ ﺍﻟﺼﻮﺭ ﻣﻊ ﺇﺩﻭﺍﺭﺩ ﺍﺗﺨﻴّﻠﺘﻪ ﻋﻤﺎﺩ … ﺻﺮﺕ ﺷﻮﻓﻪ ﻋﻤﺎﺩ ﻭﺍﻗﻒ ﻗﺪّﺍﻣﻲ
ﻭ ﻛﺬﺍ ﻣﺮﺓ ﺍﺗﺨﻴّﻠﻪ ﻭﺣﺶ ﺑﺪﻭ ﻳﺎﻛﻠﻨﻲ … ﺇﺩﻭﺍﺭﺩ ﺩﻣّﺮ ﻛﻞ ﺷﻲ ﺭﻣّﻤﺘﻪ …
ﺇﺩﻭﺍﺭﺩ ﺟﺒﻠﻲ ﺍﻹﺷﻴﺎ ﺍﻟﻠﻲ ﺗﺮﻛﺘﻦ ﺑﺒﻴﺖ ﺃﻫﻠﻲ ﻭ ﺑﻠﺪﻱ … ﻣﺎ ﺑﻌﺮﻑ ﺍﺫﺍ ﻛﺎﻥ
ﺑﻴﺴﺘﺎﻫﻞ ﻳﻤﻮﺕ ﺃﻭ ﻻ … ﻣﺎ ﺑﻌﺮﻑ ﺍﺫﺍ ﺃﻧﺎ ﻣﺴﺎﻣﺤﻴﺘﻪ ﺍﻭ ﻻ … ﺭﺡ ﺍﺗﺮﻙ
ﻫﺎﻟﻤﻮﺿﻮﻉ ﻟﺮﺏّ ﺍﻟﻌﺎﻟﻤﻴﻦ ﻭ ﻫﻮ ﺑﻴﻌﺮﻑ ﻛﻴﻒ ﻳﺎﺧﺪﻟﻲ ﺣﻘﻲ … ﺑﺲ ﻋﻤﺎﺩ
…… ﻣﺎ ﺑﺴﺎﻣﺤﻪ ﺃﺑﺪﺍً … ﺑﺘﻌﺮﻑ ﻟﻴﻪ ؟؟؟ ﻹﻧﻪ ﻛﺎﻥ ﻋﻢ ﻳﺠﻤّﻊ ﺃﻣﻮﺍﻟﻪ ﻭ
ﻳﺴﺘﻐﻨﻲ ﻋﻠﻰ ﺣﺴﺎﺏ ﺷﺮﻓﻲ ﻭ ﺳﻤﻌﺘﻲ ﻭ ﺃﻧﻮﺛﺘﻲ ﻭ ﺣﻴﺎﺗﻲ ﻛﻠﻬﺎ …
ﺍﻟﺘﺠﺎﺭ ﻛﺎﻧﻮﺍ ﻳﺴﺎﻭﻣﻮﻩ ﻋﻠﻰ ﻣﺒﺎﻟﻎ ﺿﺨﻤﺔ ﻣﻘﺎﺑﻞ ﺻﻮﺭﺓ ﺇﻟﻲ ﺃﻧﺎ ﻭ ﻻﺑﺴﺔ
ﻻﻧﺠﻴﺮﻱ ﺃﻭ ﺗﻴﺎﺑﻲ ﺍﻟﺪﺍﺧﻠﻴﺔ … ﻭ ﻫﻮ ﻛﺎﻥ ﺑﻜﻞّ ﺑﺮﻭﺩﺓ ﺃﻋﺼﺎﺏ ﻳﺒﻌﺘﻠﻦ
ﺍﻟﺼﻮﺭ ﺣﺘﻰ ﻳﻄﻤﺮ ﺣﺎﻟﻪ ﺑﺎﻟﻤﺼﺎﺭﻱ …………. ﻫﺎﻟﻤﻮﺿﻮﻉ ﻛﺘﻴﺮ
ﺑﻀﺎﻳﻘﻨﻲ …. ﺣﺒﻴﺖ ﺍﺣﻜﻴﻠﻚ ﻳﺎﻩ ﺑﺎﻟﻤﺨﺘﺼﺮ ﻹﻧﻪ ﻣﺎ ﺑﻘﺪﺭ ﺍﺣﻜﻴﻠﻚ ﺗﻔﺎﺻﻴﻞ
ﺍﻛﺘﺮ ﻣﻦ ﺍﻟﻠﻲ ﺣﻜﻴﺘﻦ …. (((((((( …..
ﺧﻠّﺼﺖ ﻳﺎﺳﻤﻴﻦ ﻛﻼﻡ ﻭ ﺣﻨﺖ ﺭﺍﺳﻬﺎ … ﺑﺲ ﻛﺮﻳﻢ ﺭﻓﻌﻠﻬﺎ ﺭﺍﺳﻬﺎ ﻭ ﻣﺴﺢ
ﺩﻣﻮﻋﻬﺎ ….
ﻛﺮﻳﻢ : ﺭﺡ ﻗﻠّﻚ ﺷﻲ ﻭﺍﺣﺪ ﻭ ﺑﺘﻤﻨّﻰ ﺗﻔﻬﻤﻴﻪ ﻣﻨﻴﺢ …
‏( ﻭﻗﺖ ﺍﻟﻮﺣﺪﺓ ﻳﻜﻮﻥ ﻋﻨﺪﻫﺎ ﻃﻔﻞ ﺻﻐﻴﺮ … ﺑﺘﻜﻮﻥ ﺣﺬِﺭﺓ ﻛﺘﻴﺮ ﻣﻦ ﻛﻞ
ﺷﻲ ﻣﻤﻜﻦ ﻳﺌﺬﻳﻪ … ﺣﺘّﻰ ﺍﻧﻬﺎ ﻭﻗﺖ ﺗﻜﻮﻥ ﺑﺪﻫﺎ ﺗﺮﺿﻌﻪ ﻣﻦ ﺻﺪﺭﻫﺎ ؛
ﺑﺘﻤﺘﻨﻊ ﻋﻦ ﺑﻌﺾ ﺍﻷﻛﻼﺕ ﺣﺘﻰ ﻣﺎ ﺗﺴﺒﺒﻠﻪ ﺃﻱ ﺃﺫﻳﺔ ﺃﻭ ﺇﺯﻋﺎﺝ … ﻭ ﺑﺘﺘﺨﻠﻰ
ﻋﻦ ﻛﺘﻴﺮ ﺇﺷﻴﺎ ﻛﺮﻣﺎﻝ ﺭﺍﺣﺘﻪ ﻭ ﺳﻌﺎﺩﺗﻪ …
ﺑﺲ ﺇﺫﺍ ﻛﺎﻧﺖ ﻫﺎﻟﻮﺣﺪﺓ ﻣﺮﺕ ﺃﺑﻮﻩ … ﻣﺎ ﺑﺘﻨﺘﺒﻬﻠﻪ ﺃﺑﺪﺍً … ﻣﺎ ﺑﺘﺤﻤﻴﻪ ﻣﻦ
ﺍﻷﺫﻳﺔ … ﺑﺎﻟﻌﻜﺲ .. ﻫﻲ ﺍﻟﻠﻲ ﺑﺘﺌﺬﻳﻪ … ﺑﺘﺪﻣﺮﻟﻪ ﻧﻔﺴﻴﺘﻪ … ﺑﺘﻘﻄﻊ
ﻋﻨﻪ ﻃﺮﻳﻖ ﺍﻟﺴﻌﺎﺩﺓ … ﻭ ﻭﻗﺖ ﻳﻜﻮﻥ ﺯﻭﺟﻬﺎ ﻣﻮﺟﻮﺩ ﺑﺘﻌﺎﻣﻠﻪ ﻛﺈﻧﻬﺎ ﺇﻣّﻪ
ﺍﻟﻠﻲ ﻭﻟﺪﺗﻪ … ﻳﻌﻨﻲ ﺣﺐ ﻣﺰﻳّﻒ ‏)
ﻳﻌﻨﻲ ﺍﻟﻠﻲ ﺑﺪﻱ ﻗﻠﻚ ﻳﺎﻩ … ﺍﻧﻮ ﻋﻤﺎﺩ ﻛﺎﻥ ﻣﺘﻞ ﻣﺮﺕ ﺍﻷﺏ … ﻭ ﺃﻧﺎ ﺭﺡ
ﻛﻮﻥ ﺑﻤﺜﺎﺑﺔ ﺍﻣّﻚ … ﻣﺶ ﺑﺲ ﺍﻣّﻚ … ﺭﺡ ﻛﻮﻥ ﻋﻴﻠﺘﻚ ﻭ ﺃﻫﻠﻚ ﻭ ﺻﺪﻳﻘﻚ ﻭ
ﺣﺒﻴﺒﻚ ﻭ ﺃﻟﺪﻧﻴﺎ ﻛﻠﻬﺎ …
ﻳﺎﺳﻤﻴﻦ : ﺍﻓﻬﻤﺖ ﻋﻠﻴﻚ … ﺑﺲ ﺃﻧﺎ ﻛﻤﺎﻥ ﺑﺪﻱ ﻗﻮﻝ ﺷﻲ ﻭ ﺑﺘﻤﻨﻰ ﺗﻔﻬﻤﻪ
…… ﺃﻧﺎ ﺻﺢ ﺑﺤﺒﻚ ﻭ ﺣﺐ ﺻﺎﺩﻕ …. ﺑﺲ ﺃﻧﺎ ﺑﻌﺘﺬﺭ ﻣﻨﻚ ﻛﺮﻳﻢ … ﺃﻧﺎ
ﻣﺎ ﺑﻘﺪﺭ ﺍﻧّﻮ ﻧﺘﺰﻭّﺝ …. ﺃﻧﺎ ﺻﺪﻗﺎً ﻣﺘﻀﺎﻳﻘﺔ ﻭ ﺃﺳﻔﻲ ﻋﻠﻰ ﺍﻟﻘﺪﺭ ﻟﻮ ﺍﻧﻮ
ﻛﻨﺖ ﺍﻧﺖ ﺑﺤﻴﺎﺗﻲ ﻗﺒﻞ ﻋﻤﺎﺩ …. ﺳﺎﻣﺤﻨﻲ ﻛﺮﻳﻢ … ﺍﻧﺖ ﺑﺘﺴﺘﺎﻫﻞ ﻭﺣﺪﺓ
ﻣﺶ ﻣﺘﻠﻲ … ﻭﺣﺪﺓ ﻳﻜﻮﻥ ﻗﻠﺒﻬﺎ ﻛﺎﻣﻞ ﻭ ﺧﺎﻡ … ﻣﺶ ﻣﺘﻠﻲ ﺃﻧﺎ ؛ ﻗﻠﺒﻬﺎ
ﻣﺨﺰّﻕ ﻭ ﻣﺤﺮﻭﻕ … ﻣﺎ ﺗﻘﻠّﻲ ﺍﻧﻚ ﺭﺡ ﺗﺒﻘﻰ ﻣﻌﻲ ﻟﺤﺘّﻰ ﺍﺗﻘﺒّﻞ ﻓﻜﺮﺓ
ﺍﻟﺰﻭﺍﺝ … ﻛﺮﻳﻢ ﺃﻧﺎ ﺧﻠﺺ … ﻣﺴﺘﺤﻴﻞ ﺍﺗﺰﻭﺟﻚ ﻻ ﺍﻧﺖ ﻭ ﻻ ﻏﻴﺮﻙ …. ﻭ
ﻣﺎ ﻓﻴﻚ ﺗﻜﻮﻥ ﺍﻫﻠﻲ … ﻹﻧﻮ ﺍﻫﻠﻲ ﺍﻟﺤﻘﻴﻘﻴﻴﻦ ﻟﺤﺪ ﺍﻟﻴﻮﻡ ﻣﺎ ﻛﺎﻧﻮﺍ ﺍﻫﻠﻲ ﻭ
ﻣﺎ ﺳﺎﻋﺪﻭﻧﻲ ﻭ ﻻ ﻭﻗﻔﻮﺍ ﻣﻌﻲ ﻣﺘﻞ ﻣﺎ ﻻﺯﻡ ……..
____
ﺍﻟﺤﺐ ﺍﻟﺤﻘﻴﻘﻲ ….
ﺍﻟﺤﺐ ﺍﻟﺤﻘﻴﻘﻲ ﻫﻮ ﻣﺶ ﻛﻠﻤﺔ ﺑﺤﺒﻚ … ﻭ ﻻ ﺍﺷﺘﻘﺘﻠﻚ … ﻭ ﻻ ﺑﻌﻴﺶ
ﻛﺮﻣﺎﻟﻚ … ﻭ ﻻ ﺑﺘﻨﻔّﺴﻚ … ﻭ ﻻ ﺑﻌﺸﻘﻚ ….
ﺍﻟﺤﺐ ﺍﻟﺤﻘﻴﻘﻲ ﻫﻮ …. ﺍﻧّﻲ ﺍﻓﻬﻢ ﻗﻠﺒﻚ … ﺳﺎﻋﺪﻙ ﺣﺘﻰ ﻣﺎ ﺗﺮﺟﻌﻲ
ﺗﻨﻜﺴﺮﻱ ﻣﺮﺓ ﺗﺎﻧﻴﺔ … ﺍﻧّﻲ ﻣﺎ ﺃﻭﻗﻒ ﺑﻄﺮﻳﻖ ﺭﺍﺣﺘﻚ … ﺍﻧّﻲ ﺇﺳﻤﺤﻠﻚ
ﺗﻌﻴﺸﻲ ﻣﺒﺴﻮﻃﺔ … ﺃﻋﻄﻴﻜﻲ ﻓﺮﺻﺔ ﺗﻌﻴﺸﻲ ﻣﻊ ﺣﺎﻟﻚ ﺷﻮﻱ ….
ﺇﺳﻤﺤﻠﻚ ﺗﺒﻌﺪﻱ ﺣﺘﻰ ﻟﻮ ﻉ ﺣﺴﺎﺏ ﻗﻠﺒﻲ ﻭ ﺳﻌﺎﺩﺗﻲ ….
ﺍﻟﺤﺐ ﺍﻟﺤﻘﻴﻘﻲ ﻫﻮ …. ﻭﻗﺖ ﺍﻧﻄﺮﻙ ﺗﺮﺟﻌﻲ ﻟﻌﻨﺪﻱ … ﻭﻗﺖ ﺍﺑﻘﻰ ﻧﺎﻃﺮ
ﺣﺘﻰ ﻟﻮ ﻃﺎﻝ ﺍﻟﻐﻴﺎﺏ …… ﺣﺘﻰ ﻟﻮ ﻵﺧﺮ ﺍﻟﻌﻤﺮ …
ﺍﻟﺤﺐ ﺍﻟﺤﻘﻴﻘﻲ ﻫﻮ … ﺍﻧّﻮ ﺣﺘﻰ ﻟﻮ ﺍﺑﺘﻌﺪﺗﻲ ﻭ ﺻﺮﻧﺎ ﺃﻧﺎ ﺑﻤﻜﺎﻥ ﻭ ﺍﻧﺖ
ﺑﻤﻜﺎﻥ … ﺭﺡ ﻳﺒﻘﻰ ﻋﺎﻟﻤﻲ ﻭﺍﺣﺪ … ﻋﺎﻟَﻢ ﺍﻟﻴﺎﺳَﻤﻴﻦ .
____
ﻳﺎﺳﻤﻴﻦ ﺑﻨﺖ ﺣﻘﻴﻘﻴﺔ … ﻋﺎﺷﺖ ﻫﺎﻷﺣﺪﺍﺙ ﺍﻟﻠﻲ ﻛﺘﺒﺘﻬﺎ ﺣﺮﻑ ﺣﺮﻑ …
ﻳﺎﺳﻤﻴﻦ ﺑﻨﺖ ﺍﻟﻠﻪ ﺃﺭﺍﺩ ﺍﻧﻮ ﻳﻜﻮﻥ ﺣﻈّﻬﺎ

ﻗﻠﻴﻞ …
ﻣﻦ ﺑﻌﺪ ﺍﻟﻠﻲ ﺻﺎﺭ ﻣﻌﻬﺎ ﺑﺴﺒﺐ ﺯﻭﺟﻬﺎ ﻋﻤﺎﺩ … ﻣﺎ ﻗﺪﺭﺕ ﻟﻠﻴﻮﻡ ﺗﺤﺐّ ﻭ
ﺗﻮﺛﻖ ﺑﺤﺪﺍ … ﻛﻞ ﻣﺪﺓ ﺑﺘﺴﺎﻓﺮ ﻋﻠﻰ ﺑﻠﺪ ﺟﺪﻳﺪ ﺑﺘﺴﺘﻘﺮّ ﻓﻴﻪ ﻭ ﺑﺘﺤﺎﻭﻝ
ﺗﺒﻨﻲ ﺣﺎﻟﻬﺎ ﻣﻦ ﺟﺪﻳﺪ … ﺑﺲ ﺑﺴﺒﺐ ﻛﻞ ﺷﻲ ﺻﺎﺭ ﻣﻌﻬﺎ ﻭ ﻛﻞ ﺷﻲ
ﻋﺎﺷﺘﻪ … ﺻﺎﺭﺕ ﺍﻧﺴﺎﻧﺔ ﺿﻌﻴﻔﺔ ﻛﺘﻴﺮ … ﻣﺎ ﻋﺎﺩﺕ ﺗﻤﻠﻚ ﺍﻟﻘﻮّﺓ ﺍﻟﻠﻲ
ﺍﺗﺨﻠّﻴﻬﺎ ﺗﺒﻨﻲ ﺣﻴﺎﺓ ﺟﺪﻳﺪﺓ … ﻣﺎ ﻋﻨﺪﻫﺎ ﻣﻘﻮّﻣﺎﺕ ﻭ ﺩﻋﻢ ﻗﻮﻱ ﺑﻘﻠﺒﻬﺎ ،
ﻳﺨﻠّﻮﻫﺎ ﺗﻨﺴﻰ ﻭ ﺗﺘﺰﻭّﺝ ﻣﻦ ﻛﺮﻳﻢ ﺍﻟﻠﻲ ﻓﻌﻼً ﺑﻴﺴﺘﺎﻫﻞ ﺗﺤﺒﻪ ﻭ ﻳﺤﺒﻬﺎ …..
ﺍﻧﺘﻬﺖ .