الشعر هو تاج المرأة وعشان كده الاهتمام به لازم يبقا من أولوياتك 👑

على حسب الموقع الشهير healthline في 6 حاجات مضمونة لتطويل الشعر وكثافته وزيادة جماله وقوته 😍

1️⃣مساج الرأس
مساج فروة الرأس بيساعدها على امتصاص الزيوت وماسكات الشعر اللي بتستخدميها فتقدري تستفيدي بكل حاجة مفيدة فيها وتخليها تتخلل جوا مسام شعرك . دا غير إنه مساج الرأس بيحفز بصيلات وخلايا الشعر نفسها على النمو ودا هيساعد في التطويل و التكثيف .
حاولي تحطي مساج الرأس في روتينك اليومي لأنه كمان بيساعد على تخفيف التوتر والقلق .

2️⃣جل الصبار الألوفيرا
جل الصبار بينعم الشعر ويرطبه وبخلي فروة راسك طرية وكمان بيعالج القشرة ودا بالتالي هيفتح المجال لخلايا وبصيلات شعرك انها تتنفس و و تمتص الزيوت الطبيعية . ممكن تستخدمي جل الصبار العادي مباشرة على شعرك مرتين أو اكتر في الاسبوع ، أو تستخدمي شامبو او بلسم بيحتوي عليه.

3️⃣زيت جوز الهند
منتجات شعر كتير بتحتوي على جوز الهند ودا لفوائده فانه بيعوض بروتين الشعر وبيخليه قوي ولامع . ممكن تستخدمي زيت جوز الهند قبل أو بعد غسل الشعر ودا على حسب نوع شعرك . لو شعرك دهني ممكن تستخدميه ك leave in بالليل لمدة ساعتين أو اكتر بعدين اغسلي شعرك . ولو شعرك جاف استخدميه ك leave in من غير ما تغسلي شعرك بعده .

4️⃣عصارة البصل
لو هتقدري تستحملي ريحة البصل … يبقا دوسي بقلب جامد وجربيه
عصارة البصل تم الاثبات علمياً انها ممكن تساعد على علاج داء الثعلبة . تم تجربتها على شعر الحيوانات وأثبتت ارتفاع كبير في كيراتين الشعر و تدفق الدم إلى البشرة . قومي بعصر البصل والضغط عليه ووضع العصارة دي على شعرك لمدة 15 دقيقة وبعدها اغسلي شعرك كويس.

5️⃣زيت الروزماري ( إكليل الجبل )

روزماري هي واحدة من أوائل الزيوت الأساسية اللي بيختارها الناس لتعزيز نمو الشعر وتقليل تساقط الشعر. الروزماري بيحفز نمو الشعر الجديد ويمكن استخدامه لعلاج ثعلبة الذكورة. ممكن تستخدمي الزيت وتدلكي بيه فروة الرأس مباشرة أو تحطي بضع قطرات منه في الشامبو بتاعك .

6️⃣الليمون
الليمون مفيد جداً لفروة الرأس وبصيلات الشعر ودا بيساعد على تحفيز النمو وبالتالي تكثيف وتطويل الشعر . ضعي الليمون على شعرك لمدة 15 دققة قبل غسل شعرك ، وممكن تضيف الليمون لأحد الزيوت اللي بتستخدميها .

………………..

نتمنى إن المعلومات مفيدة لك …. شاركي صديقتك عشان تشجعوا بعض 😍

#hayaa_app
#نصائح_حياة