قصص وروايات

ليشش خنتهاا ؟؟؟

قصة قصيرة مؤلمة يرويها احد الازواج 💔☹️

أنا رجال متجوز من سنتين 🌻

أنا كنت مرتبط بمرتي 7 سنين قبل الجواز كنت بحبها كتييير مع هيك بهالفترة خنتها 3 مرات بس هي الوحيدة اللي كنت بحاجتها جنبي ، هي عرفت بس سامحتني بعدين خطبنا وكانت كل فترة الخطوبة خنااق لأني ماعدت إحكيها متل أول ولا بروح لعندن عالبيت بوقتا كنت بكزب عليا وبقلا انو ما في وقت وضغط شغل مع اني كنت بلاقي وقت حكي بنات شمال ويمين وبلاقي وقت اطلع مع رفقاتي وارجع ع الفجر وبنام ساعتين واطلع ع شغلي عادي ، وكانت حجتي انو اذا طلعنا سوا لح نرجع الساعة 10 وازا انا رحت لعندن لح اطلع الساعة 12 بالليل واتحجج بأهلها و … كل الخطبة كانت هيك وكنت عطول بتهمها إنها نكدة مع انها ابدا ماكانت هيك.

المهم هي تحملت كل هاد لانها بتحبني وتجوزنا ..

بعد الجواز تقريبا اهتميت فيها اول شهرين بعدين من الشغل للنوم للطلعة مع رفقاتي و ع طول كان علساني “مو لانو تجوزنا انا بنحرم من رفقاتي ” مع انو بفترة الخطبة كنت قلها “بطلع معن هلق لأنو بعد الجواز ما رح اطلع معن غير بالمناسبات”

اليوم اللي كنت بقعدو بالبيت كنت بقضيه قدام التلفزيون وهي تصير تترجاني لإحكيلها تفاصيل إيامي وشغلي أي شي عني وانا رد ” ما في شي ما بعرف مو مهم …”

هيييك ظلينا طول فترة الجواز لحتى قالتلي انها حامل … وإجا يوم الولادة

دخلت تولد وماطلعت ،،،💔

وقتا بس حسيت بقيمتا شهر ما قدرت ادعس البيت ظليت ببيت أهلي وقت اللي رجعت كنت عم شم ريحتا بكل محل، بغرفتنا اتزكرت إنها كانت تحب تكتب مشاعرها دورت بوراقها لقيت اللي كانت عم تكتبو كل هالسنين قرأت وكانت الصدمة ..

لقيتا كاتبة كل شي، كل شي كانت كاتمتو جواتها، كتبت كل مرة احتاجتني وما لاقتني ، كل مرة خنتها قبل الجواز وبعدو كانت عم تموت من القهر ، لقيت إنها كل مرة كانت تكتب دعوة بالأخير إنو الله يرحمها لأنها ما بقى تتحمل وجع وبنفس الوقت ما فينها تتركني وتمشي لأنها بتحبني 💔

طلعت ع صورها فعلا بعيونا كان في حزن بيغرق العالم و انا ما كنت شايفو

بعد ما قريت اسودت الدنيا بعيوني حياتي صارت عتمة ظلام بظلام أنا اللي قتلتها أصلا هي كانت عايشة معي ميتة وما كنت حاسس فيا أنا حدا ما عندي لا ضمير ولا مسؤولية أنا دمرت وحدة كل ذنبها إنها حبتني

ليش خنتها مع إنها ما كانت تقصر بشي

ليش خنتها وهي اللي كانت تعمللي كل شي بدي ياه

ليش خنتها وهي كانت ملبية كل حقوقي الزوجية وزيادة

ما رح اتمنى انها ترجع لأني قد ما عملت ما رح أعرف عوضها ما رح كفر عن اللي عملتو بحقها ..🌻

 

انا كتبت قصتي لشاركها مع كل رجال

ما في داعي تتجوز وانت بتعرف حالك رح تخون

ما في داعي تعلق بنت فيك وتخليها تحبك وانت بتعرف حالك مو قد الوفا لهالحب

ما في داعي تتجوز وانت بتعرف إنك ما رح تقدر تستغني عن سهراتك ورفقاتك وطلعاتك

البنات أضعف خلق الله💙🍂

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق